Канон молебный святителю и чудотворцу Иоанну Шанхайскому
Выкладываю в «Уставные заметки» молебный канон святителю и чудотворцу Иоанну, архиепископу Шанхайскому и Сан-Францисскому, составленный клириком Украинской Православной Церкви протоиереем Илией Тетерько (Одесса). Текст публикуется по авторской машинописи, цензурными инстанциями пока не рассматривался.
Канон молебный святителю и чудотворцу Иоанну,
архиепископу Шанхайскому и Сан-ФранцисскомуБлагословившу священнику, начинаем по обычаю начальные молитвы: Царю Небесный: Трисвятое. Пресвятая Троице: Отче наш: Иерей: Яко Твое есть Царство: Господи, помилуй, 12. Слава, и ныне. Приидите, поклонимся: трижды. Также: Псалом 142:
Господи, услыши молитву мою, внуши моление мое во истине Твоей, услыши мя в правде Твоей. И не вниди в суд с рабом Твоим, яко не оправдится пред Тобою всяк живый. Яко погна враг душу мою, смирил есть в землю живот мой; посадил мя есть в темных, яко мертвыя века. И уны во мне дух мой, во мне смятеся сердце мое. Помянух дни древния; поучихся во всех делех Твоих, в творениих руку Твоею поучахся. Воздех к Тебе руце мои, душа моя яко земля безводная Тебе. Скоро услыши мя, Господи, исчезе дух мой; не отврати лица Твоего от мене, и уподоблюся низходящим в ров. Слышану сотвори мне заутра милость Твою, яко на Тя уповах; скажи мне, Господи, путь, воньже пойду, яко к Тебе взях душу мою. Изми мя от враг моих, Господи, к Тебе прибегох. Научи мя творити волю Твою, яко Ты еси Бог мой; Дух Твой Благий наставит мя на землю праву. Имене Твоего ради, Господи, живиши мя; правдою Твоею изведеши от печали душу мою. И милостию Твоею потребиши враги моя, и погубиши вся стужающия души моей: яко аз раб Твой есмь.
Слава, и ныне: Бог Господь: со стихи.
Таже тропарь, глас 4:Добрый служителю Христова Евангелия, / слова проповеданием апостолом поревновав, / истиною Православия препоясався, / пращею словес твоих волки лютыя отгнал еси, / бдением же, постом и молитвою, / преподобием и правдою пожив на земли, / клевету и поношения с кротостию приемля, / ветхаго человека совлеклся еси. / Сего ради Христос тя прослави чудесы, / ихже обильно изливаеши на всех / с верою притекающих к тебе: / и ныне спасай нас молитвами твоими, // Иоанне досточудне, святителю Христов.
Слава, и ныне, глас тойже:Не умолчим никогда, Богородице, / силы Твоея глаголати, недостойнии, / аще бо Ты не бы предстояла молящи, / кто бы нас избавил от толиких бед, / кто же бы сохранил доныне свободны? / Не отступим, Владычице, от Тебе, / Твоя бо рабы спасаеши присно от всяких лютых.
Псалом 50 и канон, глас 2, без ирмосов на 4.
Песнь 1.
Ирмос: Во глубине посла:Припев: Святителю отче Иоанне, моли Бога о нас.
С чины Небесными Творцу предстоя и причастием Божественным обожаемь, чтущия тя спасай молитвами твоими, отче блаженне.
Добре стадо Христово упас, и прилоги вражия отразил еси, отче, неусыпным бдением и зельным пощением и молитвою пламенною ко Господу, благодать стяжавый о нас предстательствовати.
Слава: Всегда Божественному престолу благодати предстоя, отче Иоанне, благодать и милость даровати молися, тебе верно призывающим рабом твоим.
И ныне, Богородичен: Пресвятая Дево Чистая, просвети и освяти помышления и душу мою, молюся, облаки разоряющи невежества моего и тьму отъемлющи греховную, яко да по долгу ублажаю Тя.
Песнь 3.
Ирмос: На камени мя веры:Наста честная память твоя, носящи пользу Божественную верою благохвалящим тя, отче Иоанне, в нейже тя молим, блаженне: всех нас помяни.
Небеная восприял еси, отче преподобне, земных не оставил еси твоими теплыми ходатайствы.
Слава: Руцы твои, отче, ко Христу воздеемы, благодать и чудесы с Небесе нам даруют.
