Служба священномученику Николаю Искровскому
Выкладываю в «Уставные заметки» текст службы святому священномученику Николаю пресвитеру, Искровскому (†1919, память 19 сентября). Служба составлена клириком города Одессы (Украинская Православная Церковь) протоиереем Андреем Николаиди. Текст воспроизводится по авторской машинописи; цензурными инстанциями пока не рассматривался. Фамилия свщмч. Николая долгое время была неизвестна; даже в определении о прославлении его в лике святых он был назван только по имени. Однако в прошлом году, при подготовке к празднованию столетия со дня его преставления, в результате изысканий в архивах Кировоградской и Днепропетровской областей было установлено полное именование мученика - Николай Семёнович Михайличенко (1873 - 1919).
Служба священномученику Николаю Искровскому, пресвитеру
На велицей вечерне
Блажен муж: первый антифон.
На Господи, воззвах: стихиры, глас 4:Радуйся, пастырю всечудный, землю нашу проповедию своею просветивый и излиянием мученических кровей преславно сию освятивый, и ныне подающий нам молитвами твоими велию милость.
Радуйся, отче всечестне, право правящий слово истины, земли нашея всечудное украшение и селения Искровскаго похвало и радование, чудес источниче неоскудеваемый и Церкви православныя столпе непоколебимый, Николае всеблаженне, моли Христа Бога, спастися душам нашим.
Радуйся, отче наш Николае, землю нашу освятивый подвиги своими и венец преславный приявый от руки Создателя Твоего, Егоже моли непрестанно, да щедроты Своя излиет днесь людем Своим и дарует молитвами твоими велию милость.
Радуйся, мучениче всеславный, излиянием кровей своих угасивый безбожия огнь всетемный и просветивый светом веры твоея землю нашу, темже во умилении зовем: отче наш милостивый и кроткий, моли Христа Бога, да пробавит милость Свою любящим тя, яко Един Благ и Человеколюбец.
Иные стихиры, глас 6:Светильник преславный явился еси, Николае всеблажнне, во тьме богоотступничества светом веры пламенеющий и путь ко Христу указующий верно, темже и ныне, память твою светле совершающе, пение приносим ти ходатайственное, да молитвами твоими помилует нас Господь, яко един Благ и Человеколюбец.
Столпе непоколебимый Церкви Православныя, воистину явился еси, отче всеславне Николае, веру бо страданьми своими запечатлел еси и пролитием крови достигл еси Небеснаго царствия, идеже молитвы своя теплыя возносиши, о всех, память твою светле совершающих и просящих твоея помощи и заступления, яко мученика и чудотворца предивнаго.
Слава, глас тойже:Веры Православныя поборника, Церкви Христовыя служителя всеправеднаго, мученика доблественнаго, страдания за имя Христово приемшаго, чудотворца милостиваго и молитвенника преславнаго днесь восхвалим и сему усердно возопиим: отче Николае, вознеси ко Господу молитвы Твоя, да предстательством твоим помилует люди Своя, яко Един Благ и Человеколюбец.
И ныне, Богородичен догматик: Кто Тебе не ублажит:
Прокимен дня, и чтения мученическия три.
На литии, стихира храма и святаго, глас 2:Священнострадальче славне, кровию твоею безбожия огнь угасивый, угаси ныне молитвами твоими греховный пламень страстей и от тьмы греховныя изми души наша, Николае всечудне отче наш.
Слава, глас тойже:Троицы Божественныя служителю и о людех теплый молитвенниче, чудотворче всечудный и священнострадальче преславный, Николай днесь Искровский велегласно да воспоется, яко предстатель всетеплейший о душах наших.
И ныне, глас тойже:Богородице Дево, Мати Пречистая, на Твоя милости уповающе, велегласно вопием: от всякия скорби избави нас, Ты бо еси Божественный Покров рабом Твоим.
На стиховне стихиры, глас 4:Священнострадальче славне, кровию своею веру истинную запечатлевый, Николае пречудне, не престай молити о нас Господа Человеколюбца.
Стих: Священницы Твоя облекутся в правду и преподобнии Твои возрадуются.
Облачения своя священныя кровию страдания преславнаго обагривый, всечестне и во одежду всесветлую облаченный Царствия Христова, Николае великоимените, не престай молити о нас Господа Человеколюбца.
Стих: Честна пред Господем смерть преподобных Его.
Честна пред Господем и многоценна смерть твоя, отче, явися, течением бо кровей своих ярость безбожную угасил еси и чудотворец преславный явился еси, Николае всечудне, не престай молити о нас Единаго Человеколюбца.
Слава, глас тойже:Триипостастный Владыко, землю нашу верою Православною освятивый и молитвенника новаго в сей преславно явивый, Николая священнострадальца, того молитвами спаси души наша.
И ныне, Богородичен: Призри на моления Твоих раб, Всенепорочная:
Тропарь, глас 1:В житии твоем добре подвизался еси, во страдании твоем непоколебим в вере пребыв, незлобиво мученическую смерть приял еси, священномучениче, отче Николае Искровский, моли о нас Господа Спаса мир мирови даровати и душам нашим велию милость.
