Сёмуха, Тройца, Русалія, Зялёныя сьвяткі і ваджэньне куста... Блытаніна?

[skepsys]

Ну дык вось. Я заблытаўся канчаткова. У розных крыніцах па-рознаму:

1. Тройцу на Беларусі здаўна называюць Сёмухай...
   
2. Сёмуха гэта старадаўняе сьвята, пазьней прымеркаванае царквой да Тройцы...
   
3. "Сёмуха" таму што 7 тыдняў пасьля Вялікадня
   
4. Тройца = Пяцідзесятніца (на 50 дзень пасьля Вялікадня), сыход Cьвятога Духа на апосталаў
   
5. У Духаў дзень варожаць, завіваючы вянкі, і ўпрыгожваюць хаты зелянінай (таму "Зялёныя сьвяткі")
   
6. Русальная нядзеля акурат цераз тыдзень пасьля Сёмухі, На яе адну з дзевак упрыгожваюць зялёнымі галінкамі, называлі яе русалкаю, сьпяваюць ёй песьні.
   
7. Падчас сьвяткаваньня Русалак у адзін з дзён Зялёных сьвятак варожаць, завіваючы вянкі (дрэўцы, галінкі), каб праз тыдзень, на Тройцу(!) даведацца аб выніках
   
8. Русальны (Граны) тыдзень пачынаецца адразу пасьля Сёмухі
   
9. Русальны тыдзень пачынаецца праз тыдзень пасьля Сёмухі
   
10. Русальным тыднем завецца тыдзень перад Тройцай
    
11. Упрыгожаная зялёным лісьцем дрэў дзяўчына = "Куст". Яе водзяць на Сёмуху
    
12. "куст" водзяць на другі дзень Тройцы
    
13. На другі дзень Сёмухі ідуць у гай завіваць вянкі
    
14. ...
    

Гэта рэгіянальна? Гэта розьніца з-за старога й новага стыляў? Гэта памылковыя высновы розных зьбіральнікаў ці кампілятараў?

Давайце разбярэмся... Тройца, Сёмуха, Русаліі... Што? Калі? Чаму?