Собор Небесных Сил Бесплотных
Молитва Михаилу Архистратигу, Грозному Воеводе
Господи Боже Великий Царю, Безначальный! Посли Господи Архангела Твоего Михаила на помощь рабу Твоему (имя рек) изъяти мя от враг моих видимых и невидимых.
О, Господень Михаиле Архангеле! Демонов сокрушителю: запрети всем врагам борющимся со мною, сотвори их, яко овцы и сокруши их, яко прах пред лицем ветра.
О, Господень Великий Архангеле Михаиле! Шестикрылатый первый княже, воеводо Небесных Сил Херувим и Серафим. О, угодный Михаиле Архангеле, буди ми помощник во всех обидах, в скорбях, печалях; в пустынях, на распутьях, на реках и на морях - тихое пристанище. Избави мя, Великий Михаиле Архангеле, от всяких прелестей диавольских, егда услыша мя, грешнага раба своего (имя рек) молящагося тебе и призывающаго тебя и призывающаго имя твое святое: ускори на помощь мне и услыши молитву мою.
О, Великий Архангеле Михаиле! Победи вся противящееся мне силою Честнаго и Животворящаго Небеснаго Креста Господня, молитвами Пресвятые Богородицы и святых апостолов, святаго пророка Божия Ильи, святителя Николая Чудотворца, святаго Андрея юродиваго, святых великомучеников Никиты и Евстафия, преподбных отец и святых святителей, мучеников и всех святых Небесных Сил. Аминь.
Аще который человек прочитает сию молитву - того дня не прикоснется к нему ни диавол, ни зол человек, лестью не обольстится сердце его. Аще ли приставится от жития сего, - то и душа его не станет достоянием ада.
Ой, где был я два года назад..