И ныне, Богородичен: Крепость моя и радость, и веселие, и стена твердая, и предстательница, Ты еси Всенепорочная, искушений и бед избавляющи мя.
Посем оба лика вкупе поют катавасию:Моли Бога о нас, / святителю отче Иоанне, / яко мы усердно к тебе прибегаем, / скорому помощнику и молитвеннику о душах наших.
Ектения: Помилуй, нас, Боже: и седален, глас 6:Наставник воистину всемирный, / благочестия учитель / и Духа Святаго сосуд избранный показался еси, блаженнее Иоанне, / темже вси концы тя прославляют, / от восток солнца даже до запад, / в храм твой притекающе к мощем твоим, / исцеления и помощь в скорбех приемлют, / ты бо в радость Господа твоего возшед, // неотлучно от нас пребываеши.
И ныне, глас тойже:Избави нас от нужд наших, / Мати Христа Бога, / рождшая всех Творца и Господа, / да вси зовем Ти, Дево Чистая: // радуйся, едино предстательство душ наших.
Песнь 4.
Ирмос: Пришел еси от Девы:Пресветлое сияние Пресвятаго и Божественнаго Духа, сердце твое облиставшее, людем многим просвещение содела.
Яко ходатай быв явленным и Божественным сиянием, ходатайством твоим умири многомятежнаго моего жития бурю.
Слава: Ветхаго человека совлеклся еси, отче Иоанне блаженне, и Христу всецело послужил еси, от Негоже венец приим, чудес источник стяжал еси светлое воздаяние.
И ныне, Богородичен: Святая Богородице, Владычице, в нощи мя и во дни освяти, и сохрани, и настави ко спасению, и избави от бед и озлобления.
Песнь 5.
Ирмос: Просвещение во тьме лежащих:Божественное дарование открывает чудесами сокровенное в земли тело твое девственное, Иоанне преблаженне, и источник изливает благодати всем верным, твоея помощи просящим.
Дивному Богу, тобою чудеса творящему, молися, Иоанне Богодухновенне, да удивит на нас милости Своя и подаст прошений исполнение.
Слава: Тезоименит Божией благодати явился еси, отче Иоанне, еюже соблюдаемь, и по смерти нерушим телом пребываеши, на земли лежа, и источаеши нам дивныя чудеса.
И ныне, Богородичен: Господородительнице Чистая, обладаема мя многими страстьми, яко Благая представши, избави от сих: яко да тя воспеваю душею и сердцем и языком, спасаемь.
Песнь 6.
Ирмос: В бездне греховней:Мастию священною помазан быв от руки Вседержителя Бога, святителю славнее Иоанне, моли о хвалящих твою память, получити грехов прощение и напастей избавление.
Яко звезда светоносная, явился еси, лучами духовными верных сердца просвещая, светом разума Божественнаго, Богомудре Иоанне. Тем, ныне со Ангелы водворяяся, спасай хвалящия твою память.
Слава: Делы духовными украшен, в Небесных чертогах веселяся, помяни хвалящия твою память, Иоанне преблаженне, заступая от бед и скорбей, да непрестанно тя ублажаем.
И ныне, Богородичен: На всякое время Тя призываю, Пречистая Дево, да обрящу Тя помощницу, изымающую мя от всякаго озлобления и страшных мук.
Посем оба лика вкупе поют катавасию:Моли Бога о нас, / святителю отче Иоанне, / яко мы усердно к тебе прибегаем, / скорому помощнику и молитвеннику о душах наших.
Также ектения малая.
Кондак, глас 4:Христу Пастыреначальнику последовав, / во святителех изряднейший явился еси, / спасл бо еси овцы своя от губительства безбожных, / пристанище мирное тем учредив, / и попечение непрестанное о пастве имея, / врачевал еси их недуги душевныя же и телесныя, / и ныне о нас к твоим честным мощем припадающих, / моли Христа Бога, отче Иоанне, // в мире спастися душам нашим.
Прокимен, глас 4: Честна пред Господем смерть преподобных Его. Стих: Что воздам Господеви о всех, яже воздаде ми?
Всякое дыхание: Евангелие от Матфея, зачало 43.Слава: Молитвами святителя Иоанна, / Милостиве, очисти / множество согрешений наших.
И ныне: Молитвами Богородицы, / Милостиве, очисти / множество согрешений наших.
Помилуй мя, Боже, / по велицей милости Твоей / и по множеству щедрот Твоих / очисти беззаконие мое.
