ԼԱԽԳ - ԶԼՄ-ների գնահատման գործիք
Originally published at Կորեոլան. You can comment here or there.
Այսօր այնքան թերթ ու լրատվակայք ու ես շատ գիտեմ էլ ինչ կա, որ մարդ խճճվումա դրանց արանքում։ Հիմնական հարցը էնա, թե ոնց պարզենք արդյո՞ք տվյալ ԶԼՄ-ն տուֆտում ու յուղա վառում, թե ոչ։ Իհարկե, մենք բոլորս ունենք մեր նախասիրությունները ու նաև ինտուիտիվ զգում ենք, թե ում վստահենք, ում` ոչ, բայց դե ինտուիցիան կարող է խաբել։ Վստահ լինելու համար, մեզ թվային կոնրետ տվյալներ են պետք, որոնք պետք եղած ժամանակ նույնիսկ Հաագայի միջազգային դատարան կարող ենք ներկայացնել։
Լավ, բա ի՞նչ անել։ Ուրեմն ասեմ, սիրելի փոքրիկներ և մեծիկներ, այդ հարցում մեզ կօգնի ԼԱԽԳ-ը։
Ի՞նչ է ԼԱԽԳ-ը։ Լավատեղյակ Աղբյուրների Խտության Գործակից։ ԼԱԽԳ-ը սահմանվում է նյութերի (լուրեր, հոդվածներ) որոշակի բազմության համար, որպես այդ բազմության մեջ լավատեղյակ աղբյուրներին հղում կատարող նյութերի և բոլոր նյութերի հարաբերություն։
ԼԱԽԳ = (լավատեղյակ աղբյուրներին հղում կատարող նյութերի քանակ) / (նյութերի ընդհանուր քանակ)
Ակնհայտ է, որ ԼԱԽԳ-ն [0;1] միջակայքի թիվ է։ Եթե շատ եք ուզում, ԼԱԽԳ-ը նաև տոկոսային տեսքով կարող ենք սահմանել.
ԼԱԽԳ = (լավատեղյակ աղբյուրներին հղում կատարող նյութերի քանակ) / (նյութերի ընդհանուր քանակ) * 100%
Լավատեղյակ աղբյուրներին հղում անող են այն նյութերը, որոնք կամ ուղղակի պարունակում են այդպիսի հղում, կամ հղում են անում այլ լավատեղյակ աղբյուրներին հղում անող նյութի։ Օրինակ` եթե գրված է «ինչպես արդեն տեղեկացրել էինք, բլաբլաբլա» ու այդ «տեղեկացրել էինք»-ում գրված է «մեր լավատեղյակ աղբյուրները», ուրեմն «նաշ կլիենտ»։
Ով չհասկացավ, կարա մի քիչ սա կռծի` Рекурсивное определение, հաջորդ դասին կստուգեմ։
Հիմա, այս ԼԱԽԳ-ը ցույց է տալիս ԶԼՄ-ի տուֆտելու և յուղ վառելու հավանականությունը։ Օրինակ` մենք կարող ենք հաշվել ԼԱԽԳ-ը որևէ ԶԼՄ-յի ներքաղաքական կյանքի մասին վերջին մեկ շաբաթվա նյութերի համար։ Ու եթե այն ասենք կազմեց 0.9 (90%) ուրեմն տվյալ ԶԼՄ-ն ներքաղաքական կյանքի մասին մի 0.9 (90%) հավանականությամբ գլուխ է բռնաբարում։
Ընդ որում, այս ԼԱԽԳ-ը կարող է շատ օգտակար լինել նաև լրատվական դաշտն առողջացնելու համար։ Դրա համար պիտի միայն օրենքի ուժով փակել այն բոլոր ԶԼՄ-ները, որոնց համար որոշակի ժամանակահատվածում ԼԱԽԳ-ը կգերազանցի որոշակի թիվը, իսկ փակված ԶԼՄ-ի անձնակազմին էլ ուղարկել ուղղիչ աշխատանքներ կատարելու և վերադաստիարակավելու։