Тропари, кондаки и икосы старообрядческим подвижникам и страдальцам
Нижеследующие молитвенные тексты составлены настоятелем саратовского прихода Русской Православной Старообрядческой Церкви иереем Вадимом Коровиным. В этой записи я сгруппировал гимны в честь святых, почитаемых только старообрядцами-поповцами (гимны в честь святых, почитаемых и в нашей Церкви, смотрите в этой записи). Эти подвижники (за одним исключением) скончались уже после начала открытого разделения после Большого Московского Собора.
Преподобный священноинок Иов Нижнетагильский († 4 сентября 1741)
Тропарь, глас 2-й.Па́мять твою́ преподо́бне почита́юще, мо́лим тя́ о́тче на́ш И́ове, моли́ о все́х чту́щих тя́, и о стране́ на́шей и лю́дех ея́, я́ко уго́дник при́сныи Христа́ Бо́га.
Кондак, глас 1-й.И́стинныя ве́ры ревни́телю, па́стырю предо́брыи И́ове, ми́лостынею одолжи́в Всеми́лостиваго Бо́га, и терпе́нием уподо́бився тезоиме́нному, тле́нное расточи́в бога́тьство, и на́ Небесех стяжа́в нетле́нно возда́ние, моли́ преподо́бне Всесвяту́ю Тро́ицу, спасти́ся пра́зднующим святу́ю па́мять твою́.
Икос.От моще́й твои́х о́тче на́ш И́ове, исцеле́нии струи́ излия́шася бога́тно, все́м тре́бующим, и я́коже в жити́и се́м пода́тель ми́лостыни неоску́ден бы́в, та́ко и по преставле́нии ми́лость подава́еши лю́дем человеколю́бне, и на́ Небесех при́сно ра́дуешися предстоя́ престо́лу Вы́шняго; моли́ преподо́бне Всесвяту́ю Тро́ицу, спасти́ся пра́зднующим святу́ю па́мять твою́.
Преподобный Иаков Тагильский, священноинок-схимник (†1754, память ангельская 21 марта)
Тропарь, глас 6-й.На ка́мени Христо́вы ве́ры утверди́вся преподо́бне, и стра́ху Госпо́дню при́сно науча́я ча́да сво́я, и́стину и спасе́ние Божие пропове́да, и моли́твою и бде́нии всено́щными, и по́стническими по́двиги и труды́ изря́дными, ду́шу свою́ и те́ло очи́стив, прия́телище бы́сть Пресвя́таго Дух́а, и вни́де в ра́дость Го́спода своего́, моли́ Того́ о на́с о́тче Ия́кове.
Кондак, глас 4-й.Похваляе́му тебе́ блаже́нне, возвеселя́тся ве́рнии лю́дие, ты́ бо яви́ся христия́ном до́брыи па́стырь, и и́ноким пра́вило нело́жное, наста́ви и на́с ко спасе́нию, моли́твами свои́ми ко́ Господу, о́тче препо́добне Ия́кове.
Икос.В за́поведех Госпо́дних при́сно поуча́яся, и вы́ну восле́д Того́ стопа́м ходя́ блаже́нне, кре́ст сво́й на ра́му взе́м, о́браз кро́тости явля́я, бы́сть па́стырь и́стинныи, ве́рныя укрепля́я, малоду́шныя утвержа́я, и все́м яви́ся вра́чь духо́вныи, исцели́ и на́шя боле́зни и стра́сти, моли́твами свои́ми ко́ Господу, о́тче преподо́бне Ия́кове.
Преподобный Максим Тагильский, называемый Калмык, инок-схимник († 27 мая 1783)
Тропарь, глас 4-й.Злове́рия угонзну́в оте́ческаго, к ве́ре Христо́ве от ю́ности прилепи́ся блаже́нне, и пусты́нное жи́тельство избра́л еси́, труды́ и боле́зньми мно́гими, моли́твою же нусы́пною, тезоимени́т яви́ся вои́стину, ве́лии уго́дник бы́в Бо́жии о́тче Макси́ме; и́ноким наста́вниче, и а́нгелом сожи́телю, моли́ непреста́нно о душа́х на́ших.
Кондак, глас 6-й.В пусты́нех о́т мира кры́яся, смиренному́дрием и чистото́ю укра́шен, яви́ся и́ноком пра́вило, и христия́ном наста́вник, и ве́ре Христо́вой храни́тель опа́сныи, преподо́бне Макси́ме, моля́ся Тому́ непреста́й, спасти́ся душа́м на́шим.
Икос.От ю́ности ко Христо́вой ве́ре прилежа́ преподо́бне, вся́ кра́сная ми́ра сего́ я́ко уме́ты вмени́в, стра́нник яви́ся Христа́ ра́ди, и пришле́ц во земли́ чуждей, а́нгельскаго сподо́бився о́браза, равноа́нгельное же жити́е проше́д, и со а́нгелы ны́не ликовству́еши в Небе́сных обителех, темже моля́ся Христу́ непреста́й, спасти́ся душа́м на́шим.
