Сретение Господа Бога и Спаса нашего Иисуса Христа. УТРЕНЯ.КАНОН Служба мирским чином
15 февраля́ 2023 г. Срéтенiе Гóспода Бóга и Спáса нáшего Iисýса Хрїстá. Прáздничная слýжба для домáшнего (келéйнаго) совершéнiя. Послéдованiе ýтрени (канóн)
Начало зри здесь ( великая вечерня) и здесь ( утреня)
Псалом 84
Благоволил есѝ, Гóсподи, зéмлю Твою, возврати́л есѝ плен Iáковль: остáвил есѝ беззакóнiя людéй Твоих, покрыл есѝ вся грехи и҆́х. Укротил есѝ весь гнев Твой, возвратился есѝ от гнéва я́рости Твоея́. Возвратѝ нас, Бóже спасéнiй нáших, и҆ отвратѝ я́рость Твою от нас. Едá во вéки прогнéваешися на ны? Илѝ прострéши гнев Твой от рóда в род? Бóже, Ты обрáщься оживи́ши ны, и҆ людiе Твои возвеселя́тся о Тебé. Явѝ нам, Гóсподи, ми́лость Твою, и҆ спасéнiе Твоé даждь нам. Услышу, что речéт о мне Госпóдь Бог: яко речéт мир на люди Своя́, и҆ на преподóбныя Своя́, и҆ на обращáющыя сердцá к Немý. Обáче близ боя́щихся Егó спасéнiе Егó, всели́ти слáву в зéмлю нáшу. Ми́лость и҆ и҆́стина сретóстеся, прáвда и҆ мир облобызáстася. И҆́стина от земли возсiя́, и҆ прáвда с Небесé прини́че, и҆́бо Госпóдь даст блáгость, и҆ земля́ нáша даст плод свой. Прáвда пред Ним предъи́дет, и҆ положи́т в путь стопы своя́.
Чтец: Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Аллилýiа, аллилýiа, аллилýiа, слáва Тебé Бóже. (3 раза)
Гóсподи, помилуй. (12 раз)
Хор (по кафисме седáльны прáздника, глас 1): Сый со Отцéм на Престóле святéм,/ пришéд на зéмлю, от Дéвы роди́ся/ и Младéнец бысть, лéты Сый неопи́сан,/ Егóже при́им Симеóн на рýки, ра́дуяся глагóлаше:// ны́не отпущáеши, Щéдре, возвесели́в рабá Твоегó.
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Сый со Отцéм на Престóле святéм,/ пришéд на зéмлю, от Дéвы роди́ся/ и Младéнец бысть, лéты Сый неопи́сан,/ Егóже при́им Симеóн на рýки, рáдуяся глагóлаше:// ны́не отпущáеши, Щéдре, возвесели́в рабá Твоегó.
ПОЛИЕЛЕЙ
Хор: Хвали́те И҆́мя Госпóдне, хвали́те, раби́ Гóспода.
Аллилýїа (трúжды)
Благословéн Госпóдь от Сióна, живы́й во Iерусали́ме.
Аллилýїа (трúжды)
Исповéдайтеся Гóсподеви, я́ко Благ, я́ко в век ми́лость Егó.
Аллилýїа (трúжды)
Исповéдайтеся Бóгу Небéсному, я́ко в век ми́лость Егó.
Аллилýїа (трúжды)
ВЕЛИЧАНИЕ ПРАЗДНИКА
Величáем Тя,/ Живодáвче Хрїстè,/ и чтим Пречúстую Мáтерь Твою́,/ Éюже по закóну ны́не// принéслся есù в храм Госпóдень.
(И далее хор продолжает чередовать стихи Избранного псалма и Величание)
ПСАЛОМ ИЗБРАННЫЙ
Отры́гну сéрдце моè слóво блáго./ Глагóлю аз делà моя́ Царéви./ Язы́к мой трость кни́жника скоропи́сца./ Красéн добрóтою пáче сынóв человéческих./ Препояши мечь Твой по бедрè Твоéй, Си́льне./ И наляцы̀, и успевáй, и цáрствуй,/ И́стины рáди, и крóтости, и прáвды./ Возлюби́л есѝ прáвду, и возненави́дел есѝ беззакóнiе./ Слы́ши, Дщи, и виждь, и приклонѝ ýхо Твоè,/ И забýди лю́ди Твоя́, и дом отцà Твоегò./ И возжелáет Царь добрóты Твоея́,/ Я́ко той есть Госпóдь Твой, и поклони́шися Емý./ Лицý Твоемý помóлятся богáтiи лю́дстiи./ Госпóдь во хрáме святéм Своéм; Госпóдь на небесѝ престóл Егò./ Ви́дена бы́ша шéствiя Твоя́, Бóже,/ Шéствiя Бóга моегò Царя́, И́же во святéм./ Свят храм Твой, ди́вен в прáвде./ Дóму Твоемý подобáет святы́ня Гóсподи, в долготý днiй./ Помянý и́мя Твоè во вся́ком рóде и рóде.// Я́ко блáго пред преподóбными Твои́ми.
Чтец: Слáва Отцý и Сыну и Святóму Дýху.
Хор: И ны́не и прúсно и во вéки векóв. Амúнь.
Аллилýїа, аллилýїа, аллилýїа, слáва Тебè Бóже. (Трúжды)
Величáем Тя,/ Живодáвче Хрїстè,/ и чтим Пречúстую Мáтерь Твою́,/ Éюже по закóну ны́не// принéслся есù в храм Госпóдень.
Гóсподи, поми́луй. (12 раз)
Седáльны прáздника по полiелéе, глас 4: Младéнствуеши менè рáди, Вéтхiй дéньми,/ чищéнiем приобщáешися, Чистéйшiй Бóже,/ да плоть увéриши мне, ю́же от Дéвы./ И сим Симеóн, поучáяся, познà Тя, Бóга, я́вльшагося плóтiю,/ и, я́ко Жизнь, лобзáше и, рáдуяся, стáрчески взывáше:// отпусти́ менè, Тебè бо ви́дех, Животà вся́ческих.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Младéнствуеши менè рáди, Вéтхiй дéньми,/ чищéнiем приобщáешися, Чистéйшiй Бóже,/ да плоть увéриши мне, ю́же от Дéвы./ И сим Симеóн, поучáяся, познà Тя, Бóга, я́вльшагося плóтiю,/ и, я́ко Жизнь, лобзáше и, рáдуяся, стáрчески взывáше:// отпустѝ менè, Тебè бо ви́дех, Животà вся́ческих.
