Красавік пачаўся з зімы

[bulbaed]

Вядзьмарка-зіма, нібы злая свякроў,
Шкілет захінуўшы сумётамі,
То сыкне сцюдзёнаю злосцю вятроў,
То  хлюпае гніллю-слотаю.

Прапхнулася неяк без праў і чаргі,
Заткнуўшы вясну-дзяўчушку.
Мярцвее зямля пад клюкою каргі,
І мруць пералётныя птушкі.

І людзі дзівіліся: вось навіна!
Зусім каляндар вар’яцее!
А дзесь замярзала сіротка-вясна
Пад д’ябальскі рогат завеі.