Преподобный старец Спиридон Потёмкин († 2 ноября 1665)
Тропарь, глас 1-й.Велему́дреныи Спиридо́не, му́дрость стяжа́в Боже́ственую, ополчи́ся проти́ву церко́вных ху́льник, иссече́ е́реси мече́м ве́ры, и побо́рник бы́в по Христо́вой Це́ркви, и Бо́гови угоди́в изря́дно, моли́ спасти́ся душа́м на́шим.
Кондак, глас 2-й.Велере́чие ерети́ческих пропове́дник, посрами́ просты́ми глаго́лы ве́ры, преподо́бне Спиридо́не, и ны́не моли́ся Го́сподеви, поми́ловатися душам нашим.
Икос.Му́дростию Боже́ственою обога́щься, и по́стническими по́двиги укрепи́вся, богому́дре Спиридо́не, и побо́рник яви́ся по святе́й ве́ре, облича́я законопресту́пник хуле́ния, и укрепля́я ве́рныя на по́двиги, яви́ся наста́вник ко благоче́стию, и ны́не на́ Небесех предстоя́ престо́лу Бо́жию, при́сно моли́ся Го́сподеви, поми́ловатися душа́м на́шим.
Преподобный священноинок Досифей Сёмженский († кон. XVII - нач. XVIII, ангельская память 3 октября)
Тропарь, глас 4-й.Удали́лся еси́ бе́гая, и водвори́лся в пусты́ни, те́ло свое́ изнури́в воздержа́нием, ду́шу же вельми́ очи́стив преподо́бне, прия́телище яви́ся Ду́ху Пресвято́му, и наста́вник и́ноким ко спасе́нию, его́же и на́м улучи́ти моли́ся, о́тче на́ш Досифе́е.
Кондак, глас 6-й.Се́верную хла́дную пусты́ню, те́плостию моли́тв твои́х ра́й соде́лав, и о́т Древа Живо́тнаго напита́ ве́рных, о́тче преподо́бне Досифе́е, и вни́де в ра́дость Го́спода Своего́, Ему́ же непреста́й моля́ся, поми́ловатися душа́м на́шим.
Икос.Ве́ру небла́знену соблюда́я, ми́ру вся́ пре́лести отве́рже о́тче, по́двигом до́брым подвиза́вся, и па́стырь яви́ся до́брыи, пи́щею неги́блемою насыща́я ве́рных, и по преставле́нии твое́м о́тче Досифе́е, Бо́г тя́ просла́ви телесе́ нетле́нием, Ему́ же непреста́й моля́ся, поми́ловатися душа́м на́шим.
Преподобный Софония Керженский († кон. XVII - нач. XVIII, ангельская память 3 декабря)
Тропарь, глас 3-й.Сла́вы челове́ческия бе́гая, свяще́нства вели́каго са́на утаи́лся еси́, но Госпо́дь тя́ призва́ на служе́ние ве́лие, и па́стырь яви́ся изря́ден Того́ овца́м, за ни́хже ду́шу свою́ полага́я непрестан́но, уго́дник Бо́жии яви́лся еси́, Того́ моля́ не преста́й преподо́бне Софоние, спасти́ся душа́м на́шим.
Кондак, глас 8-й.На ка́мени ве́ры Христо́вы, основа́ние положи́в о́тче Софо́ние, вся́ пре́лести ми́ра преоби́дев, всели́ся в пусты́ни, и кры́яшеся вели́каго са́на свяще́ннаго, оба́че Бо́жиим изволе́нием, па́стырь нело́жен яви́ся слове́сным овца́м, и ны́не на́ Небесех предстоя́ престо́лу Влады́чню, при́сно мо́лишися, о чту́щих любо́вию святу́ю па́мять твою́.
Икос.По и́мени твоему́ о́тче Софо́ние, та́ко и житие́ твое́ яви́ся, укры́тия бо тша́шеся мирски́я сла́вы, тая́ са́на свяще́нническаго вели́каго, во смиренному́дрии и кро́тости пребыва́я, по́стническими по́двиги и моли́твою неусы́пною, о́браз и́ноком бы́в, но под спу́дом свети́льник души́ твоея́ не возмо́же укры́тися, и призва́ся на вели́кии по́двиг свяще́нства, и па́ству свою́ наста́вль ко спасе́нию, ко́ Господу преста́вися, те́мже и нетле́нныя мо́щи твои́, источа́ют благода́ть исцеле́нии, с ве́рою к ни́м притека́ющим, ты́ бо при́сно мо́лишися, о чту́щих любо́вию святу́ю па́мять твою́.
Святой праведный Исидор Керженский (Козмодемьянский), презвитер († кон. XVII - нач. XVIII, ангельская память 14 мая)
Тропарь, глас 8-й.Па́мять па́стыря до́браго Иси́дора пра́зднующе, мо́лим Тя́ Христе́ Бо́же, ми́р Це́ркви Твое́й низпосли́, и все́м христия́ном ве́лию ми́лость.