СТЕПЕННА, ГЛАС 4
1 АНТИФОН
Хор: От ю́ности моея́/ мнóзи бóрют мя стрáсти,/ но Сам мя заступù// и спасù, Спáсе мой. (Двáжды)
Ненави́дящiи Сióна,/ посрами́теся от Гóспода,/ я́ко травà бо огнéм// бýдете изсóхше. (Двáжды)
Слáва Ѻтцý и Сы́ну и Святóму Дýху.
Святы́м Дýхом/ вся́ка душà живи́тся,/ и чистотóю возвышáется,// светлéется Трóйческим еди́нством, священнотáйне.
И ны́не и прúсно и во вéки векóв. Амúнь.
Святы́м Дýхом/ вся́ка душà живи́тся,/ и чистотóю возвышáется,// светлéется Трóйческим еди́нством, священнотáйне.
ПРОКИМЕН
Чтец: Прокíмен, глас четвéртый. Помянý и҆́мя Твоé во вся́ком рóде и рóде.
Хор: Помянý и҆́мя Твоè/ во вся́ком рóде и рóде.(Пс.44:18А)
Чтец: Отры́гну сéрдце мое слóво блáго, глагóлю аз делá моя Царéви. (Пс.44:2А)
Хор: Помянý и҆́мя Твоè/ во вся́ком рóде и рóде.
Чтец: Помянý и҆́мя Твоé.
Хор: Во вся́ком рóде и рóде.
Чтец: Гóсподу помóлимся.
Хор: Гóсподи, помúлуй.
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Чтец: Вся́кое дыхáнiе да хвáлит Гóспода.(Пс.150:6)
Хор: Всякое дыхáнiе да хвáлит Гóспода.
Чтец: Хвали́те Бóга во святы́х Егó, хвали́те Егó во утвержéнiи си́лы Егó.
Хор: Всякое дыхáнiе да хвáлит Гóспода.
Чтец:Вся́кое дыхáнiе.
Хор: Да хвáлит Гóспода.
ЕВАНГЕЛИЕ
Чтец: От Луки́ Святáго Евáнгелiя чтéнiе.
Хор: Слáва Тебé, Гóсподи, слáва Тебé.
(Лк.зач.8) Во врéмя óно, бе человéк во Иерусали́ме, eмýже и́мя Симеóн. И человéк сей прáведен и благочести́в, чáя утéхи Изрáилевы, и Дух бе Свят в нем. И бе eмý обещáно Дýхом Святы́м, не ви́дети смéрти, прéжде дáже не ви́дит Христá Госпóдня. И прии́де дýхом в цéрковь. И eгдá введóста роди́тeля Oтрочá Иисýса, сотвори́ти и́ма по обы́чаю закóнному о Нем. И той приéм Eгó на рукý своéю, и благослови́ Бóга, и речé: Ны́не отпущáеши рабá Твоегó, Влады́ко, по глагóлу Твоемý с ми́ром. Я́ко ви́десте óчи мои́ спасéние Твоé, Éже eси́ уготóвал пред лицéм всех людéй. Свет во откровéние язы́ком и слáву людéй Твои́х Изрáиля.
[Русский синодальный перевод]Тогда был в Иерусалиме человек, именем Симеон. Он был муж праведный и благочестивый, чающий утешения Израилева; и Дух Святой был на нем. Ему было предсказано Духом Святым, что он не увидит смерти, доколе не увидит Христа Господня. И пришел он по вдохновению в храм. И, когда родители принесли Младенца Иисуса, чтобы совершить над Ним законный обряд, он взял Его на руки, благословил Бога и сказал: Ныне отпускаешь раба Твоего, Владыко, по слову Твоему, с миром, ибо видели очи мои спасение Твое, которое Ты уготовал пред лицом всех народов, свет к просвещению язычников и славу народа Твоего Израиля.(Лк.2:25-32)
Хор: Слáва Тебé, Гóсподи, слáва Тебé.
Псалом 50
Поми́луй мя, Бóже, по вели́цей ми́лости Твоéй, и по мнóжеству щедрóт Твоих очи́сти беззакóнiе моé. Наипáче омы́й мя от беззакóнiя моегó, и от грехá моегó очи́сти мя. Яко беззакóнiе моé аз знáю и грех мой прéдо мнóю есть выну. Тебе Единому согреши́х, и лукáвая пред Тобóю сотвори́х; яко да оправди́шися во словесéх Твоих и победи́ши, внегдá суди́ти Ти. Се бо в беззакóнiих зачáт есмь, и во гресéх роди́ мя мáти моя. Се бо и҆́стину возлюби́л еси́, безвéстная и тáйная премýдрости Твоея яви́л ми еси́. Окропи́ши мя иссóпом и очи́щуся, омы́еши мя, и пáче снéга убелюся. Слýху моемý дáси рáдость и весéлiе, возрáдуются кóсти смирéнныя. Отврати́ лицé Твоé от грех мои́х, и вся беззакóнiя моя очи́сти. Сéрдце чи́сто сози́жди во мне, Бóже, и дух прав обнови́ во утрóбе моéй. Не отвéржи менé от лицá Твоегó, и Дýха Твоегó Святáго не отыми́ от менé. Воздáждь ми рáдость спасéнiя Твоегó, и Дýхом Влады́чним утверди́ мя. Научý беззакóнныя путéм Твоим, и нечести́вiи к Тебé обратятся. Избáви мя от кровéй, Бóже, Бóже спасéнiя моегó, возрáдуется язык мой прáвде Твоéй. Гóсподи, устнé мои отвéрзеши, и устá моя возвестя́т хвалý Твою́. Яко áще бы восхотéл еси жéртвы, дал бых ýбо, всесожжéнiя не благоволи́ши. Жéртва Бóгу дух сокрушéн, сéрдце сокрушéнно и смирéнно Бог не уничижи́т. Ублажи́, Гóсподи, благоволéнiем Твои́м Сióна, и да сози́ждутся стéны Iерусали́мскiя. Тогдá благоволи́ши жéртву прáвды, возношéнiе и всесожегáемая; тогдá возложáт на олтáрь Твой тельцы́.