Ин тропарь, глас 6:Кротость и смирение стяжавый, любовь Христову пастве своей показал еси в годину огненных искушений Церкве Русския и, яко пастырь добрый, душу свою за Него положил еси. Молися о нас, священномучениче Николае, просветити души наша.
На утрени
По первом стихословии седален, глас 6:Ангелом сомолитвенниче, ликом мученическим сопричастниче, земли нашея украшение, Церкве Православныя столпе недвижимый, всеславне Николае, моли Христа Бога спастися душам нашим.
Слава, и ныне, Богородичен:Всех родов веселие воистину явилася еси, Богородице, темже вси зовем, Покровом Твоим от всякаго зла спаси люди Твоя, Мати Всепетая.
По втором стихословии седален, глас 1:Венцем мученическим славно украшен явился еси, отче всечестне, темже пение ти днесь приносим вопиюще: молитвами твоими спаси души наша.
Слава, и ныне, Богородичен:Радуйся, Обрадованная, возвести некогда Гавриил Ти, Мати Дево, мы же Тому подражающе, во умилении зовем, радуйся, Богородице дево, всех родов Радосте и Покрове.
По полиелее седален, глас 4:Дивен Бог во святых своих, землю нашу святым Крещением просветивый и яко звезды преславныя в ней множество великое святых явивый, от нихже днесь единаго прославляюще, велегласно зовем: радуйся отче всеблаженный, кровию своею ризы души убеливый, радуйся, мучениче всечестне, страданьми своими на брак Агнчий возшедый, радуйся, Николае всеславне, моли спастися душам нашим.
Слава, и ныне, Богородичен:Всемилостивая Владычице наша, Всесвятая Госпоже Богородице, прими ныне моления раб Твоих и от всякия скорби избави ны, да тя непрестанно славим яко Всепетую заступницу нашу.
По 50-м псалме, стихира, глас 6:Священномученика славно почтим и сему молитвы яже от сердца во умилении принесем:, радуйся, ангелом сомолитвенниче, радуся, мучеником древним сопричастниче, радуйся, отцем преславный сонаследниче, радуся, о нас теплейший молитвенниче, радуйся, отче всечестне, земли нашея похвало и Православия воистину утверждение.
Канон Богородице на 6 и святому на 8.
Канон святому, глас 6, егоже краестрочие:
Пение недостойное приими, отче святый.
Песнь 1Ирмос: Яко по суху пешешествовав Израиль, по бездне стопами, гонителя фараона видя потопляема, Богу победную песнь поим, вопияше.
Пение наше немощное приими, днесь, отче всеблаженнне и молитвами твоими от всяких бед и скорбей защити души наша, да возможем на всякое пение ти приносити, Господа прославляюще, Дивнаго во святых Своих.
Евангельски последовал еси даже до смерти Господу Своему и возшел еси в радость Сего, темже память твою ныне почитаем, Господа прославляюще, Дивнаго во святых Своих.
Ныне всяческая исполнишася света и радостию Пасхи вечныя осияна быша души наша, яко память совершаем дивнаго священномученика и Господа усердно славим, Дивнаго во святых Своих.
Богородичен: Истинную Богородицу Тя, Госпоже, исповедуем, Матерь же и Деву и непрестанно воспеваем из Тебе Воплотившагося Господа, Дивнаго во святых Своих.
Песнь 3Ирмос: Несть свят, якоже Ты, Господи Боже мой, вознесый рог верных Твоих, Блаже, и утвердивый нас на камени исповедания Твоего.
Евангельския святыя словеса начертал еси на сердце твоем, отче всечудне Николае, и явился еси неленностный делатель нивы Божией, непрестанно чада твоя утверждая во исповедании Православия.
Небесным Светом осияна бысть душа твоя, отче всечестне, сего ради явился еси строитель Таин Божиих и иерей всечестный, проповедию своею вся просвещающий и утверждающий во исповедании Православия.
Еленем, иже на источники водныя желают, уподобися душа твоя, всечестне, устремился еси во дворы Господни, идеже право правил еси Слово Истины, чада твоя утверждающе во исповедании Православия.
Богородичен: Души наша освети светом Истины, Владычице Дево Богородице, и предстательством Твоим утверди вся ны во исповедании Православия.
Седален, глас 2:Моление теплое принеси ныне, священномучениче всечестне, и предстательством от всякаго зла защити люди твоя, память твою скетло совершающия.
Слава, и ныне, Богородичен:Моление теплое и стена необоримая, милости источниче, мирови прибежище, прилежно вопием Ти: Богородице Владычице, предвари и от бед избави нас, Едина вскоре предстательствующая
Песнь 4Ирмос: Христос моя сила, Бог и Господь, честная Церковь боголепно поет, взывающи от смысла чиста, о Господе празднующи.
Образ явился еси пастве твоей жития праведнаго и веры истинныя, подражающе тезоименному ти святителю, темже купно с ним и со всеми святыми ныне Престолу Божию предстоиши ныне, моля Его присно о всех нас.
