(no subject)

[viecier]

Я люблю цябе ў гэту ноч…
У небе зоркі бы сьвечкі зіхцяць…
Разам з водарам дзікіх руж
Подых твой я хачу адчуваць.

Як чароўны кавалак агню
Адзінокі ліхтарык гарыць;
У празрыстую далечыню
Мой цягнік летуценьняў бяжыць.

Я губляюся ў зграі слоў:
Мілы твар, тонкі стан, сьпеў душы…
Не спужаць бы тых казачных сноў,
Дык давай памаўчым у цішы.

Нават ветрык, дзівак, трапяткун
З захапленьнем прысеў адпачыць.
Хай не скончыцца гэтая ноч
І імпэт пра любоў гаварыць.