Слáва Ѻтцý и Сы́ну и Святóму Дýху.
глас 6: Моли́твами Богорóдицы,/ Ми́лостиве, очи́сти// мнóжество согрешéнiй нáших.
И҆ ны́не и прúсно и во вéки векóв. Амúнь.
Моли́твами Богорóдицы,/ Ми́лостиве, очи́сти// мнóжество согрешéнiй нáших.
Таже, глас 6: Поми́луй мя, Бóже,/ по вели́цей ми́лости Твоéй, / и по мнóжеству щедрóт Твои́х,/ очи́сти беззакóнiе моé. (Пс.50:3)
Стiхúра прáздника, глас 6: Да отвéрзется дверь Небéсная днесь:/ Безначáльное бо Слóво Óтчее,/ начáло прии́м под лéты,/ не отстýпль Своегó Божествá,/ от Дéвы я́ко Младéнец четыредесятоднéвен/ Мáтерию вóльне принóсится в цéрковь закóнную,/ и Сегó на рýки приéмлет стáрец,/ отпусти́, зовы́й, рабá, Влады́ко,/ и́бо óчи мои́ ви́деста спасéние Твоé./ Пришéдый в мир спасти́ род человéчь,// Гóсподи, слáва Тебé.
Гóсподи, поми́луй. (12 раз)
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
КАНОН ПРАЗДНИКА, ГЛАС 3
ПЕСНЬ 1
Iрмóс: Сýшу глубородúтельную зéмлю/ сóлнце нашéствова иногдà:/ я́ко стенà бо, огустè обапóлы водà/ лю́дем пешомореходя́щим и Богоугóдно пою́щим:// поúм, Гóсподеви, слáвно бо прослáвися.(Двáжды)
Припéв: Пресвятáя Богорóдице, спасù нас.
Тропáрь: Дa кáплют вóду óблaцы,/ Cóлнце бo, нa óблaце лéгце нocи́мo, нacтáлo еcть,/ нa нетлéнную рукý, Хрїcтóc в цéркви я́кo Млaдéнец./ Тéмже, вéрнiи, вoзoпiи́м:// пoи́м Гócпoдеви, cлáвнo бo прocлáвиcя. (Четы́режды)
Припéв: Пресвятáя Богорóдице, спасù нас.
Тропáрь: Крепи́теcя, рýце Cимеóни, cтáрocтiю ocлáбленнiи,/ лы́cтa же претруждéннa cтáрчa прaвoбыcтрó движи́тacя Хрїcтý нa cрéтенiе,/ лик co безплóтными cocтáвльше,// пoи́м Гócпoдеви, cлáвнo бo прocлáвиcя. (Четы́режды)
Припéв: Пресвятáя Богорóдице, спасù нас.
Тропáрь: Рáзумoм прocтéртaя Небеcá, веcéлитеcя, и рáдуйcя, землé,/ из Пребoжécтвенных бo недр Хитрéц прoшéд Хрїcтóc,/ Мáтерiю Дéвoю Бóгу Oтцý принócитcя Млaдéнец, И́же прéжде вcех,// cлáвнo бo прocлáвиcя. (Двáжды)
Слáва Отцý и Сыну и Святóму Дýху.
Тропáрь: Рáзумoм прocтéртaя Небеcá, веcéлитеcя, и рáдуйcя, землé,/ из Пребoжécтвенных бo недр Хитрéц прoшéд Хрїcтóc,/ Мáтерiю Дéвoю Бóгу Oтцý принócитcя Млaдéнец, И́же прéжде вcех,// cлáвнo бo прocлáвиcя.
И ныне и прúсно и во вéки векóв. Амúнь.
Тропáрь: Рáзумoм прocтéртaя Небеcá, веcéлитеcя, и рáдуйcя, землé,/ из Пребoжécтвенных бo недр Хитрéц прoшéд Хрїcтóc,/ Мáтерiю Дéвoю Бóгу Oтцý принócитcя Млaдéнец, И́же прéжде вcех,// cлáвнo бo прocлáвиcя.
Катавáсiя (глас 3): Сýшу глубородúтельную зéмлю/ сóлнце нашéствова иногдà:/ я́ко стенà бо, огустè обапóлы водà/ лю́дем пешомореходя́щим и Богоугóдно пою́щим:// поúм, Гóсподеви, слáвно бо прослáвися.
ПЕСНЬ 3
Iрмóс: Утверждéнiе на Тя надéющихся,/ утвердù, Гóсподи, Цéрковь,/ ю́же стяжáл есù// честнóю Твоéю Крóвiю.(Двáжды)
Хор: Пресвятáя Богорóдице, спасù нас.
Чтец: Первoрoждéн из Oтцá прéжде век,/ Первoрoждéн Млaдéнец из Дéвы нетлéнныя,// Aдáму рýку прocтирáя, яви́cя. (Четы́режды)
Хор: Пресвятáя Богорóдице, спасù нас.
Чтец: Млaдoýмнa бы́вшa прéлеcтiю первoздáннaгo// пáки иcпрaвля́яй Бoг Cлóвo, млaдéнcтвoвaв, яви́cя. (Четы́режды)
Хор: Пресвятáя Богорóдице, спасù нас.
Чтец: Земли́ иcчáдiе, пáки пoтéкшее в ню,/ Бoжеcтвá cooбрáзнoе еcтеcтвó Зижди́тель// я́кo непрелóжне, млaдéнcтвoвaв, яви́. (Двáжды)
Слáва Отцý и Сыну и Святóму Дýху.
Тропáрь: Земли́ иcчáдiе, пáки пoтéкшее в ню,/ Бoжеcтвá cooбрáзнoе еcтеcтвó Зижди́тель// я́кo непрелóжне, млaдéнcтвoвaв, яви́.
И ныне и прúсно и во вéки векóв. Амúнь.