Священства благодатию облаченный, стяжал еси великия дарования и чудесем явился еси источник неоскудеваемый, темже и ныне молим тя, отче наш Николае, вознеси теплое твое ходатайство ко Спасу нашему, моля Его присно о всех нас.
Творец и Избавитель твой, всечестне, яви тя звезду всесветлую, путь указующую ко спасению, темже вси мы, светом подвигов твоих наставляемии, во умилении зовем: вознеси теплое твое ходатайство ко Спасу нашему, моля Его присно о всех нас.
Богородичен: Отчаго недра не Оставившаго и во Утробу Твою Всечистую нетленно Воплошщагося Господа моли непрестанно о всех нас.
Песнь 5Ирмос: Божиим светом Твоим, Блаже, утренюющих Ти души любовию озари, молюся, Тя ведети, Слове Божий, истиннаго Бога, от мрака греховнаго взывающа.
Измыл еси одеяние души твоея, отче всечестне, течением кровей твоих и страстию Твоею попрал еси демонския немощныя дерзости, темже ныне в незаходимей славе сияеши Царствия Божия.
Не возмогоша ни скорбь, ни теснота, ни гонения люты тя отлучити от любве Божия, но, последствуя даже до Голгофы Подвигоположнику твоему, достигл еси нелестно Царствия Божия.
Огнь нося любве Божия в сердце своем, непрестанно со апостолом взывал еси: все могу о укрепляющем мя Иисусе, Имже укрепляем, венца сподобился еси мученическаго, отче Николае, и достигл еси Царствия Божия.
Богородичен: Елеем молитв Твоих, Мати Всепетая, уврачуй язвы греховныя душ наших и предстательством Твоим достигнути сподоби Царствия Божия.
Песнь 6Ирмос: Житейское море, воздвизаемое зря напастей бурею, к тихому пристанищу Твоему притек, вопию Ти: возведи от тли живот мой, Многомилостиве.
Путем заповедей Господних шествовати нелестно наставлял еси паству твою, священномучениче преславне, и сам возшел еси на Голгофу, яко знамение спасения крест мученичен имеяй, темже ныне о нас вознеси молитвы своя Многомилостивому.
Реку искушений и скорбей море невлажно прошел еси отче, темже предстательством твоим от искушений и скорбей сохрани ны, молитвы своя приносяще Многомилостивому.
Изрядствуй о нас, отче святый, и Господа присно моли, да избавит нас всякаго прилога вражия и от людей неправедных измет нас, вемы бо, яко приемлет теплое моление твое Многомилостивый.
Богородичен: Избави нас от искушений и скорбей, Богородице Чистая, ты бо присно молиши о нас Сына Твоего Единаго Человеколюбца и Многомилостиваго.
Кондак, глас 6:Труды и болезни на рамо свое взял еси и, радуяся, путем тесным шестовал еси, страданьми за Христа Небеснаго Царствия достигл еси. Моли о нас Бога Спаса, священномучениче Николае, обрести нам милость в день Судный
Икос.Дивнаго во святых Своих Господа прославляющее, величаем днесь священномученика преславнаго, страданьми своими веру Православную запечатлевшаго и кровьми ризы души своея убелившаго. Сей бо явился еси непоколебимое основание Церкви и людем христоименитым помошник всеизрядный, иже песьми похвальными сего ублажают: радуйся, отче наш милостивый и кроткий, радуйся, помошниче наш скорый и многочудный, радуйся, земли нашея покрове и утверждение, моли о нас Господа Бога, да купно со всеми святыми обрящем милость Его в день Судный.
Песнь 7Ирмос: Росодательну убо пещь содела Ангел преподобным отроком, халдеи же опаляющее веление Божие, мучителя увеща вопити: благословен еси, Боже отец наших.
Мучения пещь всеразженную уготовиша ти безбожныя, ты же, отче, течением кровей угасил еси тоя пламень, в молитве взывающе: благословен еси, Боже отец наших.
Ископана бысть яма глубока и ров мучений тебе от безбожных, ты же отче, на крыле молитвы возшед, неврежденно достигл еси Царствия Божия, взывающе: благословен еси, Боже отец наших.
Отвергошася истины и клятву наследоваша безбожнии, ты же отче, Господу подобяся, о мучителех твоих молитву возносил еси, еюже и нас от искушений и бед сохрани, да купно с тобою зовем: благословен еси, Боже отец наших.
Богородичен: Теплая Заступнице миру хладному явилася еси Богородице Дево, темже молитвами Твоими во Православии утверди чада твоя, да возможем в невечернем дни Царствия Сына Твоего и Бога нашего со всеми святыми пети: благословен еси, Боже отец наших.
Песнь 8Ирмос: Из пламене преподобным росу источил еси и праведнаго жертву водою попалил еси: вся бо твориши, Христе, токмо еже хотети. Тя превозносим во вся веки.
Чаяния наша и мольбы приими отче святый, и предстательством твоим от всякаго зла сохрани чада твоя и Царствия сподоби Небеснаго, да купно с тобою Господа поим и превозносим во вся веки.