Кондак, глас 4-й.Столпе́ церко́вныи, защи́щителю правосла́вныя ве́ры, па́стырю до́брыи, о́тче Иси́доре всехва́льне, моли́ Христа́ Бо́га, все́м улучи́ти спасе́ние, пра́зднующим любо́вию святу́ю па́мять твою́.
Икос.До́брому па́стырю Христу́ после́дствуя, и́стинныи па́стырь яви́ся Того́ овца́м, отгоня́ душепа́губныя во́лки, вся́ е́реси проти́вныя побежда́я, си́лою слове́с твои́х; ве́рен пребы́сть до конца́, и сего́ ра́ди вене́ц стяжа́ нетле́нныи, и на ́Небесех ра́дуяся зри́ши Влады́ку Христа́, и ны́не о́тче Иси́доре моли́ Того́, все́м улучи́ти спасе́ние, пра́зднующим любо́вию святу́ю па́мять твою́.
Святой Симеон исповедник, презвитер тобольский († нач. XVIII, память ангельская 27 апреля)
Тропарь, глас 4-й.Испове́дниче Симео́не, стране́ Сиби́рстей ты́ яви́ся па́стырь нело́жныи, ве́ру небла́знено соблюда́я, и лю́ди приводя́ ко спасе́нию, вся́ зла́я в ми́ре се́м претерпе́ ра́дуяся, Христо́ву долготерпе́нию подо́бяся, и взы́де ко пре́столу возлю́бленнаго Го́спода, Ему́же непреста́й моля́ся, спасти́ся душа́м на́шим.
Кондак, глас 8-й.Мощи́ твоя́ нетле́нныя, покрове́ни су́ть в земли́ Сиби́рстей, душ́а же изведе́на из темни́цы, лику́ет на́ Небеси с со́ньмы пра́ведных, сла́вне испове́дниче Симео́не, с ни́миже моли́ся Го́сподеви, спасти́ся душа́м на́шим.
Икос.Свиде́тель нело́жныи яви́ся, Христо́ву уче́нию всеблаже́нне, и сро́днику Того́ тезоиме́нне, свобо́дным язы́ком пропове́даше в лю́дех, е́же оша́ятися злове́рнаго хуле́ния, на святоцерко́вныя преда́ния, и мно́гих приведе́ ко спасе́нию, те́мже на я́рость подви́же хули́тели, и я́т бы́сть от беззако́нных муже́й, и льще́ние законопресту́пных до конца́ отри́ну, сего́ ра́ди и заточе́нию преда́ша тя́, и томле́нием мно́гим и ра́нам, и гла́дом тя́ озло́биша, во хла́днем узи́лищи ско́рбнем, но Го́сподь изведе́ из темни́цы ду́шу твою́, мо́щи же твоя́ просла́ви нетле́нием; вше́дыи в воню́ благоуха́ния Влады́чня, и в селе́ниих пра́ведных упоко́ився о́тче на́ш Симео́не, с ни́ми моли́ся Го́сподеви, спасти́ся душа́м на́шим.
Преподобная Павольга Черемшанская († 1890-е)
Тропарь, глас 1-й.Свеще́ю неугаси́мою, твои́х моли́тв преподо́бная, мра́к разжени́ душе́вныи, и́же ве́рою па́мять твою́ почита́ющим, при́сно заступа́ющи ма́ти Паво́льго, от вре́да вся́каго и па́кости вра́жия.
Кондак, глас 8-й.Те́́плостию ве́ры Зижди́телевы, ле́ди растопи́ла еси́ малове́рия, и по́двиг твои́х благоле́потою, привлече́ ко и́ноческому житию́ же́н мно́жество, им́же яви́ся наста́вница ко спасе́нию, преподо́бная ма́ти Паво́льго, и ны́не на́ Небесех зря́щи Святу́ю Тро́ицу, моли́ непреста́нно о все́х на́с.
Икос.Многотру́ден пу́ть прешла́ еси́ мати ди́вная, ве́ру до конца́ соблю́дши, му́жески в же́ньстем телеси́ к подвиго́м прилежа́ла еси, и лю́таго врага́ до конца́ низложи́, а́нгельски на земли́ поживе́ преподо́бная, и по преставле́нии ко а́нгельским лико́м причте́ся Паво́льго, те́мже Влады́це те́х предстои́ши, чи́сте зря́щи Святу́ю Тро́ицу, моли́ непреста́нно о все́х на́с.
Преподобноисповедница Фелицата Черемшанская, инокиня-схимница († 1920-е, память ангельская 24 сентября)
Тропарь, глас 8-й.Восле́д Жениху́ Небе́сному те́кши Фели́цато, кре́ст на ра́му свое́ю взе́мши, о телеси́ небрегла́ еси́, пло́ть порабо́тивши Ду́ху, в же́ньстем телеси́ му́жески подви́гшися, у́зы и поноше́ния претерпе́ла еси́, и сподо́бися зре́ти Возлю́бленнаго, в черто́зех Того́ ликовству́ющи преподо́бная, моли́ о на́с Еди́наго Человеколю́бца.
