Канон Никейской иконе Божией Матери
По просьбе одного из читателей блога выкладываю в «Уставных заметках» текст канона Божией Матери пред Ея чудотворной иконой, именуемой Никейская или «Неупиваемая Чаша», яже во граде Серпухове. Текст публикуется по брошюре без выходных данных конца XX века.
Канон Пречистей Владычице нашей Богородице и Приснодеве Марии, чюдотворней Ея иконе Никейской, нарицаемей «Неупиваемая Чаша», яже в Серпухове
Творение священноинока Симеона
Тропарь Пресвятей Богородице, глас 4.Граду Твоему велие заступление, и людем радостное утешение, чюдная икона Твоя даровася, Богородице Дево, о Тебе бо врата смерти сокрушаются, и неисцельныя болезни утоляются, о Тебе гордыню вражию до конца низлагаем, и верою Сыну Твоему вопием, чашею спасения напой нас Христе Боже, и державны нас воздвигни, на невидимыя и видимыя враги, молитвами Пречистыя Твоея Матере, яко всесилен. (Дважды)
Слава, и ныне. Ин тропарь, глас той же.Чашею радости и веселия истиннаго, премудростию Христа Твоего, жаждущия люди напой Богомати, да Твой ныне праздник празднуем светло, и небесною любовию горяще, иже от Тебе рожденнаго делы благими почтим, да державны нас воздвигнет, на вся соблазны и лютыя грехи, Твоею помощию и заступлением, яко всесилен.
Канон Пресвятей Богородице, глас 4.
Песнь 1.Ирмос. Пределив пучину морьскую яко Бог, и фараона погружь в ней, провед Моисея немокренно в пустыню, и одождивыи манну на пищу людем израилевым, яко силен.
Запев: Пресвятая Госпоже Богородице, услыши молитву раб Своих, молящихся Тебе.
Пределивыи дланию адову пучину, и человеческий род из истления свобождь, напой мя, Спасе, Премудрости чашею, и одожди ми росу благодати Твоея, Пречистую Матерь Твою воспети дерзновенно.
Премудрость Отчая, утверждающая мир, в Деве создав Себе премирное жилище, на трапезу безсмертия созывает люди, спасения чашею вино почерпая, оставление грехов и жизнь бесконечную.
Слава. Тело Твое, Господи, да будет ми хлеб животныи, и кровь Твоя честная нетления источник, святая Церкви Твоя, тайная ми трапеза, чаша же оставления грехов, Пречистая Владычица.
И ныне. От неплодныя Анны, лоза Богоносная прозябши, виноград безсмертия мирови принесши, небесная Владычица, Мариам преславная, ангельскими лики присно да поется.
Катавасия. Спаси от бед рабы Своя, Богородице Дево, яко вси по Бозе к Тебе прибегаем, яко к нерушимей стене и заступлению (поклон). Господи, помилуй (трижды, с поклонами).
Песнь 3.Ирмос. С высоты сниде волею на землю, иже превыше всякия власти, и смиренныя вознесе, из рова преисподняго, рода человеча. Несть бо пресвята, паче Тебе, Господи.
Небесных круг Божеством не оставль, смирився младенчески, во Твою утробу вселися, да наше смирение вознесет, из адовы утробы род человечь, Тобою, Владычице, приобщився естеству нашему.
Радуися от ангела в зачатии слышавши, радуися от Елисавети в дусе приемшая, и мене возрадуй чашею веселия, разум мой к горней любви восхищающи, несть бо иныя радости, паче сея, Владычице.
Слава. Мучительство вражие до конца упразднися, прежде бо немощнии силою препоясуются, мужества чашею от Тебе напояеми, Тобою, Богомати, державно укрепляеми, возбранную Тя имуще воеводу, воспевают и поют, несть бо Пресвята, разве Бога нашего.
И ныне. Воздвизая от земли нища, и от гноища возводя убога, возносит человека Твой, Богомати, Сын, на Престоле Вышния Славы посаждая, венцем веселия облекая, чаши божественныя радости во веки творя причастника.
Седален, глас 8. Подобен: Повеленное таиньство.Превечныи совет человеколюбно исполняя, в плоть человечю Слово Божие вселися, Тобою браку неискусная Дево, небесы невместимую силу Божества, в Пречистую Ти утробу паче естества излияв Себе, истинную Тя чашу обожения показа, нам грешным рабом Твоим, да Твоею благодатию просвещаеми вопием Ти: радуися, Невесто неневестная.