Единаго Многомилостиваго моли о нас, отче всеславне Николае, да дарует нам вся, яже ко спасению потребная и Светом Небесным осветит души наша, яко да возможем сетей лукаваго избегнути и купно со всеми святыми присно Господа пети и превозносити во вся веки.
Славы Небесныя причастницы сподоби ны быти предстательством твоим, священострадальче славне, да с тобою и со всеми святыми Господа поим и превозносим во вся веки.
Богородичен: Вечнаго осуждения и огня негасимаго избави нас молитвами твоими, Богородицне Дево, и Царствия Небеснаго сподоби, да купно со священномучеником Николаем и со всеми святыми Господа поим и превозносим во вся веки.
Песнь 9Ирмос: Бога человеком невозможно видети, на Негоже не смеют чини Ангельстии взирати; Тобою же, Всечистая, явися человеком Слово Воплощенно, Егоже величающе, с небесными вои Тя ублажаем.
Ярость вселукавую преоборол еси и венца яко победитель сподобился еси всесветлаго, священномучениче славне, темже молитвами твоими во Православии ны утверди и направи ноги наша на путь мирен.
Твоя молитвы яко стену непреобориму имуще и на предстательство твое уповающе, дерзаем ти похвалы возносити, ты же, отче всечестне, во Православии ны утверди и направи ноги наша на путь мирен
От всякаго избави обстояния чада твоя духовная, память твою днесь воспевающия, отче всеславне Николае, и молитвами твоими вся ны во Православии утверди и направи ноги наша на путь мирен
Богородичен: Искушений и соблазнов тьму отжени от нас, Дево Всепетая, Тя бо Предстательницу вемы пред сыном Твоим и Богом нашим, Егоже непрестанно моли вся ны во Православии ны утвердити и направити ноги наша на путь мирен.
Светилен, глас 6:Светильниче всесветлый и веры Православныя исповедниче прехвальный, священномучениче отче наш Николае, светом молитв твоих тьму греховную отжени и просвети сердца нас, поющих тя.
Слава, и ныне, Богородичен:Пресвятая Госпоже Богородице, всем сирым Помощнице и обидимым Надеждо, не остави ны, Твоея помощи требующия, но спаси от бед души наша.
На хвалитех стихиры святаго, глас 2:О, вселукавое и безбожное собрание, о служителие злобы поднебесныя, нечестивии люди и безбожнейшии, како дерзнули есте на священника руце возложити, или кто настави вас на мучения служителя Божия предати, или коея ярости исполнени бысте, егда убили есте дивнаго пастыря, но сей злобы демонския явился еси посрамитель преславный и молитвенник всепетый о душах наших.
О, безчестие злобы окаянныя, на благочестие дерзнувшее вооружитися; о яростное намерение людей безбожных, возставших на Церковь Православную. Ныне сии посрамлены суть и погублени всечестным Крестом Христовым, егоже, яко меч восприем священномученик Николай, страдании во пренебесныя селения восходит и является людем православным заступление необоримое и молитвенник преславный о душах наших.
О, всеоружие злобы поднебесныя, брань воздвигнувшее противу Церкве Божия, дерзнувшее святыя храмы разорити и нечестиво убити служителей веры Христовыя. Ныне разорени быша вся лукавая твоя советования и Церковь необорима враты адовы красуется, светло прославляющи единаго от новомученик, пречуднаго и вседивнаго Николая, той бо явился еси чудотворец изрядный и молитвенник усердный о душах наших.
Слава, глас 6:О, дивнаго и преславнаго чудесе! О, явления силы Божией! Кровь мученика семенем веры является и сокрушаются демонския дерзости. Церковь необорима враты адовы пребывает и люди православнии память совершают Николая, священномученика новаго и молитвенника о душах наших.
И ныне, глас 8:Владычице, приими молитвы раб Твоих, и избави нас от всякия нужды и печали.
Славословие великое. И отпуст.
На ЛитургииБлаженна от канона, песнь 3-я и 6-я.
Прокимен, глас 7: Честна пред Господем смерть преподобных Его. Стих: Что воздам Господеви о всех, яже воздаде ми?
Апостол к Римляном, зачало 99.
Аллилуиа, глас 2: Священницы Твои облекутся в правду, и преподобнии Твои возрадуются. Стих: Бог нам Прибежище и Сила, Помощник в скорбех, обретших ны зело.
Евангелие от Луки, зачало 106, конец: В терпении вашем стяжите душа ваша.
Причастен: В память вечную будет праведник:
МолитваО великий священномучениче отче Николае, пастырю наш добрый и исповедниче всетвердый веры отеческия. Днесь воспевающее подвиги и страдания твоя, дерзаем яже от сердца вознести ти молитвы, во умилении просящи подати нам вся, яже ко спасению полезная. Милостивый отче, предстательством твоим утверди народ наш, егоже во удел пастырский от Господа приял еси, во Православней вере, сохрани от искушений же расколов и нестроений, земли нашей мир ниспошли и умири всякую вражду и неправду, от врагов воссеваемыя. Светом истинныя Любви сохрани ны от всякаго зла, болящих уврачуй, озлобленных умири, ожесточенных исправи, немощных укрепи, супружества утверди во единомыслии, чадом даруй воспитание в свете Заповедей Божиих, вся ниспосылая нам от милостей и щедрот Господних, Емуже подобает всякая слава честь и поклонение во веки веков. Аминь.
