Акафист священномученику Онуфрию, архиепископу Курскому
С разрешения автора выкладываю в «Уставные заметки» акафист святому священномученику Онуфрию (Гагалюку), архиепископу Курскому и Обоянскому (†1938, память 19 мая). Акафист составлен иеромонахом Дамаскином (Лесниковым), клириком Амурской епархии (Приамурская митрополия); воспроизводится по авторской машинописи. Свщмч. Онуфрий был расстрелян в г. Благовещенске, входившем в то время в состав Хабаровского края, поэтому в Приамурской митрополии святитель почитается как один из небесных покровителей.
Акафист священномученику Онуфрию (Гагалюку), Небесному покровителю Хабаровския земли
Творение священноинока Дамаскина
Кондак 1Избранному от младенства Христу Богу послужити достойно, / и поставленному в Церкви Его святей славити имя Святыя Троицы, / подражателю духоносного пустынного жития, / ревнителю мучеником древним усерднейшему, / святому архиерею Онуфрию, Богомудрому и Богопросвещенному, / достодолжными песньми взываем сице: / Радуйся, священномучениче Онуфрие, земли Хабаровския всемощный покровителю и изрядный к Богу молитвенниче.
Икос 1Ангели зряще дивную крепость новомученика удивишася, и престолу Божию предстояще с лики святых мученик Церкви вселенския, воспевают Господу песнь победную радостно. Нас же сими небесными пении привлекающе к оному прославлению и молитве, да возвеличим новаго мученика Российскаго, живот свой за веру и Отечество положшаго и веру святую православную до конца жития своего ревностно соблюдшаго. Мы же с сими ангельскими чинми воспоим прилежно таковая:
Радуйся, измлада Богом избранный;
радуйся, и в юности любовь к Богу сохранивый.
Радуйся, богословию древнему и новому прилежавый;
радуйся, наученный не токмо учители человеческими, но и Учителем небесным.
Радуйся, чрез болезнь смертную призванный к монашескому житию;
радуйся, чрез призвание сие Богом исцеленный.
Радуйся, многомощною молитвою преподобнаго Онуфрия Великого спасенный;
радуйся, сею молитвою к нераздельному служению Церкви привлеченный.
Радуйся, прилоги и козни сатанинския отразителю;
радуйся, и нас с нечистыми духи брани искусныя богомудрый научителю.
Радуйся, путь истинный к Богу в трудех своих указующий;
радуйся, и нас на сем пути богомудро испытующий.
Радуйся, священномучениче Онуфрие, земли Хабаровския всемощный покровителю и изрядный к Богу молитвенниче.
Кондак 2Видя непреложное о себе обетование Божие, епископом Церкви Христовы быти, еще в младости лет матери своей покровительство предзревый и неложно его в грядущих летех явивый, к иноческому житию родительницу свою уготовавый и пострижение ея во еже есть мантия совершивый. К сему множество пострижениц богозванных у мира лукавого исхитивый, ныне и нас к горнему званию уготовляющий молитвами своими к Богу: Аллилуиа.
Икос 2Разума Божественного усердный стяжателю, святый новомучениче Онуфрие, данный ти Господом талант зело преумноживый и богословия ревнителя себе миру, во гресех погружаемому, показавый. Словом врачуя страсти душевная же и телесная, аки премудрый искатель словеснаго жемчуга миру безумному себе явивый. Мы же, богословием твоим упасеннии и насыщеннии, аки овцы духовнии стада твоего, благодарно взываем ти таковая:
Радуйся, пастырю наш милостивый и кроткий;
радуйся, отче наш богомудрый и вселюбимый.
Радуйся, писаньми твоими слово целебное душам верных на веки вечныя оставивый;
радуйся, проповедию твоею, писмены запечатленною, мир и люди твоя освятивый.
Радуйся, брату своему кровному Андрею спасение от смерти Крестом Христа Бога предсказавый;
радуйся, и сего чрез Крест Христов к Богу обративый.
