Mar 18, 2012 11:37
Не вы мой суд, а я ваш суд…
~~~~~~~~~~~~~~~~~~~~~~~
Ужо замецены сляды.
Мяне забілі. Расстралялі.
Ім - што стары, што малады:
У сэрцах - ані кроплі жалю…
Адзін бязлітасны разлік.
Адно жаданне: каб маўчалі…
Патух вачэй маўклівы крык.
Мяне забілі. Расстралялі.
Не напішу радзіне ліст,
Дзе ключ да чорнага сакрэту…
Пачуйце ж: я не тэрарыст!
А тэрарыст жывы й дагэтуль!
Так, разумеў: не прыйдзе цуд…
Адно зазначу, людажэры:
Не вы мой суд, а я ваш суд.
Суд праўдай найвышэйшай меры…
~~~~~~~~~~~~~~~~~~~~~~~
Рыгор Шэрда
палітыка,
Беларусь,
терроризм,
политика,
расстрел,
взрыв на Октябрьской