Кондак, глас 4-й.Ни гоне́ния ни темни́цы, устраши́ти возмого́ша преподо́бныя Фелица́ты, Фе́кле бо прему́дрей уподо́бившися, еди́наго Христа́ возлюби́ вседу́шне, о́гнь Боже́ственыи в души́ соблюде́, те́м и с му́дрыми де́вами вни́де в Небе́сныи черто́г, и мо́лится при́сно о душа́х на́ших.
Икос.Мра́к души́ моея́ просвети́, све́том любве́ Боже́ственыя, Фелица́то преимени́тая де́во, и росо́ю твои́х моли́тв, угаси́ пла́мень страсте́й мои́х, пу́ть ше́стовати в ми́ре се́м невре́дно сотвори́, моли́твеннику твоему́ преподо́бная, да избе́гну гее́ньскаго огня́ и черве́й, и на ло́не Авраа́мли упоко́юся, иде́же ты́ ны́не ликовству́еши со все́ми святы́ми, и мо́лишися при́сно о душа́х на́ших.
Препoдoбнoмучeник Илapиoн Теляузский († 5 мая 1689)
Тропарь, глас 5-й.Ра́дуяся вы́ну пра́ведниче о́ Господе, Тому́ от млады́х ле́т после́довал еси́, и за пра́вую ве́ру да́же до сме́рти пострада́ти изво́ли, те́мже в се́лех пра́ведных водворя́яся, при́сно моли́ о на́с преподо́бныи му́чениче Иларио́не.
Кондак, глас 7-й.Ми́ра пусто́шныя пре́лести, до конца́ возненави́дев, любве́ ра́ди Госпо́дни, преподо́бне о́тче Иларио́не, и в пустыни всели́ся, и страда́нием до́блим по́двиг сво́й печатле́я, ра́дуяся сме́рть за Христо́ву веру прият, те́мже вене́ц живота́ ве́чнаго стяжа́в, и на́м спасти́ся моли́ Всесвяту́ю Тро́ицу.
Икос.Я́ко дре́во сажде́но при вода́х присноживо́тных, яви́ся преподо́бне о́тче Иларио́не, и на сове́т нечести́вых не изво́ли, и на пу́ть гре́шных не ста́, и на седа́лищи губи́тель не се́де, те́мже стори́чен пло́д духо́вныи, принесе́ Влады́це Животу́, и ка́знь прие́мля от беззако́нник, я́ко всесожже́ние благоуха́нно, вознесе́ся к престо́лу Вы́шняго, иде́же ра́дуяся ликовству́я со а́нгелы, и на́м спасти́ся моли́ Всесвяту́ю Тро́ицу.
Святитель Афанасий, епископ Саратовский († 8 марта 1865)
Тропарь, глас 1-й.Пло́ти двиза́ния умерщвля́я, и а́нгельскаго чи́на возжеле́л еси́ дости́гнути, и́нок бы́в и и́ноком па́стырь, и апо́стольскому седа́лищу наме́стник, и ве́ру сохрани́л еси́ небла́знену, ве́рен и до́ гроба пребы́в, и тезоимени́т яви́ся вои́стину, святи́телю Афана́сие, моли́ Христа́ Бо́га, да спасе́т душа́ на́ша.
Кондак, глас 8-й.Ирги́зу удобре́ние, и Черемша́ну сла́вное украше́ние, и все́й Руси́йстей стране́ явися преди́вен свети́льник, святи́телю Афана́сие, безсме́ртию тезоимени́тыи, моли́ся ко Еди́ному Безсме́ртному Бо́гу, насле́довати и на́м живо́т ве́чныи.
Икос.На высоту́ доброде́телей о́тче возше́д, и высоча́йшему сопричте́ся ли́ку святи́тельскому, и́стинен па́стырь яви́ся Афана́сие, ду́шу свою́ полага́я за овца́, и направля́я ве́рныя ко спасе́нию, убо́гия снабдева́я, изнемога́ющих утвержда́я, и на́с утверди́ святи́телю на стезя́х доброде́телей, и моли́ся ко укрепи́вшему тя́ Христу́ Бо́гу, насле́довати и на́м живо́т ве́чныи.
Священномученик Викентий, епископ Кавказский, местоблюститель Московской Архиепископии († 30 марта 1938)
Тропарь, глас 8-й.По и́мени твоему́ свя́те Вике́нтие, и житие́ свое́ стяжа́в, добропобе́дник до́блествен яви́ся, мече́м ве́ры порази́в бебо́жных ко́зни и бесо́вския полки́, те́мже неувяда́емым венце́м увязе́ся, от Христа́ Спа́са душа́м на́шим.
Кондак, глас 2-й.Па́стырю до́брыи, полож́ивыи ду́шу свою́ по слове́сных овца́х, Пастыренача́льнику Христу́ моли́ся, о ста́де твое́м богому́дре Вике́нтие, да спасе́т душа́ на́ша.