Радуйся, чрез обращение таковое письмены твоя богомудрыя брату сохранити повелевый;
радуйся, словом своим и нам чудесы велия изъявивый.
Радуйся, пламенных проповедников образе;
радуйся, мученик новых глашатаю.
Радуйся, заповеди Христовы присным и дальним изъяснивый;
радуйся, по сим заповедем во всем житии твоем пред Богом ходивый.
Радуйся, священномучениче Онуфрие, земли Хабаровския всемощный покровителю и изрядный к Богу молитвенниче.
Кондак 3Сила Божия, всегда немощная врачующе и оскудевающая восполняюще, нисхождаше на тя, пастырю и архиерею Божий, егда вся спира богоборец лукавых страну нашу погубити тщашася. Сего ради не убояся мучителей безбожных, род христианский Святой Руси умертвити хотящих. Вкупе же со инеми исповедники веры на стражу и защищение Церкви нашея притекший, в гонениих же, мучениих и злоключениих от богоборец и еретик бывших к Богу вопиял еси: Аллилуиа.
Икос 3Имея серафимскую любовь ко Господу твоему, подражателю древних и новых отец был еси. В мирстем чине Антонием наименованный, Антонию Великому в созерцании и доброделании подражал еси. В монашестем же чине Онуфрием нареченный, Афонскому пустыннику Онуфрию в нестяжании и чистей молитве возревновал еси. Богословцем устремляяся быти, святому епископу Феофану Затворнику стараньми изрядными в слове, писании и житии уподоблялся еси. Мы же, видя сии подвиги и труды твоя, с верою взываем ти таковая:
Радуйся, учителю наш, благодатию преисполненный;
радуйся, и до ныне мир сей ученьми твоими преиспещренный.
Радуйся, не токмо словом, но и житием твоим концы земли удививый;
радуйся, в темничных узех и горьких работех себе терпеливца безроптива явивый.
Радуйся, со инеми святии иерарси и богословцы мучения претерпевый;
радуйся, радость велию неотыменную сими мученьми стяжавый.
Радуйся, мучители твоя на тя распыхахуся ликом светлейшим твоим устрашивый;
радуйся, разбойницы и убийцы, ликом сим сияющим к покаянию призвавый.
Радуйся, ратоборец на нечистыя страсти себе уставивый;
радуйся, и нас в пост противу всякаго зла, яко стражей души поставивый.
Радуйся, блудники и прелюбодейцы к Богу обративый;
радуйся, и нас во гресех наших каятися неложно научивый.
Радуйся, священномучениче Онуфрие, земли Хабаровския всемощный покровителю и изрядный к Богу молитвенниче.
Кондак 4Бурю внутрь имея помышлений сумнительных, како простит и помилует Бог землю Русскую и люди Своя, веру Христову попраша и ко идолем обратишася, наипаче же иерарси и пастырие, яже чистоту правоверия оставиша и паству свою напрасно мучителем предаша. Ты же, яко пастырю добрый и рабе верный, с новомученики земли нашея воспел еси Богу: Аллилуиа.
Икос 4Слышаша и видеша скорби многи и злы паствы твоея, ревностный поборник и защититель людей твоих явился еси, ко еретики и отступники взывавый, начальники же безбожныя обличавый. Но яко адаманта Соломонова твердейший и стали Дамасковы крепчайший, призвал еси люди твоя пети тебе, взывая сице:
Радуйся, душу и тело за други твоя положивый;
радуйся, денно и нощно за враги твоя Бога моливый.
Радуйся, писаньми твоими Слово Божие изъяснивый;
радуйся, иконы твоими храмы Божия украсивый.
Радуйся, глад, нищету и болезни благодарне терпевый;
радуйся, и самыя жизни отъятие с благодарением приявый.
Радуйся, бедных и гладных небесный питателю;
радуйся, матерей и чад их от скорбей избавителю.
Радуйся, во гресех пребывающих Божий печальниче;
радуйся, чающих спасения от грехов священный заступниче.