Песнь 4.Ирмос. Любве ради щедре Своего Си образа, на Кресте Своем стоя, и растаяшася языцы, Ты бо еси Бог мой, крепость моя и похвала.
Егда смутится душа моя во гневе, егда погрязну во глубине погибели, взыщи Свой образ, Спасе, руце ми простирая, иже мене ради на Кресте простертыя, Матере Своея мольбы прием, Юже пучину милосердия показа, в бездне греховней обуреваемым.
Мариам девице, Госпоже Богоневестная, по волнам житейским невлажно преводиши, копием Сына Твоего во глубине змиев сокрушаеши, радость наша еси победная, слава и похвала.
Слава. Чаша спасения, зной греховный прохлаждающи, чаша премудрости, плененыи разум свобождающи, благодати Христовы мя пречюдно исполни, и небесныя Его нетленныя вечери, в будущем веце сподоби, Богородице.
И ныне. Тобою всякая скорбь утоляется, Тобою скверна греховная до конца омывается, о Тебе питием Боговидения наслаждаюся, о Тебе образ Божии паки в себе зрю, Тобою на небеса восхожу яко лествицею, приятелище Божие, небесная Царице.
Песнь 5.Ирмос. Иже от света отгнавыи первороднаго пагубу, яко во свете дела поют Тя Христе содетеля. Во свете Твоем, пути наша направи.
Нощь страстей от человек отгониши, утро прекрасное душам сияеши, Божия милосердия еси споручница, к свету жизни вечныя, стопы наша направи. (Дважды)
Слава. Заря над юдолию плача востающая, праведнаго солнца Христа являющи, Дево голубице златокрылая, славы Божия блистанием человеки украсившая, во свете лица Его, пути наша направи.
И ныне. Граде Божии избранныи и раю, праведным душам любезное пристанище, град Твой погибающии спаси преславно, на стези покаяния люди Твоя настави.
Песнь 6.Ирмос. Приидох во глубины морьския, и потопила мя есть буря, многих ми прегрешении, но яко Бог из тли, возведи живот мой, многомилостиве.
Из глубины унынии тяжких, из страстей одержания безсловеснаго, возведи мя, Пречистая Мати Божия. Корабль бо еси спасения, и душам наставница, к Единому многомилостивому.
Погружаемых злым нечювьствием, и в забвении Бога омразившихся, мертвей совести их коснися, Твоего милосердия десницею, на се бо прииде Твой, Богомати, Сын, взыскати и спасти погибшаго.
Слава. Чаше нескончаемыя радости, вино имущи безсмертия и обожения, отыми страстей смертоносное пиянство, и возведи из тли, к свету любве Исуса моего, единаго живодавца и многомилостиваго.
И ныне. Бездны зол моих посуши, Пречистая, скверну всю огнем попаляющи, всепобедною Твоею чистотою победи, премирнаго Рожества Твоего благодатию, породи и мене в чадо Богу Спасу моему, единому многомилостивому.
Кондак, глас 8.К предивной Заступнице рода християнскаго, мира всего присному упованию, ныне Русская страна с плачем припадает, и милости от Тоя просящи вопиет: спаси сыны и дщери моя от пламене погибельных страстей, забвения и помрачения, пияньственнаго безумия, блуднаго разжжения, мятежа, убийства и братоненавидения. Иныя бо надежды не имам разве Тебе, на Тя до конца уповаю, в род и род прославляю вожделенное имя Твое, радуися, благословенная Марие, радуися Невесто неневестная.
Икос. В скорбех злых помраченнаго жития, в несытьстве страстей люте изнемогая, чашу гнева Божия достойно пиюще, обретохом спасение в Тебе, Пренепорочная. От уныния бо и отчаяния возставляеши, надеждею прощения души просвещаеши, слезу покаяния подаеши, и благодатию милости Сына Твоего, сердца укрепляеши всем прибегающим Ти. Темже присно Тебе вопием и глаголем: радуися чаше вечныя жизни, радуися подательнице небесныя радости, радуися трапезо Христовы вечери, радуися Божию созданию совершение и славо, радуися Создателю пречюдныи храме, радуися Невесто неневестная.
По Евангелии, аще же на утрени, по 50-м псалме, стихера, глас 6.Руце воздеюще притецыте, колена преклоньше припадите, с верою исцеления взыщите, любовию сердечною усрящите. Входит бо в церковь земную, небесная преславная Царица, звездными лики провождаема, в солнце яко в ризу оболчена, руце грешным и смиренным простирающи, чашу спасения носящи: приступите безсмертия причаститеся, да во веки со Христом воцаритеся, обновишася бо вам земля и небо, отбеже болезнь и печаль и воздыхание.
