"Вось сымбаль твой забыты, краю родны"?! :)

[suziralnik]

(Летняму сонцавароту прысьвячаецца)

Comments

[emieryka]

А ў нас ад немцаў пару такіх пасудзінак засталося...

[suziralnik]

Усё-ж наўрацьці от такія пасудзінкі ў 12-13 ст.(!) шырока, ад Быхава да Воранаўскага р-ку, імпартаваліся ў Беларусь ад немцаў! :)

[emieryka]

А ў 1930-х гадох імпартаваліся? Ці толькі ужо ў 1940-х разам зь немцамі прыехалі?

[suziralnik]

Калі ў Заходняй Беларусі, то пэўна можна дапусьціць, што нямецкая парцаляна ці фаянс імпартавалася ў 1934-1939 ў Польшчу. Асабліва калі добрай якасьці, як баварская. Але здаецца больш імаверна ў 40-х зь немцамі прыехалі.

[alesarkush]

а ў мяне ёсьць полацкі пярсьцёнак з такім знакам)

[suziralnik]

Зараз скажуць, што такі пярсьцёнак, мусіць быць, ад тэўтонаў застаўся :)

[suziralnik]

Сувязь тут, гм, вельмі далёкая: канешне славяне з гэрманцамі паходзілі з аднаго індаэўрапэйскага кораню -- аднак падзяліліся, як мяркуецца, не пазьней як 5000 гадоў таму.

Дарэчы ці сапраўды захоўвалася "салярная сымболіка" ў нямецкім фальклорным арнамэнце, як яна месцамі захоўвалася ў Беларусі аж да пач. 20 ст. (пав. энц. „Беларускі фальклор“) -- я ніякіх доказаў пакуль ня бачыў. -- Падазраю, што ў германцаў свастыка была страчаная вельмі даўно, прынамсі ў англа-саксаў страчаная штосьці ў 9-10 ст. А таму падаецца, што яе ўжытак у Нямеччыне групамі інда-гэрманскіх зацікаўленьняў, нацыянал-містыкамі ў кан. 19 - пач. 20 ст., і ўрэшце нацыстамі, не грунтаваўся на рэальных "родных" прыкладах і жывой арнамэнтальнай традыцыі, а быў ва ўмовах Нямеччыны суцэльным "навадзелам" (імпартаваным з Індыі, Тыбету, дзе яны шукалі сваякоў).