Рукописный акафист преподобному Даниилу, князю Московскому
Сегодня, в день памяти «хозяина Москвы», преподобного Даниила, князя Московского, выкладываю в «Уставные заметки» перенабор рукописного акафиста святому. По всей видимости, именно этот акафист употреблялся в Свято-Даниловом монастыре в XIX веке, однако при попытке получить на него официальное одобрение он был отклонён Московским духовно-цензурным комитетом. Скорее всего, именно отрицательный отзыв цензуры на уже имевшийся в обители акафист послужил причиной того, что в 1917 году архимандрит Герман (Ряшенцев), будущий святитель и новомученик Российский, взялся за составление нового акафиста, отредактированного настоятелем Свято-Данилова монастыря епископом Феодором (Поздеевским), также будущим новомучеником, и в 1918 году напечатанного монастырём отдельной брошюрой. С тех пор именно акафист святителей Германа и Феодора стал основным неседальным пением, употребляемым в честь преподобного Даниила. За основу своего труда священномученик Герман взял рукопись какого-то иного (к тому же некомплектного) акафиста преподобному Даниилу, хранившуюся в Московском епархиальном архиве. Как мы предполагаем, автором этого первоначального иного акафиста мог быть известный летописец Даниловой обители архимандрит Дионисий (Виноградов; 1823 - 1898), живший в обители на покое с 1893 года, однако на данный момент проверить это предположение не представляется возможным. Рукописный же первоначальный акафист, представляемый читателям «Уставных заметок», сохранился в рукописи 1862 года, находящейся в настоящее время в Отделе рукописей Российской государственной библиотеки - ф. 304.II, ркп. 268, лл. 511 - 521 об. Особая благодарность дорогому ier_in_nefedov и его сотрудникам за помощь в оцифровке текста.
Акафист святому благоверному князю Даниилу Московскому, чудотворцу
Кондак 1Богоизбранный воеводо от царствия земнаго, пришедый в нескончаемое Царствие Царя Христа, Ему же с небесными воинствы предстоиши блистаяся неувядаемою славою, приими молебное пение людей твоих, к теплому твоему ходатайству и заступлению прибегающих, и пред честными твоими мощами умильно вопиющих: Радуйся, княже Данииле, заступниче наш.
Икос 1Ангел во плоти явился еси, благоверне княже Данииле. Всю бо отложше гордость житейскую, смиренномудрия рачитель был еси, и сподобивыйся зрети славу Единороднаго от Отца, молится Ему о чтущих с верою и любовию святую память твою. Сего ради зовем к тебе:
Радуйся, отрасль благочестиваго корене;
радуйся, царей российских вечнующая похвало.
Радуйся, обличителю свар на праведных;
радуйся, наказателю обидящих.
Радуйся, кормителю нищих;
радуйся, тихое пристанище неповинно гонимых.
Радуйся, защитниче обидимых;
радуйся, вдов и сирот заступление.
Радуйся, хранителю державы наследия твоего;
радуйся, ревнителю православия.
Радуйся, иноков наставниче;
радуйся, яко нищету духовную паче богатства тленнаго возлюбил еси.
Радуйся, княже Данииле, заступниче наш.
Кондак 2Видяще мощи твоя, богомудре княже Данииле, нетлением прославленныя, от нихже, яко от источника воды живыя, вернии черпают исцеление, благодарственно вопием к Богу, дивному во святых Своих: Аллилуиа.
Икос 2Разум в послушание веры пленивый, и мудрость свыше нисходящую стяжавый, носило был еси Пресвятой Троицы, Юже и ныне славословя непрестанно, слышиши от всех:
Радуйся, мудрования земнаго тщету познавый;
радуйся, светом божественным душу твою просветивый.
Радуйся, славу царственную иноческому смотрению предпочивый;
радуйся, постом и воздержанием просиявый.
Радуйся, яко житием твоим благочестия образ был еси;
радуйся, грады державы твоея устроивый.
Радуйся, крепкий столпе и ограждение;
радуйся, родителю твоему блаженному князю Александру и сродником твоим, просиявшим святостью, последовавый.
Радуйся, добродетелей их наследниче;
радуйся, имый попечение привести в единовластие державу Русскую.
Радуйся, правителю мудрый и милостивый;
радуйся, и враждовавшим на тя добро с любовию творивый.
Радуйся, княже Данииле, заступниче наш.
Кондак 3Силою, данною ти свыше, препоясывайся, непобедимый оружник был еси, блаженне княже Данииле, множицею бо защищая достояние твое от враг безбожных, разрушал еси злохудожественные советы братии твоей, мир и безмятежие им даруя, и научая пети с тобою Богу: Аллилуиа.