Стихира, глас 6:Радуются днесь православных собори, / и ликующе светло, величают светильника новаго, / древним святителем равносиятельна, / на конец веков возсиявшаго миру / и земныя вся концы просветившаго, / Иоанна пречуднаго, / преподобным спостника и святителем собеседника, / исповедником равнаго крепостию / и безмездным целителем венец и украшение, // присно молящася о душах наших.
Посем глаголет диакон молитву: Спаси, Боже, люди Твоя: Лик: Господи, помилуй, 12 раз. Возглас: Милостию и щедротами:
Песнь 7.
Ирмос: Богопротивное веление:Безкровныя жертвы принося Христу, жертву благовонную - тебе самаго, блаженне, - Господеви принесл еси.
Молитва Божественныя души твоея приятна бысть, яко кадило, отче Иоанне, сию Господь приемля, милости и чудеса тобою соделывает и по ныне.
Слава: Исцели наша недуги, Благодетелю Господи, молитвами Иоанна преблаженнаго, и милости Твоя низпосли, Благоутробне, на всех воспевающия Тя.
И ныне, Богородичен: Надежда непостыдная, покров же и помощница буди мне, Дево Марие Чистая, уповающему на Тя: и к свету настави покаяния и умиления.
Песнь 8.
Ирмос: Пещь иногда:Явился еси воистинну Христов угодник, отче: моляся не престай избавити люди твоя от напастей, бед, и скорбей, от нужды и печали.
Единому Богу возложив душу и помышление, тесный путь шествовал еси, тем получил еси Небеснаго Царствия наслаждение и благодать творити чудесы.
Слава: Страсти попалил еси огнем воздержания, душу озарив Божественными сиянии, демонов прогонитель явился еси, Иоанне, Божественным Духом просвещаемь.
И ныне, Богородичен: Страсти моего сердца исцели милостию Твоею, Всепетая, ум мой умири, и душу мою просвети, и ходити мя настави на стези спасительныя, яко да присно пою Тя, Дево Марие Чистая.
Песнь 9.
Ирмос: Безначальна Родителя Сын:Чудес источниче, святителей украшение, умоли Благаго Человеколюбца, отче всечестне, да подаст нам велия Своя милости.
Почтил еси добрыми твоими нравы Бога Преблагаго, Иоанне всечестне. Темже исцелений источник изливаеши, зной отгоняя болезней же и печалей, отче мудре.
Слава: Якоже честный бисер, твоя мощи, Иоанне преподобне, всеми видимы, предлежат, различная исцеления неоскудно подающе. Твоих милостей и нас сподоби, отче.
И ныне, Богородичен: Пристанище и предстательство к Тебе прибегающих буди, Дево, и стена нерушимая, прибежище же и покров и веселие.
Таже Достойно есть: Посеем Трисвятое: Отче наш:
Тропарь святителя, глас 4:Исповедуем дивное заступление твое, / не таим чудес твоих, на нас бывших, / ходатаю наш ко Господу, святителю Иоанне, / имиже упованию православному научаеши нас, / да твоими молитвами помощь Божию имамы, / еюже спасаемся от сетей вражиих, // чтущии достойно память твою.
Слава, и ныне, Богородичен, глас тойже:Твое предстательство имуще, Пречистая, / и Твоими молитвами лютых избавляеми, / Крестом Сына Твоего везде соблюдаеми, / по долгу Тя вси благочестно величаем.
Ектения сугубая, юже глаголет диакон с кадилом, и прочая по обычаю. И отпуст.
МолитваО святителю чудне Иоанне, пастырю добрый и тайновидче душ человеческих, толико распространивый сердце свое, яко нетесно вмещается в нем множество почитающих тя человек от различных племен и народов! Ныне у Престола Божия за нас молишися, якоже и сам посмертне изрекл еси: аще и умрох, но жив есмь. Умоли Всещедраго Бога милосердным быти к беззакониям и неправдам нашим, да бодренно воспрянем и Ему возопиим о даровании нам духа смирения, благоговения и любви во всяческих путях жизни нашея. Слезно вопием тебе, о теплый молитвенниче: посети нас, сирых, по всему лицу вселенныя разсеянных и во Отечествии сущих, во тьме страстей блуждающих, но слабою любовию ко свету Христову влекущихся и ждущих твоего отеческаго наставления, да благочестию поживем и наследницы Царствия Небеснаго явимся, идеже ты пребываеши со всеми святыми, славяще Господа нашего Иисуса Христа, Емуже честь и держава со Отцем и Святым Духом ныне и присно, и во веки веков. Аминь.