Радуйся, миру христианскому доброе утешение;
радуйся, людем дальневосточным верное охранение.
Радуйся, священномучениче Онуфрие, земли Хабаровския всемощный покровителю и изрядный к Богу молитвенниче.
Кондак 5Богосветлое светило, миру явленное, поставлен бысть в Киеве граде во архиерея Божия во дни лютых гонений и бед, не убоявся служения сего страшнаго и преславного. Мантию восприим владычню яко хитон Христов нешвенный, омофор прияше яко пастырь овчате горохищного заблудшаго, жезл вземше, яко посох благовестия апостольскаго. Токмо седмицу едину в сане епископстем служити сподобивыйся, безбожными стражи заключенный в темницу лютую. Мы же взирающе на стояние твое неколеблемо в вере православней, вопием Богу и Спасителю нашему: Аллилуиа.
Икос 5Видевше ангели Божии пленение твое от зверонравных и удивишася, како любовию к соузникам твоим в темнице исполненный. Послужив тамо ближним твоим, раны духовныя врачуя и оскудевающия верою восполняя. Мы же зряще смирение твое и милосердие, восхваляем тя немолчно песньми таковыми:
Радуйся, страданием за Христа прославленный;
радуйся, яко и Крымский исповедниче Луко страдание возлюбивый.
Радуйся, яко пророка Божия многия словеса твоя исполнишася;
радуйся, православнии людие за сии прозрения твоя тя прославиша.
Радуйся, от скверны безбожных деяний храм Святыя Троицы молитвами твоими избавивый;
радуйся, храми мнози Святыя Руси на земли служением твоим равноангельным небесы соделавый.
Радуйся, яко убийцы твоя в темницах злобою дышуща ничтоже по слову твоему возмогоша устроити.
Радуйся, разбойника на тя с секирою пришедшаго облобызавый и во Христа Бога привлекий уверовати;
радуйся, людие мнозии благословением твоим от тяжких болезней свободивый;
радуйся, и нам богатныя чудесы исцелений по прославлении твоем даровавый.
Радуйся, наша прошения к тебе неложно исполняющий;
радуйся, наша молитвы к Богу чудесно возводящий.
Радуйся, священномучениче Онуфрие, земли Хабаровския всемощный покровителю и изрядный к Богу молитвенниче.
Кондак 6Проповедника избранного веры Христовы, тя величаем святый Онуфрие богопросвещенне. Не токмо словесы, но и писаньми твоими красоту истины миру явивый и торжество Православия всем показавый. По градех и весех земли нашея путь мученический прошедый и веровати нас не токмо сердцем, но и деяньми научивый. Покровителем градов богоспасаемых Елизаветграда, Криваго Рога, Харькова, Одессы, Стараго Оскола, Курска, Красноярска, Тюмени, Тобольска, а в последния дни и Хабаровскаго края явился еси, всеблаженне. Мы же видя апостольския труды твоя и болезни, взываем к Богу: Аллилуиа.
Икос 6Возсиял еси яко солнце ярчайшее в земли нашей, Онуфрие, светлостию души твоея и лика твоего неверие разоряя. К Церкви законней еретики и раскольники привлекл еси, верныя же люди в православии укрепляя. Гонения лютыя ни во что же вменил еси, путь мучений до конца одолевая. Мы же таковому дерзновению твоему дивящеся зовем немолчно:
Радуйся, к посту православному не токмо в пищи и питии, но и яко стоянию в духовней стражи от всякого зла нас подвигнувый;
радуйся, молитве ко Христу Богу не токмо усты, но и яко водительству Божиему в житии нас научивый.
Радуйся, женскую лесть яко Исаак целомудренный отразивый;
радуйся, блудную страсть яко Даниил в рове со скимнами укротивый.
Радуйся, пустыннику земли афонстей Онуфрию ревностный подражателю;
радуйся, древних мученик пламенный последователю.
Радуйся, новых свидетелей Церкви Христовы сподвижниче;
радуйся, невинных страдальцев за Церковь Христову сотаинниче.
