Чалавечая гліна

Да гэтай мажнасьці б -
ды мужнасьці,
да моцы цела -
моцы б духу, -

і хто б тады засумняваўся
у ветласьці, якой ты поўны,
у шчырасьці, якой адметны,
у пасьлядоўнасьці тваёй?

Ах, каб жа гліна чалавечая
ды не ўміналася ад ціскаў, -
як бы запаважаў сябе ты,
як бы звысакароднеў сьвет!..

Ніна Мацяш

Сёння ўночы памярла Ніна Мацяш.
Вечны супакой дай ёй, Пане, і Святло вечнае няхай ёй свеціць+