Канон молебный святителю и чудотворцу Иоанну,
архиепископу Шанхайскому и Сан-ФранцисскомуБлагословившу священнику, начинаем по обычаю начальные молитвы: Царю Небесный: Трисвятое. Пресвятая Троице: Отче наш: Иерей: Яко Твое есть Царство: Господи, помилуй, 12. Слава, и ныне. Приидите, поклонимся: трижды. Также: Псалом 142:
Господи, услыши молитву мою, внуши моление мое во истине Твоей, услыши мя в правде Твоей. И не вниди в суд с рабом Твоим, яко не оправдится пред Тобою всяк живый. Яко погна враг душу мою, смирил есть в землю живот мой; посадил мя есть в темных, яко мертвыя века. И уны во мне дух мой, во мне смятеся сердце мое. Помянух дни древния; поучихся во всех делех Твоих, в творениих руку Твоею поучахся. Воздех к Тебе руце мои, душа моя яко земля безводная Тебе. Скоро услыши мя, Господи, исчезе дух мой; не отврати лица Твоего от мене, и уподоблюся низходящим в ров. Слышану сотвори мне заутра милость Твою, яко на Тя уповах; скажи мне, Господи, путь, воньже пойду, яко к Тебе взях душу мою. Изми мя от враг моих, Господи, к Тебе прибегох. Научи мя творити волю Твою, яко Ты еси Бог мой; Дух Твой Благий наставит мя на землю праву. Имене Твоего ради, Господи, живиши мя; правдою Твоею изведеши от печали душу мою. И милостию Твоею потребиши враги моя, и погубиши вся стужающия души моей: яко аз раб Твой есмь.
Слава, и ныне: Бог Господь: со стихи.
Таже тропарь, глас 4:Добрый служителю Христова Евангелия, / слова проповеданием апостолом поревновав, / истиною Православия препоясався, / пращею словес твоих волки лютыя отгнал еси, / бдением же, постом и молитвою, / преподобием и правдою пожив на земли, / клевету и поношения с кротостию приемля, / ветхаго человека совлеклся еси. / Сего ради Христос тя прослави чудесы, / ихже обильно изливаеши на всех / с верою притекающих к тебе: / и ныне спасай нас молитвами твоими, // Иоанне досточудне, святителю Христов.
Слава, и ныне, глас тойже:Не умолчим никогда, Богородице, / силы Твоея глаголати, недостойнии, / аще бо Ты не бы предстояла молящи, / кто бы нас избавил от толиких бед, / кто же бы сохранил доныне свободны? / Не отступим, Владычице, от Тебе, / Твоя бо рабы спасаеши присно от всяких лютых.
Псалом 50 и канон, глас 2, без ирмосов на 4.
Песнь 1.
Ирмос: Во глубине посла:Припев: Святителю отче Иоанне, моли Бога о нас.
С чины Небесными Творцу предстоя и причастием Божественным обожаемь, чтущия тя спасай молитвами твоими, отче блаженне.
Добре стадо Христово упас, и прилоги вражия отразил еси, отче, неусыпным бдением и зельным пощением и молитвою пламенною ко Господу, благодать стяжавый о нас предстательствовати.
Слава: Всегда Божественному престолу благодати предстоя, отче Иоанне, благодать и милость даровати молися, тебе верно призывающим рабом твоим.
И ныне, Богородичен: Пресвятая Дево Чистая, просвети и освяти помышления и душу мою, молюся, облаки разоряющи невежества моего и тьму отъемлющи греховную, яко да по долгу ублажаю Тя.
Песнь 3.
Ирмос: На камени мя веры:Наста честная память твоя, носящи пользу Божественную верою благохвалящим тя, отче Иоанне, в нейже тя молим, блаженне: всех нас помяни.
Небеная восприял еси, отче преподобне, земных не оставил еси твоими теплыми ходатайствы.
Слава: Руцы твои, отче, ко Христу воздеемы, благодать и чудесы с Небесе нам даруют.
И ныне, Богородичен: Крепость моя и радость, и веселие, и стена твердая, и предстательница, Ты еси Всенепорочная, искушений и бед избавляющи мя.
