"Амерыканская трагедыя" ды "Людзі на балоце": нечаканыя перагукі

[bsu_lyceum]

На першы погляд, раманы, якія вынесеныя ў загаловак, аб'ядноўвае хіба што час, калі адбываюцца іх падзеі. І сапраўды: што можа быць супольнага паміж амерыканскімі гараджанамі ды палешукамі? Але ў дваццаць трэцяй главе другой кнігі нечакана ўзнікае трагедыя, якая перагукаецца з апошнімі главамі "Людей на балоце" - трагедыя дзяўчыны, што зацяжарыла

Comments

[viewer_by]

Вось у мяне пры далейшых роздумах узнікла толькі думка, наколькі ж лепш у наш час. Усё-такі прагрэс ёсць! У наш час героям была б лафа, і напэўна ўсе засталіся б жывыя і здаровыя. Бо столькі альтэрнатыў: хочаш - рабі аборт, хочаш - раджай і пакідай дзіця ў раддоме, хочаш - бяры сабе, гадуй самастойна, і ніхто надта моцна не будзе цябе асуджаць, а то і зусім не будзе. Хоць некаторым, як ні дзіўна, і гэтага не хапае, і не знаходзяць нічога лепшага, як выкідаць нованароджаных на сметнік або яшчэ што падобнае рабіць…
Апрача таго, у сучасных умовах было б куды больш ім шанцаў і да цяжарнасці справу не давесці.

[bsu_lyceum]

У сучасных умовах Клайду не ўдалося б збегчы з Канзасу пасля таго, як ён апынуўся ў машыне, якая збіла дзяўчынку, вось што.

[viewer_by]

Ну, нават калі б ён і не ўцёк або яго праз нейкі час злавілі б, паводле сучаснага заканадаўства яму таксама нічога не пагражала б. Хіба ён быў вадзіцелем той машыны? Не, ён быў толькі пасажырам. Значыць, у гібелі дзяўчынкі ён быў ніяк не вінаваты, бо ўся адказнасць за ДТЗ цяпер ускладаецца на вадзіцеля. Так што яму за гэта нічога не было б. Праўда, яго маглі спачатку праследаваць за ўгон, але ж сапраўдным угоншчыкам таксама быў не Клайд.

[bsu_lyceum]

А калі яшчэ глыбей узяць - сучаснае амерыканскае заканадаўства не дазволіла б яму застацца без адукацыі. Ведуючы, які кантынгент у асноўным вучыцца ў дзяржаўных школах ЗША (ясная рэч, што бацькі Клайда не маглі б дазволіць яму прыватную), можна зрабіць выснову, што ён выхоўваўся б абсалютна па-іншаму і раней бы зразумеў, што Гартэнзія яго падманвае.

[viewer_by]

Ну, хто ведае. З другога боку, і ў наш час трагедый хапае. Апрача грамадскіх умоў, вялікі ўклад унесла і натура Клайда… пэўным людзям і ў нашы часы нялёгка.

[by_dialog]

Дык і ў тыя часы зрабіць аборт было не самай вялікай праблемай, на што аўтар напрамую і ўказвае. На гэтым моманце хутчэй згуляў характар Клайда.

[viewer_by]

Ну, як я зразумеў, толькі нелегальна тады гэта рабілася. Паспрабуй яшчэ знайдзі, дзе і як. Патрэбны былі веды і сувязі.
Гэта як у нас з тэхаглядам: маўляў, калі не праходзіш па нормах, то тэарэтычна можна купіць. А не так гэта і проста на самай справе, толькі праз знаёмствы нейкія.

[by_dialog]

Ну вось пайшоў ты у любыя гаражы і за бутэльку цябе навядуць на патрэбнага чалавека.
Так і там, ён па стунасці ж адчуваў ў які бок трэба рухацца, але зваліў гэта на Рабэрту з заканамерным вынікам.

[viewer_by]

Гэта можа толькі так здавацца, што ў гаражах усё так проста робіцца.
А нават і калі і так, то… ісці ў гаражы, з бутэлькай… бррр! Толькі гэтага і не хапала.

[by_dialog]

Клайд, пералогінся.

[viewer_by]

Ну-ну :).