Бэтлеем, месца Хрыстовага нараджэння

[valjaryna]

Месца Хрыстовага нараджэння пазначанае цяпер зоркай, што нагадвае Бэтлеемскую, што ўзышла на нябёсах як знак нараджэння Ратаўніка. У зорцы можна пабачыць частку месца, дзе нарадзіўся Збаўца. І нават паспрабаваць прачытаць надпіс на ёй...




Тое самае месца, дзе стаялі ясьлі, у якіх спаў маленькі Хрыстос...



Палестына, Бэтлеем (с) Valiaryna

І адна з маіх улюбёных, бо, бадай, самая сьветлая, калядка:

"Ціхая ноч" (а тут - "Ціхая ноч" у выкананні Данчыка)

Ціхая ноч, святая ноч!
Спіць усё, спіць даўно.
Толькі Маці Святая ўсцяж
Ціха ў яслях люляе Дзіця:
«Спі, Сыночак малы,
Люлі, люлі, спі».

А ўгары ўсё гарыць
Серабром зорных крыг.
Хор анёлаў пяе пастухом
Аб Дзіцяці, што будзе Хрыстом,
Светлай песняй хвалы
Славяць Збаўцу Зямлі.

Ціхая ноч, святая ноч,
Ў родны край завітай,
Людзям сум і тугу разгані,
Хай жа цешацца ў гэтыя дні,
У ціхую, святую ноч.
----------------------------------------

Пераклад Наталлі Арсеньевай

Ціхая ноч, святая ноч!
Спіць усё, сніць даўно.
Толькі Маці Святая ўсцяж
ціха ў яслях люляе Дзіця:
«Спі, Сыночак малы,
Спі, Сыночак малы!»

А ўгары ўсё гарыць
Серабром зорных крыг.
Хор анёлаў пяе пастухом
Аб Дзіцяці, што будзе Хрыстом,
Светлай песняй хвалы
Славяць Збаўцу Зямлі.

Ціхая ноч, святая ноч,
У родны край завітай,
Людзям сум і тугу разгані,
Хай жа цешацца ў гэтыя дні,
Ў ціхую, святую ноч,
Ў ціхую, святую ноч!
----------------------------------------

Пераклад са складанкі "Святы Вечар"

Ціхая ноч, дзіўная ноч,
дрэмле ўсё, дый не спіць.
Па-над жолабам Панна стаіць,
на Дзіцятка з усмешкай глядзіць.
Радасць у сэрцах гарыць,
радасць у сэрцах гарыць.

Ціхая ноч, дзіўная ноч,
голас з неба зыйшоў:
Сёння нам нарадзіўся Хрыстос.
Ад грахоў Ён збаўленне прынёс.
Праўда прарочых слоў,
праўда прарочых слоў

Ціхая ноч, дзіўная ноч,
анёл вёў пастушкоў
да хлявочка, там, дзе Божы Сын
меў палац у час сваіх нарадзін
горшы за бедакоў
горшы за бедакоў.
* * * * * * * * * * * * *
Ціхая ноч, святая ноч!
Спіць усё, сніць даўно.
Толькі Маці Святая ўсцяж
ціха ў яслях люляе Дзіця:
«Спі, Сыночак малы,
Спі, Сыночак малы!»

Ціхая ноч, святая ноч!
Бог прыйшоў да людзей.
Хор анёлаў спявае з нябёс:
«Нарадзіўся вам Збаўца-Хрыстос,
Ён збаўленне прынёс.
Ён збаўленне прынёс!»

Ціхая ноч, святая ноч!
Божы Сын, шчасці нам;
і у сэрцах любоў запалі,
супакоем наш край адары.
Поўню радасці дай.
Поўню радасці дай!