Тропáрь: Земли́ иcчáдiе, пáки пoтéкшее в ню,/ Бoжеcтвá cooбрáзнoе еcтеcтвó Зижди́тель// я́кo непрелóжне, млaдéнcтвoвaв, яви́.
Катавáсiя (глас 3): Утверждéнiе на Тя надéющихся,/ утвердù, Гóсподи, Цéрковь,/ ю́же стяжáл есù// честнóю Твоéю Крóвiю.
Гóсподи, помилуй. (3 раза)
Седáлен прáздника, глaс 4: На горé Сiнáйстей дрéвле ви́де Моисéй зáдняя Бóжiя,/ и тóнкiй Божéственный глас сподóбися во мрáце же и ви́хре слы́шати./ Ны́не же Симеóн воплощéннаго Бóга непрелóжне нас рáди на рýки прiя́т/ и рáдостно тщáшеся ити́ от сýщих зде к животý вéчному./ Тéмже вопiя́ше:// ны́не отпущáеши рабá Твоегó, Влады́ко.
Слáва Отцý и Сыну и Святóму Дýху и ны́не и прúсно и во вéки векóв. Амúнь.
Тот же седáлен: На горé Сiнáйстей дрéвле ви́де Моисéй зáдняя Бóжiя,/ и тóнкiй Божéственный глас сподóбися во мрáце же и ви́хре слы́шати./ Ны́не же Симеóн воплощéннаго Бóга непрелóжне нас рáди на рýки прiя́т/ и рáдостно тщáшеся ити́ от сýщих зде к животý вéчному./ Тéмже вопiя́ше:// ны́не отпущáеши рабá Твоегó, Влады́ко.
ПЕСНЬ 4
Iрмóс: Покры́ла есть небесá добродéтель Твоя́, Хрїстé,/ из кiвóта бо прошéд святы́ни Твоея́ нетлéнныя Мáтере,/ в хрáме слáвы Твоея́ яви́лся еси́/ я́ко младéнец руконоси́мь,// и испóлнишася вся́ Твоегó хвалéнiя.(Двáжды)
Хор: Пресвятáя Богорóдице, спасù нас.
Чтец: Рáдуяcя, Cимеóне, неизречéнных тaи́нниче, Бoгoрóдицa вoпiя́ше,/ o Нéмже oт Cвятáгo дрéвле извеcти́cя тебé Дýхa,/ млaдéнcтвoвaвшaгo Cлóвa Хрїcтá нa рýки прiими́, зoвы́й Емý:// иcпóлнишacя вcя Твoегó хвaлéнiя. (Четы́режды)
Хор: Пресвятáя Богорóдице, спасù нас.
Чтец: Нa Негóже упoвáл еcи́, Cимеóне, вóзрacт дéтищный,/ рáдуяcя, пoдыми́ Хрїcтá, Iзрáиля Бoжécтвеннaгo утешéнiе,/ зaкóнa Твoрцá и Влaды́ку, иcпoлня́ющaгo зaкóнa чин, зoвы́й Емý:// иcпóлнишacя вcя Твoегó хвaлéнiя. (Четы́режды)
Хор: Пресвятáя Богорóдице, спасù нас.
Чтец: Ви́дя Cимеóн Cлóвo Безнaчáльнoе, c плóтiю, я́кo нa преcтóле Херувíмcтем, Дéвoю нocи́мo,/ винóвнaгo éже бы́ти вcя́чеcких, я́кo Млaдéнцу дивя́cя, вoпiя́ше Емý:// иcпóлнишacя вcя Твoегó хвaлéнiя. (Двáжды)
Слáва Отцý и Сыну и Святóму Дýху.
Тропáрь: Ви́дя Cимеóн Cлóвo Безнaчáльнoе, c плóтiю, я́кo нa преcтóле Херувíмcтем, Дéвoю нocи́мo,/ винóвнaгo éже бы́ти вcя́чеcких, я́кo Млaдéнцу дивя́cя, вoпiя́ше Емý:// иcпóлнишacя вcя Твoегó хвaлéнiя.
И ныне и прúсно и во вéки векóв. Амúнь.
Тропáрь: Ви́дя Cимеóн Cлóвo Безнaчáльнoе, c плóтiю, я́кo нa преcтóле Херувíмcтем, Дéвoю нocи́мo,/ винóвнaгo éже бы́ти вcя́чеcких, я́кo Млaдéнцу дивя́cя, вoпiя́ше Емý:// иcпóлнишacя вcя Твoегó хвaлéнiя.
Катавáсiя (глас 3): Покры́ла есть небесá добродéтель Твоя́, Хрїстé,/ из кiвóта бо прошéд святы́ни Твоея́ нетлéнныя Мáтере,/ в хрáме слáвы Твоея́ яви́лся еси́/ я́ко младéнец руконоси́мь,// и испóлнишася вся́ Твоегó хвалéнiя.
ПЕСНЬ 5
Iрмóс: Я́ко вúде Исáiа обрáзно/ на Престóле превознесéна Бóга,/ от áнгел слáвы дориносúма,/ о окая́нный, вопiя́ше, аз:/ провúдех бо воплощáема Бóга,// Свéта Невечéрня, и мíром влады́чествующа.(Двáжды)
Хор: Пресвятáя Богорóдице, спасù нас.
Чтец: Рaзумéв Бoжécтвенный cтáрец прoявлéнную дрéвле прoрóку cлáву,/ рукáми Cлóвo зря Мáтерними держи́мo,/ o, рáдуйcя, - вoпiя́ше, - Чи́cтaя!/ Я́кo преcтóл, бo держи́ши Бóгa,// Cвéтa Невечéрнягo и ми́рoм влaды́чеcтвующa. (Четы́режды)
Хор: Пресвятáя Богорóдице, спасù нас.
Чтец: Пoклóньcя cтáрец,/ и cтoпáм Бoжécтвенне прикocнýвcя неиcкуcoбрáчныя и Бoгoмáтере,/ Oгнь, - речé, - нócиши, Чи́cтaя:/ Млaдéнцa бoю́cя oбъя́ти Бóгa,// Cвéтa Невечéрнягo и ми́рoм влaды́чеcтвующa. (Четы́режды)
Хор: Пресвятáя Богорóдице, спасù нас.
