2023 г.

[vikt]

Год таму я назваў будучую справаздачу за 2023 г. самай непрадказальнай. А па факце ў маім жыцці за гэты год не адбылося вялікіх зрухаў.
Ідзе мой ужо самы доўгі ў жыцці перыяд не ў Беларусі.
Другі па працягласці - Германія з восені 1995 г. да вясны 1997 г., гэта паўтара года, ды і тое мы тады зрэдку прыязджалі ў Беларусь. А цяпер - без дробязі два гады, за якія ў Беларусі я ні разу не быў.

1. Сям'я
Сын пайшоў у першы клас. Дакладней, у клас Алеф.
2. Бізнес.
У студзені пераехалі ў новы офіс, у добрым жывым месцы.
Летам кампанія пачала працу для буйнога і прэстыжнага кліента: нямецкага вытворцы і рытэйлера адзення.
На канец года нас каля 30 чалавек.
3. Выкладанне.
У сакавіку правёў новы трэнінг: «Прасунутая візуалізацыя і дашборды ў Excel».
Увесь год выкладаў (толькі анлайн), а пад канец года попыт значна знізіўся.
4. Геаграфія.
Увесь год пражыў у Ізраілі. Пакідаў яго чатыры разы:
• Кіпр у чэрвені
• Турцыя ў ліпені
• Албанія ў жніўні
• Германія ў верасні
У першых трох краінах раней я не бываў.
5. Іншае.
У ліпені-жніўні прайшоў інтэнсіўны курс ульпана ўзроўню «Гімель»: 18 заняткаў па 4 вучэбныя гадзіны. Там тройчы выступаў.
У снежні прадаў свой кабрыялет. Я валодаў гэтай машынай з 2013 года, праездзіў на ёй шмат шчаслівых кіламетраў і развітаўся з ёю не без жалю.