- 2008-2009 թվականների ընթացքում կոմիտեն իրականացրել է նաև միջոցառումներ գիտության ոլորտի բարեփոխումների կատարելագործման ուղղությամբ
Այդ թվում՝
2.1 որպես պետական-նպատակային ծրագիր՝ ֆինանսավորել է «ԳՐԻԴ» ազգային նախաձեռնությունը, որի ստեղծումը կավարտվի 2010 թվականի վերջին,
2.2 2008-2010 թթ-ի միջնաժամկետ ծախսային ծրագրերի համաձայն՝ 2008 թվականից սկսած ՀՀ պետական բյուջեում ավելացվել են գիտական եւ գիտատեխնիկական գործունեություն իրականացնող կազմակերպությունների տնտեսական ծախսերը՝ աշխատավարձի հետ հարաբերությունը հասցնելով միջինը 75%/25% -ի,
2.3 ՀՀ գիտական կազմակերպությունների անձնագրերի մշակված ձևի համաձայն՝ իրականացվել է ՀՀ գիտական և գիտատեխնիկական գործունեություն իրականացնող կազմակերպությունների անձնագրային տվյալների, այդ թվում՝ գիտական աստիճան ունեցող աշխատակիցների տվյալների հավաքագրում, մշակում և եռամսյակային պարբերականությամբ համապատասխան բազայի թարմացում, այդ տվյալների հավաքագրում, վերլուծություն և հրապարակում,
2.4 մշակվել են գիտաժողովների, գիտական երիտասարդական դպրոցների, սեմինարների և այլ գիտական միջոցառումների ֆինանսավորման հայտերի գնահատման սկզբունքները, չափանիշներն ու հայտի լրացման ձևը: Կոմիտեի ֆինանսական աջակցությամբ 2008-2009 թվականների ընթացքում կազմակերպվել է 5 երիտասարդական դպրոց, ֆինանսավորվել է 35 գիտական գործուղում, 40 գիտաժողով:
2.5 ՀՀ կառավարության 2009 թվականի ապրիլի 30-ի «Հայ գիտնականների ներուժի համախմբման ծրագիրը հաստատելու մասին» N 459-Ն որոշման համաձայն՝ հավաքագրվել, մուտքագրվել, կոդավորվել են հայ գիտնականների տվյալները: Ստեղծվել են կազմակերպությունների, Հայաստանում և արտասահմանում բնակվող հայ գիտնականների, փորձագետների շտեմարաններ: Շտեմարանում ընդգրկված տվյալները կիրառվել են գիտական փորձագիտական անկախ համակարգի գործարկման ժամանակ,
2.6 կազմակերպվել են համաֆինանսավորման սկզբունքով իրականացվող գիտական ծրագրերի մրցույթներ: Մրցույթների ժամանակ փորձարկվել է անկախ փորձագիտական համակարգը, որը տվել է դրական արդյունք,
2.7 իրականացվել են գիտության երիտասարդացմանն ուղղված մի շարք միջոցառումներ՝
- կոմիտեի ֆինանսական աջակցությամբ 2008-2009 թվականների ընթացքում կազմակերպվել է 5 երիտասարդական ամառային դպրոց,
- միջազգային գիտաժողովների մասնակցելու համար ֆինանսական աջակցություն է տրվել 10 երիտասարդ գիտաշխատողի,
- կոմիտեն, ԱՄՆ քաղաքացիական հետազոտությունների և մշակումների հիմնադրամը և Գիտության և առաջատար տեխնոլոգիաների ազգային հիմնադրամը «Երիտասարդ գիտաշխատողների հետազոտությունների աջակցության ծրագիր-2009»-ի շրջանակներում հայտատարեցին երիտասարդ գիտաշխատողների աջակցության մրցույթ, որի արդյունքում համատեղ ֆինանսավորվել է 26 գիտական ծրագիր,
- 2008 թվականից սկսած պայմանագրային (թեմատիկ) ֆինանսավորմամբ իրականացվող նոր գիտական թեմաների մասնակիցների առնվազն 25%-ը երիտասարդ մասնագետներ են (մագիստրոսներ կամ ասպիրանտներ),
2.8 ներկայումս մշակվում են՝
- գիտության ոլորտի զարգացման ռազմավարական 5-ամյա ծրագիրը,
- ՀՀ-ում հասարակական գիտությունների զարգացմանը նպաստող ծրագիրը,
- հայագիտության զարգացման ծրագիրը,
- հետազոտական համալսարանների չափանիշները,
2.9 2010 թ. ընթացքում նախատեսվում է ստեղծել հետևյալ գիտական կենտրոնները՝
o «Հայկենսատեխնոլոգիա» գիտաարտադրական կենտրոն» ՊՈԱԿ,
o «Երկրաֆիզիկական մոնիթորինգի գիտական կենտրոն» ՊՈԱԿ,
o «Ջրային հիմնահարցերի և հիդրոտեխնիկայի գիտակրթական կենտրոն» ԵրՃՇՊՀ հիմնարկ,
o «Ռազմաբժշկական գիտակրթական կենտրոն» ՊՈԱԿ,
Շարունակելի