Служба священномученику Николаю Искровскому, пресвитеру
На велицей вечерне
Блажен муж: первый антифон.
На Господи, воззвах: стихиры, глас 4:Радуйся, пастырю всечудный, землю нашу проповедию своею просветивый и излиянием мученических кровей преславно сию освятивый, и ныне подающий нам молитвами твоими велию милость.
Радуйся, отче всечестне, право правящий слово истины, земли нашея всечудное украшение и селения Искровскаго похвало и радование, чудес источниче неоскудеваемый и Церкви православныя столпе непоколебимый, Николае всеблаженне, моли Христа Бога, спастися душам нашим.
Радуйся, отче наш Николае, землю нашу освятивый подвиги своими и венец преславный приявый от руки Создателя Твоего, Егоже моли непрестанно, да щедроты Своя излиет днесь людем Своим и дарует молитвами твоими велию милость.
Радуйся, мучениче всеславный, излиянием кровей своих угасивый безбожия огнь всетемный и просветивый светом веры твоея землю нашу, темже во умилении зовем: отче наш милостивый и кроткий, моли Христа Бога, да пробавит милость Свою любящим тя, яко Един Благ и Человеколюбец.
Иные стихиры, глас 6:Светильник преславный явился еси, Николае всеблажнне, во тьме богоотступничества светом веры пламенеющий и путь ко Христу указующий верно, темже и ныне, память твою светле совершающе, пение приносим ти ходатайственное, да молитвами твоими помилует нас Господь, яко един Благ и Человеколюбец.
Столпе непоколебимый Церкви Православныя, воистину явился еси, отче всеславне Николае, веру бо страданьми своими запечатлел еси и пролитием крови достигл еси Небеснаго царствия, идеже молитвы своя теплыя возносиши, о всех, память твою светле совершающих и просящих твоея помощи и заступления, яко мученика и чудотворца предивнаго.
Слава, глас тойже:Веры Православныя поборника, Церкви Христовыя служителя всеправеднаго, мученика доблественнаго, страдания за имя Христово приемшаго, чудотворца милостиваго и молитвенника преславнаго днесь восхвалим и сему усердно возопиим: отче Николае, вознеси ко Господу молитвы Твоя, да предстательством твоим помилует люди Своя, яко Един Благ и Человеколюбец.
И ныне, Богородичен догматик: Кто Тебе не ублажит:
Прокимен дня, и чтения мученическия три.
На литии, стихира храма и святаго, глас 2:Священнострадальче славне, кровию твоею безбожия огнь угасивый, угаси ныне молитвами твоими греховный пламень страстей и от тьмы греховныя изми души наша, Николае всечудне отче наш.
Слава, глас тойже:Троицы Божественныя служителю и о людех теплый молитвенниче, чудотворче всечудный и священнострадальче преславный, Николай днесь Искровский велегласно да воспоется, яко предстатель всетеплейший о душах наших.
И ныне, глас тойже:Богородице Дево, Мати Пречистая, на Твоя милости уповающе, велегласно вопием: от всякия скорби избави нас, Ты бо еси Божественный Покров рабом Твоим.
На стиховне стихиры, глас 4:Священнострадальче славне, кровию своею веру истинную запечатлевый, Николае пречудне, не престай молити о нас Господа Человеколюбца.
Стих: Священницы Твоя облекутся в правду и преподобнии Твои возрадуются.
Облачения своя священныя кровию страдания преславнаго обагривый, всечестне и во одежду всесветлую облаченный Царствия Христова, Николае великоимените, не престай молити о нас Господа Человеколюбца.
Стих: Честна пред Господем смерть преподобных Его.
Честна пред Господем и многоценна смерть твоя, отче, явися, течением бо кровей своих ярость безбожную угасил еси и чудотворец преславный явился еси, Николае всечудне, не престай молити о нас Единаго Человеколюбца.
Слава, глас тойже:Триипостастный Владыко, землю нашу верою Православною освятивый и молитвенника новаго в сей преславно явивый, Николая священнострадальца, того молитвами спаси души наша.
И ныне, Богородичен: Призри на моления Твоих раб, Всенепорочная:
Тропарь, глас 1:В житии твоем добре подвизался еси, во страдании твоем непоколебим в вере пребыв, незлобиво мученическую смерть приял еси, священномучениче, отче Николае Искровский, моли о нас Господа Спаса мир мирови даровати и душам нашим велию милость.
Ин тропарь, глас 6:Кротость и смирение стяжавый, любовь Христову пастве своей показал еси в годину огненных искушений Церкве Русския и, яко пастырь добрый, душу свою за Него положил еси. Молися о нас, священномучениче Николае, просветити души наша.