Икос 3Имея тя предстателем своим пред Богом, великий град Москва и вся Российская держава притекает к ходатайству и заступлению твоему. Ты же, яко врач недугов душевных же и телесных, милосердно подаешь благая требующим помощи твоея, и всем вопиющим к тебе:
Радуйся, скорое в скорбех услышание;
радуйся, падших воставляяй.
Радуйся, немудрых умудрителю;
радуйся, покрове в теснотах и обидах сущих.
Радуйся, помоще беспомощных;
радуйся, болящих целителю.
Радуйся, добрый кормчий плавающих в треволнении житейском;
радуйся, сетующих утешение.
Радуйся, пастырю, призывающий овец заблуждших к избранному стаду Христову;
радуйся, венченосце, диадему украсивый одеянием иноческим.
Радуйся, доблесть царскую с кротостию инока сочетавый;
радуйся, яко властитель и инок совершен был еси.
Радуйся, княже Данииле, заступниче наш.
Кондак 4Бурею страстей по бездне греховней гонимый, но не утопая в ней, имый рачениедля благохваления Бога, дивно прославившагося в тебе, блаженне княже Данииле, молюся ти: просвети мысленные очеса и согрей сердце мое теплотою любви Божественныя, да, прославляя священную память твою, возопию с тобою сердцем и устнами: Аллилуиа.
Икос 4Слышавше князи российстии мудрое твое прещение им возжигати огнь лютый междоусобия первовластвования ради, и подущати дарами и клеветою друг на друга орду злокозненную, да нечестивыми своими воинствы проливают неповинную кровь христианскую, бояхся твоего правдолюбия, и с покорностью отлагаху замыслы свои. Сего ради земля российская, воспоминах твои благодеяния, зовет сицевая:
Радуйся, мира и тишины рачителю;
радуйся, обуздателю властолюбия.
Радуйся, страже бодрый, не попускавый на Церковь Христову и на род христианский врагов безстудных;
радуйся, радуйся, яко многих спасл еси от неправеднаго убиения.
Радуйся, подвижниче, полагаяй душу свою за люди твоя;
радуйся, яко и братия твоя, внемлюще благоразумному гласу твоему, прилепляхуся душею к миролюбию.
Радуйся, сатанинския плевелы развеваяй;
радуйся, семена небесной мудрости насаждаяй.
Радуйся, владыко, по образу Христа послушания на ся приемый;
радуйся, нивочтоже вменивый сокровища земная.
Радуйся, сокровище себе на небеси уготовавый;
радуйся, в светлостех святых жизнь нескончаемую наследовавый.
Радуйся, княже Данииле, заступниче наш.
Кондак 5Боготочная звезда на тверди Российстей явился еси, богомудре княже Данииле, совершая бо в терпении и посты путь дольний, возводил еси на град твой в светлости горим, и, напаяемый божественною благовестию, просвещал еси житием твоим всех, ищущих пути спасения вопиющих к Богу: Аллилуиа.
Икос 5Видевше лики ангельстии богоугодное житие твое, прославляху Бога, совершающаго силу Свою в немощи естества человеческаго, и ревностно сопровождаху тя в горняя по отшествии твоем от земли, идеже честное тело твое, яко сосуд избранный благодати божественныя, изливает дары чудотворения воспевающих тебе:
Радуйся, ангелов собеседниче;
радуйся, приятное молитвы кадило.
Радуйся, чудотворче скорый к услышанию молящихся;
радуйся, в немощех естества человеческаго силу Божию проявляяй.
Радуйся, души брашном негиблющим укрепляяй;
радуйся, светло светом богоразумия к свету вечному путеводяще.
Радуйся, крине благоуханный, от корене благочестиваго прозябший;
радуйся, оружниче пресветлый, победою над врагами видимыми и невидимыми венчанный.
Радуйся, насадивый обитель твою, яко сад прекрасный;
радуйся, подвизающимся в ней чадем послушних, оружие непобедимое на духов злобы поднебесных даруя.
Радуйся, добрый путеводителю всех текущих на подвиги благочестия;
радуйся, кроткий наказателю не исполняющих святые обеты свои, призывах их к исправлению.
Радуйся, княже Данииле, заступниче наш.
Кондак 6Проповедует Россия вся тебе, богоблаженне княже Данииле, скораго в бедах заступника, яко и недугующим врач, и страждущим помощник, в темницах и во узах сущим утешитель являешися, от злых сохраняя всех, вопиющих к Богу: Аллилуиа.
Икос 6Возсиял еси светило мудрости в державе твоей, благознамените княже Данииле: вся бо совершал к благоденствию подданых твоих, правду и милость на суде возлюбиле еси, и власть царскую смиренномудренно низводя к кротости, возвеличил еси подвиги твои саном иноческим: и земля российская величает тя, воспевающе сицевая:
Радуйся, яко родитель твой просия в тебе своею мудростию;
радуйся, зерцало славы его и благочестия.
Радуйся, радосте людей твоих;
радуйся, верный слуго Господень.