Песнь 7.Ирмос. Не предаждь нас до конца имене Твоего ради, и не разруши завета Твоего, и не отстави милости Твоея от нас, Господи Боже отец наших, прехвальныи во веки.
Не даждь нам, Пречистая, от Тебе отступити, не даждь к богом чюждым руце воздети, но сохрани страну Русскую от всякия ереси, и православием люди Своя просвети, и на добродетели укрепи, славящих Тя во веки.
Церкви Божия преукрашенная, Святых Святая Скиние Богозданная, Новаго Завета скрижали нерушимая, таин Христовых пречистое вместилище, сохрани Церковь Сына Твоего от соблазна и ереси, и в единомыслии и мире утверди, право славити Господа Бога отец наших.
Слава. Премирнаго совета Божия исполнение, иже в земнородных образ чистоты небесныя, трапезо хлеб животныи во веки имущая, святительский и иерейский чин утверди, к познанию правды и премудрости Христовы, непорочну и мирну жертву хвалы приносити, Господу Богу отец наших.
И ныне. Чаше освящения, чаше нетления, из неяже вернии сладкого Исуса пиюще, телом и душею обожаемся пречюдно, страхом Божиим и любовию утверди священники Твоя, да достойно чашу Христову возносяще, возводят люди христоименитыя, во славу Господа Бога отец наших.
Песнь 8.Ирмос. Всяческая Владыко, премудростию составив, землю же паки утверди, якоже веси дно поставив на водах безмерных, тем вси вопием воспевающе, благословите дела Господня непрестанно Господа.
Иже всяческим содетельная, и содержительная Божия Премудрость, Слово Отчее, от ангел и всея твари хвалимое, Тобою прошед Пречистая, во всего мя человека облекается, да Божественною славою облечет вопиющия, благословите вся дела Господня Господа.
Взирающе братие на уготованное царство, слышаще звание к небесем зовущаго, твари не послужим, скверному сластолюбия кумиру, не принесем безумно пагубныя жертвы, но верою утвердившеся, с Девою Пречистою, и со всеми святыми Христу возопием, Тя Бога нашего славим, и превозносим во веки.
Слава. Иже отроки Своя древле, от пещи пламенныя спасыи, утробу же Твою пречистую сохрань, Божества огнем неопалиму, и ныне угаси греховныи пламень, чашею покаяния животныя воды, служити живу Богу неизменно, пети и превозносити Его во веки.
И ныне. От пламене искушении, неизреченная прохлада, жаждущим правды, радостное утоление, радуися человеком с Богом вселение, радуися святых нескончаемое со ангелы пение, славящих и превозносящих Господа во веки.
Песнь 9.Ирмос. Всяк земен да взыграется духом просвещаем, да ликовствует же безплотных умов естество, почитая святое торжество Божия Матере, и да поет: радуися Преблаженная Богородице Чистая Приснодево.
Всяк верныи, с нами днесь да воспевает, Матери Божии принося похвальная, победитель бо ада явися Христос, от смерти и тления на небеса вознося, православною верою Тя величающих.
Да будет ми, Пречистая, молитва Твоя, путь просвещающи в житейстем странствии, имам Тя свещник в нощи неугасим, сияние бо славы Отца небеснаго, светит людем Своим Христос, иже православною верою Тя величающим.
Кто сия, одесную Престола Славы предстоящи, Царица паче солнца облистающи, дщи человеча, Господня же Матерь, паче херувим в Тебе возвысися земнородных естество, темже вси вопием, радуися Богородице Чистая Приснодево.
Слава. Несть ми гласа, ни словесе духонасыщена, пение Тебе принести по достоянию, не вмещает ми сердце, радости и утешения еже о Тебе, прости недостойнаго раба, Марие, и чада новыя Твоею благодатию воздвигни пети, радуися Богородице Чистая Приснодево.
И ныне. Пию Тя, яко чашу пренебеснаго огня, чашу пребожественнаго царьскаго пира, радуися жизнь вечная моея души, радуися телу моему воскресение, радуися свете мой, радуися всепетая Марие, Богородице Чистая Приснодево.
Отпуст глаголи сице: Господи Исусе Христе Сыне Божии, молитв ради Пречистыя Ти Матере, честныя и славныя Ея чюдотворныя Ея иконы Никейския, нарицаемыя «Неупиваемая Чаша», яже во граде Серпухове, и всех святых, помилуй и спаси нас, яко Благ и Человеколюбец.
