12 ԹՈՒՐՔ ՀԱՏՈՒԿՋՈԿԱՏԱՅԻՆՆԵՐ ԵՆ ՍՊԱՆՎԵԼ ՀՈՒՅՆԵՐԻ ԿՈՂՄԻՑ
1996 թվականի թուրք-հունական ճգնաժամի ժամանակ հույն գործակալները 12 թուրք հատուկջոկատայինների են սպանել: Այս մասին տեղեկացնում է թուրքական մամուլը` հղում կատարելով հունական Ta Nea թերթին:
Ta Nea-ի լրագրող Կոստաս Խարդավելլասն իր հոդվածում նշում է, որ իր ուսումնասիրությունը տևել է 12 տարի, ինչի արդյունքում հետաքրքիր տեղեկություններ է պարզել:
1996 թվականին Էգեյան ծովում գտնվող վիճելի Իմիա (թուրքական տարբերակով` Քարդաք) կղզում թուրք հատուկջոկատայինները պարզել էին Թուրքիայի դրոշը: Հույներն այս նրանց այս քայլը չեն ներել և անցել են պատասխան գործողությունների:
Ըստ հոդվածագրի` Թուրքիայի և Հունաստանի միջև վեճի առարկա հանդիսացող կղզում դրոշ պարզած 12 թուրք հատուկջոկատայինները հետագայում սպանվել են:
Հույն գործակալները 12 թուրք հատուկջոկատայինների սպանություններն իրականացրել են մի քանի տարիների ընթացքում: