Цунами
Господи, благослови Отче!
Слышасте, братье, самого Господа, глаголяща в Евангелии: «И в последняя лета будет знаменья в солнци, и в луне, и в звездах, и труси по местом, и глади». Тогда реченное Господом нашим ныня збысться - при нас, при последних, людех. Колико видехом солнца погибша и луну померькшю, и звездное пременение!
Ныне же земли трясенье своима очима видехом; земля, от начала утвержена и неподвижима, повеленьем Божиим ныне движеться, грехы нашими колеблется, безаконья нашего носити не может. Не послушахом Еуаггелья, не послушахом Апостола, не послушахом пророк, не послушахом светил великих, рку: Василья и Григорья Богословца, Иоана Златоуста, инех святитель святых, ими же вера утвержена бысть, еретици отгнани быша, и Бог всеми языкы познан бысть, и те учаще ны беспрестани, а мы - едина безаконья держимся! Се уже наказает ны Бог знаменьи, земли трясеньем его повеленьем: не глаголет усты, но делы наказает. Всем казнив ны, Бог не отведет злаго обычая.
Ныне землею трясет и колеблет, безаконья грехи многия от земля отрясти хощет, яко лествие от древа. Аще ли кто речет: «Преже сего потрясения беша и рати, и пожары быша же», - рку: «Тако есть, но - что потом бысть нам? Не глад ли? не морови ли? не рати ли многая? Мы же единако не покаяхомся, дондеже приде на ны язык немилостив попустившю Богу; и землю нашю пусту створша, и грады наши плениша, и церкви святыя разориша, отца и братью нашю избиша, матери наши и сестры в поруганье быша».
Ныне же, братье, се ведуще, убоимся прещенья сего страшнаго и припадем Господеви своему исповедающесь: да не внидем в болши гнев Господень, не наведем на ся казни болша первое. Еще мало ждет нашего покаянья, ждет нашего обращенья. Аще отступим скверных и немилостивых судов, аще применимся криваго резоимства и всякого грабленья, татбы, разбоя и нечистаго прелюбодеиства, отлучающа от Бога, сквернословья, лжи, клеветы, клятвы и поклепа, иных дел сотониных, - аще сих пременимся, добре веде: яко благая приимут ныне токмо в сии веке, в будущии, сам Бо Господь рече: «Обратитеся ко мне, обращюся к вам, отступите от всех, аз отступлю, казня вы".
Доколе не отступим от грех наших? Пощадим себе и чад своих: в кое время такы смерти напрасны видехом? Инии не могоша о дому своем ряду створити - восхыщени быша, инии с вечера здрави легше - на утрия не всташа: убоитеся, молю вы, сего напраснаго разлученья! Аще бо поидем в воли Господни, всем утешеньем утешит ны Бог небесный, акы сыны помилует ны, печаль земную отимет от нас, исход мирен подасть нам на ону жизнь, идеже радости и веселья бесконечнаго насладимся з добре угожьшими Богу.
Многа же глаголах вы братье и чада, но вижю: мало приемлют, пременяються наказаньем нашим; мнози же не внимают себе, акы бесмертны дремлют. Боюся, дабы не збылося о них слово, реченное Господом: «Аще не бых глаголал им, Греха не быша имели; ныне же извета не имут о гресе своемь». Много бо глаголю вам: аще бо не пременитеся, извета не имате пред Богом! Аз бо, грешныи ваш пастух, повеленое Господом створих, слово его предаю, вы же весте, како куплю владычню умножити. Егда бо придет судить вселенеи и воздати комуждо по делом его, тогда истяжет от вас - аще будете умножили талант, и прославит вы, в славе Отца своего, с Пресвятым Духом и ныне, присно, векы.
Слышасте, братье, самого Господа, глаголяща в Евангелии: «И в последняя лета будет знаменья в солнци, и в луне, и в звездах, и труси по местом, и глади». Тогда реченное Господом нашим ныня збысться - при нас, при последних, людех. Колико видехом солнца погибша и луну померькшю, и звездное пременение!
Ныне же земли трясенье своима очима видехом; земля, от начала утвержена и неподвижима, повеленьем Божиим ныне движеться, грехы нашими колеблется, безаконья нашего носити не может. Не послушахом Еуаггелья, не послушахом Апостола, не послушахом пророк, не послушахом светил великих, рку: Василья и Григорья Богословца, Иоана Златоуста, инех святитель святых, ими же вера утвержена бысть, еретици отгнани быша, и Бог всеми языкы познан бысть, и те учаще ны беспрестани, а мы - едина безаконья держимся! Се уже наказает ны Бог знаменьи, земли трясеньем его повеленьем: не глаголет усты, но делы наказает. Всем казнив ны, Бог не отведет злаго обычая.
Ныне землею трясет и колеблет, безаконья грехи многия от земля отрясти хощет, яко лествие от древа. Аще ли кто речет: «Преже сего потрясения беша и рати, и пожары быша же», - рку: «Тако есть, но - что потом бысть нам? Не глад ли? не морови ли? не рати ли многая? Мы же единако не покаяхомся, дондеже приде на ны язык немилостив попустившю Богу; и землю нашю пусту створша, и грады наши плениша, и церкви святыя разориша, отца и братью нашю избиша, матери наши и сестры в поруганье быша».
Ныне же, братье, се ведуще, убоимся прещенья сего страшнаго и припадем Господеви своему исповедающесь: да не внидем в болши гнев Господень, не наведем на ся казни болша первое. Еще мало ждет нашего покаянья, ждет нашего обращенья. Аще отступим скверных и немилостивых судов, аще применимся криваго резоимства и всякого грабленья, татбы, разбоя и нечистаго прелюбодеиства, отлучающа от Бога, сквернословья, лжи, клеветы, клятвы и поклепа, иных дел сотониных, - аще сих пременимся, добре веде: яко благая приимут ныне токмо в сии веке, в будущии, сам Бо Господь рече: «Обратитеся ко мне, обращюся к вам, отступите от всех, аз отступлю, казня вы".
Доколе не отступим от грех наших? Пощадим себе и чад своих: в кое время такы смерти напрасны видехом? Инии не могоша о дому своем ряду створити - восхыщени быша, инии с вечера здрави легше - на утрия не всташа: убоитеся, молю вы, сего напраснаго разлученья! Аще бо поидем в воли Господни, всем утешеньем утешит ны Бог небесный, акы сыны помилует ны, печаль земную отимет от нас, исход мирен подасть нам на ону жизнь, идеже радости и веселья бесконечнаго насладимся з добре угожьшими Богу.
Многа же глаголах вы братье и чада, но вижю: мало приемлют, пременяються наказаньем нашим; мнози же не внимают себе, акы бесмертны дремлют. Боюся, дабы не збылося о них слово, реченное Господом: «Аще не бых глаголал им, Греха не быша имели; ныне же извета не имут о гресе своемь». Много бо глаголю вам: аще бо не пременитеся, извета не имате пред Богом! Аз бо, грешныи ваш пастух, повеленое Господом створих, слово его предаю, вы же весте, како куплю владычню умножити. Егда бо придет судить вселенеи и воздати комуждо по делом его, тогда истяжет от вас - аще будете умножили талант, и прославит вы, в славе Отца своего, с Пресвятым Духом и ныне, присно, векы.