Помнік бітве пад Мілавідамі 1863 г.

[artem_ablozhei]

У сярэдзіне траўня 1863 у лагеры пад Мілавідамі (зараз Баранавіцкі раён) сканцэнтравалася некалькі паўстанцкіх атрадаў. Недзе праз тыдзень расейскія войскі з розных бакоў атакавалі лагер. Бой працягваўся некалькі гадзін, паўстанцы вытрымалі ўсе атакі. Калі стала цямнець, царскія войскі адступілі на зыходныя пазіцыі, страціўшы 50 чал. забітымі і

Comments

[ziemlarob]

Царква ў Мілавідах сапраўды ёсць. Святога Сергія Ранежскага. Пабудаваная ў 1865 годзе (магчыму памыліцца на +/- 1-2 гады). Рыхтык такая, як на www.radzima.org. Царква актыўна дзейнічае, дарэчы, служба перапынялася хіба толькі ў час войнаў, якіх у тых месцах, як і па ўсёй Заходняй Беларусі было столькі, што адно паспявай запамінаць назву чарговае ўлады. Была спроба ў пачатку 60-х зачыніць царкву. Людзі не далі. Рэвалюцыі не было, але не далі.
А тая царква, што ў вашэці на здымку, дык гэта ў сяле Лясная, што за 12 км па брукаванцы на поўнач ад Мілавід. Брукаванку яшчэ пры Польшчы клалі, недзе ў 36-м ці 37-м годзе. На сайце www.radzima.org пазначана, што гэтая царква ў Лясной з 19-га стагоддзя. След зазначыць, што прынамсі ў 60-я гады гэты самы будынак быў драўляны і змяшчалася там крама, нават дзве - прадуктовая ды прамтаварная. Дый будынак відавочна мала нагадваў, што некалі ў ім мог быць хоць які храм. Пасля ўжо крамы новыя пабудавалі, а гэты абклалі цэглаю, зверху - купал. От і зрабілася праваслаўная царква. Тым часам, каталіцкі касцёл тутсама, у Лясной, пабудавалі новы, з чырвонае цэглы. Як на мой аматарскі густ, дык касцёл куды болей дыхтоўны ды, чым царква.

[artem_ablozhei]

дзякуй за інфу, 12 км., шмат..заблукалі мы)