Канон Пречистей Владычице нашей Богородице и Приснодеве Марии, чюдотворней Ея иконе Никейской, нарицаемей «Неупиваемая Чаша», яже в Серпухове
Творение священноинока Симеона
Тропарь Пресвятей Богородице, глас 4.Граду Твоему велие заступление, и людем радостное утешение, чюдная икона Твоя даровася, Богородице Дево, о Тебе бо врата смерти сокрушаются, и неисцельныя болезни утоляются, о Тебе гордыню вражию до конца низлагаем, и верою Сыну Твоему вопием, чашею спасения напой нас Христе Боже, и державны нас воздвигни, на невидимыя и видимыя враги, молитвами Пречистыя Твоея Матере, яко всесилен. (Дважды)
Слава, и ныне. Ин тропарь, глас той же.Чашею радости и веселия истиннаго, премудростию Христа Твоего, жаждущия люди напой Богомати, да Твой ныне праздник празднуем светло, и небесною любовию горяще, иже от Тебе рожденнаго делы благими почтим, да державны нас воздвигнет, на вся соблазны и лютыя грехи, Твоею помощию и заступлением, яко всесилен.
Канон Пресвятей Богородице, глас 4.
Песнь 1.Ирмос. Пределив пучину морьскую яко Бог, и фараона погружь в ней, провед Моисея немокренно в пустыню, и одождивыи манну на пищу людем израилевым, яко силен.
Запев: Пресвятая Госпоже Богородице, услыши молитву раб Своих, молящихся Тебе.
Пределивыи дланию адову пучину, и человеческий род из истления свобождь, напой мя, Спасе, Премудрости чашею, и одожди ми росу благодати Твоея, Пречистую Матерь Твою воспети дерзновенно.
Премудрость Отчая, утверждающая мир, в Деве создав Себе премирное жилище, на трапезу безсмертия созывает люди, спасения чашею вино почерпая, оставление грехов и жизнь бесконечную.
Слава. Тело Твое, Господи, да будет ми хлеб животныи, и кровь Твоя честная нетления источник, святая Церкви Твоя, тайная ми трапеза, чаша же оставления грехов, Пречистая Владычица.
И ныне. От неплодныя Анны, лоза Богоносная прозябши, виноград безсмертия мирови принесши, небесная Владычица, Мариам преславная, ангельскими лики присно да поется.
Катавасия. Спаси от бед рабы Своя, Богородице Дево, яко вси по Бозе к Тебе прибегаем, яко к нерушимей стене и заступлению (поклон). Господи, помилуй (трижды, с поклонами).
Песнь 3.Ирмос. С высоты сниде волею на землю, иже превыше всякия власти, и смиренныя вознесе, из рова преисподняго, рода человеча. Несть бо пресвята, паче Тебе, Господи.
Небесных круг Божеством не оставль, смирився младенчески, во Твою утробу вселися, да наше смирение вознесет, из адовы утробы род человечь, Тобою, Владычице, приобщився естеству нашему.
Радуися от ангела в зачатии слышавши, радуися от Елисавети в дусе приемшая, и мене возрадуй чашею веселия, разум мой к горней любви восхищающи, несть бо иныя радости, паче сея, Владычице.
Слава. Мучительство вражие до конца упразднися, прежде бо немощнии силою препоясуются, мужества чашею от Тебе напояеми, Тобою, Богомати, державно укрепляеми, возбранную Тя имуще воеводу, воспевают и поют, несть бо Пресвята, разве Бога нашего.
И ныне. Воздвизая от земли нища, и от гноища возводя убога, возносит человека Твой, Богомати, Сын, на Престоле Вышния Славы посаждая, венцем веселия облекая, чаши божественныя радости во веки творя причастника.
Седален, глас 8. Подобен: Повеленное таиньство.Превечныи совет человеколюбно исполняя, в плоть человечю Слово Божие вселися, Тобою браку неискусная Дево, небесы невместимую силу Божества, в Пречистую Ти утробу паче естества излияв Себе, истинную Тя чашу обожения показа, нам грешным рабом Твоим, да Твоею благодатию просвещаеми вопием Ти: радуися, Невесто неневестная.
Песнь 4.Ирмос. Любве ради щедре Своего Си образа, на Кресте Своем стоя, и растаяшася языцы, Ты бо еси Бог мой, крепость моя и похвала.