Радуйся, яко устрашал еси злых мечем, имже препоясан был еси;
радуйся, яко смирил еси клеветников.
Радуйся, злых наветов рушителю;
радуйся, гордыню возносившихся низлагавый.
Радуйся, возносивый смирение мудрых;
радуйся, любовию побеждаяй мысливших на тя злая.
Радуйся, возставивый град Москву, руками нечестивыми разрушенный;
радуйся, во смирении дух твой в руце Господа предавый.
Радуйся, княже Данииле, заступниче наш.
Кондак 7Хотя отгнати страстей прилоги, и всякия гордыни наваждение, плоть твою поработив Духови, пребывал еси в трудех на пользу достояния твоего, и дух твой просвещая светом истины и боговедения, ходил еси по пути непорочну, всем благотворя, вся усмиряя и вся терпя во славу Бога, даровавшего ти крепость и одоление на сопротивная: Ему же и мы с тобою вопием: Аллилуия.
Икос 7Новаго тя Ноя разумеем, святе Данииле, той бо правды ради спасеся от потопления воднаго, да не весь потребится род человеческий: ты же добродетелей ради хранимый Богом, в отчизне твоей обуреваемый нашествиями иноплеменных и междоусобными бранями, устроял еси защиту Церкве святей, направляя сердца и мысли сынов России ко единодушному на державу Ордынскую востанию, и якоже тогда воспринимал еси под кров твой всех прибегающих к защите твоей, тако приими в милостивое твое заступление и нас, зовущих к тебе:
Радуйся, княже Данииле, прозорливче богодухновенный;
радуйся, в единодержавии избавление России от ига враждебнаго и благоденствие ея предусмотривый.
Радуйся, проповедниче мира и братолюбия пред князьми российскими;
радуйся, яко тобою благоволение Божие на людей твоих изливается.
Радуйся, злых шатаний искоренителю;
радуйся, благих нравов насадителю.
Радуйся, неоскудевавый в подвизех царских;
радуйся, неослабевавый,шествуя по пути подвигоположника Христа.
Радуйся, обитель твою яко орган златострунный благохваленияустроивый;
радуйся, чудесами по данной ти от Бога благодати в ней сияющий.
Радуйся, неоскудеваемый милости источниче;
радуйся, пристанище всех, к ходатайству твоему притекающих.
Радуйся, княже Данииле, заступниче наш.
Кондак 8Странно видети суемудренным, како мощи твоя, блаженне княже Данииле, пришедшим к тем трем стом четыредесяти и девяти обретох в недрах земных нетленны: мы же, припадающе перед величием славы Бога, хранящаго кости преподобных своих, со умилением зовем: Аллилуиа.
Икос 8Весь еси всем верующим любовь и благостыня, богоносе княже Данииле, и чудным твоим пред Богом ходатайством, призывая вся вкупе на похвалу имени Его , яко помощник, заступник, свободитель и целитель подвизаеши вопити к тебе:
Радуйся, саде благодати Христовой;
радуйся, великий его блюстителю.
Радуйся, манно духовная, питающая алчущих спасения;
радуйся, росо неботочная, напояющая жаждущих блаженства вечнаго.
Радуйся, светильниче, показующий путь истины блуждающим во тьме греховней;
радуйся, нуждающимся изобилие подаваяй.
Радуйся, треволнение страстей укрощаяй;
радуйся, люте страждущим терпение даруяй.
Радуйся, прилоги вражеския отгоняяй;
радуйся, яко тобою исцеление недующие получают.
Радуйся, яко неповинных от гибели избавляеши;
радуйся, яко печаль и плач на радость прелагаеши.
Радуйся, княже Данииле, заступниче наш.
Кондак 9Всякия утоли злых наших помыслов обуревание, великий наш наставниче на дела спасения, святе княже Данииле, изливая благодатныя исцеления на язвы греховных душ наших, сердца же услаждая братолюбием и кротостию, и научи всех едиными усты и единым сердцем воспевати с тобою Богу: Аллилуиа.
Икос 9Витийства чуднаго глаголы излияхуся из уст твоих, княже Данииле, внегда явлься у гроба своего юноше некоему из дружины княжеския, повелел еси возвестити великому князю Иоанну Васильевичу: яко утешая себе, не прилагает мысли своей воспомянути о тебе, и притече князь оный ко гробу твоему со архиереем и с освященным собором и молитвы творяху, и вси людие взываху к тебе:
Радуйся, равноангельне княже Данииле;
радуйся, царей наставниче.
Радуйся, человече Божий, яко паче человек содеваяй;
радуйся, суету услаждений житейских обличаяй.
Радуйся, трубо, пробуждающая спящих в похотениях плоти к молитве и воздержанию;
радуйся, явлением при гробе твоем по жизни временной жизнь вечную указавый.