На утрени
По первом стихословии седален, глас 6:Ангелом сомолитвенниче, ликом мученическим сопричастниче, земли нашея украшение, Церкве Православныя столпе недвижимый, всеславне Николае, моли Христа Бога спастися душам нашим.
Слава, и ныне, Богородичен:Всех родов веселие воистину явилася еси, Богородице, темже вси зовем, Покровом Твоим от всякаго зла спаси люди Твоя, Мати Всепетая.
По втором стихословии седален, глас 1:Венцем мученическим славно украшен явился еси, отче всечестне, темже пение ти днесь приносим вопиюще: молитвами твоими спаси души наша.
Слава, и ныне, Богородичен:Радуйся, Обрадованная, возвести некогда Гавриил Ти, Мати Дево, мы же Тому подражающе, во умилении зовем, радуйся, Богородице дево, всех родов Радосте и Покрове.
По полиелее седален, глас 4:Дивен Бог во святых своих, землю нашу святым Крещением просветивый и яко звезды преславныя в ней множество великое святых явивый, от нихже днесь единаго прославляюще, велегласно зовем: радуйся отче всеблаженный, кровию своею ризы души убеливый, радуйся, мучениче всечестне, страданьми своими на брак Агнчий возшедый, радуйся, Николае всеславне, моли спастися душам нашим.
Слава, и ныне, Богородичен:Всемилостивая Владычице наша, Всесвятая Госпоже Богородице, прими ныне моления раб Твоих и от всякия скорби избави ны, да тя непрестанно славим яко Всепетую заступницу нашу.
По 50-м псалме, стихира, глас 6:Священномученика славно почтим и сему молитвы яже от сердца во умилении принесем:, радуйся, ангелом сомолитвенниче, радуся, мучеником древним сопричастниче, радуйся, отцем преславный сонаследниче, радуся, о нас теплейший молитвенниче, радуйся, отче всечестне, земли нашея похвало и Православия воистину утверждение.
Канон Богородице на 6 и святому на 8.
Канон святому, глас 6, егоже краестрочие:
Пение недостойное приими, отче святый.
Песнь 1Ирмос: Яко по суху пешешествовав Израиль, по бездне стопами, гонителя фараона видя потопляема, Богу победную песнь поим, вопияше.
Пение наше немощное приими, днесь, отче всеблаженнне и молитвами твоими от всяких бед и скорбей защити души наша, да возможем на всякое пение ти приносити, Господа прославляюще, Дивнаго во святых Своих.
Евангельски последовал еси даже до смерти Господу Своему и возшел еси в радость Сего, темже память твою ныне почитаем, Господа прославляюще, Дивнаго во святых Своих.
Ныне всяческая исполнишася света и радостию Пасхи вечныя осияна быша души наша, яко память совершаем дивнаго священномученика и Господа усердно славим, Дивнаго во святых Своих.
Богородичен: Истинную Богородицу Тя, Госпоже, исповедуем, Матерь же и Деву и непрестанно воспеваем из Тебе Воплотившагося Господа, Дивнаго во святых Своих.
Песнь 3Ирмос: Несть свят, якоже Ты, Господи Боже мой, вознесый рог верных Твоих, Блаже, и утвердивый нас на камени исповедания Твоего.
Евангельския святыя словеса начертал еси на сердце твоем, отче всечудне Николае, и явился еси неленностный делатель нивы Божией, непрестанно чада твоя утверждая во исповедании Православия.
Небесным Светом осияна бысть душа твоя, отче всечестне, сего ради явился еси строитель Таин Божиих и иерей всечестный, проповедию своею вся просвещающий и утверждающий во исповедании Православия.
Еленем, иже на источники водныя желают, уподобися душа твоя, всечестне, устремился еси во дворы Господни, идеже право правил еси Слово Истины, чада твоя утверждающе во исповедании Православия.
Богородичен: Души наша освети светом Истины, Владычице Дево Богородице, и предстательством Твоим утверди вся ны во исповедании Православия.
Седален, глас 2:Моление теплое принеси ныне, священномучениче всечестне, и предстательством от всякаго зла защити люди твоя, память твою скетло совершающия.
Слава, и ныне, Богородичен:Моление теплое и стена необоримая, милости источниче, мирови прибежище, прилежно вопием Ти: Богородице Владычице, предвари и от бед избави нас, Едина вскоре предстательствующая
Песнь 4Ирмос: Христос моя сила, Бог и Господь, честная Церковь боголепно поет, взывающи от смысла чиста, о Господе празднующи.
Образ явился еси пастве твоей жития праведнаго и веры истинныя, подражающе тезоименному ти святителю, темже купно с ним и со всеми святыми ныне Престолу Божию предстоиши ныне, моля Его присно о всех нас.
Священства благодатию облаченный, стяжал еси великия дарования и чудесем явился еси источник неоскудеваемый, темже и ныне молим тя, отче наш Николае, вознеси теплое твое ходатайство ко Спасу нашему, моля Его присно о всех нас.
