"Творение Царя Иоанна, Деспота Российского"
Сегодня празднуется одна из самых почитаемых в нашем народе икон Божией Матери - Владимирская. Её памяти посвящены целых три праздника в году, что бывает как для Святых, так и для Чудотворных Икон, крайне редко.
Служба же Сретению Владимирския Иконы написана одна.
И по этому поводу хочется упомянуть один интересный факт. Для начала приведу общепринятыя песнопения Владычице из вечерни - стихиры.
На Го́споди воззва́хъ: стихи́ры на 8, гла́съ 4. Подо́бенъ: Яко до́бля.
Яко свѣтоно́сная па́лата* и о́дръ всезлаты́й, Богоро́дице Влады́чице:* Ты́ бо Сло́во Бо́жіе* во Твои́хъ ложесна́хъ вмѣсти́ла еси́,* и ро́ждши на́мъ Со́лнце незаходи́мое,* Свѣ́тъ невече́рній,* на́ша пре́жде неразу́міемъ омраче́нная сердца́* благоразу́міемъ освѣти́ла еси́,* и льсти́ тму́ разори́ла еси́.
Твои́мъ Рождество́мъ* а́дова крѣ́пость разори́ся,* и все́ человѣ́чество спасе́но бы́сть.* Ны́нѣ же Твои́ми моли́твами* враго́въ на́шихъ шата́ніе низложи́,* и крѣ́пость и́хъ сокруши́,* и лю́демъ Твои́мъ побѣ́ды на враги́ да́руй,* да посра́мятся вси́,* явля́ющіи рабо́мъ Твои́мъ зла́я.
Богоро́дице Влады́чице, держа́вная Помо́щнице,* укрѣпи́ сла́вящаго Тя́ Импера́тора на враги́,* да я́коже дре́вле спасла́ еси́ Ца́рскій гра́дъ отъ нахожде́нія пога́ныхъ,* та́ко и ны́нѣ спаси́ страну́ Россíйскую отъ нахожде́нія вра́жія,* отъ междоусо́бныя ра́ти, отъ гла́да же и тру́са,* Дѣ́во неискусобра́чная.* Сего́ ра́ди Тя́ сла́витъ страна́ Россíйская,* человѣ́комъ Помо́щницу.
Ны́нѣ страна́ Россíйская* о Тебѣ́ хва́лится и весели́тся,* имѣ́ющи Тя́ Засту́пницу непосты́дную* и стѣ́ну неруши́му,* гра́ду на́шему непоколеби́мое основа́ніе,* стра́жа неусы́пна земли́ Россíйскія.* Не преста́й ны́нѣ Твои́ми, Госпоже́, моли́твами* избавля́ти Тво́й гра́дъ и лю́ди отъ всѣ́хъ бѣ́дъ.
Тебѣ́ припа́даютъ, Госпоже́,* святи́телей сосло́віе и собо́ри,* совокупле́ніе всѣ́хъ,* цари́ же и кня́зи,* и ве́сь наро́дъ, уми́льно моля́щеся,* Тебѣ́ ны́нѣ кла́няющеся,* и любе́зно цѣлу́юще Тво́й о́бразъ,* и моля́щеся, глаго́лютъ:* чту́щій Тя́ гра́дъ всегда́ спаса́й отъ всѣ́хъ бѣ́дъ.
Ины стихи́ры, гла́съ 8. Подо́бенъ: О, пресла́внаго чудесе́!
О, пресла́внаго чудесе́!* Иже Невмѣсти́мый небесы́,* и а́нгелы Сла́вимый,* и отъ серафи́мовъ Пое́мый,* на зе́млю соше́дъ, въ Твою́ утро́бу вмѣсти́ся* и ключа́ дѣ́вства не разруши́,* на́ше естество́, дре́вле отъ діа́вола му́чимо, изъя́тъ* и ве́сь ро́дъ человѣ́ческій свободи́,* Тебе́ же, Госпоже́, Засту́пницу на́мъ дарова́.* Тѣ́мъ не преста́й сохраня́ти* и спаса́ти ду́ши на́ша, я́ко Милосе́рда.
О, пресла́внаго чудесе́!* Се́ заступле́ніе пріи́де,* супротивле́ніе низложи́ся.* Гра́дъ на́шъ спаси́,* враги́ на́ша прожени́* и на́съ, рабо́въ Твои́хъ, Твое́ю ми́лостію возвесели́.* О, Бо́жія Сло́ва селе́ніе!* Ро́дъ человѣ́ческій, чту́щій Тя́,* всегда́ спаса́й отъ всѣ́хъ бѣ́дъ.
