Вот
это и то, что предписано - две большие разницы
'Господи, Иисусе Христе, Сыне Божий, Ты бо рекл еси пречистыми усты Твоими: «Аминь глаголю вам, яко аще двое от вас совещаются на земли о всякой вещи, еже аще просите, будете иметь от Отца Моего, Иже на Небесех: идеже бо еста два или трие собрани во имя Мое, ту есмь посреде их». И еще рекл еси: «Дана Мне всяка власть на небе и на земле».
Непреложны словеса Твоя, Господи, милосердие Твое безприкладно и человеколюбию Твоему несть конца.
Сего ради молим Тя о всех людех ихже домы беда посети.
Молимся Тебе, Господи, за вся ураненныя и убиенныя обстрелами во областех Херсонстей, Донецтей, Сумстей, Одесстей, Харьковстей, Киевстей, Запорожстей, Днепропетровстей, Николаевстей, Кировоградстей, Хмельництей, Луганстей областех, в Крыму, и во областех Белгородстей, Воронежстей, Орловстей, Брянстей и Курстей .
Не остави, Господи, во подвалех страха убиения ради пребывающия и от хлада страждущия люди. Упокой убиенныя, исцели раненыя, с плачущими благоутробием Твоим пребудь, достояния и крова лишенным пособствуй.
Еще молимся Тебе, Господи, за вся люди, иже бранию уязвленныя милуют и питают. Даждь им, Господи, вся ко служению сему потребная, силою Твоею я укрепи и от бед избави.
Еще молимся Тебе: укрепи и сохрани чада Твоя, мир проповедующия, избави их от всякия нужды и печали. Во узах находящияся укрепи и сохрани, изгнанным во всяком деле благом споспешествуй. Чадом и сродникам их утешение подаждь. Священники твоя, за проповедь о мире от братий своих поношения, суд неправедный и прещения терпящия, не остави.
Молимся тебе, Господи за вся неправедно судимыя и во узах находящияся. Нипаче же о рабех Твоих: (здесь можно назвать имена тех, за кого болит ваше сердце) и иных в скорбех и обстояниих ныне сущия. Даруй им мужества, родных и близких их укрепи.
Даруй, Господи, крепости мужем российским, брани сей приобщатися отрицающимся и нуждение от начальник своих презирающим. Путь верен им покажи, намерения укрепи, от греха убийства огради, в домы своя живы и неповрежденны возврати.
Всем, во дни брани сея плененным свобождение даруй, к семьям возврати и от будущего кровопролития избавь, стражей же их милосердию и состраданию научи.
Милосердне Господи, даруй всем людем в Украине, России и Израиле мир. Умягчи сердца ожесточенных, ненавистью недугующия исцели, жажду отмщения в сердцах угаси. Сохрани вся, во бранями сими охваченных землях живущия, и изгнанником помози.
Ниспосли помышление о мире в сердца власть имущих, в сердца враждующих вложи дух мира и прощения. Подаждь властем страны нашея прозрение и покаяние да узрят греси свои и зло, еже суть сотворили, и направят стопы своя на пути уврачевания язв, яже от них бысть.
Ты бо еси Царь мира и мира Твоего несть предела и Тебе слава и благодарение и поклонение от всех да возсылается, и ныне и присно и до скончания века веков. Аминь'.
'Господи, Иисусе Христе, Сыне Божий, Ты бо рекл еси пречистыми усты Твоими: «Аминь глаголю вам, яко аще двое от вас совещаются на земли о всякой вещи, еже аще просите, будете иметь от Отца Моего, Иже на Небесех: идеже бо еста два или трие собрани во имя Мое, ту есмь посреде их». И еще рекл еси: «Дана Мне всяка власть на небе и на земле».
Непреложны словеса Твоя, Господи, милосердие Твое безприкладно и человеколюбию Твоему несть конца.
Сего ради молим Тя о всех людех ихже домы беда посети.
Молимся Тебе, Господи, за вся ураненныя и убиенныя обстрелами во областех Херсонстей, Донецтей, Сумстей, Одесстей, Харьковстей, Киевстей, Запорожстей, Днепропетровстей, Николаевстей, Кировоградстей, Хмельництей, Луганстей областех, в Крыму, и во областех Белгородстей, Воронежстей, Орловстей, Брянстей и Курстей .
Не остави, Господи, во подвалех страха убиения ради пребывающия и от хлада страждущия люди. Упокой убиенныя, исцели раненыя, с плачущими благоутробием Твоим пребудь, достояния и крова лишенным пособствуй.
Еще молимся Тебе, Господи, за вся люди, иже бранию уязвленныя милуют и питают. Даждь им, Господи, вся ко служению сему потребная, силою Твоею я укрепи и от бед избави.
Еще молимся Тебе: укрепи и сохрани чада Твоя, мир проповедующия, избави их от всякия нужды и печали. Во узах находящияся укрепи и сохрани, изгнанным во всяком деле благом споспешествуй. Чадом и сродникам их утешение подаждь. Священники твоя, за проповедь о мире от братий своих поношения, суд неправедный и прещения терпящия, не остави.
Молимся тебе, Господи за вся неправедно судимыя и во узах находящияся. Нипаче же о рабех Твоих: (здесь можно назвать имена тех, за кого болит ваше сердце) и иных в скорбех и обстояниих ныне сущия. Даруй им мужества, родных и близких их укрепи.
Даруй, Господи, крепости мужем российским, брани сей приобщатися отрицающимся и нуждение от начальник своих презирающим. Путь верен им покажи, намерения укрепи, от греха убийства огради, в домы своя живы и неповрежденны возврати.
Всем, во дни брани сея плененным свобождение даруй, к семьям возврати и от будущего кровопролития избавь, стражей же их милосердию и состраданию научи.
Милосердне Господи, даруй всем людем в Украине, России и Израиле мир. Умягчи сердца ожесточенных, ненавистью недугующия исцели, жажду отмщения в сердцах угаси. Сохрани вся, во бранями сими охваченных землях живущия, и изгнанником помози.
Ниспосли помышление о мире в сердца власть имущих, в сердца враждующих вложи дух мира и прощения. Подаждь властем страны нашея прозрение и покаяние да узрят греси свои и зло, еже суть сотворили, и направят стопы своя на пути уврачевания язв, яже от них бысть.
Ты бо еси Царь мира и мира Твоего несть предела и Тебе слава и благодарение и поклонение от всех да возсылается, и ныне и присно и до скончания века веков. Аминь'.