Чистый Четверг: причастников с принятием Святых Христовых Тайн!
Ны́нѣ Сы́нъ Бо́жій Единоча́дный и Собезнача́льный пріи́де во́лею Стра́сти прія́ти на́шего ра́ди спасе́нія. Мы́ же до́лжни есмы́ съ чи́стою со́вѣстію срѣ́сти и духо́внѣ прія́ти Его́ святы́хъ Та́инъ причаще́ніемъ.
Слы́шите, хотя́щіи ны́нѣ приступи́ти ко святѣ́й и стра́шнѣй Та́йнѣ, и разумѣ́йте, ка́ко Святы́ни хо́щете причасти́тися, ея́же небе́сныя си́лы трепе́щутъ, херуви́ми, и серафи́ми, и вся́ а́нгельская во́инства ужаса́ются, вознося́ще духо́вную же́ртву къ Бо́гу. Тѣ́хъ бо образу́юще іере́и, предстоя́тъ святѣ́й, и стра́шнѣй, и чу́днѣй Боже́ственнѣй трапе́зѣ, на не́йже предлежи́тъ Тѣ́ло и Кро́вь Го́спода на́шего Іису́са Христа́, ю́же прообразова́ на́мъ Са́мъ Госпо́дь и Спа́съ на́шъ Собо́ю.
Въ сíй бо де́нь возлеже́ Госпо́дь на Ве́чери со обѣ́ма на́десяте ученико́ма Свои́ма, и пріе́мъ хлѣ́бъ и благослови́въ, и хвалу́ возда́въ Бо́гу и Отцу́, преломи́, и дая́ше ученико́мъ Свои́мъ, глаго́ля: «пріими́те, яди́те, се́ е́сть Тѣ́ло Мое́, ломи́мое за вы́, во оставле́ніе грѣхо́въ». Та́ко же и ча́шу пріе́мъ, рече́: «пíйте отъ нея́ вси́, се́ е́сть Кро́вь Моя́ Но́ваго Завѣ́та, излива́емая за вы́ и за мно́ги во оставле́ніе грѣхо́въ». Разумѣ́йте у́бо, я́ко не рече́, за еди́ны апо́столы, но и за вся́ вѣ́рующія въ Онь.
Тѣ́мъ же, вѣ́рніи, пріи́мемъ Тѣ́ло и Кро́вь Госпо́дню во оставле́ніе грѣхо́въ, на святы́ню души́ и въ живо́тъ вѣ́чный, да бу́демъ апо́столомъ о́бщницы и съ ни́ми она́мо водвори́мся въ ра́дости. Да никто́ же ва́съ бу́ди зло́бивъ, я́ко Іу́да: о́нъ бо со Христо́мъ вечеря́я, мы́сляше преда́ти Его́, и со апо́столы пребыва́я, къ жидо́мъ клевета́ше.
***********************************************************************************************************************************************************
Заготовили сегодня Святыя Дары. И мне досталось. Благословили еще заготавливать. Начнется серьёзный канонический кризис - знайте, у кого сможете причаститься!