Икос.В мо́ри безбо́жия обурева́емыи, упра́вил еси́ кора́бль церко́вныи, я́ко прему́дрыи ко́рмчии, и по́двигом до́брым подвиза́вся, да́же до сме́рти ве́рен пребы́сть Христо́ви, Его́же престо́лу предстоя́ со му́ченики, святи́телю Вике́нтие, моли́ся при́сно Го́сподеви, да спасе́т душа́ на́ша.
Преподобный священноинок Иов Нижнетагильский († 4 сентября 1741)
Тропарь, глас 2-й.Па́мять твою́ преподо́бне почита́юще, мо́лим тя́ о́тче на́ш И́ове, моли́ о все́х чту́щих тя́, и о стране́ на́шей и лю́дех ея́, я́ко уго́дник при́сныи Христа́ Бо́га.
Кондак, глас 1-й.И́стинныя ве́ры ревни́телю, па́стырю предо́брыи И́ове, ми́лостынею одолжи́в Всеми́лостиваго Бо́га, и терпе́нием уподо́бився тезоиме́нному, тле́нное расточи́в бога́тьство, и на́ Небесех стяжа́в нетле́нно возда́ние, моли́ преподо́бне Всесвяту́ю Тро́ицу, спасти́ся пра́зднующим святу́ю па́мять твою́.
Икос.От моще́й твои́х о́тче на́ш И́ове, исцеле́нии струи́ излия́шася бога́тно, все́м тре́бующим, и я́коже в жити́и се́м пода́тель ми́лостыни неоску́ден бы́в, та́ко и по преставле́нии ми́лость подава́еши лю́дем человеколю́бне, и на́ Небесех при́сно ра́дуешися предстоя́ престо́лу Вы́шняго; моли́ преподо́бне Всесвяту́ю Тро́ицу, спасти́ся пра́зднующим святу́ю па́мять твою́.
Преподобный Иаков Тагильский, священноинок-схимник (†1754, память ангельская 21 марта)
Тропарь, глас 6-й.На ка́мени Христо́вы ве́ры утверди́вся преподо́бне, и стра́ху Госпо́дню при́сно науча́я ча́да сво́я, и́стину и спасе́ние Божие пропове́да, и моли́твою и бде́нии всено́щными, и по́стническими по́двиги и труды́ изря́дными, ду́шу свою́ и те́ло очи́стив, прия́телище бы́сть Пресвя́таго Дух́а, и вни́де в ра́дость Го́спода своего́, моли́ Того́ о на́с о́тче Ия́кове.
Кондак, глас 4-й.Похваляе́му тебе́ блаже́нне, возвеселя́тся ве́рнии лю́дие, ты́ бо яви́ся христия́ном до́брыи па́стырь, и и́ноким пра́вило нело́жное, наста́ви и на́с ко спасе́нию, моли́твами свои́ми ко́ Господу, о́тче препо́добне Ия́кове.
Икос.В за́поведех Госпо́дних при́сно поуча́яся, и вы́ну восле́д Того́ стопа́м ходя́ блаже́нне, кре́ст сво́й на ра́му взе́м, о́браз кро́тости явля́я, бы́сть па́стырь и́стинныи, ве́рныя укрепля́я, малоду́шныя утвержа́я, и все́м яви́ся вра́чь духо́вныи, исцели́ и на́шя боле́зни и стра́сти, моли́твами свои́ми ко́ Господу, о́тче преподо́бне Ия́кове.
Преподобный Максим Тагильский, называемый Калмык, инок-схимник († 27 мая 1783)
Тропарь, глас 4-й.Злове́рия угонзну́в оте́ческаго, к ве́ре Христо́ве от ю́ности прилепи́ся блаже́нне, и пусты́нное жи́тельство избра́л еси́, труды́ и боле́зньми мно́гими, моли́твою же нусы́пною, тезоимени́т яви́ся вои́стину, ве́лии уго́дник бы́в Бо́жии о́тче Макси́ме; и́ноким наста́вниче, и а́нгелом сожи́телю, моли́ непреста́нно о душа́х на́ших.
Кондак, глас 6-й.В пусты́нех о́т мира кры́яся, смиренному́дрием и чистото́ю укра́шен, яви́ся и́ноком пра́вило, и христия́ном наста́вник, и ве́ре Христо́вой храни́тель опа́сныи, преподо́бне Макси́ме, моля́ся Тому́ непреста́й, спасти́ся душа́м на́шим.
Икос.От ю́ности ко Христо́вой ве́ре прилежа́ преподо́бне, вся́ кра́сная ми́ра сего́ я́ко уме́ты вмени́в, стра́нник яви́ся Христа́ ра́ди, и пришле́ц во земли́ чуждей, а́нгельскаго сподо́бився о́браза, равноа́нгельное же жити́е проше́д, и со а́нгелы ны́не ликовству́еши в Небе́сных обителех, темже моля́ся Христу́ непреста́й, спасти́ся душа́м на́шим.
Преподобный старец Спиридон Потёмкин († 2 ноября 1665)
Тропарь, глас 1-й.Велему́дреныи Спиридо́не, му́дрость стяжа́в Боже́ственую, ополчи́ся проти́ву церко́вных ху́льник, иссече́ е́реси мече́м ве́ры, и побо́рник бы́в по Христо́вой Це́ркви, и Бо́гови угоди́в изря́дно, моли́ спасти́ся душа́м на́шим.
