Ровары

[dzenik_kravina]

Сябры, хто ў тэме. Падумваю, каб у хуткім часе набыць два ровары - сабе і Каці. У нас з ёй гарачыя дыскусіі па гэтай тэме. Яны кажа, што "Аіст" - гэта цудоўны ровар, я больш схіляюся да замежных вырабцоў. Падзяліцеся асабістым досведам, мо, у каго-небудзь ёсць гэты самы беларускі "Аіст" (хаця ў нас ён бусел), як ён, мо, у сяброў маецца ці знаёмых.

Comments

[_kum_]

а што, "аіст" зараз каштуе 350???

у мяне "аіст" ужо год 10, каштаваў на тыя грошы даляраў 40. я б, магчыма, і набыў нешта замежнае, але ж яно ўсё ламаецца пад маёй масай (120 кг). а цягнуць зь нямеччыны адэкватны байк -- сабе даражэй... :о)

[dzenik_kravina]

Ёсць і даражэй "Аісты"))

[ifighenia]

разумею ваш патрыятызм. АЛЕ.
1) у мяне ёсьць сяброўка, нацыяналіст да мозга касьцей, і вось яна вельмі любіць спорт. Калі купляла сабе ровар, то з патрыятычных матываў набыла беларускай вытворчасьці. А потым паспрабавала замежны і сказала - "такая розьніца адчувальная, нашы, на жаль, ня ўмеюць так рабіць"
2) у майго мужа 2 ровары, абодва файныя. Аднаму 20 год ужо, ён проста ідэальны, я на ім заўжды езжу і ён проста супэрскі (у мінулую паездку ў Беларусь паспрабавала ўзяць на пракат, і гэта быў такі жах, ён ледзьве рыпаў той пракатны!). Дык вось, якасныя рэчы ніколі ня здрадзяць. Марка, калі цікава, "Bianchi" http://www.bianchi.com/it/home/home.aspx#

[dzenik_kravina]

Мой патрыятызм грунтуецца на тым, что мне не хочацца залішні раз сварыцца з жонкай)
Я хачу набыць тое, што мне будзе прыносіць задавальненне і паслужыць колькі гадоў, а чыё яно будзе, гэта ўсё адно.
Вось і "Б'янкі" не чуў ніколі, пагляджу што такое.

[forion]

Ровар абіраюць не па брэндзе, а па дэталях. 350 у.е. - гэта ў любым выпадку мадэль, на якой фірма-зборшчык няблага зэканоміла. Вось і трэба глядзець, з чаго канкрэтна той ці іншы ровар складаецца, на чым менавіта там зэканомілі й якая частка першая адваліцца.) А «Аіст vs LTD» - гэта спрэчка ні аб чым.

[dzenik_kravina]

Добра, я задам па-іншаму пытанне: на што мне ў першую чаргу варта глядзець, каб набыць годны бюджэтны варыянт?
ЛТД я так сказаў, першае, што ўспомнілася. У таго ж "Аіста" спіс, на першы погляд, гучны. Шымано ўсялякае і г.д, а людзі пішуць, што фігня.

[znikla]

Як бы табе сказаць, Шымано ж рознае бывае, пагуглі. Шымано Турнэй, якое стаіць на танных роварах - гэта зусім фігня, і браць яго непажадана. Асеra i Altus - мінімум на што можна глядзець сур'ёзна, калі выбіраць сабе нават для простых задач ровар. А як кажуць крутыя велагуру, сапраўдны сур'ёзны мінімум - гэта Alivio, і якраз такі задні пераключальнік стаіць на Стэлсе 690.

[dzenik_kravina]

Ты сур'ёзна падрыхтавалася па гэтай тэме) У майго брата GT Agressor. Ужо гады тры як. Адзінае, што здарылася і тое з маёй дапамогай, разбіўся пераключальнік перадач.

[zabavin]

Набылі для сабе два самых танных горніка Джайнт, яны ж аказаліся і самымі лёгкімі ў сваёй клясе. Коцяцца выдатна, на чацьверты паверх падняць - лёгка. На той момант каштавалі ля 300.
Каб сёння выбіраў, узяў бы нешта аналагічнае. З мінімальнай масай рамы, з якаснымі колавымі ўтулкамі. Але, магчыма, зараз разглядаў бы "шосераў" а не "горнікаў" бо большай часткай катаю па асфальце.

[dzenik_kravina]

Дарэчы, а на горным ў горадзе катацца нязручна? Ці тое не асабліва важна?

[zabavin]

Калі ня ўмееш асцярожна ўзбірацца на бардзюры і катаешся па ходніках, то лепш будзе горнік. Шосер лепш коціцца па асфальту за кошт прызначанай для гэтага гумы. Карацей, калі табе трэба часта скокаць па выбаінах і бардзюрах, хочаш мецць магчымасць спусціцца па прыступках ці лётаць па карэнням у лесе, то бяры горнік. Але калі ты хочаш прыемна каціцца па веладарожцы ці па трасе, то прыемней гэта рабіць на шосеры.

[dzenik_kravina]

Зразумела. Дарэчы, а што такое "гібрыд" ці Вы не ведаеце?

[lwagbud]

АИСТа, калі гэта класіка, купляць не трэба. Таму што яго можна ўзяць у гаражы, узяць у знаёмых, на сметніку знайсці, у рэшце рэшт.
З МТБ складаней. Усё роўна ніхто сам не робіць усё дэталі, справа вытворцы - рама, яе колер, налепкі і што да яе прыкруціць. У выпадку з Мотавела, магчыма нават рамы закупляюцца ў кітайцаў.

[dzenik_kravina]

А ў вас які ровар?
Я таксама схіляўся да думкі, што ў "Аісце" толькі назва беларуская.