Радуйся, светлостию лика своего безбожныя удививый;
радуйся, духовною сладостию речей своих неведущия Бога просветивый.
Радуйся, новый бессребренниче мир победивый;
радуйся, имение свое во имя Христа истощивый.
Радуйся, священномучениче Онуфрие, земли Хабаровския всемощный покровителю и изрядный к Богу молитвенниче.
Кондак 7Ходатай пред Богом за человеки явился еси во времена тяжкая, на кийждо бо день молился еси Владыце Христу, да сохранит люди Своя от губительства безбожных. Вкупе же с тобою в храмех Божиих и людие мнози молящеся и кающеся, да помилует Бог землю Русскую, вопиюще Ему: Аллилуиа.
Икос 7Новыя гонения воздвигоша демони на Церковь Русскую, избра тя Господь от земли Холмския и Санкт-Петербургския на проповедь Божия Слова, да противостанеши ересем и расколом, а наипаче безбожным мучителем народа нашего. Во иночестве и священнодействии укрепляемь, от Господа и Ангелов похваляемь, и святым Онуфрием Великим покрываем, гонителей не убоялся еси, святителю. Мы же за таковое твое величие взываем ти сице:
Радуйся, великаго Онуфрия научению свыше внимавый;
радуйся, и от его благодати в постриге иночестем почерпавый.
Радуйся, бедным и крова лишенным неленостно послуживый;
радуйся, их Тайнами Христовыми причастивый.
Радуйся, преподобного Серафима благоговейный почитателю;
радуйся, блаженныя Ксении смиренный молитвенниче.
Радуйся, во святей Херсонстей земли послуживый;
радуйся, тамо чудесы Божии восприимый.
Радуйся, матери своея сыне добрый и послушливый;
радуйся, ея от отчаяния и самогубства молитвами твоими избавивый.
Радуйся, во отчаянии сущих небесный покровителю;
радуйся, в грех самогубства углебающих скорый спасителю.
Радуйся, священномучениче Онуфрие, земли Хабаровския всемощный покровителю и изрядный к Богу молитвенниче.
Кондак 8Странно бе видети тя в рубищи, гладе и болезнех, священномучениче Онуфрие, вместо одеяний и довольств архиерейстих, и в истязаниих лютых от безбожных враг. Но радости и отрады духовныя от Господа не отлучивыйся, Сам же Господь утешаше тя, достоблаженне. Мы же, зряще о тебе таковое попечение Спасителево, с радостию воспеваем Ему: Аллилуиа.
Икос 8Весь быв любве ко Господу и святым Его исполненный, поношения и гонения не убоялся еси, но на путь исповедания веры со дерзновением восшел еси. Ненавидящии же веру православную и служителей ея днем и нощию тя стрежаху и пышуще злобой искаху, да погубят тя нагло. Мы же ужасающеся велией крепости духа твоего, поем ти таковая:
Радуйся, радостию благодатною во иночестве облагоуханный;
радуйся, сею радостию ко бранем противу супостат призванный.
Радуйся, мир, долготерпение и кротость Христову стяжавший;
радуйся, жестосердие, гнев и нечистоту силой Христовой поправший.
Радуйся, от разбойников и убийц чудесно избавленный;
радуйся, на покаяние разбойничо Господом в молитве наставленный.
Радуйся, добрейшаго служения нежели пастырскаго и архиерейскаго не познавый;
радуйся, в сем служении усердие апостольское и мученическое стяжавый.
Радуйся, с проповедию твоею во вся концы Церкве Православныя прошедый;
радуйся, драхм драгоценных мириады бесчисленныя в пути сем нашедый.
Радуйся, волю Божию непрестанно искавый и обретый;
радуйся, и нас ко исполнению воли сея неустанно зовый.
Радуйся, священномучениче Онуфрие, земли Хабаровския всемощный покровителю и изрядный к Богу молитвенниче.
