Улюбіўся чорт у грушу
адкрыў у сабе асаблівасць - успрымаю людзей так, якімі яны былі тады, калі ўпершыню ўбачыў і пазнаёміўся.
раней не думаў, што гэта асаблівасць, і што ў іншых можа быць іначай.
некаторых сустракаю штодня, а некаторых рады ў гады, чалавекі мяняюцца, і ўжо бывае самі забыліся, якімі былі.
а я ўсё бачу іх такімі ж.
даўно не бачыўшы, даводзіцца паўглядацца, і з-пад дарослага позірка нарэшце выглядае тое колішняе светлае дзіцятка.
нідзе ж яно не падзелася, толькі б не забывалася на самое сябе.