Самы старажытны планшэт захоўваецца ў Навагрудку?
Гэта перадрук з Павел Бераснеў. Ціпа блог. Адпаведна, каментаваць можна не толькі ў LJ, але і тут.
Быў нядаўна пра прэзентацыі новых планшэтаў і смартфонаў ад Самсунга. Адзін дзядзечка з беларускага прадстаўніцтва Samsung вельмі нахвальваў новую мадэль: казаў нават, што ён ёй карыстаецца ўжо пэўны час і гэтая мабілка яму ўсё болей і болей падабаецца. Але давайце паглядзім на фота:
Смартфон Samsung паказвае нам 15:31
На смартфоне добра бачны час - 15:31 (само мерапрыемства пачалося ў 16:00). От і вер яму, што ён гэтай мабілкай з непераведзеным часам даўно карыстаецца....
Але я пост пішу не для гэтага - хай там сабе на мабілках час хоць +0:00 па Грынвічу ставяць. Захацелася проста падзяліцца фоткай планшэту, які выкарыстоўвалі беларускія школьнікі гадоў 100 (а то і болей!) таму:
Самы першы планшэт на Беларусі
Вось такі дэвайс захоўваецца ў музеі горада Навагрудка. Дзюймаў 7-9 будзе, тачскрын таксама прысутнічае. Праўда, пісалі крэйдай, але затое можна было працаваць колькі хочаш без падзарадкі! :)