Дэтэктыўнае майстэрства Жоржа Сіменона прывяло да таго, што за апошнія два дні я прачытаў 250 старонак на адным уздоху. Эх, камісар Мегрэ! Дарэчы, адзін з маіх любімых літаратурных героеў, калі што.

За ўчорашні дзень прачытаў ажно 112 старонак "Сэрца на далоні" Шамякіна. Столькі за дзень не чытаў з дзяцінства, калі захапляўся Носавым і Жулем Вернам. І не сказаць, што мяне захапіў менавіта Шамякін. Мяне захапіў працэс чытання. 

Калі ў 2006 годзе я паступіў ў БДУ, у мяне дома было 2 кнігі на беларускай мове - "Людзі на балоце" і "Меч князя Вячкі". Сёньня я набыў 250-ую кнігу. Наступны рубеж - 300 - да Новага года павінен быць скораны. У Чачэвічах ужо рыхтуюцца стэлажы для маёй бібліятэкі. У Магілеве, праўда, магчымасьцяў не так шмат.

За дзень адолеў больш за сотню старонак Быкава. Заўтра еду ў вёску на выходныя. Нарэшце.

Мяне аднаго так здзіўляе павальнае захапленьне навакольля гэтай новай серыяй часопісаў пра "100 людзей, якія зьмянілі сьвет"? Жанчыны за сорак, да сарака, дзяўчынкі па 15-17 год, хлапцы!! у метро, у наземным транспарце, у парках сядзяць, ідуць і чытаюць, не звяртаючы ніякай увагі навокал. Вось гэта прага ведаў!!=)Вось гэта Лікбез. Хаця пра гэта нам ( Read more... )