La (familia) nomo de l' murdanto

[estunto]

Unue mi kiel multaj supraĵe konsideris "kronviruso" sufiĉe trafa traduko, ĉar "krono" ja estas la Esperanta vorto por la latina corona. La latina vorto corona en nia pli preciza lingvo havas tamen ankaŭ alian eblan signifon, nome korono. Kiun el la du malsamaj coronae celis la terminologo, kiu elpensis coronavirus? Ni tridimensie rigardu la

Comments

[n0mad0]

Al mi ŝajnas, ke se oni fosus pli profunde do trovus, ke "korono" devenas de "krono". Memkompreneble temas pri koncernataj latinaj nocioj. Mi ne mirus, se oni trovus, ke la terminologo-virusologo eĉ ne suspektis pri ekzisto de la korono. Entute sorto de nomoj kaj terminoj estas iam tre stranga. En la rusa oni uzas por besto kobajo la nomon "mara porketo", malgraŭ ĝi tute ne estas porko kaj timas akvon.

Kial Esperanto ne devas sekvi tradicion de naciaj lingvoj kaj esperantigi la vorton coronavirus? Kio koncerne na rotavirus?

[estunto]

Krono kaj korono evidente ambaŭ venas de corona. Latinaj vortoj ofte havas plurajn signifojn, Esperantaj nur po unu, Fuŝantaj po alian ol la celatan. Jen kial Latino mortis, kaj Fuŝanto floras.
Mikrologoj emas kleri pri makrokosmaĵoj pli ol pri reĝaj surkapaĵoj. Ĉu la nomo Oliver diras ion al vi? Fakte ni devus demandi lin, sed li ree ŝajnas glutita de la tero. Eble li kaj la ĝiisto nun alianciĝas kontraŭ mi.
Ĉu vi ne konas Meerschweinchen?
Esperanto estu ne kaosa sed logika lingvo. Aŭ ĉu vi ŝatus paroli EU-anglaĉan? Novaj vortoj laŭ eble sekvu ne iajn sed niajn regulojn. Rotavirus estas radviruso. Kial ne?

[n0mad0]

En Vikipedio mi esploris artikolojn pri la viruso kaj trovis, ke fakte en ĉefaj lingvoj estas uzata la latina nomo. Do kial Lingvo Internacia rezignu internacian tradicion kaj preferu rusan originalan vojon? Ĉu vere estas gravaj kialoj por ne uzi la latinan vorton kiel memstaran radikon sed anstataŭ "grati dekstran orelon de sub maldekstra genuo"? Ĉu ankaŭ oni devus sekvi ĉi logikon en aliaj kazoj kaj anstataŭ "dinosaŭroj" necesas uzi ion similan al "teruraj saŭroj"?

>Eble li kaj la ĝiisto nun alianciĝas kontraŭ mi.
Mi dirus, ke samtempa malapero de ĉi paro tre suspektindas.

[estunto]

Jen kion mi pensis! Ne povas temi pri hazardo! Ambaŭ havas po gravan motivon por voli min morta: Oliver, ĉar mi tro scias pri lia subfosa agado. Ivudio, ĉar mi neniam aprobis lian atakon kontraŭ la pronomoj. Krome ili envias min pro esti leviĝanta stelo sur la Esperanta firmamento. Iu frapas je la pordo!!! Ne atendu komenton de mi morgaŭ, mi devas malaperi!!

[n0mad0]

Strangeco kaj suspektindeco de la afero plialtiĝas: Tuj post ĉi dialogo Oliver aperis en Jutubo.

[estunto]

Jen konvena hazardo! Se Oliver kredas tion sufiĉa alibio, li estas komencanto. Najbara hundo forpelis la duon, sed Oliver perdis haron, kiun mi jam identigis sub mikroskopo. Krome en la buŝo de l' hundo troviĝis peceto de akre bunta ŝtofo tre nekutima por ĉi tiu kontinento kaj sezono - kun vertikale inversa teksturo.

