Пра камандыроўкі
Некалькі назіранняў з сённяшняй камандыроўкі. Пабываў у Пінску і Драгічыне.
- ніколі больш нікуды не паеду, калі перад тым добра не высплюся. сёння некалькі разоў ледзь не заснуў за стырном, а ў некалькіх выпадках ад дтз выратавала выпадковасць.
- да Пінска лепш за ўсё дабірацца праз "алімпійку", інакш можна заблукаць. я дадумаўся паехаць сёння праз Ляхавічы.
- гутарка пінчукоў прымушае мяне думаць, што гэты горад напаўукраінскі. хаця я дапускаю, што тое паляшуцкі дыялект.
- у Пінску вельмі вузенькія вулкі і нізкая хуткасць рух. хаця ўсё лёгка знайсці. А вуліцу Іркуцка-Пінскай дывізіі называюць ІПД.
- дарога Гомель-Брэст на адлегасці Лунінец-Пінск і Пінск-Іванава нагадвае дарогу часоў ІІ сусветнай. па сваёй "дзіравасці" яна лёгка можа паспрачацца з магілеўскімі трасамі.
- у крамах "нізкіх коштаў" Пінска кошты вышэйшыя,чым на АЗС.
- перад тым як дапамагчы чалавеку, трэба моцна задумацца пра наступствы. сёння трапіў у двухсэнсоўнае становішча.
- за сёння праехаў больш, чым адлегласць ад Мінска да Масквы.
- нешта занадта шмат сустрэў па дарозе забітых жывёл - як мінімум 2 лісы, 3 вожыкаў, без катоў таксама не абыйшлося..
- пінскім праваслаўным святарам Бог у якасці службовага аўто прэзентаваў Volvo XC90.