Творец и Избавитель твой, всечестне, яви тя звезду всесветлую, путь указующую ко спасению, темже вси мы, светом подвигов твоих наставляемии, во умилении зовем: вознеси теплое твое ходатайство ко Спасу нашему, моля Его присно о всех нас.
Богородичен: Отчаго недра не Оставившаго и во Утробу Твою Всечистую нетленно Воплошщагося Господа моли непрестанно о всех нас.
Песнь 5Ирмос: Божиим светом Твоим, Блаже, утренюющих Ти души любовию озари, молюся, Тя ведети, Слове Божий, истиннаго Бога, от мрака греховнаго взывающа.
Измыл еси одеяние души твоея, отче всечестне, течением кровей твоих и страстию Твоею попрал еси демонския немощныя дерзости, темже ныне в незаходимей славе сияеши Царствия Божия.
Не возмогоша ни скорбь, ни теснота, ни гонения люты тя отлучити от любве Божия, но, последствуя даже до Голгофы Подвигоположнику твоему, достигл еси нелестно Царствия Божия.
Огнь нося любве Божия в сердце своем, непрестанно со апостолом взывал еси: все могу о укрепляющем мя Иисусе, Имже укрепляем, венца сподобился еси мученическаго, отче Николае, и достигл еси Царствия Божия.
Богородичен: Елеем молитв Твоих, Мати Всепетая, уврачуй язвы греховныя душ наших и предстательством Твоим достигнути сподоби Царствия Божия.
Песнь 6Ирмос: Житейское море, воздвизаемое зря напастей бурею, к тихому пристанищу Твоему притек, вопию Ти: возведи от тли живот мой, Многомилостиве.
Путем заповедей Господних шествовати нелестно наставлял еси паству твою, священномучениче преславне, и сам возшел еси на Голгофу, яко знамение спасения крест мученичен имеяй, темже ныне о нас вознеси молитвы своя Многомилостивому.
Реку искушений и скорбей море невлажно прошел еси отче, темже предстательством твоим от искушений и скорбей сохрани ны, молитвы своя приносяще Многомилостивому.
Изрядствуй о нас, отче святый, и Господа присно моли, да избавит нас всякаго прилога вражия и от людей неправедных измет нас, вемы бо, яко приемлет теплое моление твое Многомилостивый.
Богородичен: Избави нас от искушений и скорбей, Богородице Чистая, ты бо присно молиши о нас Сына Твоего Единаго Человеколюбца и Многомилостиваго.
Кондак, глас 6:Труды и болезни на рамо свое взял еси и, радуяся, путем тесным шестовал еси, страданьми за Христа Небеснаго Царствия достигл еси. Моли о нас Бога Спаса, священномучениче Николае, обрести нам милость в день Судный
Икос.Дивнаго во святых Своих Господа прославляющее, величаем днесь священномученика преславнаго, страданьми своими веру Православную запечатлевшаго и кровьми ризы души своея убелившаго. Сей бо явился еси непоколебимое основание Церкви и людем христоименитым помошник всеизрядный, иже песьми похвальными сего ублажают: радуйся, отче наш милостивый и кроткий, радуйся, помошниче наш скорый и многочудный, радуйся, земли нашея покрове и утверждение, моли о нас Господа Бога, да купно со всеми святыми обрящем милость Его в день Судный.
Песнь 7Ирмос: Росодательну убо пещь содела Ангел преподобным отроком, халдеи же опаляющее веление Божие, мучителя увеща вопити: благословен еси, Боже отец наших.
Мучения пещь всеразженную уготовиша ти безбожныя, ты же, отче, течением кровей угасил еси тоя пламень, в молитве взывающе: благословен еси, Боже отец наших.
Ископана бысть яма глубока и ров мучений тебе от безбожных, ты же отче, на крыле молитвы возшед, неврежденно достигл еси Царствия Божия, взывающе: благословен еси, Боже отец наших.
Отвергошася истины и клятву наследоваша безбожнии, ты же отче, Господу подобяся, о мучителех твоих молитву возносил еси, еюже и нас от искушений и бед сохрани, да купно с тобою зовем: благословен еси, Боже отец наших.
Богородичен: Теплая Заступнице миру хладному явилася еси Богородице Дево, темже молитвами Твоими во Православии утверди чада твоя, да возможем в невечернем дни Царствия Сына Твоего и Бога нашего со всеми святыми пети: благословен еси, Боже отец наших.
Песнь 8Ирмос: Из пламене преподобным росу источил еси и праведнаго жертву водою попалил еси: вся бо твориши, Христе, токмо еже хотети. Тя превозносим во вся веки.
Чаяния наша и мольбы приими отче святый, и предстательством твоим от всякаго зла сохрани чада твоя и Царствия сподоби Небеснаго, да купно с тобою Господа поим и превозносим во вся веки.
Единаго Многомилостиваго моли о нас, отче всеславне Николае, да дарует нам вся, яже ко спасению потребная и Светом Небесным осветит души наша, яко да возможем сетей лукаваго избегнути и купно со всеми святыми присно Господа пети и превозносити во вся веки.