[n0mad0]

Do la hundo meritis aldonan bovlon da Pedigree. Atendu ni novan filemeton de Evildea, kie li (ĝi?) restos stari dum tuta tempo. Kial nifanoj ne deziras gardi sian teran helpanton? Ĉu ili povos trovi alian agenton kompareblan je valoro?

[estunto]

Mi nun timas, ke la hundo jam ricevigis al si rekompencon. Bedaŭrinde eblas, ke ni ne revidos niajn du samideanojn. La jutubaĵo de Oliver evidente registritas antaŭe, kaj Ivudio restas kiel glutita de - ne la tero. Kvankam tio solvas problemon, mi tamen tristas. Fino tiel tragika tute ne necesis. Mi malgraŭ la diverĝoj ĉiam pretis dialogi. Ni ja ĉiuj estis Esperantistoj! Ĉu mi povus kalkuli je l' nifanoj? Ili sufiĉe malpacas inter si mem! La surnifa etoso streĉitas. Kelkaj diras, ke ili volas hejmen, ke la Tero ne estas kiel imagita de ili. Kelkaj ekŝatis Putinkon...

[n0mad0]

Via respondo frakasas mian lastan esperon pri racia estonto por homaro. Restas nur estunto. Mi devas veni al putinkujo por konsoliĝi.

[estunto]

Ĉu proksime al via loĝejo troviĝas gemuta putinkejo? Survoje vi eble povus preĝi iom en la preĝejeto.

[n0mad0]

Ĉiu koscienca civitano kaj patrioto devas havi sufiĉan provizon da "Putinka" hejme. Tamen putinkejoj atingeblas tra la urbo. Ili ne estas tiomgrade multnombraj kiel nutraĵaj magazenoj, apotekoj kaj vendejoj por funebraĵoj, sed en ĉiu strato situas loko, kie oni povas trinki ion varmigan kaj gajigan je sano de PdN.

[estunto]

Eble PdN mem ne dirus »ne« al glaseto nun. Paĉjo montriĝas perfida kamarado. Malgraŭ la intertraktoj pri integriĝo li daŭre serĉas aliajn partnerojn por importi brulaĵon kaj eksporti terpomojn. Ĉu en tia vendejo de funebriloj mendeblas tombŝtono kun gravurita bildego de malamiko aŭ de hejma krokodilo?

[n0mad0]

PdN lastatempe havas multegajn kialojn por drinki: obstino de Paĉjo, malagrablaj novaĵoj el Sirio, fakta fiasko de konstruataj gasoduktoj, terura kronviruso/koronoviruso/koronaviruso/ktp kaj nova muzika filmeto de Lindemann.

>Ĉu en tia vendejo de funebriloj mendeblas tombŝtono kun gravurita bildego de malamiko aŭ de hejma krokodilo?
Jes ja. Ne estas iuj problemoj. Plenumitus ajna kaprico kontraŭ via mono. Mia najbaro laboris dum tuta vivo kiel traktoristo. Post lia morto la parencoj mendis por la tombo monumenton, kiu havas surface pejzaĝon kun betuoj kaj traktoro.

[estunto]

Ni scias, kia tubero gravuritos sur la tombŝtono de Paĉjo. Jes ja, mi ne envias PdN! Li laste aspektas iom malsaneta kaj eble devus pensiuliĝi. Sed kiu anstataŭ li kapablus kun nuda torako lanci demonajn nifojn kaj virusajn reĝojn?

[n0mad0]

Vi preskaŭ ĝisvorte ripetas la ŝatatan sloganon de nia ŝtataj propagandistoj: "Kiu do krom Putin?!" Ĉu via vivprotokolo kaj rekomendleteroj jam estas senditaj al respektivaj oficoj?

[estunto]

Vi kredas min la viro krom Putin? Ĉu Idisto entute rajtas kandidati? Mi aŭdis, ke PdN ne ŝatas kromkandidatojn.