Балтачта чираттагы чыгарылыш
2012 елның 18 апрелендә ТР Президентының дини оешмалар белән идарәсе башлыгы Марат Гатин, Татарстан Мөфтие Илдус хәзрәт Фәйзов республиканың Балтач районында булып кайттылар. Бу көнне Ислам динен кабул итүгә 1000 ел исемендәге мәдрәсәнең Балтач кичке бүлеген тәмамлаучы укучыларга мөфти шаһәдәтнамәләр тапшырды.
Кунаклар шулай ук гомуми урта белем бирү мәктәпләрендә әхлак дәресләрен алып баручы укытучылар белән очраштылар. Укытучылар белән очрашу барышында Илдус хәзрәт Фәйзов Салавыч мәктәбе укучылары әзерләгән ачык дәрес һәм бәйрәм тантанасын да карады. Шулай ук мәктәпләргә дөньяви әхлак дәресләре кертелү турында да үзара фикер алыштылар.