Я з радасцю магу шчыра вам паведаміць, што я ведаю самых клёвых людзей нашай краіны. У гэтых шэрагах знаходзіцца і мой сённяшні госць - Ася Паплаўская. Дарэчы, яе першы камент у мой бок быў на пост майго праекта “АСОБЫ” тады… яшчэ у 2008 годзе. Ася - незвычайны чалавек, яна лёгка і з мудрасцю можа дапамагчы ў розных сітуацыях. Ася - літаратурны крытык, журналіст, чалавек які добра разумее сэнс словаў “кніга”, “паэт”, ”творчасць”. Калі мне спатрэбіцца новы, свежы твор беларускага аўтара у мяне ёсць два варыянты куды звярнуцца: у інтэрнэт краму ці да Асі )
Дарэчы, трэба сказаць, што Ася з’яўляецца яшчэ і радыёвядучай. Яна вядзе па пятніцах праграму на
NETradio “СучБелЛіт”. Я заўжды люблю слухаць радыё, асабліва інтэрактыўныя праграмы, дык вось: хачу адзначыць, што для мяне “СучБелЛіт - адна з улюбёных радыё-праграм.
А цяпер… вітаем - Ася Паплаўская )
Добры дзень, Ася! Як справы?
- Вітаю, Алесь! Дзякуй, усё выдатна!
Як табе надвор’е?
- Надвор’е цяпер пераменлівае, непрадказальнае. Як і мой настрой. Таму нам утульна разам.
Каб быць шчасьлівым трэба...
- Рабіць маленькія цуды, радаваць любімых і назапашваць святло ў сабе.
Заўжды цікава: з якой прычыны людзі ствараюць жж? Вось ты навошта яго стварыла?
- Мне распавяла пра ЖЖ сяброўка. Завяла ўласны блог праз звычайную цікаўнасць: імкнуся паспрабаваць усё новае.
Твой першы дзень ЖЖ. Якім ён быў?
- Напружаным. Я не магла разабрацца ў наладках і не разумела да канца, як ЖЖ функцыянуе. Цяпер да мяне звяртаюцца многія па дапамогу: просяць стварыць блог з нуля, выправіць html-код, калі ў ім памылка, змясціціь фотаздымак у допісе, змяніць дызайн…
Ранак, Дзень, Вечар, Ноч
- Вечар. Час, калі адбываецца ўсё самае яркае і запамінальнае.
Дэвіз твайго жыцьця - ...
- “Рабі нечаканае і тады пераможаш”
Ці існуе ў Беларусі інстытут крытыкі?
- Ён разбураны. Цяпер ёсць асобныя крытыкі, якія пішуць так, як яны тое бачаць. Кожны мае свае мэты і задачы. Мабыць, гэта і нядрэнна: ніводны беларускі крытык не падобны да іншага. Іншае пытанне, ці ёсць вартыя ўвагі крытыкі…
Твой улюбёны белраускі паэт - …
- Леанід Дранько-Майсюк, Наста Кудасава, Алесь Разанаў.
Лепшы беларускі твор 2010 - …
- “Время всегда хорошее” Андрэя Жвалеўскага і Яўгеніі Пастэрнак.
У якую эпоху ты бы хацела жыць?
- У нашую.
Чаму?
- Я зведала цяперашні час. У ім і хачу жыць
Беларусь - гэта ...
- Краіна нерэалізаваных магчымасцяў.
Твой любімы занятак
- Гатаваць разам з сябрамі.
Што звычайна гатуеце?
- У залежнасці ад наяўных інгрыдыентаў. Сушы. піцу, лазанью, сырнікі, бліны... )
Запросіш на тваю піцу калі-небудзь?
- Абавязкова