Летописи и хроники ( 6 ) Поход Олега на Царьград и его кончина
<<В лѣто 6429. Игорь и Олегъ пристроиста воя многы, и варягы и полянѣ и словенѣ и кривичи, и корабля многы бещисленыи.
В лѣто 6430. Иде Олегъ на грѣкы
/ср. п. 39 о втором походе Игоря (6451)/
В лѣто 6415. Иде Олегъ на Грѣкы, Игоря оставивъ Кыевѣ. Поя же множьство варягъ, и словѣнъ, и чюди, и кривичи, и мерю, и поляны, и сѣверо, и деревляны, и радимичи, и хорваты, и дулѣбы, и тиверци, яже суть толковины; си вси звахуться Великая Скуфь. И сь сѣми всеми поиде Олегъ на конѣхъ и в кораблѣх, и бѣ числомъ кораблии 2000.
26а (к слову, не только Олег (2) в договоре, но и Олег (1) в приписке к ТХ назван князем (см. ниже), но в НПЛ он стал современ. и воеводой Игоря)
(о Вел. Скуфи см. 6 ПВЛ)
<<И придоша по семь русь на Царьградъ со княземь своимъ Олгом в лодьяхъ, мьножьству много, и покрыша морь Костянтине.
и прииде къ Цесарюграду. И греци замкоша Съсуд, а град затвориша. И вълѣзъ Олегъ, и повелѣ изъвлещи корабля на брегъ, и повоева около града, и много убииство створиша грекомъ, и разбиша многы полаты и церкви.
И приде къ Цесарюграду, и грѣци замкоша Судъ, а городъ затвориша. И вылѣзе Олегъ на берегъ, и повелѣ воемъ изъволочити корабля на берегъ, и повоева около города, и много убииство створи грѣком, и полаты многы разбиша, а церькви пожьгоша. А ихъ же имяху полоняникы, овѣхъ посѣкаху, другыя же мучаху, иныя же растрѣляху, а другыя въ море вметаша, и ина многа зла творяху русь грѣком, елико же ратнии творять.
26б (в ПВЛ подчёркнуты слова из рассказа о походе Игоря см. 35 НПЛ)
Вои же въставиша лодья на колеса, въздѣша парусы, вѣтру сущю велику, по суху взимахуся лодья. Они же затвориша врата градъная, выслаша дары многи, злато и паволоки, мира просящи. Русь же створиша миръ, отступиша въсвояси.>>
И повелѣ Олегъ воемъ своимъ колеса издѣлати и въставити корабля на колеса. И бывъшю покосну вѣтру, и въспяша прѣ, и с поля идоша къ граду. И увидѣвше же, убояшася греци, и рѣша, выславше къ Олъгови: «не погубляи града; имемъся по дань, якоже хощеши». И исъстави Олегъ воя; и внесоша ему брашно и вино, и не прия его, бѣ бо устроено съ отравою. И убояшася грѣчи, и рѣша: «нѣсть се Олегъ, нь святыи Дмитрии посланъ от бога на ны». И заповѣда Олегъ дань даяти на 100, 200 корабль, по 12 гривнѣ на человѣкъ, а в кораблѣ по сороку мужь.
И повелѣ Олегъ воемъ своим колеса изъдѣлати и въставити корабля на колеса. И бывшю покосну вѣтру, успяша парусы с поля, и идяше къ городу. Видѣвше же грѣцѣ, убояшася, и ркоша; выславше ко Ольгови: «Не погубляи город, имемься по дань, якоже хощеши». И устави Олегъ вои, и вынесоша ему брашна и вино, и не прия его, бѣ бо устроено съ отравою. И убояшася грѣцѣ и ркоша: «Нѣсть се Олегъ, но святыи Дмитрии, посланъ на ны от Бога». И заповѣда Олегъ дань даяти на 2000 кораблии, по 12 гривнѣ на человѣка, а в корабли по 40 мужь.
26в
Самъ же взя злато и паволокы, и возложи дань, юже дають и доселѣ княземь рускымъ.
Няшася грѣци по се, и почаша грѣци мира просити, дабы не воевалъ Грѣцькои земли. Олегъ же, мало отступивъ от города, нача миръ творити съ цесарема грѣцькыма, съ Леономъ и съ Александром. Посла к нима в городъ Карла, Фарлофа, Велмуда, Рулава и Стѣмида, глаголя: «Имете ми ся по дань». И ркоша грѣцѣ: «Чего хочете и дамы ти». И заповѣда Олегъ дати воемъ на 2000 кораблии по двѣнатьчать гривнѣ на ключь, и потом даяти углады на руские городы: пѣрвое на Киевъ, таже и на Черниговъ, и на Переяславлъ, и на Полътескъ, и на Ростовъ и на Любечь и на прочая городы; по тѣмь бо городомъ сѣдяху князья, подъ Ольгом суще … (Договор Олега / 1)
26г (интересно, что в перечне городов перед договором Олега «Светлого» (или просто в рассказе летописца?) не назван Новгород, но кто имелся в виду под словенами в байке об Олеге Вещем и парусах, переданной ещё в НПЛ? см. ниже)
И рече Олегъ: «шиите прѣ паволочитѣ руси, а словеномъ кропинны»; и бысть тако. Повѣси щитъ свои въ вратех, показая побѣду; и поиде от Цесаряграда. И воспяша прѣ русь паволочитыя, а словенѣ кропинныя; и раздра вѣтръ кропинныя. И рѣша словенѣ: «имемся своих толъстинах; не даны суть словеномъ прѣ». Прииде Олегъ къ Кыеву и ко Игорю, несыи злато и паволокы и вино и овощь. И прозваша и Олга Вѣщии; и бяху людие погани и невѣгласи.