Пода́ждь утѣше́ніе* Твои́мъ рабо́мъ, Чи́стая,* напа́стьми одержи́мымъ,* и ро́гъ вѣ́рныхъ вознеси́,* Богороди́тельнице Марíе,* спаси́ моли́твами Твои́ми гра́дъ Тво́й неразруши́мь,* и ва́рварская шата́нія низложи́,* и на́съ, рабо́въ Твои́хъ, Безневѣ́стная,* хва́лящихъ Тя́, спаси́.
Сла́ва, и ны́нѣ, гла́съ 8:
Пріиди́те, россíйстіи собо́ри, пріиди́те, вѣ́рныхъ совокупле́нія, въ срѣ́теніе Цари́цы Богоотрокови́цы: се́ бо гряде́тъ Цари́ца Свои́мъ о́бразомъ честны́мъ, спасти́ гра́дъ и лю́ди, отъ сопоста́тныхъ пога́нъ невоева́ны. О, чу́до ве́ліе и пресла́вное и пребо́льши ума́! Ка́ко прише́ствіемъ честна́го Ея́ о́браза сопроти́вніи побѣжда́ются и ски́петры царе́й на́шихъ утвержда́ются? Но́щь упраздни́ся, и де́нь прибли́жися. Его́же ра́ди Тебе́, вину́ спасе́нія на́шего, естество́ на́ше пріе́млетъ, и вся́ тва́рь воспѣва́етъ Ти́, зову́ши: ра́дуйся, Предста́тельнице, и Помо́щнице, и спасе́ніе ду́шъ на́шихъ.
А теперь - собственно уникальные вещи. То есть 4 стихиры, написанные несколько раньше и другим автором. Догадайтесь кем?
"Творение царево" есть не что иное как творение самого царя Иоанна Василиевича Грозного!
Итак, ины стихиры, глас 1-й. Подобен: О дивное чюдо. Творение Царево.
О великое милосердие грешнымо еси, Богородице Пречистая, скорая помоще, спасение и заступление. Веселися преименитыи град Москва, приемля чюдотворную икону Владычица; воспоимо верении со архиереи и со князи: Обрадованная, радуися, с Тобою Господе, подаяи намо Тобою велию милость.
Дивно Твое милосердие, Владычице: егда бо християне припадоша Ти избавитися пагубнаго заколения, тогда невидимо Сыну си молящеся, честенымже си образом люди спасающе, християне возрадуитеся поюще: Обрадованная, радуися, с Тобою Господе, подаяи намо Тобою велию милость.
Твое славяте заступление архиереи и священицы, царие и князи, иноки же и причетницы, и весе народное множество, со женами и младенцы, о святей иконе Твоей хвалящеся, припадаюте велможи с воинествы рускими, зовуще: Обрадованная, радуися, с Тобою Господе, подаяи намо Тобою велию милость.
Слава и ныне, глас 6-й:
Вострубите трубою песней во благонарочитеме дни празденика нашего, и тмы разрушение и свету пришествие паче солнеца восиявошу; се бо весехо Царица и Владычица и Богородица, Мати Твореца весехо, Христа Бога нашего, услышавоше моление, недостоиныхо рабо Своихо, на милосердие прекланяетеся, и милостивено невидимо руце простирающи к Сыну си и Богу нашему, молитву о всей Руси предолагающи, и согрешением свобожение даровати молящися, и праведеное Его прещение возвратити. О, великое милосердие, Владычица! О, великое щедрото милости Царица! О, великое заступление, Богородица, како убо, молящи Сына Своего и Бога нашего, пришествиеме честенаго образа преславено и выше слова градо и веся люди ото напасти и смерти избавляющи. Царие и князи да сотекутеся, святители и священицы да возвеселятеся, и весяко возрасто вереныхо моножество совокупленое, весехо Царицы Царя рожешеи да воспоем благодарественная в радости глаголющи: радуйся, Божие жилище и граде одушевленныи Царя Христа Бога нашего; радуйся, християномо излияние милости и щедрото и промышления; радуйся, к Тобе прибегающимо, пристанище и заступление, и избавление и спасение наше.
СТИХИРЫ (1550-1560-е гг.) Печатается по: Архим. Леонид. Стихиры, положенные на крюковые ноты. Творение Царя Иоанна, Деспота Российского. По рукописи библиотеки Троице-Сергиевой Лавры, № 428. СПб. 1886. С. 6, 8, 10.
Click to view