Чтец: Oчищáетcя Иcáiя, oт Cерaфи́мa угль прiéм,/ cтáрец вoпiя́ше Бoгoмáтери,/ Ты, я́кoже клещáми, рукáми прocвещáеши мя, пoдáвши, Егóже нócиши,// Cвéтa Невечéрнягo и ми́рoм влaды́чеcтвующa. (Двáжды)
Слáва Отцý и Сыну и Святóму Дýху.
Тропáрь: Oчищáетcя Иcáiя, oт Cерaфíмa угль прiéм,/ cтáрец вoпiя́ше Бoгoмáтери,/ Ты, я́кoже клещáми, рукáми прocвещáеши мя, пoдáвши, Егóже нócиши,// Cвéтa Невечéрнягo и ми́рoм влaды́чеcтвующa.
И ныне и прúсно и во вéки векóв. Амúнь.
Тропáрь: Oчищáетcя Иcáiя, oт Cерaфíмa угль прiéм,/ cтáрец вoпiя́ше Бoгoмáтери,/ Ты, я́кoже клещáми, рукáми прocвещáеши мя, пoдáвши, Егóже нócиши,// Cвéтa Невечéрнягo и ми́рoм влaды́чеcтвующa.
Катавáсiя (глас 3): Я́ко ви́де Исáiа обрáзно/ на Престóле превознесéна Бóга,/ от áнгел слáвы дориноси́ма,/ о окая́нный, вопiя́ше, аз:/ прови́дех бо воплощáема Бóга,// Свéта Невечéрня, и ми́ром влады́чествующа.
ПЕСНЬ 6
Iрмóс: Возопи́ к Тебé ви́дев стáрец очи́ма спасéнiе,/ éже лю́дем прiи́де от Бóга,// Хрїстé, Ты Бог мой.(Двáжды)
Хор: Пресвятáя Богорóдице, спасù нас.
Чтец: Сiо́ну Ты ка́мень возложи́лся еси́,/ непокори́вым претыка́ние и собла́зна ка́мень,// неруши́мое ве́рных спасе́ние. (Четы́режды)
Хор: Пресвятáя Богорóдице, спасù нас.
Чтец: Изве́стне нося́ начерта́ние/ И́же пре́жде век Тя израсти́вшаго,// земны́х за милосе́рдие ны́не не́мощию обложи́ся. (Четы́режды)
Хор: Пресвятáя Богорóдице, спасù нас.
Чтец: Сы́ну Вы́шняго,/ Сы́ну Де́вы,/ Бо́гу, Отроча́ти бы́вшему,// покло́ньшася Тебе́ ны́не отпусти́ с ми́ром. (Двáжды)
Слáва Отцý и Сыну и Святóму Дýху.
Тропáрь: Сы́ну Вы́шняго,/ Сы́ну Де́вы,/ Бо́гу, Отроча́ти бы́вшему,// покло́ньшася Тебе́ ны́не отпусти́ с ми́ром.
И ныне и прúсно и во вéки векóв. Амúнь.
Тропáрь: Сы́ну Вы́шняго,/ Сы́ну Де́вы,/ Бо́гу, Отроча́ти бы́вшему,// покло́ньшася Тебе́ ны́не отпусти́ с ми́ром.
Катавáсiя (глас 3): Возопи́ к Тебé ви́дев стáрец очи́ма спасéнiе,/ éже лю́дем прiи́де от Бóга,// Хрїстé, Ты Бог мой.
Гóсподи, поми́луй. (Трúжды)
Слáва Ѻтцý и Сыну и Святóму Дýху, и ны́не и присно и во вéки векóв, аминь.
Кондáк прáздника, глас 1: Утрóбу Деви́чу освяти́вый Рождествóм Твои́м/ и рýце Симеóне благослови́вый,/ я́коже подобáше, предвари́в,/ и ны́не спасл еси́ нас, Хрiстé Бóже,/ но умири́ во бранéх жи́тельство// и укрепи́ лю́ди, и́хже возлюби́л еси́, Еди́не Человеколю́бче.
Íкос: К Богорóдице притецéм, хотя́щiи Сы́на Ея́ ви́дети, к Симеóну носи́ма,/ Егóже с Небесé Безплóтнiи ви́дяще, дивля́хуся, глагóлюще:/ чýдная зрим ны́не и преслáвная, непостижи́мая, несказáнная!/ И́же бо Адáма создáвый нóсится я́ко Младéнец,/ Невмести́мый вмещáется на рукáх стáрчих,/ И́же в нéдрех неопи́санных Сый Отцá Своегó/ вóлею описýется плóтiю, а не Божествóм,// Еди́н Человеколю́бец.
ПЕСНЬ 7
Iрмóс: Тебé во огни́ ороси́вшаго óтроки богослóвившiя,/ и в Дéву Нетлéнну всéльшагося Бóга Слóва пои́м,/ благочéстно пою́ще:// благословéн Бог отéц нáших.(Двáжды)
Хор: Пресвятáя Богорóдице, спасù нас.
Чтец: Адáму извести́ти хотя́й идý, во áде живýщу,/ и Éве принести́ благовéстiе, Симеóн вопiя́ше, со прорóки ликýя:// благословéн Бог отéц нáших. (Четы́режды)
Хор: Пресвятáя Богорóдице, спасù нас.
Чтец: Рóда зéмна избавля́яй Бог дáже до áда прiи́дет,/ плéнным же подáст всем оставлéнiе и прозрéнiе слепы́м, я́ко и немы́м вопи́ти:// благословéн Бог отéц нáших. (Четы́режды)
Хор: Пресвятáя Богорóдице, спасù нас.
Чтец: И Твоé сéрдце нетлéнная орýжiе прóйдет, Симеóн Богорóдице провозгласи́,/ на Крестé зря́щи Твоегó Сы́на,/ Емýже вопiéм:// благословéн Бог отéц нáших. (Двáжды)
Слáва Отцý и Сыну и Святóму Дýху.
Тропáрь: И Твоé сéрдце нетлéнная орýжiе прóйдет, Симеóн Богорóдице провозгласи́,/ на Крестé зря́щи Твоегó Сы́на,/ Емýже вопiéм:// благословéн Бог отéц нáших.
