Калумiя. Частка 3. Апошняя.
Што, думалі ўсе прыгоды ў Калумбіі? А вось і не ўсе :-)
Калі часу ў абрэз (а ў нас было ў абрэз таму што я спяшаўся ў Эквадор сустрэць самалёт з Наталі) здараюцца самыя нечаканыя цікавасьці.
На гэты раз нашага героя клікалі Карлас. Сустрэлі мы яго ў аўтаспыне. І ён нас не адпусціў без таго, каб наведаць яго выдатны гарадок.
Для пачатку ён прывёз нас у сваю загарадную хату ...
Узяў на паляванне.
Зладзіў спецыяльна для нас навучальны пеўневы бой
Баявым пеўням ў самым дзяцінстве абразаюць грабеньчыкі
На вучэбны бой апранаюць мяккія падушкі на шпоры, а на сапраўдны - вялікія касцяныя шпоры і бой доўжыцца да смерці аднаго з пеўняў. На кону часта бываюць тысячы долараў.
Прырода там цудоўная асабліва ў туман
Для нас прыгатавалi курачку і мы паехалі знаёміцца з сябрамі Карласа.
Жыве Карлас у вялікім горадзе і там у яго ёсць дзяўчына, ад якой ён чакае дзіця, але ў гэтым, яго родным горадзе ў яго ёсць яшчэ адна 18 летняя. Якую ён і ехаў наведаць.
Бацькі Зінаіды ўтрымліваюць Панадэрыю (булачную) "Добры смак"
Намалявалася гітарка і мы зладзілі канцэрт прама ў булачнай.
Далейшае развіццё падзей вельмі нагадала мне радзіму: Карлас стаў вызвоньваць сяброў і пабег у магаз за каньяком.
Потым нас паклікалі ў дом да сяброў. Усе сябры Карласа, хоць і настаўнікі і інтэлігентныя людзі, але ўжо вельмі нагадвалі наша сельскае насельніцтва :-))))
Настаўнік матэматыкі умеў іграць на гітары бардаўскія песні. А ўсе астатнія ўмелі яму падпяваць.
За даганялавам ездзіў на моцыке
У выніку было выпіта 14 бутэлёк каньяку ... Раніцай - ва ўсіх бадун. Нават у ката. Ну хіба не як дома?
Карацей, уначы ў гасцях была дыскатэка: 15-гадовы сын у спартыўных штанах-адзiках ставіў на наўтбуке песні. Адрозненне ад нас толькі ў тым, што песні іхнія і танцы - гэта Самба і яны гэтую самбу вельмі класна танчаць, і мясцовыя дзеўкі выстраіліся ў чаргу, каб мяне Самбы гэтай вучыць :-))) Да Алiскi ў чаргу адпаведна сталі мужыкі.
Карлас зранку выхваляўся што бацькі Зінаіды першы раз дазволілі яму застацца начаваць з ёй. Я высунуў гіпотэзу, што Карлас быў такім п'яным, што бацькі зразумелі, што ў яго ўсё роўна нічога не выйдзе з Зінаідай ...
З раніцы нас пагрузілі ў пікап і адвезлі на трасу ў суседні горад, зрабіўшы на развітанне групавое фота.