Кондак, глас 2-й.Велере́чие ерети́ческих пропове́дник, посрами́ просты́ми глаго́лы ве́ры, преподо́бне Спиридо́не, и ны́не моли́ся Го́сподеви, поми́ловатися душам нашим.
Икос.Му́дростию Боже́ственою обога́щься, и по́стническими по́двиги укрепи́вся, богому́дре Спиридо́не, и побо́рник яви́ся по святе́й ве́ре, облича́я законопресту́пник хуле́ния, и укрепля́я ве́рныя на по́двиги, яви́ся наста́вник ко благоче́стию, и ны́не на́ Небесех предстоя́ престо́лу Бо́жию, при́сно моли́ся Го́сподеви, поми́ловатися душа́м на́шим.
Преподобный священноинок Досифей Сёмженский († кон. XVII - нач. XVIII, ангельская память 3 октября)
Тропарь, глас 4-й.Удали́лся еси́ бе́гая, и водвори́лся в пусты́ни, те́ло свое́ изнури́в воздержа́нием, ду́шу же вельми́ очи́стив преподо́бне, прия́телище яви́ся Ду́ху Пресвято́му, и наста́вник и́ноким ко спасе́нию, его́же и на́м улучи́ти моли́ся, о́тче на́ш Досифе́е.
Кондак, глас 6-й.Се́верную хла́дную пусты́ню, те́плостию моли́тв твои́х ра́й соде́лав, и о́т Древа Живо́тнаго напита́ ве́рных, о́тче преподо́бне Досифе́е, и вни́де в ра́дость Го́спода Своего́, Ему́ же непреста́й моля́ся, поми́ловатися душа́м на́шим.
Икос.Ве́ру небла́знену соблюда́я, ми́ру вся́ пре́лести отве́рже о́тче, по́двигом до́брым подвиза́вся, и па́стырь яви́ся до́брыи, пи́щею неги́блемою насыща́я ве́рных, и по преставле́нии твое́м о́тче Досифе́е, Бо́г тя́ просла́ви телесе́ нетле́нием, Ему́ же непреста́й моля́ся, поми́ловатися душа́м на́шим.
Преподобный Софония Керженский († кон. XVII - нач. XVIII, ангельская память 3 декабря)
Тропарь, глас 3-й.Сла́вы челове́ческия бе́гая, свяще́нства вели́каго са́на утаи́лся еси́, но Госпо́дь тя́ призва́ на служе́ние ве́лие, и па́стырь яви́ся изря́ден Того́ овца́м, за ни́хже ду́шу свою́ полага́я непрестан́но, уго́дник Бо́жии яви́лся еси́, Того́ моля́ не преста́й преподо́бне Софоние, спасти́ся душа́м на́шим.
Кондак, глас 8-й.На ка́мени ве́ры Христо́вы, основа́ние положи́в о́тче Софо́ние, вся́ пре́лести ми́ра преоби́дев, всели́ся в пусты́ни, и кры́яшеся вели́каго са́на свяще́ннаго, оба́че Бо́жиим изволе́нием, па́стырь нело́жен яви́ся слове́сным овца́м, и ны́не на́ Небесех предстоя́ престо́лу Влады́чню, при́сно мо́лишися, о чту́щих любо́вию святу́ю па́мять твою́.
Икос.По и́мени твоему́ о́тче Софо́ние, та́ко и житие́ твое́ яви́ся, укры́тия бо тша́шеся мирски́я сла́вы, тая́ са́на свяще́нническаго вели́каго, во смиренному́дрии и кро́тости пребыва́я, по́стническими по́двиги и моли́твою неусы́пною, о́браз и́ноком бы́в, но под спу́дом свети́льник души́ твоея́ не возмо́же укры́тися, и призва́ся на вели́кии по́двиг свяще́нства, и па́ству свою́ наста́вль ко спасе́нию, ко́ Господу преста́вися, те́мже и нетле́нныя мо́щи твои́, источа́ют благода́ть исцеле́нии, с ве́рою к ни́м притека́ющим, ты́ бо при́сно мо́лишися, о чту́щих любо́вию святу́ю па́мять твою́.
Святой праведный Исидор Керженский (Козмодемьянский), презвитер († кон. XVII - нач. XVIII, ангельская память 14 мая)
Тропарь, глас 8-й.Па́мять па́стыря до́браго Иси́дора пра́зднующе, мо́лим Тя́ Христе́ Бо́же, ми́р Це́ркви Твое́й низпосли́, и все́м христия́ном ве́лию ми́лость.
Кондак, глас 4-й.Столпе́ церко́вныи, защи́щителю правосла́вныя ве́ры, па́стырю до́брыи, о́тче Иси́доре всехва́льне, моли́ Христа́ Бо́га, все́м улучи́ти спасе́ние, пра́зднующим любо́вию святу́ю па́мять твою́.
