Սեպտեմբերի 3` Քարտեզի Օր
Ինչքան էլ ասում-խոսում ենք ճիշտ քարտեզի մասին, միևնույն է Հայաստանում շատերն անտեղյակ են իրականությունից, իրական սահմաններից։ Հայկական ԽՍՀ ու Հայաստանից պոկված ԼՂԻՄ ուրվագիծը ամուր նստած է մարդկանց ուղեղներում։
Մի քանի օր առաջ Արշալույս Պապոյանից չինական մի ասացվածք լսեցի․ «Չիմանալ՝ նշանակում է չունենալ»։ Շատ դիպուկ է։ Եթե չգիտենք ինչ ունենք, ապա մի գեղեցիկ օր կկորցնենք այդ չիմացածն ու չենք էլ նկատի։
Ասածս ինչ է․․․ Մի խումբ երիտասարդներ որոշել են սեպտեմբերի երեքը հայտարարել Քարտեզի Օր. ճիշտ քարտեզը չիմացողներին ցույց տալու, այսօրվա իրական սահմանները ճանաչելու օր։
Շատ հավես բաներ կարելի է մտածել այդ օրվա շրջանակներում, ու կմտածենք։ Իսկ առայժմ՝ համեցե՛ք։
Հ․Գ․ Մի քանի գրառումներ էլ այդ թեմայով․
- Սովորելով ԵՊՀ Աշխարհագրության բաժնում՝ ․․․ ստիպված եմ ուսուցանել հին սովետական, ոչ հայկական եւ ոչ լիարժեք քարտեզներով
- Քարտեզ նվիրելու օրը
- Չիմանալ, նշանակում է չունենալ
- Դեռ մանկուց մտածում էի, որ մեր ՀՀ աղջիկը ունի մի մեծ մազափունջ, որի համար մեր հարևան Արտաշ ձյաձյային Ղարաբաղ կռվելու տարան:
Հ․Հ․Գ․ Առաջարկում եմ Քարտեզի Օրվա մասին գրառումները #քարտեզիօր պիտակով անել։
Ընկերանալ Ֆշտուկ