Рабо́та и свобо́да
Глаго́лаашє иисоу́с къ вѣ́ровавъшимъ къ нємоу̀ иоудє́омъ ·
а́штє въѝ прєбѫ́дєтє въ словєсѝ моѥ́мь, въи́стинѫ оучєницѝ моѝ бѫ́дєтє · и разоумѣ́ѥтє и́стинѫ, и и́стина свободи́тъ въи́.
Отъвѣштя́шѧ и рѣ́шѧ ѥмоу́ ·
Сѣ́мѧ Aбраа́млє ѥсмъи́, и никомоу́жє рабо́тахомъ николи́жє · ка́ко тъѝ глаго́лєши, яко свобо́дьни бѫ́дєтє;
Отъвѣштя̀ и́мъ иисоу́съ ·
ами́нь ами́нь глаго́лѭ ва́мъ, я́ко вься́къ творѧ́и грѣхъ́, ра́бъ ѥ́сть грєха́. Ра́бъ жє нє прєбъива́ѥтъ въ до́моу въ вѣкъ́ · съи́нъ прєбъива́ѥтъ въ вѣкъ́. Aштє оу́бо съи́нъ въѝ свобо́дитъ, въи́стинѫ свобо́дьни бѫ́дєтє. Вѣ́дмь, я́ко сѣ́мѧ авраа́млє ѥстє́ · нъ и́штєтє мєнє̀ оуби́ти, я́ко сло́во моѥ́ нє въмѣштя́ѥтъ сѧ въ въи́. Aзъ, ѥ́жє въи́дєхъ оу отьця̀ моѥго́, глаго́лѭ · и въѝ оу́бо ѥ́жє ви́дѣстє оу отьця̀ ва́шєго творитє́.
Отъвѣштя́шѧ, и рѣ́шѧ ѥмоу́ ·
оть́ць на́шь авраа́м ѥ́сть.
Глаго́ла и́мъ Иисоу́с ·
а́штє чѧ́да авраа́мля би́стє бъи́ли, дѣла̀ авраа́мля би́стє твори́ли. Нъи́нѣ жє и́штєтє мєнє̀ оуби́ти, чьловѣ́ка, и́жє и́стинѫ ва́мъ глаго́лахъ, ѭ́жє слъи́шяхъ отъ бо́га · сєго̀ авраа́м нѣ́сть сътвори́лъ. Въѝ творитє̀ дѣла̀ отьця̀ ва́шєго.
Рѣ́шѧ жє ѥмоу́ ·
мъѝ отъ любодѣя́ния нѣ́смъи рождє́ни · ѥди́ного отьця̀ и́мамъи бо́га.
Рєчє̀ жє и́мъ иисоу́с ·
Áштє оть́ць ва́шь бо́гъ би бъи́лъ, люби́ли би́стє оу́бо мєнє́ · а́зъ бо отъ бо́га изъидо́хъ, и приидо́хъ.