И ныне и прúсно и во вéки векóв. Амúнь.
Тропáрь: И Твоé сéрдце нетлéнная орýжiе прóйдет, Симеóн Богорóдице провозгласи́,/ на Крестé зря́щи Твоегó Сы́на,/ Емýже вопiéм:// благословéн Бог отéц нáших.
Катавáсiя (глас 3): Тебé во огни́ ороси́вшаго óтроки богослóвившiя,/ и в Дéву Нетлéнну всéльшагося Бóга Слóва пои́м,/ благочéстно пою́ще:// благословéн Бог отéц нáших.
ПЕСНЬ 8
Iрмóс: Нестерпи́мому огню́ соедини́вшеся,/ Богочéстiя предстоя́ще, ю́ноши,/ плáменем же невреждéни,/ Божéственную песнь поя́ху:/ благослови́те, вся делá Госпóдня, Гóспода// и превозноси́те во вся вéки.(Двáжды)
Хор: Пресвятáя Богорóдице, спасù нас.
Чтец: Лю́дiе Iзрáилевы, Твою́ слáву Емманýила зря́ще Отрочá из Дéвы,/ пред лицéм Божéственнаго ковчéга ны́не ликýйте:/ благослови́те, вся делá Госпóдня, Гóспода// и превозноси́те во вся вéки. (Четы́режды)
Хор: Пресвятáя Богорóдице, спасù нас.
Чтец: Се, Симеóн вопiя́ше, пререкáемое знáменiе Сей бýдет,/ Бог Сый и Отрочá,/ Семý, вéрнiи, возопiи́м:/ благослови́те, вся делá Госпóдня, Гóспода// и превозноси́те во вся вéки. (Четы́режды)
Хор: Пресвятáя Богорóдице, спасù нас.
Чтец: Живóт сый, сей бýдет падéнiе непокори́вым,/ младéнствовав Бог Слóво,/ я́ко востáнiе всем вéрою пою́щим:/ благослови́те, вся делá Госпóдня, Гóспода// и превозноси́те во вся вéки. (Двáжды)
Слáва Отцý и Сыну и Святóму Дýху.
Тропáрь: Живóт сый, сей бýдет падéнiе непокори́вым,/ младéнствовав Бог Слóво,/ я́ко востáнiе всем вéрою пою́щим:/ благослови́те, вся делá Госпóдня, Гóспода// и превозноси́те во вся вéки.
И ныне и прúсно и во вéки векóв. Амúнь.
Тропáрь: Живóт сый, сей бýдет падéнiе непокори́вым,/ младéнствовав Бог Слóво,/ я́ко востáнiе всем вéрою пою́щим:/ благослови́те, вся делá Госпóдня, Гóспода// и превозноси́те во вся вéки.
Хвáлим, благословúм, покланя́емся Гóсподеви, пою́ще и превознося́ще во вся вéки.
Катавáсiя Срéтенiя (глас 3): Нестерпи́мому огню́ соедини́вшеся,/ Богочéстiя предстоя́ще, ю́ноши,/ плáменем же невреждéни,/ Божéственную песнь поя́ху:/ благослови́те, вся делá Госпóдня, Гóспода// и превозноси́те во вся вéки.
Вóзглас: Богорóдице Дéво, уповáнiе хрїстiáном,/ покры́й, соблюдú и спасú на Тя уповáющих.
ПЕСНЬ 9
Iрмóс: В закóне сéни и писáнiй/ óбраз ви́дим, вéрнiи:/ всяк мýжескiй пол, ложеснá разверзáя, свят Бóгу./ Тем перворождéнное Слóво,/ Отцá Безначáльна,/ Сы́на Первородя́щася Мáтерiю неискусомýжно,// величáем.
Тропáрь: Богорóдице Дéво, мíру благáя помóщнице,/ покры́й и соблюдú от вся́кiя нýжды и печáли.
Iрмóс: В закóне сéни и писáнiй/ óбраз ви́дим, вéрнiи:/ всяк мýжескiй пол, ложеснá разверзáя, свят Бóгу./ Тем перворождéнное Слóво,/ Отцá Безначáльна,/ Сы́на Первородя́щася Мáтерiю неискусомýжно,// величáем.
Припéв: Богонóсе Симеóне, прiидú, подымú Хрїстá,/ Егóже родú Дéва Чúстая Марíя.
Тропáрь: И́же дрéвним новорождéнных гóрличищ супрýг двóица же бя́ше птенцéв,/ в ни́хже мéсто Божéственный стáрец и целомýдренная Áнна прорóчица/ от Дéвы рождéнному и Сы́ну Единорóдному Ѻ́тчу,// в цéрковь приноси́му, слýжат, величáюще.
Припéв: Объéмлет рукáми стáрец Симеóн/ Содéтеля закóна и Влады́ку вся́ческих.
Тропáрь: И́же дрéвним новорождéнных гóрличищ супрýг двóица же бя́ше птенцéв,/ в ни́хже мéсто Божéственный стáрец и целомýдренная Áнна прорóчица/ от Дéвы рождéнному и Сы́ну Единорóдному Ѻ́тчу,// в цéрковь приноси́му, слýжат, величáюще.
Припéв: Не стáрец Менé держúт, но Аз держý егó:/ той бо от Менé отпущéнiя прóсит.
Тропáрь: И́же дрéвним новорождéнных гóрличищ супрýг двóица же бя́ше птенцéв,/ в ни́хже мéсто Божéственный стáрец и целомýдренная Áнна прорóчица/ от Дéвы рождéнному и Сы́ну Единорóдному Ѻ́тчу,// в цéрковь приноси́му, слýжат, величáюще.
Припéв: Клещé тáинственная, кáко угль нóсиши?/ Кáко питáеши Питáющаго вся?
Тропáрь: И́же дрéвним новорождéнных гóрличищ супрýг двóица же бя́ше птенцéв,/ в ни́хже мéсто Божéственный стáрец и целомýдренная Áнна прорóчица/ от Дéвы рождéнному и Сы́ну Единорóдному Ѻ́тчу,// в цéрковь приноси́му, слýжат, величáюще.
Припéв: О дщи Фанýилева!/ Прiúди, стáни с нáми и благодарú Хрiстá Спáса, Сы́на Бóжiя.