Славы Небесныя причастницы сподоби ны быти предстательством твоим, священострадальче славне, да с тобою и со всеми святыми Господа поим и превозносим во вся веки.
Богородичен: Вечнаго осуждения и огня негасимаго избави нас молитвами твоими, Богородицне Дево, и Царствия Небеснаго сподоби, да купно со священномучеником Николаем и со всеми святыми Господа поим и превозносим во вся веки.
Песнь 9Ирмос: Бога человеком невозможно видети, на Негоже не смеют чини Ангельстии взирати; Тобою же, Всечистая, явися человеком Слово Воплощенно, Егоже величающе, с небесными вои Тя ублажаем.
Ярость вселукавую преоборол еси и венца яко победитель сподобился еси всесветлаго, священномучениче славне, темже молитвами твоими во Православии ны утверди и направи ноги наша на путь мирен.
Твоя молитвы яко стену непреобориму имуще и на предстательство твое уповающе, дерзаем ти похвалы возносити, ты же, отче всечестне, во Православии ны утверди и направи ноги наша на путь мирен
От всякаго избави обстояния чада твоя духовная, память твою днесь воспевающия, отче всеславне Николае, и молитвами твоими вся ны во Православии утверди и направи ноги наша на путь мирен
Богородичен: Искушений и соблазнов тьму отжени от нас, Дево Всепетая, Тя бо Предстательницу вемы пред сыном Твоим и Богом нашим, Егоже непрестанно моли вся ны во Православии ны утвердити и направити ноги наша на путь мирен.
Светилен, глас 6:Светильниче всесветлый и веры Православныя исповедниче прехвальный, священномучениче отче наш Николае, светом молитв твоих тьму греховную отжени и просвети сердца нас, поющих тя.
Слава, и ныне, Богородичен:Пресвятая Госпоже Богородице, всем сирым Помощнице и обидимым Надеждо, не остави ны, Твоея помощи требующия, но спаси от бед души наша.
На хвалитех стихиры святаго, глас 2:О, вселукавое и безбожное собрание, о служителие злобы поднебесныя, нечестивии люди и безбожнейшии, како дерзнули есте на священника руце возложити, или кто настави вас на мучения служителя Божия предати, или коея ярости исполнени бысте, егда убили есте дивнаго пастыря, но сей злобы демонския явился еси посрамитель преславный и молитвенник всепетый о душах наших.
О, безчестие злобы окаянныя, на благочестие дерзнувшее вооружитися; о яростное намерение людей безбожных, возставших на Церковь Православную. Ныне сии посрамлены суть и погублени всечестным Крестом Христовым, егоже, яко меч восприем священномученик Николай, страдании во пренебесныя селения восходит и является людем православным заступление необоримое и молитвенник преславный о душах наших.
О, всеоружие злобы поднебесныя, брань воздвигнувшее противу Церкве Божия, дерзнувшее святыя храмы разорити и нечестиво убити служителей веры Христовыя. Ныне разорени быша вся лукавая твоя советования и Церковь необорима враты адовы красуется, светло прославляющи единаго от новомученик, пречуднаго и вседивнаго Николая, той бо явился еси чудотворец изрядный и молитвенник усердный о душах наших.
Слава, глас 6:О, дивнаго и преславнаго чудесе! О, явления силы Божией! Кровь мученика семенем веры является и сокрушаются демонския дерзости. Церковь необорима враты адовы пребывает и люди православнии память совершают Николая, священномученика новаго и молитвенника о душах наших.
И ныне, глас 8:Владычице, приими молитвы раб Твоих, и избави нас от всякия нужды и печали.
Славословие великое. И отпуст.
На ЛитургииБлаженна от канона, песнь 3-я и 6-я.
Прокимен, глас 7: Честна пред Господем смерть преподобных Его. Стих: Что воздам Господеви о всех, яже воздаде ми?
Апостол к Римляном, зачало 99.
Аллилуиа, глас 2: Священницы Твои облекутся в правду, и преподобнии Твои возрадуются. Стих: Бог нам Прибежище и Сила, Помощник в скорбех, обретших ны зело.
Евангелие от Луки, зачало 106, конец: В терпении вашем стяжите душа ваша.
Причастен: В память вечную будет праведник:
МолитваО великий священномучениче отче Николае, пастырю наш добрый и исповедниче всетвердый веры отеческия. Днесь воспевающее подвиги и страдания твоя, дерзаем яже от сердца вознести ти молитвы, во умилении просящи подати нам вся, яже ко спасению полезная. Милостивый отче, предстательством твоим утверди народ наш, егоже во удел пастырский от Господа приял еси, во Православней вере, сохрани от искушений же расколов и нестроений, земли нашей мир ниспошли и умири всякую вражду и неправду, от врагов воссеваемыя. Светом истинныя Любви сохрани ны от всякаго зла, болящих уврачуй, озлобленных умири, ожесточенных исправи, немощных укрепи, супружества утверди во единомыслии, чадом даруй воспитание в свете Заповедей Божиих, вся ниспосылая нам от милостей и щедрот Господних, Емуже подобает всякая слава честь и поклонение во веки веков. Аминь.