Икос.До́брому па́стырю Христу́ после́дствуя, и́стинныи па́стырь яви́ся Того́ овца́м, отгоня́ душепа́губныя во́лки, вся́ е́реси проти́вныя побежда́я, си́лою слове́с твои́х; ве́рен пребы́сть до конца́, и сего́ ра́ди вене́ц стяжа́ нетле́нныи, и на ́Небесех ра́дуяся зри́ши Влады́ку Христа́, и ны́не о́тче Иси́доре моли́ Того́, все́м улучи́ти спасе́ние, пра́зднующим любо́вию святу́ю па́мять твою́.
Святой Симеон исповедник, презвитер тобольский († нач. XVIII, память ангельская 27 апреля)
Тропарь, глас 4-й.Испове́дниче Симео́не, стране́ Сиби́рстей ты́ яви́ся па́стырь нело́жныи, ве́ру небла́знено соблюда́я, и лю́ди приводя́ ко спасе́нию, вся́ зла́я в ми́ре се́м претерпе́ ра́дуяся, Христо́ву долготерпе́нию подо́бяся, и взы́де ко пре́столу возлю́бленнаго Го́спода, Ему́же непреста́й моля́ся, спасти́ся душа́м на́шим.
Кондак, глас 8-й.Мощи́ твоя́ нетле́нныя, покрове́ни су́ть в земли́ Сиби́рстей, душ́а же изведе́на из темни́цы, лику́ет на́ Небеси с со́ньмы пра́ведных, сла́вне испове́дниче Симео́не, с ни́миже моли́ся Го́сподеви, спасти́ся душа́м на́шим.
Икос.Свиде́тель нело́жныи яви́ся, Христо́ву уче́нию всеблаже́нне, и сро́днику Того́ тезоиме́нне, свобо́дным язы́ком пропове́даше в лю́дех, е́же оша́ятися злове́рнаго хуле́ния, на святоцерко́вныя преда́ния, и мно́гих приведе́ ко спасе́нию, те́мже на я́рость подви́же хули́тели, и я́т бы́сть от беззако́нных муже́й, и льще́ние законопресту́пных до конца́ отри́ну, сего́ ра́ди и заточе́нию преда́ша тя́, и томле́нием мно́гим и ра́нам, и гла́дом тя́ озло́биша, во хла́днем узи́лищи ско́рбнем, но Го́сподь изведе́ из темни́цы ду́шу твою́, мо́щи же твоя́ просла́ви нетле́нием; вше́дыи в воню́ благоуха́ния Влады́чня, и в селе́ниих пра́ведных упоко́ився о́тче на́ш Симео́не, с ни́ми моли́ся Го́сподеви, спасти́ся душа́м на́шим.
Преподобная Павольга Черемшанская († 1890-е)
Тропарь, глас 1-й.Свеще́ю неугаси́мою, твои́х моли́тв преподо́бная, мра́к разжени́ душе́вныи, и́же ве́рою па́мять твою́ почита́ющим, при́сно заступа́ющи ма́ти Паво́льго, от вре́да вся́каго и па́кости вра́жия.
Кондак, глас 8-й.Те́́плостию ве́ры Зижди́телевы, ле́ди растопи́ла еси́ малове́рия, и по́двиг твои́х благоле́потою, привлече́ ко и́ноческому житию́ же́н мно́жество, им́же яви́ся наста́вница ко спасе́нию, преподо́бная ма́ти Паво́льго, и ны́не на́ Небесех зря́щи Святу́ю Тро́ицу, моли́ непреста́нно о все́х на́с.
Икос.Многотру́ден пу́ть прешла́ еси́ мати ди́вная, ве́ру до конца́ соблю́дши, му́жески в же́ньстем телеси́ к подвиго́м прилежа́ла еси, и лю́таго врага́ до конца́ низложи́, а́нгельски на земли́ поживе́ преподо́бная, и по преставле́нии ко а́нгельским лико́м причте́ся Паво́льго, те́мже Влады́це те́х предстои́ши, чи́сте зря́щи Святу́ю Тро́ицу, моли́ непреста́нно о все́х на́с.
Преподобноисповедница Фелицата Черемшанская, инокиня-схимница († 1920-е, память ангельская 24 сентября)
Тропарь, глас 8-й.Восле́д Жениху́ Небе́сному те́кши Фели́цато, кре́ст на ра́му свое́ю взе́мши, о телеси́ небрегла́ еси́, пло́ть порабо́тивши Ду́ху, в же́ньстем телеси́ му́жески подви́гшися, у́зы и поноше́ния претерпе́ла еси́, и сподо́бися зре́ти Возлю́бленнаго, в черто́зех Того́ ликовству́ющи преподо́бная, моли́ о на́с Еди́наго Человеколю́бца.
Кондак, глас 4-й.Ни гоне́ния ни темни́цы, устраши́ти возмого́ша преподо́бныя Фелица́ты, Фе́кле бо прему́дрей уподо́бившися, еди́наго Христа́ возлюби́ вседу́шне, о́гнь Боже́ственыи в души́ соблюде́, те́м и с му́дрыми де́вами вни́де в Небе́сныи черто́г, и мо́лится при́сно о душа́х на́ших.