Тропáрь: Воздáл еси́ мне, вопiя́ше Симеóн,/ спасéнiя Твоегó, Хрiстé, рáдованiе,/ воспрiими́ Твоегó служи́теля, сéнiю претруждéннаго,// нóвыя благодáти Священнопроповéдника тáйнаго во хвалéнiи величáюща.
Припéв: Áнна целомýдренная/ провещáет стрáшная,/ исповéдающи Хрiстá, Творцá нéбу и землú.
Тропáрь: Воздáл еси́ мне, вопiя́ше Симеóн,/ спасéнiя Твоегó, Хрiстé, рáдованiе,/ воспрiими́ Твоегó служи́теля, сéнiю претруждéннаго,// нóвыя благодáти Священнопроповéдника тáйнаго во хвалéнiи величáюща.
Припéв: Непостижúмо есть содéянное о Тебé Áнгелом и человéком,/ Мáти Дéво Чúстая.
Тропáрь: Воздáл еси́ мне, вопiя́ше Симеóн,/ спасéнiя Твоегó, Хрiстé, рáдованiе,/ воспрiими́ Твоегó служи́теля, сéнiю претруждéннаго,// нóвыя благодáти Священнопроповéдника тáйнаго во хвалéнiи величáюща.
Припéв: Чúстая Голубúца, несквéрная Áгница,/ Áгнца и Пáстыря принóсит в цéрковь.
Тропáрь: Воздáл еси́ мне, вопiя́ше Симеóн,/ спасéнiя Твоегó, Хрїстé, рáдованiе,/ воспрiими́ Твоегó служи́теля, сéнiю претруждéннаго,// нóвыя благодáти Священнопроповéдника тáйнаго во хвалéнiи величáюща.
Припéв: О Хрїстé, всех Царю́!/ Побéды на врагú вéрным людéм Твоúм дáруй.
Тропáрь: Священнолéпно исповéдашеся Áнна, прорицáющи,/ целомýдренная, и преподóбная, и стáрица, Влады́це в цéркви я́вственно,// Богорóдицу же, проповéдающи всем сýщим, величáше.
Припéв: Трисiя́тельное и Трiипостáсное Божествó/ благочéстно да похвáлим.
Тропáрь: Священнолéпно исповéдашеся Áнна, прорицáющи,/ целомýдренная, и преподóбная, и стáрица, Влады́це в цéркви я́вственно,// Богорóдицу же, проповéдающи всем сýщим, величáше.
Припéв: О Девúце Марíе!/ Просветú мою́ дýшу, помрачéнную лю́те житéйскими сластьмú.
Тропáрь: Священнолéпно исповéдашеся Áнна, прорицáющи,/ целомýдренная, и преподóбная, и стáрица, Влады́це в цéркви я́вственно,// Богорóдицу же, проповéдающи всем сýщим, величáше.
Припéв: Богорóдице Дéво, уповáнiе хрiстiáном,/ покры́й, соблюдú и спасú на Тя уповаю́щих.
Катавáсiя (глас 3): В закóне сéни и писáнiй/ óбраз ви́дим, вéрнiи:/ всяк мýжескiй пол, ложеснá разверзáя, свят Бóгу./ Тем перворождéнное Слóво,/ Отцá Безначáльна,/ Сы́на Первородя́щася Мáтерiю неискусомýжно,// величáем.
Гóсподи, поми́луй. (Трúжды)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
СВЕТИЛЕН ПРАЗДНИКА
Светúлен прáздника, самоподóбен: Дýхом во святи́лищи предстáв,/ стáрец на рýки воспрiя́т закóна Влады́ку, вопiя́:/ ны́не соýз мя плотски́х разреши́, я́коже рекл еси́, с ми́ром:// ви́дех бо очи́ма откровéнiе язы́ков и Iзрáилю спасéнiе.
Слáва Отцý и Сыну и Святóму Дýху.
Дýхом во святи́лищи предстáв,/ стáрец на рýки воспрiя́т закóна Влады́ку, вопiя́:/ ны́не соýз мя плотски́х разреши́, я́коже рекл еси́, с ми́ром:// ви́дех бо очи́ма откровéнiе язы́ков и Iзрáилю спасéнiе.
И ныне и прúсно и во вéки векóв. Амúнь.
Дýхом во святи́лищи предстáв,/ стáрец на рýки воспрiя́т закóна Влады́ку, вопiя́:/ ны́не соýз мя плотски́х разреши́, я́коже рекл еси́, с ми́ром:// ви́дех бо очи́ма откровéнiе язы́ков и Iзрáилю спасéнiе.
ХВАЛИТНЫ
Хор, глас 4: Вся́кое дыхáнiе да хвáлит Гóспода./ Хвали́те Гóспода с небéс,/ хвали́те Егó в вы́шних.// Тебé подобáет песнь Бóгу.
Хвали́те Егó вси áнгели Егó,/ хвалите Егó вся си́лы Егó.// Тебé подобáет песнь Бóгу.
Хвали́те Егó, сóлнце и лунá, хвали́те Егó, вся звéзды и свет. Хвали́те Егó Небесá небéс и водá, я́же превы́ше небéс. Да восхвáлят и҆́мя Госпóдне: я́ко Той речé, и бы́ша, Той повелé, и создáшася. Постáви я́ в век и в век вéка, повелéние положи́, и не ми́мо и҆́дет. Хвали́те Гóспода от земли́, змíеве и вся бéздны: огнь, град, снег, гóлоть, дух бýрен, творя́щая слóво Егó, гóры и вси хóлми, древá плодонóсна и вси кéдри, звéрiе и вси скóти, гáди и пти́цы пернáты. Цáрiе зéмстiи и вси лю́дiе, кня́зи и вси судiи́ зéмстiи, ю́ноши и дéвы, стáрцы с ю́нотами да восхвáлят и҆́мя Госпóдне, я́ко вознесéся и҆́мя Тогó Еди́наго, исповéданiе Егó на земли́ и на небеси́. И вознесéт рог людéй Свои́х, песнь всем преподóбным Егó, сыновóм Iзрáилевым, лю́дем, приближáющымся Емý.
