Пра айца Аляксандра
Дзякуй Богу! Айцу Аляксандру Шрамко вярнулі магчымасць служэння. Праўда, пакуль не вядома, якія ўмовы чакаюць яго на новым мейсцы. Будзем маліцца аб тым, каб Гасподзь даў яму сілы і магчымасці надалей прапаведываць. Не так ужо й шмат у Менску людзей, якім дадзены такі дарунак, як у а.Аляксандра. Зрэшты, кожны казнадзейскі дарунак унікальны.
Праўда, у сеціве з'явіліся досыць злобныя выпады на конт "публічнага пакаяння" а.Аляксандра, якое адбылося 2 сакавіка ў Свята-Духавым кафедральным саборы. Расейскі партал нават абвінаваціў бацюшку ў "адрачэнні ад сваіх прынцыпаў" і "страце сябе" (portal-credo.ru/site/). Аднак, мне падаецца, што ў дадзеным выпадку гэта не адпавядае рэчаіснасці. Ды й для таго каб абвяшчаць такога кшталту "суды" трэба добра разумець жыццё царквы такім як яно ёсць ва ўсёй яго складанасці. такога разумення ў аўтараў гэтых нападак не назіраецца. А навешваць ярлыкі заўсёды лёгка. Я б, шчыра кажучы, наогул устрымаўся б ад каментараў на гэты конт. Было і было. Не нам судзіць. Прынамсі гэта шанец для царквы зноў атрымаць служэнне а.Аляксандра...