Радуйся, общения благодатнаго усопших с живущими на земле проявитель;
радуйся, яко сам явлением воставлению разрушенной обители твоей способствовал еси.
Радуйся, проповедниче молитвы к Богу о преставльшихся в чаянии воскресения мертвых;
радуйся, чевствованию богоугодивших Богу научаяй.
Радуйся, причастниче силы Божия, не дающей преподобным Его видети истления;
радуйся, всех ищущих спасения к жизни вечной напутствуяй.
Радуйся, княже Данииле, заступниче наш.
Кондак 10Спасти хотя душу твою, совлекл еси ветхаго человека с деяньми его, и облекшися в человека новаго, в путь крестный бодрственно шел еси, яко добрый воин Христов, боговенчанне княже Данииле, не смущаяся прилога вражиим, и не обленяяся сластьми житейскими, но устраняя от себе вся суетная, избрал еси едино на потребу, едино знати и любити Единаго Бога, воспевая Ему: Аллилуиа.
Икос 10Стена еси всем подражающим богоугодному житию твоему, блаженне княже Данииле, и всем, с верою к заступлению твоему прибегающим: и якоже не отринул еси молений отца некоего, и спасл еси от смерти сына его, дав ему во едином часе на гробе твоем исцеление, тако и нас не отрини, прославляющих чудеса твоя и вопиющих ти с любовию таковая:
Радуйся, от напрасныя смерти избавляяй;
радуйся, добрый врачу душ и телес.
Радуйся, от бед и скорбей изымаяй;
радуйся, всем прибегающим к тебе полезная подаваяй.
Радуйся, трудолюбию и послушанию научаяй;
радуйся, души молящихся к тебе светом боговедния просвещаяй.
Радуйся, сладость духовную изливаяй;
радуйся, немощным силу и крепость подаваяй.
Радуйся, связанных греховными узами к покаянию призываяй;
радуйся, постников в воздержании укрепляяй.
Радуйся, иноков благочестивых сладосте;
радуйся, всех преподобных радование.
Радуйся, княже Данииле, заступниче наш.
Кондак 11Пение со умилением сердца принесл еси Пресвятей Троице, блаженне княже Данииле, пощением и молитвою прославляя Сотворившаго всяческая, созидая во области твоей святых храмы, правдолюбием и милостынею преуспевал еси в вере, надежде и любви к Богу, научая всех воспевати Ему: Аллилуиа.
Икос 11Светозарный луч мудрости видеша тя российстии сынове в жизни временней, богоизбранне княже Данииле! От юности бо сердце твое содеяся виталище добродетели и страха Божия, и, яко из источника чистаго, истекаху из него благотворение, правда и милость: уста же твоя вещаху всем мирная, и никтоже можаше сопротивлятися мудрым глаголом твоим. Ты же, покоряя страсти твоя уму здравому, был еси образ кротости, воздержания и смирения: сего ради возвеличи тя Господь, и научи всех воспевати тебе таковая:
Радуйся, яко в страсе Господнем премудрость обрел еси;
радуйся, царей украшение.
Радуйся, образе кротости духовныя;
радуйся, заре, сияющая светом солнца незаходимаго.
Радуйся, страже добрый, данный Богом стране Российстей;
радуйся, ограждение всех, прибегающих к твоему заступлению.
Радуйся, сияние, разгоняющее мрак греховный;
радуйся, ложныя сплетения наветников разрушаяй.
Радуйся, изводяй яко свет правду неповинно истязуемых;
радуйся,смирением к славе вечной возведенный.
Радуйся, чудотворче предивный, царедворца онаго, иже с дерзостным посмеянием воскочи на камень гроба твоего, недугом зельным наказавый;
радуйся, яко тому покаявшуся прощение и исцеление подал еси.
Радуйся, княже Данииле, заступниче наш.
Кондак 12Благодать Божия изливашеся из уст твоих, блаженне княже Данииле, всегда прекращая свары, проповедывал еси братии твоей мир и единодушие, овых устрашая ратными ополчениями, овых побеждая любовию, и спасая от варвар безстудных отчизну твою, дивный миротворец был еси, темже и вселися в тя Пресвятый Дух, Егоже дарованьми обогати душу твою, иноческую нищету на ся приял еси, воспевая к Богу: Аллилуиа.
Икос 12Поюще твоя чудеса, благоверне княже Данииле, благословляем Бога, дивно в тебе прославившагося. Но аще и многия составили песни в похвалу имени твоего, ничтоже сотворили бы достойное твоего к человеком благоволения великаго, имже удивляяяся, глаголем таковая:
Радуйся, святых храмов во славу Бога строителю;
радуйся, терпением свободу чад Божиих стяжавый.
Радуйся, слез твоих излияньми цвет радости духовныя возрастивый;
радуйся, теплотою любви охладевающих в вере согреваяй.
Радуйся, царю, Царя царствующих служителю;
радуйся, небесных воинств Его и святых служителей сожителю.