Посем оба лика вкупе поют катавасию:Моли Бога о нас, / святителю отче Иоанне, / яко мы усердно к тебе прибегаем, / скорому помощнику и молитвеннику о душах наших.
Ектения: Помилуй, нас, Боже: и седален, глас 6:Наставник воистину всемирный, / благочестия учитель / и Духа Святаго сосуд избранный показался еси, блаженнее Иоанне, / темже вси концы тя прославляют, / от восток солнца даже до запад, / в храм твой притекающе к мощем твоим, / исцеления и помощь в скорбех приемлют, / ты бо в радость Господа твоего возшед, // неотлучно от нас пребываеши.
И ныне, глас тойже:Избави нас от нужд наших, / Мати Христа Бога, / рождшая всех Творца и Господа, / да вси зовем Ти, Дево Чистая: // радуйся, едино предстательство душ наших.
Песнь 4.
Ирмос: Пришел еси от Девы:Пресветлое сияние Пресвятаго и Божественнаго Духа, сердце твое облиставшее, людем многим просвещение содела.
Яко ходатай быв явленным и Божественным сиянием, ходатайством твоим умири многомятежнаго моего жития бурю.
Слава: Ветхаго человека совлеклся еси, отче Иоанне блаженне, и Христу всецело послужил еси, от Негоже венец приим, чудес источник стяжал еси светлое воздаяние.
И ныне, Богородичен: Святая Богородице, Владычице, в нощи мя и во дни освяти, и сохрани, и настави ко спасению, и избави от бед и озлобления.
Песнь 5.
Ирмос: Просвещение во тьме лежащих:Божественное дарование открывает чудесами сокровенное в земли тело твое девственное, Иоанне преблаженне, и источник изливает благодати всем верным, твоея помощи просящим.
Дивному Богу, тобою чудеса творящему, молися, Иоанне Богодухновенне, да удивит на нас милости Своя и подаст прошений исполнение.
Слава: Тезоименит Божией благодати явился еси, отче Иоанне, еюже соблюдаемь, и по смерти нерушим телом пребываеши, на земли лежа, и источаеши нам дивныя чудеса.
И ныне, Богородичен: Господородительнице Чистая, обладаема мя многими страстьми, яко Благая представши, избави от сих: яко да тя воспеваю душею и сердцем и языком, спасаемь.
Песнь 6.
Ирмос: В бездне греховней:Мастию священною помазан быв от руки Вседержителя Бога, святителю славнее Иоанне, моли о хвалящих твою память, получити грехов прощение и напастей избавление.
Яко звезда светоносная, явился еси, лучами духовными верных сердца просвещая, светом разума Божественнаго, Богомудре Иоанне. Тем, ныне со Ангелы водворяяся, спасай хвалящия твою память.
Слава: Делы духовными украшен, в Небесных чертогах веселяся, помяни хвалящия твою память, Иоанне преблаженне, заступая от бед и скорбей, да непрестанно тя ублажаем.
И ныне, Богородичен: На всякое время Тя призываю, Пречистая Дево, да обрящу Тя помощницу, изымающую мя от всякаго озлобления и страшных мук.
Посем оба лика вкупе поют катавасию:Моли Бога о нас, / святителю отче Иоанне, / яко мы усердно к тебе прибегаем, / скорому помощнику и молитвеннику о душах наших.
Также ектения малая.
Кондак, глас 4:Христу Пастыреначальнику последовав, / во святителех изряднейший явился еси, / спасл бо еси овцы своя от губительства безбожных, / пристанище мирное тем учредив, / и попечение непрестанное о пастве имея, / врачевал еси их недуги душевныя же и телесныя, / и ныне о нас к твоим честным мощем припадающих, / моли Христа Бога, отче Иоанне, // в мире спастися душам нашим.
Прокимен, глас 4: Честна пред Господем смерть преподобных Его. Стих: Что воздам Господеви о всех, яже воздаде ми?
Всякое дыхание: Евангелие от Матфея, зачало 43.Слава: Молитвами святителя Иоанна, / Милостиве, очисти / множество согрешений наших.
И ныне: Молитвами Богородицы, / Милостиве, очисти / множество согрешений наших.
Помилуй мя, Боже, / по велицей милости Твоей / и по множеству щедрот Твоих / очисти беззаконие мое.