И рече Олегъ: «Исшиите парусы паволочиты руси, а словѣном кропиинныя». И бысть тако. И повѣсиша щиты своя въ вратѣхъ, показающе побѣду, и поиде от Цесаряграда. И въспяша русь парусы паволочитыѣ, а словѣне кропиинныя, и раздра я вѣтръ. И ркоша словенѣ: «Имемъся своим толъстинамъ, не даны суть словѣном парусы кропинныя». И приде Олегъ къ Киеву, неся золото, и паволокы, и овощи, и вина, и всяко узорочье. И прозваша Ольга Вѣщии, бяху бо людие погани и невѣголоси.
26д
[541] При семь звѣзда явися велия от запада, копииника его нарицахѹ о сих зліи. Та звѣзда кровопролитие прознаменуеть в Костявтинеѣ градѣ, глаголахѹ.
В лѣто 6416. В лѣто 6417. В лѣто 6418. В лѣто 6419. Явися звѣзда велика на западѣ копеинымъ образомъ.
В лѣто 6420. Посла Олегъ мужи свои построити мира и положити ряды межи грѣкы и русью … (Договор Олега / 2)
26е (комета не до, а после договора, см. прим. 22)
(в договоре Олега вовсе не упомянут Игорь)
/год 6420 / 911-12 по к-польской эре (+ 5508) соотв. 6415 году по болгарс. эре (+ 5504), кот. выше (п. 26а) датирован поход Олега/
/ср. в Ипатьевской летописи под 6659 / 1151 годом: Кияне же всими своими силами, и на конѣхъ, и пѣши, и тако сташа, а промежи князи: сѣмо сташа от Вячеслава (и) от Изяслава по праву оли до Изяслава и до Ростислава, а от Ростислава оли и до Олговы могилы, а по лѣву Вячьслава и Изяслава оли до Лядьских воротъ, и тако сташа около всего города многое множество/
Иде Олегъ к Новугороду, и оттуда в Ладогу. Друзии же сказають, яко идущю ему за море, и уклюну змиа в ногу, и с того умре, есть могыла его в Ладозѣ.
И живяше Олегъ, миръ имѣя къ всѣмъ странамъ, княжа въ Киевѣ. И приспѣ осень, и помяну Олегъ конь свои … (смерть от укуса змеи, могила на горе Щековица)
В лѣто 6421. Поча княжити Игорь по Ользѣ.
26ж (там же: и бысть всѣхъ лѣтъ его княжения 33 (879 - 912); как и у Игоря (912 - 945))
[542] Костянтинъ Леонтовъ сынъ в прапрѹдѣ рожденыи. Костянтинъ же отцѹ его ѹмершѹ 7 лѣт имѣаше възрастомъ, Олександромъ стрыа е в царствіи оставлен бысть под порѹчникы повинѹяся, царствова ѹбо при тѣм порѹчницѣ и с материю Зоиею четвертою женою Леонтовою лѣт седмь, кѹпно же и с Романом тестемъ своимъ сыи в повиновени инѣх лѣт 27, единодръжець же лѣт 15, иже сѹть лѣт царствиа его лѣт 55
По Александрѣ царствова Костянтинъ, сыновец его, и царьствова съ матерью лѣт 7, купно же съ Романом, тестемь своимъ, сы въ повиновении инѣхъ лѣт 27, единодержецъ же лѣт 15, иже суть все лѣт царства его лѣт 55.
/не царства, а жизни 905-959/
В лѣто 6431. В лѣто 6432. В лѣто 6433. В лѣто 6434. В лѣто 6435. В лѣто 6436. В лѣто 6437. В лѣто 6438. В лѣто 6439. В лѣто 6440. В лѣто 6441. В лѣто 6442. В лѣто 6443. В лѣто 6444. В лѣто 6445. В лѣто 6446. В лѣто 6447.
В се же время поча царствовати Костянтинъ, сынъ Леонтовъ, зять Романовъ.
27 (июнь 913 - дек. 919 (6 с половиной лет, см. прим. 31) и янв. 946 - нояб. 959 (см. 36 ХГА); Роман 26 лет с лишним (в Продолжении Феофана и у Симеона Логофета 26 лет): сен. 919 - дек. 945)
В лѣто 6448. В се лѣто яшася уличи по дань Игорю, и Пересѣченъ взят бысть. В се же лѣто дасть дань на них Свѣнделду.
В лѣто 6449. В лѣто 6450. Въдасть дань деревьскую Свѣнделду тому же.
В лѣто 6451. В лѣто 6452.
И деревлянѣ заратишася от Игоря по Олговѣ смѣрти.
В лѣто 6422. Иде Игорь на древляны и, побѣдивъ, възложи на ня дань болшю Ольговы.
28 (в НПЛ повтор о войне и дани «на древяне и на угличѣ», ср. п. 21)