Радуйся, верных защитниче;
радуйся, неверия искоренителю.
Радуйся, ложныя уста заграждаяй;
радуйся, Давида меньший в братии твоей, больший их соделавыйся.
Радуйся, яко сам сир бывый, сирых призиравше;
радуйся, яко дряхлым сединам крепость обновлявши.
Радуйся, княже Данииле, заступниче наш.
Кондак 13О прехвальный и пречудный княже Данииле, скорбящих утешение, обидимых защитниче, приими молебное наше приношение, изми нас от всякия нужды, скорби и печали, помяни и в часе смертном, от горьких мытарств воздушных и от геены избавитися нам Господа умоли благоприятным твоим ходатайством, да ставше одесную славы Его, воспеваем с тобою: Аллилуиа.
Сей кондак глаголется трижды.
И паки чтется икос 1-й, и кондак 1-й.
Акафист святому благоверному князю Даниилу Московскому, чудотворцу
Кондак 1Богоизбранный воеводо от царствия земнаго, пришедый в нескончаемое Царствие Царя Христа, Ему же с небесными воинствы предстоиши блистаяся неувядаемою славою, приими молебное пение людей твоих, к теплому твоему ходатайству и заступлению прибегающих, и пред честными твоими мощами умильно вопиющих: Радуйся, княже Данииле, заступниче наш.
Икос 1Ангел во плоти явился еси, благоверне княже Данииле. Всю бо отложше гордость житейскую, смиренномудрия рачитель был еси, и сподобивыйся зрети славу Единороднаго от Отца, молится Ему о чтущих с верою и любовию святую память твою. Сего ради зовем к тебе:
Радуйся, отрасль благочестиваго корене;
радуйся, царей российских вечнующая похвало.
Радуйся, обличителю свар на праведных;
радуйся, наказателю обидящих.
Радуйся, кормителю нищих;
радуйся, тихое пристанище неповинно гонимых.
Радуйся, защитниче обидимых;
радуйся, вдов и сирот заступление.
Радуйся, хранителю державы наследия твоего;
радуйся, ревнителю православия.
Радуйся, иноков наставниче;
радуйся, яко нищету духовную паче богатства тленнаго возлюбил еси.
Радуйся, княже Данииле, заступниче наш.
Кондак 2Видяще мощи твоя, богомудре княже Данииле, нетлением прославленныя, от нихже, яко от источника воды живыя, вернии черпают исцеление, благодарственно вопием к Богу, дивному во святых Своих: Аллилуиа.
Икос 2Разум в послушание веры пленивый, и мудрость свыше нисходящую стяжавый, носило был еси Пресвятой Троицы, Юже и ныне славословя непрестанно, слышиши от всех:
Радуйся, мудрования земнаго тщету познавый;
радуйся, светом божественным душу твою просветивый.
Радуйся, славу царственную иноческому смотрению предпочивый;
радуйся, постом и воздержанием просиявый.
Радуйся, яко житием твоим благочестия образ был еси;
радуйся, грады державы твоея устроивый.
Радуйся, крепкий столпе и ограждение;
радуйся, родителю твоему блаженному князю Александру и сродником твоим, просиявшим святостью, последовавый.
Радуйся, добродетелей их наследниче;
радуйся, имый попечение привести в единовластие державу Русскую.
Радуйся, правителю мудрый и милостивый;
радуйся, и враждовавшим на тя добро с любовию творивый.
Радуйся, княже Данииле, заступниче наш.
Кондак 3Силою, данною ти свыше, препоясывайся, непобедимый оружник был еси, блаженне княже Данииле, множицею бо защищая достояние твое от враг безбожных, разрушал еси злохудожественные советы братии твоей, мир и безмятежие им даруя, и научая пети с тобою Богу: Аллилуиа.
Икос 3Имея тя предстателем своим пред Богом, великий град Москва и вся Российская держава притекает к ходатайству и заступлению твоему. Ты же, яко врач недугов душевных же и телесных, милосердно подаешь благая требующим помощи твоея, и всем вопиющим к тебе:
Радуйся, скорое в скорбех услышание;
радуйся, падших воставляяй.
Радуйся, немудрых умудрителю;
радуйся, покрове в теснотах и обидах сущих.
Радуйся, помоще беспомощных;
радуйся, болящих целителю.
Радуйся, добрый кормчий плавающих в треволнении житейском;
радуйся, сетующих утешение.
Радуйся, пастырю, призывающий овец заблуждших к избранному стаду Христову;
радуйся, венченосце, диадему украсивый одеянием иноческим.
Радуйся, доблесть царскую с кротостию инока сочетавый;
радуйся, яко властитель и инок совершен был еси.
Радуйся, княже Данииле, заступниче наш.
