Служба святой благоверной Ксении, княгине Тверской
Славословная служба святой благоверной Ксении, княгине Тверской, во иночестве Марии (†1312, память 24 января), матери святого страстотерпца Михаила (†1318) и преподобной Софии (†1305) Тверских, составлена в 2004 году московской мирянкой Аксаной (Ксенией) Прутцковой. Текст публикуется по авторской машинописи; цензурными инстанциями пока не рассматривался. Акафист святой благоверной Ксении, составленный тем же автором, выложен на сайте «Акафист».
Служба святой благоверной Ксении, княгине Тверской
На вечерни
На Господи воззвах: стихиры, глас 3:Прииде день памяти твоея, Ксение преславная, и Тверская земля веселия и радости исполняется, яко твоим княжением во православии утвердившися и лютых агарян избавльшися и на твоя же молитвы уповающи, мате благочестивая, напаяеши чад своих божественными водами.
Добрая мати, возсияла бо от тя солнце земли Тверския и научише сына Михаила премудрости божественныя, тем же и душам нашим велию милость у Господа испроси.
Порфироносною вдовицею сделалася еси и светлый отрок твой рос не зная отца своего, но по наставлению твоему, богомудрая Ксение, был ему отцем Отец Небесный наш.
Кто не подивится твоей мудрости, благоверная мати, скипетр бо тверской от Господа приняла еси и на престоле право правя за отечество и люди твоя подвизалася еси.
Слава, глас 6:Веселися, Тверская земле, и радуйтеся, людие тверския, Волго и Тверце восплещите струями, се бо княгиня твоя Ксения торжествует во граде Божии и молит непрестанно Бога о всех нас.
И ныне, Богородичен:Свеще неугасимая, престоле праведный, Пречистая Владычице, моли спастися душам нашим.
На стиховне стихиры, глас 5.
Подобен: Радуйся:Радуйся, богодарованная Ксение, заступнице земли Тверския пред Господем, сирым и вдовицем ходатаице, о матерех российских молитвеннице.
Стих: Честна пред Господем смерть преподобных Его.
Радуйся, государыня Тверская Ксение, Киевской княгине Ольге мудростью подобная, с нею же на предних местах сидящая на пиру в обителех Отца Небеснаго.
Стих: Блажен муж, бояйся Господа, в заповедех Его восхощет зело.
Радуйся, всечестная княгине Ксение, добрым женам и матерем помощнице, злым и юродивым женам лютая обличительнице, и покров душам нашим.
Слава, глас 2:Придите, вси людие, восхвалите мудрую княгиню, добрую строительницу, заботливую матерь и воспитательницу, твердую православия исповедницу, повинуйтеся наставнице вашея и будьте покорны, неусыпно бо печется о душах ваших.
И ныне, Богородичен, глас тойже:О безневестная Дево, любоблагоутробная Мати, Твоих рабов мольбы прими, всенепорочная, и со сонмом жен святых моли спастися нам.
Тропарь, глас 8:Нравом твердым и благочестием нелицемерным страну Тверскую от меча и глада блюдшее, честнаго Михаила в чистоте и подвизех воспиташа, возсияла еси, благоверная Ксение. И ныне Спасу на небесех предстояще, моли дати земли нашей утверждение и душам нашим спасение.
На утрени
Канон святой благоверной Ксении, глас 8
Песнь 1Ирмос: Господь сокрушаяй брани, Господь имя Ему, колесницы фараоновы и силу его вверже в море.
Припев: Святая благоверная мати Ксение, моли Бога о нас.
Мудростию многих мужей превзошедше, в заповедях Господних измлада хождаше, о богомудрая Ксение, моли Христа Бога о нас грешных, да помилует и спасет нас молитвами твоими.
Яко голубица чистая и непорочная сердцем, явилася еси, Ксение, земли Твеския похвало и утверждение, и душам нашим любовию чтущих тя спасение.
Слава: Бяше бо девица благочестна и смиренна, родителей своих зело почеташа и повиновашася еси им во всем, моли, благочестная Ксение, да спасемся и мы грешнии послушанием родителем своим.
И ныне: Радуйся, благодатная Богородице, родившая нам Спасителя Христа, и твоими матерними молитвами помилуй нас.
Песнь 3Ирмос: Несть свят яко Господь, и несть праведен яко Бог наш, и несть свят паче Тебе.
Слыша бо от отца своего Святое Писание и прилежне внимаша ему сердцем, благоверная Ксение, ко Христу любовию уязвилася еси.
Видя, Ксение, тя князь великий Ярослав, радостью исше и дивляшася в себе вельми, яко нигде таковые обрете девицы.
Слава: Якоже прорече Господь, да остави человек отца своего и матерь свою и да прилепится к жене своей, тако прильпе тебе Ярослав князь, и бысть брак, и венчастесе есте.
И ныне: Моли о нас, пресвятая Дево, якоже в Кане Галилейстей моляше Сына Своего и Бога нашего о брачующихся там.
Ин кондак, глас 8:Земли Тверския похвало и удобрение, тебя, о Ксение, благоверная княгине и честная инокине, молитвами почтим и прославим, да спасеши от смерти души наша.
Седален, глас 7:Господи, очисти скверну душ наших яко очистил еси десять прокаженных и напои нас вином умиления и влей его в новые мехи душ наших, молитвами и молениями благоверныя Ксении.
Слава и ныне:Предстательство теплое о грешных и праведных, благословенная Богородице, с благоверной Ксениею Сына Твоего моли спастися нам.
Песнь 4Ирмос: Сохранихся, и убояхся сердце мое, от гласа молитвы устен моих.
Внегда прииде време и плачем погребальным возрыдала еси, Ксение, закатися бо солнце земли Тверския яко умре князь Ярослав и печаль велия бяше по всей земли.
