(Untitled)

[bacharevic]

І раней чуў пра "літаратурнае" паходжаньне свайго прозьвішча. Але вось -- яшчэ адно пацьверджаньне.
Мой бацька родам з Наваградчыны. Некалькі дзясяткаў Бахарэвічаў жывуць таксама ў Польшчы і ў Латвіі.

***
Цягам апошніх гадоў неяк само сфармулявалася пасланьне да літаратараў. Ляканічнае, шматзначнае і пазытыўнае.
Чытай чужое, пішы сваё.

***
На старонках

Comments

[bacharevic]

Гэта той Дарафееў, які сказаў, што пасьля 19 сьнежня сорамна працаваць на БТ? Як быццам бы да 19 сьнежня гэта было цалкам ОК.

Тое, што нехта ў "гэтым прэзідэнцкім саюзе" і ня грэбуе СБ, сьведчыць найперш пра яго маральныя якасьці. Палітыка? Тое, што ў Беларусі адбываецца, даўно выйшла за межы палітычнай барацьбы. Гэта барацьба за права на элемэнтарныя свабоды і чалавечую годнасьць. Якія пасьпяхова ўціскаюцца з дапамогай тых самых "гэтага саюзу" і СБ-ФБ. "Вот тут у нас на странічке будет культурка, такое уютненькое гетто для мовы і всякіх там інтересуюшчіхся", а на астатніх 16 ці колькі там у іх странічак: радавы Лосеў, "адмарозкі", выкрыцьцё пятай калёны, лукашэнка і пра тое, как усё харашо.
І хай потым скажуць аўтары той странічкі, што яны "робяць сваю працу". Не сваю, як ні круці.
Працуючы ў такіх структурах, ты тым самым пагаджаешся ў усім: з прысудамі, перасьледам, цэнзурай, прыніжэньнем, зьбіцьцём, катаваньнямі, чорнымі сьпісамі, рабствам, дыскрымінацыяй, тупасьцю, цемрай, ізаляцыяй. Пагаджаешся зь несвабодай.

Чалавек слабы. Выбар цяжкі. Ня маю права асуджаць тых, хто баіцца. Але баючыся, трэба і паводзіцца адпаведна. Маўчаць ці ўцякаць. Не шукаць страху Вялікіх і малых апраўданьняў.

Нельга працаваць са злачынцамі ў адной камандзе і самому не запэцкацца. Друкуешся ў ФБ, пайшоў у "гэты" саюз - адказваеш за тое, што друкуецца ў ФБ і што робіцца "гэтым саюзам". Якасная праца на лукашэнкаўскія газэткі і "саюзы" толькі дадае тым газэткам і саюзам вагі і значнасьці.
Скажыце мне, што гэта ня так.

[znikla]

Гэта складанае пытанне. ВЫ мяркуеце так, я мяркую інакш, і я ўжо пра гэта сказала. Я разумею і вашую пазіцыю і згодная з ёй, разумею і іх пазіцыю і згодная з ёй у некаторай ступені, вунь, спадар Гапееў таксама згодны, напрыклад. Кожны робіць свой выбар, і я не лічу, што іх выбар горшы за ваш.

[bacharevic]

Дзякуй за вашае меркаваньне. Калі вы іх бароніце, значыць, ёсьць за што. Вядома, кожны робіць свой выбар.

[znikla]

Дык я і вас гэтаксама буду бараніць, калі спатрэбіцца ) Безумоўна, вам зараз горш, чым ім, у плане ўсялякіх выгодаў, як літаратурна-выдавецка-ганарарных, так і жыццёвых, але лепш у плане сумлення. Калі хтосьці з гэтых літаратараў мае такія матывы, як я апісала (думаю, пэўная (меншая) частка мае), то тады я іх разумею і ў чымсьці падтрымліваю, бо яны сярод гэтага афіцыйнага лайна стараюцца трымаць літаратуру хоць на нейкім узроўні, у ёй хоць нешта добрае з'яўляецца дзякуючы ім. Бо ў той час, тыя гады, калі вашыя кнігі да сярэдняга беларускага чытача дайсці не могуць наогул, працягваюць расці, выхоўвацца, вучыцца літаратуры ў школе дзеці, а для гэтага патрэбныя кнігі. І дзякуй богу, што там ёсць хаця б Рублеўская са Шніпам, які-небудзь Федарэнка, а не толькі Марчук, той жа Ліпскі, не дай бог Рубінаў і г.д. Тут і зараз і ў агульным доступе, без усялякіх забаронаў, таксама патрэбная нармальная літаратура.