Трускаўкі з мятнымі вяршкамі
Выхад: 4 порцыі
1/4 шклянкі цукру,
2 шклянкі свежага лісця мяты, буйна нарэзанай,
1 шклянка густых вяршкоў,
2 шклянкі трускавак, вычышчаных ад пладаножек і тонка нарэзаных,
галінкі мяты для ўпрыгожвання.
Падрыхтоўка сіропу: у невялікім рондалі на ўмераным агні цукар, мяту і 2 ст. лыжкі вады давесці да кіпення. Зняць з агню; настаяць 15 хвілін. Працадзіць праз дробнае сіта ў мерную шклянку. Адкінуць жмых. Астудзіць (атрымаецца каля 1/4 шклянкі).
Тым часам, у вялікай місцы ўзбіць вяршкі да моцнай пены. Акуратна змяшаць з 1/4 шклянкі мятнага сіропу; пры неабходнасці, паўторна ўзбіць вяршкі да моцнай пены.
Пачынаючы з трускавак, выкласці па чарзе пласты трускавак і вяршкоў у чатыры крэманкі. Зверху кожную ўпрыгожыць галінкай мяты.
© Святлана Калтовіч, 2011 г.