Икос.Мра́к души́ моея́ просвети́, све́том любве́ Боже́ственыя, Фелица́то преимени́тая де́во, и росо́ю твои́х моли́тв, угаси́ пла́мень страсте́й мои́х, пу́ть ше́стовати в ми́ре се́м невре́дно сотвори́, моли́твеннику твоему́ преподо́бная, да избе́гну гее́ньскаго огня́ и черве́й, и на ло́не Авраа́мли упоко́юся, иде́же ты́ ны́не ликовству́еши со все́ми святы́ми, и мо́лишися при́сно о душа́х на́ших.
Препoдoбнoмучeник Илapиoн Теляузский († 5 мая 1689)
Тропарь, глас 5-й.Ра́дуяся вы́ну пра́ведниче о́ Господе, Тому́ от млады́х ле́т после́довал еси́, и за пра́вую ве́ру да́же до сме́рти пострада́ти изво́ли, те́мже в се́лех пра́ведных водворя́яся, при́сно моли́ о на́с преподо́бныи му́чениче Иларио́не.
Кондак, глас 7-й.Ми́ра пусто́шныя пре́лести, до конца́ возненави́дев, любве́ ра́ди Госпо́дни, преподо́бне о́тче Иларио́не, и в пустыни всели́ся, и страда́нием до́блим по́двиг сво́й печатле́я, ра́дуяся сме́рть за Христо́ву веру прият, те́мже вене́ц живота́ ве́чнаго стяжа́в, и на́м спасти́ся моли́ Всесвяту́ю Тро́ицу.
Икос.Я́ко дре́во сажде́но при вода́х присноживо́тных, яви́ся преподо́бне о́тче Иларио́не, и на сове́т нечести́вых не изво́ли, и на пу́ть гре́шных не ста́, и на седа́лищи губи́тель не се́де, те́мже стори́чен пло́д духо́вныи, принесе́ Влады́це Животу́, и ка́знь прие́мля от беззако́нник, я́ко всесожже́ние благоуха́нно, вознесе́ся к престо́лу Вы́шняго, иде́же ра́дуяся ликовству́я со а́нгелы, и на́м спасти́ся моли́ Всесвяту́ю Тро́ицу.
Святитель Афанасий, епископ Саратовский († 8 марта 1865)
Тропарь, глас 1-й.Пло́ти двиза́ния умерщвля́я, и а́нгельскаго чи́на возжеле́л еси́ дости́гнути, и́нок бы́в и и́ноком па́стырь, и апо́стольскому седа́лищу наме́стник, и ве́ру сохрани́л еси́ небла́знену, ве́рен и до́ гроба пребы́в, и тезоимени́т яви́ся вои́стину, святи́телю Афана́сие, моли́ Христа́ Бо́га, да спасе́т душа́ на́ша.
Кондак, глас 8-й.Ирги́зу удобре́ние, и Черемша́ну сла́вное украше́ние, и все́й Руси́йстей стране́ явися преди́вен свети́льник, святи́телю Афана́сие, безсме́ртию тезоимени́тыи, моли́ся ко Еди́ному Безсме́ртному Бо́гу, насле́довати и на́м живо́т ве́чныи.
Икос.На высоту́ доброде́телей о́тче возше́д, и высоча́йшему сопричте́ся ли́ку святи́тельскому, и́стинен па́стырь яви́ся Афана́сие, ду́шу свою́ полага́я за овца́, и направля́я ве́рныя ко спасе́нию, убо́гия снабдева́я, изнемога́ющих утвержда́я, и на́с утверди́ святи́телю на стезя́х доброде́телей, и моли́ся ко укрепи́вшему тя́ Христу́ Бо́гу, насле́довати и на́м живо́т ве́чныи.
Священномученик Викентий, епископ Кавказский, местоблюститель Московской Архиепископии († 30 марта 1938)
Тропарь, глас 8-й.По и́мени твоему́ свя́те Вике́нтие, и житие́ свое́ стяжа́в, добропобе́дник до́блествен яви́ся, мече́м ве́ры порази́в бебо́жных ко́зни и бесо́вския полки́, те́мже неувяда́емым венце́м увязе́ся, от Христа́ Спа́са душа́м на́шим.
Кондак, глас 2-й.Па́стырю до́брыи, полож́ивыи ду́шу свою́ по слове́сных овца́х, Пастыренача́льнику Христу́ моли́ся, о ста́де твое́м богому́дре Вике́нтие, да спасе́т душа́ на́ша.
Икос.В мо́ри безбо́жия обурева́емыи, упра́вил еси́ кора́бль церко́вныи, я́ко прему́дрыи ко́рмчии, и по́двигом до́брым подвиза́вся, да́же до сме́рти ве́рен пребы́сть Христо́ви, Его́же престо́лу предстоя́ со му́ченики, святи́телю Вике́нтие, моли́ся при́сно Го́сподеви, да спасе́т душа́ на́ша.