Егда смутится душа моя во гневе, егда погрязну во глубине погибели, взыщи Свой образ, Спасе, руце ми простирая, иже мене ради на Кресте простертыя, Матере Своея мольбы прием, Юже пучину милосердия показа, в бездне греховней обуреваемым.
Мариам девице, Госпоже Богоневестная, по волнам житейским невлажно преводиши, копием Сына Твоего во глубине змиев сокрушаеши, радость наша еси победная, слава и похвала.
Слава. Чаша спасения, зной греховный прохлаждающи, чаша премудрости, плененыи разум свобождающи, благодати Христовы мя пречюдно исполни, и небесныя Его нетленныя вечери, в будущем веце сподоби, Богородице.
И ныне. Тобою всякая скорбь утоляется, Тобою скверна греховная до конца омывается, о Тебе питием Боговидения наслаждаюся, о Тебе образ Божии паки в себе зрю, Тобою на небеса восхожу яко лествицею, приятелище Божие, небесная Царице.
Песнь 5.Ирмос. Иже от света отгнавыи первороднаго пагубу, яко во свете дела поют Тя Христе содетеля. Во свете Твоем, пути наша направи.
Нощь страстей от человек отгониши, утро прекрасное душам сияеши, Божия милосердия еси споручница, к свету жизни вечныя, стопы наша направи. (Дважды)
Слава. Заря над юдолию плача востающая, праведнаго солнца Христа являющи, Дево голубице златокрылая, славы Божия блистанием человеки украсившая, во свете лица Его, пути наша направи.
И ныне. Граде Божии избранныи и раю, праведным душам любезное пристанище, град Твой погибающии спаси преславно, на стези покаяния люди Твоя настави.
Песнь 6.Ирмос. Приидох во глубины морьския, и потопила мя есть буря, многих ми прегрешении, но яко Бог из тли, возведи живот мой, многомилостиве.
Из глубины унынии тяжких, из страстей одержания безсловеснаго, возведи мя, Пречистая Мати Божия. Корабль бо еси спасения, и душам наставница, к Единому многомилостивому.
Погружаемых злым нечювьствием, и в забвении Бога омразившихся, мертвей совести их коснися, Твоего милосердия десницею, на се бо прииде Твой, Богомати, Сын, взыскати и спасти погибшаго.
Слава. Чаше нескончаемыя радости, вино имущи безсмертия и обожения, отыми страстей смертоносное пиянство, и возведи из тли, к свету любве Исуса моего, единаго живодавца и многомилостиваго.
И ныне. Бездны зол моих посуши, Пречистая, скверну всю огнем попаляющи, всепобедною Твоею чистотою победи, премирнаго Рожества Твоего благодатию, породи и мене в чадо Богу Спасу моему, единому многомилостивому.
Кондак, глас 8.К предивной Заступнице рода християнскаго, мира всего присному упованию, ныне Русская страна с плачем припадает, и милости от Тоя просящи вопиет: спаси сыны и дщери моя от пламене погибельных страстей, забвения и помрачения, пияньственнаго безумия, блуднаго разжжения, мятежа, убийства и братоненавидения. Иныя бо надежды не имам разве Тебе, на Тя до конца уповаю, в род и род прославляю вожделенное имя Твое, радуися, благословенная Марие, радуися Невесто неневестная.
Икос. В скорбех злых помраченнаго жития, в несытьстве страстей люте изнемогая, чашу гнева Божия достойно пиюще, обретохом спасение в Тебе, Пренепорочная. От уныния бо и отчаяния возставляеши, надеждею прощения души просвещаеши, слезу покаяния подаеши, и благодатию милости Сына Твоего, сердца укрепляеши всем прибегающим Ти. Темже присно Тебе вопием и глаголем: радуися чаше вечныя жизни, радуися подательнице небесныя радости, радуися трапезо Христовы вечери, радуися Божию созданию совершение и славо, радуися Создателю пречюдныи храме, радуися Невесто неневестная.
По Евангелии, аще же на утрени, по 50-м псалме, стихера, глас 6.Руце воздеюще притецыте, колена преклоньше припадите, с верою исцеления взыщите, любовию сердечною усрящите. Входит бо в церковь земную, небесная преславная Царица, звездными лики провождаема, в солнце яко в ризу оболчена, руце грешным и смиренным простирающи, чашу спасения носящи: приступите безсмертия причаститеся, да во веки со Христом воцаритеся, обновишася бо вам земля и небо, отбеже болезнь и печаль и воздыхание.