Стихира, глас 6:Радуются днесь православных собори, / и ликующе светло, величают светильника новаго, / древним святителем равносиятельна, / на конец веков возсиявшаго миру / и земныя вся концы просветившаго, / Иоанна пречуднаго, / преподобным спостника и святителем собеседника, / исповедником равнаго крепостию / и безмездным целителем венец и украшение, // присно молящася о душах наших.
Посем глаголет диакон молитву: Спаси, Боже, люди Твоя: Лик: Господи, помилуй, 12 раз. Возглас: Милостию и щедротами:
Песнь 7.
Ирмос: Богопротивное веление:Безкровныя жертвы принося Христу, жертву благовонную - тебе самаго, блаженне, - Господеви принесл еси.
Молитва Божественныя души твоея приятна бысть, яко кадило, отче Иоанне, сию Господь приемля, милости и чудеса тобою соделывает и по ныне.
Слава: Исцели наша недуги, Благодетелю Господи, молитвами Иоанна преблаженнаго, и милости Твоя низпосли, Благоутробне, на всех воспевающия Тя.
И ныне, Богородичен: Надежда непостыдная, покров же и помощница буди мне, Дево Марие Чистая, уповающему на Тя: и к свету настави покаяния и умиления.
Песнь 8.
Ирмос: Пещь иногда:Явился еси воистинну Христов угодник, отче: моляся не престай избавити люди твоя от напастей, бед, и скорбей, от нужды и печали.
Единому Богу возложив душу и помышление, тесный путь шествовал еси, тем получил еси Небеснаго Царствия наслаждение и благодать творити чудесы.
Слава: Страсти попалил еси огнем воздержания, душу озарив Божественными сиянии, демонов прогонитель явился еси, Иоанне, Божественным Духом просвещаемь.
И ныне, Богородичен: Страсти моего сердца исцели милостию Твоею, Всепетая, ум мой умири, и душу мою просвети, и ходити мя настави на стези спасительныя, яко да присно пою Тя, Дево Марие Чистая.
Песнь 9.
Ирмос: Безначальна Родителя Сын:Чудес источниче, святителей украшение, умоли Благаго Человеколюбца, отче всечестне, да подаст нам велия Своя милости.
Почтил еси добрыми твоими нравы Бога Преблагаго, Иоанне всечестне. Темже исцелений источник изливаеши, зной отгоняя болезней же и печалей, отче мудре.
Слава: Якоже честный бисер, твоя мощи, Иоанне преподобне, всеми видимы, предлежат, различная исцеления неоскудно подающе. Твоих милостей и нас сподоби, отче.
И ныне, Богородичен: Пристанище и предстательство к Тебе прибегающих буди, Дево, и стена нерушимая, прибежище же и покров и веселие.
Таже Достойно есть: Посеем Трисвятое: Отче наш:
Тропарь святителя, глас 4:Исповедуем дивное заступление твое, / не таим чудес твоих, на нас бывших, / ходатаю наш ко Господу, святителю Иоанне, / имиже упованию православному научаеши нас, / да твоими молитвами помощь Божию имамы, / еюже спасаемся от сетей вражиих, // чтущии достойно память твою.
Слава, и ныне, Богородичен, глас тойже:Твое предстательство имуще, Пречистая, / и Твоими молитвами лютых избавляеми, / Крестом Сына Твоего везде соблюдаеми, / по долгу Тя вси благочестно величаем.
Ектения сугубая, юже глаголет диакон с кадилом, и прочая по обычаю. И отпуст.
МолитваО святителю чудне Иоанне, пастырю добрый и тайновидче душ человеческих, толико распространивый сердце свое, яко нетесно вмещается в нем множество почитающих тя человек от различных племен и народов! Ныне у Престола Божия за нас молишися, якоже и сам посмертне изрекл еси: аще и умрох, но жив есмь. Умоли Всещедраго Бога милосердным быти к беззакониям и неправдам нашим, да бодренно воспрянем и Ему возопиим о даровании нам духа смирения, благоговения и любви во всяческих путях жизни нашея. Слезно вопием тебе, о теплый молитвенниче: посети нас, сирых, по всему лицу вселенныя разсеянных и во Отечествии сущих, во тьме страстей блуждающих, но слабою любовию ко свету Христову влекущихся и ждущих твоего отеческаго наставления, да благочестию поживем и наследницы Царствия Небеснаго явимся, идеже ты пребываеши со всеми святыми, славяще Господа нашего Иисуса Христа, Емуже честь и держава со Отцем и Святым Духом ныне и присно, и во веки веков. Аминь.