Ube me esas?
Fidela lekteri di mea blogo e komenti en altra loki forsan remarkis ke me evitas mencionar la nomo dil lando en qua me vivas. Me sufras de speco di paranoyo, ma paranoyo qua es frukto di multa, multa mala experienci. Altraflanke: Ka me es poltrono, o ka mea evito es ya oportuna al promoceri di tal experienci? Oportas dicar ke la certena lando es sat mikra, e tala es la menti di ti qui olun habitas. Lia menti mikra e maligna influas politiko sat mala anke sen to. Ca lando ne esas tamen famoza pro mala vivo o politikal supresado. Kontree: Omni, adminime la hika televiziono, radio e jurnali, sembligas olu kom modelo envidiata dal tota mondo, bonregnata da puerulego ambicioza e populara. Yen quon me questionas: Kad ol ne meritus famo plu simila al vereso? Omnakaze: Interesus me, ka vi, kara lekteri, kredas ja savar o havas forta supozo, qua es ca lando quans nomon me til nun tacas. Vi ne mustas dicar la nomo ipsa. Suficas aludo od aludi.