ԹՈՒՐՔԻԱՅՈՒՄ ՀԵՐԹԱԿԱՆ ՀԱՅԿԱԿԱՆ ԳԵՐԵԶՄԱՆԱՏՈՒՆՆ Է ԱՎԵՐՎԵԼ
Թուրքիայում հերթական հայկական գերեզմանն է պղծվել:
Այս մասին հայտնում է թուրքական «Այքըրը Դողրուլար» թերթի հայազգի թղթակից Ջևաթ Սինեթը:
Սղերթ (թուրքերեն` Սիիրթ)-Էրուհ ավտոճանապարհի շինարարության ժամանակ քարուքանդ է արվել «Խերթ» քրդական անունը կրող գյուղի մոտակայքում գտնվող հայկական գերեզմանատունը:
Հարյուրավոր տապանաքարերն ամբողջովին քանդված են, իսկ տեղ-տեղ անգամ երևում են մարդկային ոսկորներ:
Ավտոճանապարհի շինարարությունը նույն թափով շարունակվում են, իսկ հայկական գերեզմանատանը կատարվող սրբապղծությամբ ոչ ոք չի հետաքրքվում` ոչ շինարարները, ոչ էր շրջանի ղեկավարները:
Ամբողջովին ավերվել է նաև մատուռը, որը գտվում էր գերեզմանատանը կից: