Сярод усёй гэтай ушчэнт нярвуючай руціны мне, бадай, зараз хочацца аднаго. Знікнуць на некалькі дзён і правесці іх на беразе якой-небудзь рэчкі з вудой у руках.

Неяк усё дастала. Хочацца кудысьці выбрацца і нешта змяніць хоць на момант. Палова лета мінула, а я ўсё працую, працую, працую. І Каця працуе, працуе, працуе. І графікі нашы абсалютна не супадаюць. Унутры нейкае спусташэнне, кволасць і нават адчай. Што рабіць у такім выпадку?

Да вар'яцтва люблю гарбату і за дзень выпіваю па некалькі літраў. Але час ад часу п'ю і каву, прычым гэта не залежыць ад настрою, часу ці іншага. А якім сартам / маркам / відам кавы ці гарбаты (хто што п'е) Вы аддаеце перавагу?