Канон всем преподобным, в подвиге просиявшим
Выкладываю в «Уставные заметки» новонаписанный канон всем преподобным, в подвиге просиявшим. Канон без гласовой привязки и без ирмосов. Автор пожелал остаться неизвестным. Текст публикуется по авторской машинописи, цензурными инстанциями не рассматривался.
Канон всем преподобным отцем и матерем, в подвизе просиявшим
Песнь 1Во плоти, преподобнии, Ангели бысте и, яко безплотнии, плоть носяще, на земли пожисте. Сего ради вси вас ублажаем.
Мира сего красная вся и тленная презревше, в пустыню вселилися есте, всеблаженнии, идеже добродетельным житием Богови угодили есте.
Крест свой на рамена вземши, всеблаженнии, сей даже до конца понесли есте, Христу, своему Господу последующе.
Богородичен: Пророков Ты еси исполнение, Богородице Дево, мучеников укрепление, преподобных Помощнице, всем же людем православным покрове державный и непреоборимый.
Песнь 3Бога паче всех возлюбивше и Небеснаго Царствия вожделевше, отцы всечестнии, к нему всеусердно устремистеся, ничто же, кроме того, улучити желающе.
Плоть свою презревше и со страстьми ю распявше, о души попечение все возымели есте. Сего ради и вышняго Царствия наследницы бысте.
Миру себе распясте, достоблаженнии, земная похоти вся презрели есте, весь ум к Небесному вперивше.
Земная вся презресте, досточуднии, все тщание к небесному устремили есте. Сего ради Небеснаго Царствия наследницы бысте.
Богородичен: Тя, Дево, преподобнии отцы стяжавше Помощницу, и Предстательницу, и Заступницу велию, Твоею помощию укрепляеми, ангелоподобным житием Богу угодни явишася.
Песнь 4Светильницы пресветлии, в пустыни миру сияюще, явистеся, всеблаженнии, вселенную всю облиставающии и вся ко Христу привлекающии.
Труды телесными и воздержанием превелиим себе изнуривше, отдохновения имети не восхотели есте, будущаго отдохновения чающе.
Чистии сердцем, прехвальнии, явистеся и ум свой чист Богу представивше, Сего в сердцах ваших узрели есте.
Воздержанием страсти увядивше и плоть напитати николиже восхотевше, Ангели на земли явистеся.
Богородичен: Превышши всея твари еси, Приснодево, зане из Тебе произыде Христос, Иже нас от смерти греховныя свободи и от власти диаволи избави.
Песнь 5Мира сего убежавше и в пустыни непроходимей затворившеся, святии, о мире сем к Богу молитвенницы теплии бысте.
Вам звери дивии повинушася, зане, образ перстный с себе свергше, образ первозданный в себе явили есте.
Аще и мир презресте и в пустыню отбегосте, преподобнии, но обаче любви ко ближним своим не оставили есте, яко самих себе тех возлюбивше.
Мира кроме суетнаго бывше, в пустынях, вертепах и горах поживше, Богу угодили есте и того ради ныне, Владыкою возвеличини, ликуете.
Богородичен: Весь земли прельпех, окаянный, весь страстьми пленихся. Но Ты, Пречистая, обращение ми дару и к покаянию мя направи отец преподобных молитвами.
Песнь 6Отечества Небесного взыскующе, отцы всечестнии, зде пребывающаго отечества имети не восхотесте. Сего ради граждане Небеснии явистеся.
Воздыхании вашими пустыню огласисте и слез струями всю ю напоисте. Сего ради и в будущем веце утешение неложное восприяли есте.
Тесным путем шествующе, преподобнии, пространнаго пути отвергостеся, яко в погибель ведущаго. Сего ради вас почитаем во веки.
Богородичен: Бурею греховною обуреваему и волнами греховными потопляему помози, Владычице, и от потопления греховнаго мя избави.
Песнь 7Не токмо мужеск пол, но и женский во множестве Богу угоди, иноческому житию последующе.
Вы, девы всеблаженнии, Христу уневестилися есте, кроме Его жениха инаго имети не восхотевше.
Естества своего немощь победивше, жены досточуднии, равно со мужами житием преподобным Богови угодили есте.
Богородичен: Тебе подобящеся, Владычице, девы всечестнии все житие свое Богу принесоша и совершенно себе Тому предавше, силы Небесныя подвиги своими удивиша.
Песнь 8В молитвах, яко безплотнии пребывше, блаженнии, безплотних видения зрети сподобистеся. И ныне во обителех Небесных с ними ликуете.
Чудесы своими весь мир озаристе, люди вся ко Христу привлекающе и добродетельному житию научающе.
Чудес источницы приснотекущии явистеся, достославнии, недуги врачующе, бесы прогоняюще, будущая яко настоящая возвещающе, всех же вопити научающе: благословен еси, Господи Боже отец наших.
Богородичен: Пресвятая Дево, Богородительнице, осквернена мя грехи многими к Тебе припадающа, не презри. Но исцели душу мою и к деланию заповедей Сына Твоего мя исправи.
Песнь 9Кто ваша подвиги достойно воспоет, преподобнии? Кто ваша изрещи возможет смирение, воздержание, кротость, всенощная стояния, к ближним любовь и милосердие и к Богу присная моления?
Нас, преподобнии, у престола Владыки, Емуже присно предстоите, поминайте, память вашу совершающих и присно вас восхваляющих, да и мы, вашему добродетельному житию ревнующе, славы вашея сопричастницы явимся.
Поревнуем убо, братие, и мы преподобных житию. Бога паче всех возлюбим и Его велений исполнители явимся, яко да Царствия Его наследницы будем.