Кондак 4Бурею страстей по бездне греховней гонимый, но не утопая в ней, имый рачениедля благохваления Бога, дивно прославившагося в тебе, блаженне княже Данииле, молюся ти: просвети мысленные очеса и согрей сердце мое теплотою любви Божественныя, да, прославляя священную память твою, возопию с тобою сердцем и устнами: Аллилуиа.
Икос 4Слышавше князи российстии мудрое твое прещение им возжигати огнь лютый междоусобия первовластвования ради, и подущати дарами и клеветою друг на друга орду злокозненную, да нечестивыми своими воинствы проливают неповинную кровь христианскую, бояхся твоего правдолюбия, и с покорностью отлагаху замыслы свои. Сего ради земля российская, воспоминах твои благодеяния, зовет сицевая:
Радуйся, мира и тишины рачителю;
радуйся, обуздателю властолюбия.
Радуйся, страже бодрый, не попускавый на Церковь Христову и на род христианский врагов безстудных;
радуйся, радуйся, яко многих спасл еси от неправеднаго убиения.
Радуйся, подвижниче, полагаяй душу свою за люди твоя;
радуйся, яко и братия твоя, внемлюще благоразумному гласу твоему, прилепляхуся душею к миролюбию.
Радуйся, сатанинския плевелы развеваяй;
радуйся, семена небесной мудрости насаждаяй.
Радуйся, владыко, по образу Христа послушания на ся приемый;
радуйся, нивочтоже вменивый сокровища земная.
Радуйся, сокровище себе на небеси уготовавый;
радуйся, в светлостех святых жизнь нескончаемую наследовавый.
Радуйся, княже Данииле, заступниче наш.
Кондак 5Боготочная звезда на тверди Российстей явился еси, богомудре княже Данииле, совершая бо в терпении и посты путь дольний, возводил еси на град твой в светлости горим, и, напаяемый божественною благовестию, просвещал еси житием твоим всех, ищущих пути спасения вопиющих к Богу: Аллилуиа.
Икос 5Видевше лики ангельстии богоугодное житие твое, прославляху Бога, совершающаго силу Свою в немощи естества человеческаго, и ревностно сопровождаху тя в горняя по отшествии твоем от земли, идеже честное тело твое, яко сосуд избранный благодати божественныя, изливает дары чудотворения воспевающих тебе:
Радуйся, ангелов собеседниче;
радуйся, приятное молитвы кадило.
Радуйся, чудотворче скорый к услышанию молящихся;
радуйся, в немощех естества человеческаго силу Божию проявляяй.
Радуйся, души брашном негиблющим укрепляяй;
радуйся, светло светом богоразумия к свету вечному путеводяще.
Радуйся, крине благоуханный, от корене благочестиваго прозябший;
радуйся, оружниче пресветлый, победою над врагами видимыми и невидимыми венчанный.
Радуйся, насадивый обитель твою, яко сад прекрасный;
радуйся, подвизающимся в ней чадем послушних, оружие непобедимое на духов злобы поднебесных даруя.
Радуйся, добрый путеводителю всех текущих на подвиги благочестия;
радуйся, кроткий наказателю не исполняющих святые обеты свои, призывах их к исправлению.
Радуйся, княже Данииле, заступниче наш.
Кондак 6Проповедует Россия вся тебе, богоблаженне княже Данииле, скораго в бедах заступника, яко и недугующим врач, и страждущим помощник, в темницах и во узах сущим утешитель являешися, от злых сохраняя всех, вопиющих к Богу: Аллилуиа.
Икос 6Возсиял еси светило мудрости в державе твоей, благознамените княже Данииле: вся бо совершал к благоденствию подданых твоих, правду и милость на суде возлюбиле еси, и власть царскую смиренномудренно низводя к кротости, возвеличил еси подвиги твои саном иноческим: и земля российская величает тя, воспевающе сицевая:
Радуйся, яко родитель твой просия в тебе своею мудростию;
радуйся, зерцало славы его и благочестия.
Радуйся, радосте людей твоих;
радуйся, верный слуго Господень.
Радуйся, яко устрашал еси злых мечем, имже препоясан был еси;
радуйся, яко смирил еси клеветников.
Радуйся, злых наветов рушителю;
радуйся, гордыню возносившихся низлагавый.
Радуйся, возносивый смирение мудрых;
радуйся, любовию побеждаяй мысливших на тя злая.
Радуйся, возставивый град Москву, руками нечестивыми разрушенный;
радуйся, во смирении дух твой в руце Господа предавый.
Радуйся, княже Данииле, заступниче наш.
Кондак 7Хотя отгнати страстей прилоги, и всякия гордыни наваждение, плоть твою поработив Духови, пребывал еси в трудех на пользу достояния твоего, и дух твой просвещая светом истины и боговедения, ходил еси по пути непорочну, всем благотворя, вся усмиряя и вся терпя во славу Бога, даровавшего ти крепость и одоление на сопротивная: Ему же и мы с тобою вопием: Аллилуия.
