Тарт з чарнасліву
Выхад: 8 порцый
Для цеста:
330 г мукі,
дробка солі,
100 г цукровай пудры,
200 г астуджанага сметанковага масла, сечанага,
2 яйкі.
Для начыння:
175 г чарнасліву,
50 мл каньяку.
Для крэму:
125 г сметанковага масла пакаёвай тэмпературы,
125 г цукру,
3 яйкі, ўзбітых,
125 г молатага міндаля,
1 ч. лыжка кукурузнай мукі.
Прыгатаваць цеста. Прасеяць муку, соль і цукровую пудру ў міску. Дадаць сечанае сметанковае масла і расцерці яго кончыкамі пальцаў да ўтварэння дробнай крошкі. Узбіць 2 яйкі, дадаць іх у міску і замясіць цеста. Загарнуць цеста ў харчовую плёнку і паставіць у лядоўню не менш, чым на 1 ч.
Замачыць чарнасліў ў каньяку на 30 хвілін. Папярэдне разагрэць духоўку да тэмпературы 190 градусаў С.
Раскатаць цеста ў круглы пласт таўшчынёй 3 мм і выкласці ў раздымную круглую форму для выпечкі дыяметрам 28 см. Акуратна абрэзаць края, насекчы відэльцам аснову тарта і паставіць у лядоўню на 15 хвілін.
Прыгатаваць міндальны крэм. Узбіць сметанковае масла і цукар да крэмаабразнага стану. Дадаць трохі ўзбітых яек за адзін раз, працягваючы ўзбіваць, а затым змяшаць з молатым міндалем і кукурузнай мукой.
Размеркаваць міндальны крэм па аснове тарта. Выкласці зверху замочаны чарнасліў і выпякаць у духоўцы 30 хвілін да залацістага колеру. Астудзіць тарт, затым выняць з формы і падаваць.
© Святлана Калтовіч, 2011 г.