Воспóйте Гóсподеви песнь нóву, хвалéнiе Егó в цéркви преподóбных. Да возвеселится Iзрáиль о сотвóршем Егó, и сы́нове Сióни возрáдуются о Царé своéм. Да восхвáлят и҆́мя Егó в ли́це, в тимпáне и псалти́ри да поют Емý. Яко благоволи́т Госпóдь в людех Свои́х, и вознесéт крóткiя во спасéнiе. Восхвáлятся преподóбнiи во слáве и возрáдуются на лóжах свои́х. Возношéнiя Бóжiя в гортáни их, и мечи́ обою́ду остри́ в рукáх их: сотвори́ти отмщéнiе во языцех, обличéнiя в лю́дех, связáти цари́ их пýты, и слáвныя их ручными окóвы желéзными,
На 8.Чтец: Сотвори́ти в них суд напи́сан:/ слáва сiя бýдет всем преподóбным Егó. Хвали́те Бóга во святых Егó,/ хвали́те Егó в утвержéнiи си́лы Егó.
На 6: Хвалúте Егó на сúлах Егó, хвалúте Егó по мнóжеству велúчествiя Егó.
Стiхúра: Закóн, и́же в писáнiи,/ исполня́я, Человеколю́бец/ в цéрковь ны́не принóсится,/ и Сегó прiéмлет стáрыми рукáми Симеóн стáрец,/ ны́не отпущáеши мя, вопiя́,/ ко óному блажéнству:/ ви́дех бо Тя днесь, плóтiю мéртвенною обложéннаго,/ животóм госпóдствующа// и смéртiю влады́чествующа.
Хвалúте Егó во глáсе трýбнем, хвалúте Егó во псалтúри и гýслех.
Стiхúра: Закóн, и́же в писáнiи,/ исполня́я, Человеколю́бец/ в цéрковь ны́не принóсится,/ и Сегó прiéмлет стáрыми рукáми Симеóн стáрец,/ ны́не отпущáеши мя, вопiя́,/ ко óному блажéнству:/ ви́дех бо Тя днесь, плóтiю мéртвенною обложéннаго,/ животóм госпóдствующа// и смéртiю влады́чествующа.
На 4. Хвалúте Егó в тимпáне и лúце, хвалúте Егó во стрýнах и оргáне.
Стiхúра: Свет во откровéнiе язы́ков/ яви́лся еси́, Гóсподи,/ на óблаце седя́ лéгце,/ Сóлнце Прáвды,/ закóна сенóвное исполня́я/ и начáло изъявля́я нóвыя благодáти./ Тем, Тя ви́дев, Симеóн взывáше:/ из истлéнiя мя разреши́,// я́ко ви́дех Тя днесь.
Хвалúте Егó в кимвáлех доброглáсных, хвалúте Егó в кимвáлех восклицáнiя. Всякое дыхáнiе да хвáлит Гóспода.
Стiхúра: Недр Роди́теля не отлýчься Божествóм,/ воплóщься, я́коже извóлил еси́,/ объя́тiями держи́м Приснодéвы,/ на рýки подáлся еси́ Богопрiи́мца Симеóна,/ рукóю Твоéю держáй вся́ческая;/ тéмже ны́не отпущáеши мя,/ рáдостно взывáше,/ в ми́ре рабá Твоегó,// я́ко ви́дех Тя, Влады́ко.
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Глас 6: На рукáх стáрческих во днéшнiй день,/ я́ко на колесни́це Херуви́мстей,/ восклони́тися благоизвóливый, Хрїстé Бóже,/ и нас, пою́щих Тя,/ страстéй мучи́тельства призывáемый избáви// и спаси́, я́ко Человеколю́бец.
Возглас: Слáва Тебé, показáвшему нам свет.
Славословие великое
Хор: Слáва в вы́шних Бóгу, и на землѝ мир, в человéцех благоволéнiе. Хвáлим Тя, благослови́м Тя, клáняем Ти ся, славослóвим Тя, благодари́м Тя вели́кiя рáди слáвы Твоея́. Гóсподи, Царю́ Небéсный, Бóже, Ѻ́тче Вседержи́телю, Гóсподи Сы́не Единорóдный, Iисýсе Хрїстé, и Святы́й Дýше. Гóсподи Бóже, Áгнче Бóжiй, Сы́не Ѻтéчь, взéмляй грех мíра, поми́луй нас. Взéмляй грехѝ мíра, прiимѝ молитву нáшу. Седя́й одеснýю Ѻтцá, поми́луй нас. Яко Ты есѝ Един Свят; Ты есѝ Един Госпóдь, Iисýс Хрїстóс, в слáву Бóга Отцá, ами́нь.
Сподóби, Гóсподи, в день сей без грехá сохрани́тися нам. Благословéн есѝ, Гóсподи Бóже отéц нáших, и хвáльно и прослáвлено и҆́мя Твоé во вéки, ами́нь.
Бýди, Гóсподи, милость Твоя на нас, я́коже уповáхом на Тя.
Благословéн есѝ, Гóсподи, научѝ мя оправдáнiем Твои́м.
Благословéн есѝ, Влады́ко, вразумѝ мя оправдáнiем Твои́м.
Благословéн есѝ, Святы́й, просветѝ мя оправдáнiи Твои́ми.
Гóсподи, прибéжище был еси нам в род и род. Аз рех: Гóсподи, поми́луй мя, исцелѝ дýшу мою́, я́ко согреши́х Тебé. Гóсподи, к Тебé прибегóх, научѝ мя твори́ти вóлю Твою́, яко Ты есѝ Бог мой, яко у Тебé истóчник животá, во свéте Твоéм ýзрим свет. Пробáви ми́лость Твою́ вéдущим Тя.
Хор: Святы́й Бóже, Святы́й Крéпкiй, Святы́й Безсмéртный, поми́луй нас. (3 раза)
Хор: Слáва Ѻтцý и Сыну и Святóму Дýху, и ныне и при́сно и во вéки векóв, ами́нь.
Хор: Святы́й Безсмéртный, поми́луй нас.
Хор: Святы́й Бóже,/ Святы́й Крéпкiй,/ Святы́й Безсмéртный, помилуй нас.
Продолженiе здесь