Համակարգչի ազատագրում
Մի քանի կազմակերպություններով ու կամավորներով կազմակերպել ենք այսպիսի մի միջոցառում.
Համակարգչի ազատագրում. GNU/Linux Install Fest
Նպատակը՞։ Ծանոթացնել շարքային օգտատերերին անվճար ծրագրային փաթեթների հետ, ցույց տալ, որ Microsoft-ից ու Apple-ից այն կողմ էլ աշխարհ կա. հաճախ նույնիսկ ավելի ապահով։
Այս միջոցառման ընթացքում ցանկացած մարդ՝ բերելով իր համակարգիչը, կստանա Linux օպերացիոն համակարգ և նորմալ աշխատանքի համար անհրաժեշտ բոլոր այլ ծրագրային փաթեթները, այդ թվում և հայերեն տառատեսակներ։ Մասնագետները կօգնեն տեղադրել համակարգը, ծրագրերը, կարգավորել համացանցային կապը, և այլն։
Այս հակաիմպերիալիստական միջոցառումը անցկացվելու է միաժամանակ Երևանում, Գյումրիում, Վանաձորում՝ շաբաթ օրը, մայիսի 7-ին։ Ստեփանակերտում էլ է տեղի կունենա, նախնական տվյալներով՝ մայիսի 21-ին
Եթե չեք ուզում միանգամից անցնել Linux-ի, ապա կարող եք նաև ուղղակի գալ, տեսնել, «շոշափել» Linux-ը։
Հ.Գ. Նոութբուքիս վրա տեղադրված է (լրիվ օրինական) Windows Vista։ Այն աստիճան անհաջող օպերացիոն համակարգ է, այնքան խնդիրներ է առաջացնում, որ ես էլ եմ նոութբուքս տանելու, որ վրան Վինդոուզի փոխարեն Linux դնեն։
Ընկերանալ Ֆշտուկ