Богородичен: Радуйся, вси Тебе, Дево зовем: радуйся, праотцев надеждо; радуйся, пророков исполнение; радуйся, апостолов сопричастнице; радуйся, матерей украшение; радуйся, дев похвало; радуйся, всем людем православным заступление.
Канон всем преподобным отцем и матерем, в подвизе просиявшим
Песнь 1Во плоти, преподобнии, Ангели бысте и, яко безплотнии, плоть носяще, на земли пожисте. Сего ради вси вас ублажаем.
Мира сего красная вся и тленная презревше, в пустыню вселилися есте, всеблаженнии, идеже добродетельным житием Богови угодили есте.
Крест свой на рамена вземши, всеблаженнии, сей даже до конца понесли есте, Христу, своему Господу последующе.
Богородичен: Пророков Ты еси исполнение, Богородице Дево, мучеников укрепление, преподобных Помощнице, всем же людем православным покрове державный и непреоборимый.
Песнь 3Бога паче всех возлюбивше и Небеснаго Царствия вожделевше, отцы всечестнии, к нему всеусердно устремистеся, ничто же, кроме того, улучити желающе.
Плоть свою презревше и со страстьми ю распявше, о души попечение все возымели есте. Сего ради и вышняго Царствия наследницы бысте.
Миру себе распясте, достоблаженнии, земная похоти вся презрели есте, весь ум к Небесному вперивше.
Земная вся презресте, досточуднии, все тщание к небесному устремили есте. Сего ради Небеснаго Царствия наследницы бысте.
Богородичен: Тя, Дево, преподобнии отцы стяжавше Помощницу, и Предстательницу, и Заступницу велию, Твоею помощию укрепляеми, ангелоподобным житием Богу угодни явишася.
Песнь 4Светильницы пресветлии, в пустыни миру сияюще, явистеся, всеблаженнии, вселенную всю облиставающии и вся ко Христу привлекающии.
Труды телесными и воздержанием превелиим себе изнуривше, отдохновения имети не восхотели есте, будущаго отдохновения чающе.
Чистии сердцем, прехвальнии, явистеся и ум свой чист Богу представивше, Сего в сердцах ваших узрели есте.
Воздержанием страсти увядивше и плоть напитати николиже восхотевше, Ангели на земли явистеся.
Богородичен: Превышши всея твари еси, Приснодево, зане из Тебе произыде Христос, Иже нас от смерти греховныя свободи и от власти диаволи избави.
Песнь 5Мира сего убежавше и в пустыни непроходимей затворившеся, святии, о мире сем к Богу молитвенницы теплии бысте.
Вам звери дивии повинушася, зане, образ перстный с себе свергше, образ первозданный в себе явили есте.
Аще и мир презресте и в пустыню отбегосте, преподобнии, но обаче любви ко ближним своим не оставили есте, яко самих себе тех возлюбивше.
Мира кроме суетнаго бывше, в пустынях, вертепах и горах поживше, Богу угодили есте и того ради ныне, Владыкою возвеличини, ликуете.
Богородичен: Весь земли прельпех, окаянный, весь страстьми пленихся. Но Ты, Пречистая, обращение ми дару и к покаянию мя направи отец преподобных молитвами.
Песнь 6Отечества Небесного взыскующе, отцы всечестнии, зде пребывающаго отечества имети не восхотесте. Сего ради граждане Небеснии явистеся.
Воздыхании вашими пустыню огласисте и слез струями всю ю напоисте. Сего ради и в будущем веце утешение неложное восприяли есте.
Тесным путем шествующе, преподобнии, пространнаго пути отвергостеся, яко в погибель ведущаго. Сего ради вас почитаем во веки.
Богородичен: Бурею греховною обуреваему и волнами греховными потопляему помози, Владычице, и от потопления греховнаго мя избави.
Песнь 7Не токмо мужеск пол, но и женский во множестве Богу угоди, иноческому житию последующе.
Вы, девы всеблаженнии, Христу уневестилися есте, кроме Его жениха инаго имети не восхотевше.
Естества своего немощь победивше, жены досточуднии, равно со мужами житием преподобным Богови угодили есте.
Богородичен: Тебе подобящеся, Владычице, девы всечестнии все житие свое Богу принесоша и совершенно себе Тому предавше, силы Небесныя подвиги своими удивиша.
Песнь 8В молитвах, яко безплотнии пребывше, блаженнии, безплотних видения зрети сподобистеся. И ныне во обителех Небесных с ними ликуете.
Чудесы своими весь мир озаристе, люди вся ко Христу привлекающе и добродетельному житию научающе.
Чудес источницы приснотекущии явистеся, достославнии, недуги врачующе, бесы прогоняюще, будущая яко настоящая возвещающе, всех же вопити научающе: благословен еси, Господи Боже отец наших.
Богородичен: Пресвятая Дево, Богородительнице, осквернена мя грехи многими к Тебе припадающа, не презри. Но исцели душу мою и к деланию заповедей Сына Твоего мя исправи.
Песнь 9Кто ваша подвиги достойно воспоет, преподобнии? Кто ваша изрещи возможет смирение, воздержание, кротость, всенощная стояния, к ближним любовь и милосердие и к Богу присная моления?
Нас, преподобнии, у престола Владыки, Емуже присно предстоите, поминайте, память вашу совершающих и присно вас восхваляющих, да и мы, вашему добродетельному житию ревнующе, славы вашея сопричастницы явимся.
Поревнуем убо, братие, и мы преподобных житию. Бога паче всех возлюбим и Его велений исполнители явимся, яко да Царствия Его наследницы будем.
Богородичен: Радуйся, вси Тебе, Дево зовем: радуйся, праотцев надеждо; радуйся, пророков исполнение; радуйся, апостолов сопричастнице; радуйся, матерей украшение; радуйся, дев похвало; радуйся, всем людем православным заступление.