Икос 7Новаго тя Ноя разумеем, святе Данииле, той бо правды ради спасеся от потопления воднаго, да не весь потребится род человеческий: ты же добродетелей ради хранимый Богом, в отчизне твоей обуреваемый нашествиями иноплеменных и междоусобными бранями, устроял еси защиту Церкве святей, направляя сердца и мысли сынов России ко единодушному на державу Ордынскую востанию, и якоже тогда воспринимал еси под кров твой всех прибегающих к защите твоей, тако приими в милостивое твое заступление и нас, зовущих к тебе:
Радуйся, княже Данииле, прозорливче богодухновенный;
радуйся, в единодержавии избавление России от ига враждебнаго и благоденствие ея предусмотривый.
Радуйся, проповедниче мира и братолюбия пред князьми российскими;
радуйся, яко тобою благоволение Божие на людей твоих изливается.
Радуйся, злых шатаний искоренителю;
радуйся, благих нравов насадителю.
Радуйся, неоскудевавый в подвизех царских;
радуйся, неослабевавый,шествуя по пути подвигоположника Христа.
Радуйся, обитель твою яко орган златострунный благохваленияустроивый;
радуйся, чудесами по данной ти от Бога благодати в ней сияющий.
Радуйся, неоскудеваемый милости источниче;
радуйся, пристанище всех, к ходатайству твоему притекающих.
Радуйся, княже Данииле, заступниче наш.
Кондак 8Странно видети суемудренным, како мощи твоя, блаженне княже Данииле, пришедшим к тем трем стом четыредесяти и девяти обретох в недрах земных нетленны: мы же, припадающе перед величием славы Бога, хранящаго кости преподобных своих, со умилением зовем: Аллилуиа.
Икос 8Весь еси всем верующим любовь и благостыня, богоносе княже Данииле, и чудным твоим пред Богом ходатайством, призывая вся вкупе на похвалу имени Его , яко помощник, заступник, свободитель и целитель подвизаеши вопити к тебе:
Радуйся, саде благодати Христовой;
радуйся, великий его блюстителю.
Радуйся, манно духовная, питающая алчущих спасения;
радуйся, росо неботочная, напояющая жаждущих блаженства вечнаго.
Радуйся, светильниче, показующий путь истины блуждающим во тьме греховней;
радуйся, нуждающимся изобилие подаваяй.
Радуйся, треволнение страстей укрощаяй;
радуйся, люте страждущим терпение даруяй.
Радуйся, прилоги вражеския отгоняяй;
радуйся, яко тобою исцеление недующие получают.
Радуйся, яко неповинных от гибели избавляеши;
радуйся, яко печаль и плач на радость прелагаеши.
Радуйся, княже Данииле, заступниче наш.
Кондак 9Всякия утоли злых наших помыслов обуревание, великий наш наставниче на дела спасения, святе княже Данииле, изливая благодатныя исцеления на язвы греховных душ наших, сердца же услаждая братолюбием и кротостию, и научи всех едиными усты и единым сердцем воспевати с тобою Богу: Аллилуиа.
Икос 9Витийства чуднаго глаголы излияхуся из уст твоих, княже Данииле, внегда явлься у гроба своего юноше некоему из дружины княжеския, повелел еси возвестити великому князю Иоанну Васильевичу: яко утешая себе, не прилагает мысли своей воспомянути о тебе, и притече князь оный ко гробу твоему со архиереем и с освященным собором и молитвы творяху, и вси людие взываху к тебе:
Радуйся, равноангельне княже Данииле;
радуйся, царей наставниче.
Радуйся, человече Божий, яко паче человек содеваяй;
радуйся, суету услаждений житейских обличаяй.
Радуйся, трубо, пробуждающая спящих в похотениях плоти к молитве и воздержанию;
радуйся, явлением при гробе твоем по жизни временной жизнь вечную указавый.
Радуйся, общения благодатнаго усопших с живущими на земле проявитель;
радуйся, яко сам явлением воставлению разрушенной обители твоей способствовал еси.
Радуйся, проповедниче молитвы к Богу о преставльшихся в чаянии воскресения мертвых;
радуйся, чевствованию богоугодивших Богу научаяй.
Радуйся, причастниче силы Божия, не дающей преподобным Его видети истления;
радуйся, всех ищущих спасения к жизни вечной напутствуяй.
Радуйся, княже Данииле, заступниче наш.
Кондак 10Спасти хотя душу твою, совлекл еси ветхаго человека с деяньми его, и облекшися в человека новаго, в путь крестный бодрственно шел еси, яко добрый воин Христов, боговенчанне княже Данииле, не смущаяся прилога вражиим, и не обленяяся сластьми житейскими, но устраняя от себе вся суетная, избрал еси едино на потребу, едино знати и любити Единаго Бога, воспевая Ему: Аллилуиа.