Моли о нас, Ксение, да не оставит нас Господь якоже не оставил тя в скорби и изшел на спасение людей тверских, родила бо еси сына первенца своего.
Слава: Хвалим силу Твою, Господи, яко родисе и крещен бысть младенец сей и Михаилом наречен матернею волею.
И ныне: Спаси нас молитвами Твоими, Пресвятая Дево, и помилуй чад наших рече бо Сын Твой и Господь наш яко тех есть Царствие Небесное.
Песнь 5Ирмос: Господи Боже наш, мир даждь нам, вся бо воздал еси нам.
Просвети нас в нощи заблудших, святая Ксение, яко просветила еси учением Михаила сына твоего.
Да обрящем тя предстательницу, богомудрая Ксение, правде научитися нам живущим на земли, уразумеше бо отрок Михаил премудрость стараньями твоими и увиде славу Господню.
Слава: Вся бо воздал еси нам, Господи Боже наш, и мир даждь нам и огради нас от нечестивых молитвами благоверныя Ксении.
И ныне: Приими молитвы наша, неискусомужняя Богомати, да преуспевают в премудрости и любви у Бога чада наша якоже преуспеваше единородный Сын Твой и Господь наш.
Песнь 6Ирмос: Из чрева адова вопль мой, услышал еси, Господи, глас мой.
Гласы хваления приносим ти, Ксение, возсияла бо еси на престоле Тверском, якоже великая Ольга во граде Киеве.
Избра тя Господь на княжение тверское, идеже мудростию многих мужей превзошла еси, Ксение, тем же моли Господа да сохранит во благости избранные Его.
Слава: Да взыдет из истления живот мой к Тебе, Господи Боже мой, и придет к Тебе молитва моя, ко храму святому Твоему.
И ныне: Причти нас, преблагословенная Мати Света, ко овцам избранного стада Сына Твоего, да тамо пребываем с благоверной Ксенией во веки.
Кондак, глас 2:Твердая православия проповедница, землю Тверскую лучами славы Божией осветила еси, благоверная Ксение, и заступница вдов и сирых пребыла еси.
ИкосВоспоем ныне благоверную Ксению, княгиню Тверскую и мати Михаила достославного, егоже без мужа достойно воспиташе и со Господем на небесех непрестанно молящуюся о людех и отечестве своем.
Песнь 7Ирмос: Благословен еси на престоле славы царствия Твоего, препетый и превозносимый вовеки.
Воспеваем тя, досточудная Ксение, ключи бо княжества Тверскаго сыну своему отдала еси егда возшед в лета совершенны.
Да придет ко Господу молитва твоя, благоверная Ксение, якоже созиждаше собор Преображения, идеже купно с Михаилом вопияше: Отец и наш Боже, благословен еси.
Слава: Не предаждь нас, Господи, в руки врагов беззаконных, мерзких отступников и цареви неправедну якоже не предал еси людей тверских в руки безбожных агарян.
И ныне: Отыми от нас, Пресятая Дево, понос и уничижение, и да избавит нас Господь от враг наших, препетый и превозносимый во веки.
Песнь 8Ирмос: Благословите Дуси и души праведных, преподобнии и смирении сердцем Господа, пойте и превозносите Его во веки.
Простерла еси взгляд на Ростов град, о мати Ксение, идеже Анна девица живяше, сию добродетельну, премудру же и прекрасну видети желаше в супружестве за сыном твоим, и абие исполни Господь желание сердца твоего.
Ликуют людие тверския да браком честным Михаила и Анны прославися Бог да вси воспевают и вопиют сице: благословите раби Господни Господа, пойте и превозносите Его во веки.
Слава: Напитай нас, Господи, пищею безсмертную Твоих заповедей якоже Михаила и Анну молитвами Ксении напитал еси, бяше бо двое одна плоть.
И ныне: Разруши, Богородице, вериги согрешений наших, и путь чад наших в чистоте и непорочности управи.
Песнь 9Ирмос: Воистину Богородицу Тя исповедуем, спасении Тобою, Дево чистая, с бесплотными лики Тя величающе.
Восхвалим тя, многомудрая Ксение, старости маститей бо достигла еси и внуков своих отечестволюбцами воспитала еси.
Пение умиленное приносим ти, Ксение, в ризу бо монашеску облеклася еси и такожде скончала живот свой.
Слава: На пире брачном во Царствие Твоем со Ксенией Тверскою и всеми избранными Твоими вечеряти, Господи, даждь нам.
И ныне: Радуйся, радуйся, Богородице Одигитрие, тобою сохранимся бо от наглыя смерти и христианскую кончину живота обрящем, темже направи ноги наша на путь мирен.
На хвалитех стихиры, глас 4:Просияша подвиги твоя во стране Тверской, мати Ксение, и храмы тверския попечением твоим украшаются, и многие люди ходатайством твоим от бед и скорбей избавляются, и вся земля тверская верою православной укрепляется.
Воспиташе сына в вере православныя, скипетр княжеский Михаилу отдала еси, от богатства мира сего отказашася и престолу княжеску иго Господне предпочтеше.
Подвигом добрым подвизалася еси, незлобивая Ксение, и старости маститей достигшее, во обитель тихую вселилася еси, идеже монашеское житие изволила стяжати, о преподобная Марие, мрак душ наших предстательством ко Господу твоим разсей.
Слава, глас 8:О благоверная Ксение, како бо возможем воспети достойно, не может бо язык возглаголати твоя многая дарования и чудеса, яже подаваеши всем с верою молящимтися.
И ныне, Богородичен, глас тойже:Владычице, приими молитвы раб Твоих, и избави ны от всякия нужды и печали.