алег іваныч не сцябецца
ён на сур'ёзе гэта ўсё
але ў астатнім нармалёвы
і нават мілы чалавек

алег вадзіму лайкнуў аву
праз восем хвіль даўгіх як год
вадзім таблетак наглытаўся
і горкім быў яго канец

алег ільіч чытае кнігу
пра вінтарогага казла
даходзіць да малюнка восем
глядзіць а там алег ільіч

алег іваныч форсіў тульпу
каб філасофіць удваіх
а тульпа пачала даводзіць
што форсіла яна яго

алег не лайкнуў у вадзіма
тры фоткі з дзевяноста трох
дзве помсты з трох ужо прыдумаў
над трэцяй думае вадзім

алег пятровіч носіць дзверы
туды сюды туды сюды
і вельмі голасна крыўдуе
на тых хто дурнем абзаве

алег пятровіч з'еў сабаку
на рэдактуры але тут
у кабінет зайшоў дырэктар
рэдактар аўтар гаспадар

алег ільіч засунуў палец
да ўпору ў левую наздру
ды не дастаў крыху да мозгу
бо ён кароткі у яго

алег ільіч узяў зубіла
каб збіць паганую іржу
і стала ясна што на онай
трымалася уся труба

алег барысыч памыліўся
у напісанні слова хайп
і хайпануў увесь ягоны
пэдагагічны калектыў