Песнь 7.Ирмос. Не предаждь нас до конца имене Твоего ради, и не разруши завета Твоего, и не отстави милости Твоея от нас, Господи Боже отец наших, прехвальныи во веки.
Не даждь нам, Пречистая, от Тебе отступити, не даждь к богом чюждым руце воздети, но сохрани страну Русскую от всякия ереси, и православием люди Своя просвети, и на добродетели укрепи, славящих Тя во веки.
Церкви Божия преукрашенная, Святых Святая Скиние Богозданная, Новаго Завета скрижали нерушимая, таин Христовых пречистое вместилище, сохрани Церковь Сына Твоего от соблазна и ереси, и в единомыслии и мире утверди, право славити Господа Бога отец наших.
Слава. Премирнаго совета Божия исполнение, иже в земнородных образ чистоты небесныя, трапезо хлеб животныи во веки имущая, святительский и иерейский чин утверди, к познанию правды и премудрости Христовы, непорочну и мирну жертву хвалы приносити, Господу Богу отец наших.
И ныне. Чаше освящения, чаше нетления, из неяже вернии сладкого Исуса пиюще, телом и душею обожаемся пречюдно, страхом Божиим и любовию утверди священники Твоя, да достойно чашу Христову возносяще, возводят люди христоименитыя, во славу Господа Бога отец наших.
Песнь 8.Ирмос. Всяческая Владыко, премудростию составив, землю же паки утверди, якоже веси дно поставив на водах безмерных, тем вси вопием воспевающе, благословите дела Господня непрестанно Господа.
Иже всяческим содетельная, и содержительная Божия Премудрость, Слово Отчее, от ангел и всея твари хвалимое, Тобою прошед Пречистая, во всего мя человека облекается, да Божественною славою облечет вопиющия, благословите вся дела Господня Господа.
Взирающе братие на уготованное царство, слышаще звание к небесем зовущаго, твари не послужим, скверному сластолюбия кумиру, не принесем безумно пагубныя жертвы, но верою утвердившеся, с Девою Пречистою, и со всеми святыми Христу возопием, Тя Бога нашего славим, и превозносим во веки.
Слава. Иже отроки Своя древле, от пещи пламенныя спасыи, утробу же Твою пречистую сохрань, Божества огнем неопалиму, и ныне угаси греховныи пламень, чашею покаяния животныя воды, служити живу Богу неизменно, пети и превозносити Его во веки.
И ныне. От пламене искушении, неизреченная прохлада, жаждущим правды, радостное утоление, радуися человеком с Богом вселение, радуися святых нескончаемое со ангелы пение, славящих и превозносящих Господа во веки.
Песнь 9.Ирмос. Всяк земен да взыграется духом просвещаем, да ликовствует же безплотных умов естество, почитая святое торжество Божия Матере, и да поет: радуися Преблаженная Богородице Чистая Приснодево.
Всяк верныи, с нами днесь да воспевает, Матери Божии принося похвальная, победитель бо ада явися Христос, от смерти и тления на небеса вознося, православною верою Тя величающих.
Да будет ми, Пречистая, молитва Твоя, путь просвещающи в житейстем странствии, имам Тя свещник в нощи неугасим, сияние бо славы Отца небеснаго, светит людем Своим Христос, иже православною верою Тя величающим.
Кто сия, одесную Престола Славы предстоящи, Царица паче солнца облистающи, дщи человеча, Господня же Матерь, паче херувим в Тебе возвысися земнородных естество, темже вси вопием, радуися Богородице Чистая Приснодево.
Слава. Несть ми гласа, ни словесе духонасыщена, пение Тебе принести по достоянию, не вмещает ми сердце, радости и утешения еже о Тебе, прости недостойнаго раба, Марие, и чада новыя Твоею благодатию воздвигни пети, радуися Богородице Чистая Приснодево.
И ныне. Пию Тя, яко чашу пренебеснаго огня, чашу пребожественнаго царьскаго пира, радуися жизнь вечная моея души, радуися телу моему воскресение, радуися свете мой, радуися всепетая Марие, Богородице Чистая Приснодево.
Отпуст глаголи сице: Господи Исусе Христе Сыне Божии, молитв ради Пречистыя Ти Матере, честныя и славныя Ея чюдотворныя Ея иконы Никейския, нарицаемыя «Неупиваемая Чаша», яже во граде Серпухове, и всех святых, помилуй и спаси нас, яко Благ и Человеколюбец.