Икос 10Стена еси всем подражающим богоугодному житию твоему, блаженне княже Данииле, и всем, с верою к заступлению твоему прибегающим: и якоже не отринул еси молений отца некоего, и спасл еси от смерти сына его, дав ему во едином часе на гробе твоем исцеление, тако и нас не отрини, прославляющих чудеса твоя и вопиющих ти с любовию таковая:
Радуйся, от напрасныя смерти избавляяй;
радуйся, добрый врачу душ и телес.
Радуйся, от бед и скорбей изымаяй;
радуйся, всем прибегающим к тебе полезная подаваяй.
Радуйся, трудолюбию и послушанию научаяй;
радуйся, души молящихся к тебе светом боговедния просвещаяй.
Радуйся, сладость духовную изливаяй;
радуйся, немощным силу и крепость подаваяй.
Радуйся, связанных греховными узами к покаянию призываяй;
радуйся, постников в воздержании укрепляяй.
Радуйся, иноков благочестивых сладосте;
радуйся, всех преподобных радование.
Радуйся, княже Данииле, заступниче наш.
Кондак 11Пение со умилением сердца принесл еси Пресвятей Троице, блаженне княже Данииле, пощением и молитвою прославляя Сотворившаго всяческая, созидая во области твоей святых храмы, правдолюбием и милостынею преуспевал еси в вере, надежде и любви к Богу, научая всех воспевати Ему: Аллилуиа.
Икос 11Светозарный луч мудрости видеша тя российстии сынове в жизни временней, богоизбранне княже Данииле! От юности бо сердце твое содеяся виталище добродетели и страха Божия, и, яко из источника чистаго, истекаху из него благотворение, правда и милость: уста же твоя вещаху всем мирная, и никтоже можаше сопротивлятися мудрым глаголом твоим. Ты же, покоряя страсти твоя уму здравому, был еси образ кротости, воздержания и смирения: сего ради возвеличи тя Господь, и научи всех воспевати тебе таковая:
Радуйся, яко в страсе Господнем премудрость обрел еси;
радуйся, царей украшение.
Радуйся, образе кротости духовныя;
радуйся, заре, сияющая светом солнца незаходимаго.
Радуйся, страже добрый, данный Богом стране Российстей;
радуйся, ограждение всех, прибегающих к твоему заступлению.
Радуйся, сияние, разгоняющее мрак греховный;
радуйся, ложныя сплетения наветников разрушаяй.
Радуйся, изводяй яко свет правду неповинно истязуемых;
радуйся,смирением к славе вечной возведенный.
Радуйся, чудотворче предивный, царедворца онаго, иже с дерзостным посмеянием воскочи на камень гроба твоего, недугом зельным наказавый;
радуйся, яко тому покаявшуся прощение и исцеление подал еси.
Радуйся, княже Данииле, заступниче наш.
Кондак 12Благодать Божия изливашеся из уст твоих, блаженне княже Данииле, всегда прекращая свары, проповедывал еси братии твоей мир и единодушие, овых устрашая ратными ополчениями, овых побеждая любовию, и спасая от варвар безстудных отчизну твою, дивный миротворец был еси, темже и вселися в тя Пресвятый Дух, Егоже дарованьми обогати душу твою, иноческую нищету на ся приял еси, воспевая к Богу: Аллилуиа.
Икос 12Поюще твоя чудеса, благоверне княже Данииле, благословляем Бога, дивно в тебе прославившагося. Но аще и многия составили песни в похвалу имени твоего, ничтоже сотворили бы достойное твоего к человеком благоволения великаго, имже удивляяяся, глаголем таковая:
Радуйся, святых храмов во славу Бога строителю;
радуйся, терпением свободу чад Божиих стяжавый.
Радуйся, слез твоих излияньми цвет радости духовныя возрастивый;
радуйся, теплотою любви охладевающих в вере согреваяй.
Радуйся, царю, Царя царствующих служителю;
радуйся, небесных воинств Его и святых служителей сожителю.
Радуйся, верных защитниче;
радуйся, неверия искоренителю.
Радуйся, ложныя уста заграждаяй;
радуйся, Давида меньший в братии твоей, больший их соделавыйся.
Радуйся, яко сам сир бывый, сирых призиравше;
радуйся, яко дряхлым сединам крепость обновлявши.
Радуйся, княже Данииле, заступниче наш.
Кондак 13О прехвальный и пречудный княже Данииле, скорбящих утешение, обидимых защитниче, приими молебное наше приношение, изми нас от всякия нужды, скорби и печали, помяни и в часе смертном, от горьких мытарств воздушных и от геены избавитися нам Господа умоли благоприятным твоим ходатайством, да ставше одесную славы Его, воспеваем с тобою: Аллилуиа.
Сей кондак глаголется трижды.
И паки чтется икос 1-й, и кондак 1-й.