Кондак 9Вся лета живота твоего Господеви моляся, богоискателю святый Онуфрие, крестоношение и злострадание приемше. Молитвою же и пощением и трудами твоими кротость и миролюбие стяжал еси, власти же Диоклетиановыя лютейши смиренно терпел еси. Мы же, видя таковое злострадание и долготерпение твое, взываем милосердому Богу: Аллилуиа.
Икос 9Вития чудный среди гонений явился еси Церкви Православней, с апостолом Павлом взывал еси: "Горе мне аще не благовествую". Словом твоим благодатным неверныя к вере привлекл еси, и безбожныя к Богу обратил еси. Мы же славяще таковыя труды твоя и болезни вопием ти:
Радуйся, иго Христово от самыя юности кротко понесый;
радуйся, бремя Христово до самыя смерти не отвергий.
Радуйся, грешных сомолитвенниче преславный;
радуйся, праведных соработниче преусердный.
Радуйся, в темницех заточенных тихая крепосте;
радуйся, на одрех болезней пребывающих светлая радосте.
Радуйся, за скорби и гонения Господа возблагодаривый;
радуйся, за раны и болезни Христа возлюбивый.
Радуйся, скорбящих молитвы скоро приемлющий;
радуйся, болящих раны и язвы быстро врачующий.
Радуйся, края нашего надежда и утешение;
радуйся, области нашея чудное прозябение.
Радуйся, священномучениче Онуфрие, земли Хабаровския всемощный покровителю и изрядный к Богу молитвенниче.
Кондак 10Спасителя Бога верный избранниче, святителю отче Онуфрие, путю спасительному паству твою научивый и противу козней бесовских возстати повелевый, изшел еси бесстрашно на крест Голгофский. Яко Спаситель твой пострадал еси даже до крове и яко Бог твой вознеслся еси от земли на небо. Мы же прославляюще прославление твое поем Христу Спасителю нашему: Аллилуиа.
Икос 10Стена нерушимая веры православныя, Онуфрие досточудне, во градех и весех земли нашея просветился еси. Служением дерзновенным подобен Павлу апостолу явился еси: люди неведующия Бога научая, верным же путь спасения указуя, писаньми твоими, богодухновенне, весь мир облистал еси. Мы же радующеся тебе зовем немолчно:
Радуйся, Елисаветграда дивная радосте;
радуйся, Криваго Рога духовная сладосте.
Радуйся, Одессы чудное украшение;
радуйся, Харькова верное укрепление.
Радуйся, Тобольска святое сияние;
радуйся, Тюмени молитвенное стояние.
Радуйся, Оскола Древняго умиление;
радуйся, Белограда и Курска увеселение.
Радуйся, Красноярска благодатное посещение;
радуйся, Кудымкара духовное озарение.
Радуйся, края Хабаровскаго мученическое прозябение;
радуйся, всего Дальняго Востока велие прославление.
Радуйся, священномучениче Онуфрие, земли Хабаровския всемощный покровителю и изрядный к Богу молитвенниче.
Кондак 11Пение ангельское слышаше, любомудре, егда еще в юности болезнь тяжкую посла ти Господь для спасения. И яко преподобному Серафиму прииде ти исцеление благодатное. Сего ради познавше святую волю Божию, да послужиши Христу и Церкве Его нераздельне до смерти, смерти же крестныя. Видяще таковое серафимское служение твое, Богу воспоим: Аллилуиа.
Икос 11Свещею горящею посреде мира безбожнаго поставлен быв, Онуфрие, да просветиши всяческая. Радости мирския отверглся еси, радости же Божественныя прилепился еси. Триединаго Бога возлюбил еси душею твоею, и мысльми, и всем житием твоим. Бог же, яко к возлюбленному Своему, прииде к тебе и обитель сотвори в души твоей, место вселения Своего тамо содела по словеси Своему. Мы же с любовию радостно поем тебе, преподобне:
Радуйся, Отца Небеснаго сыне возлюбленный;
радуйся, волю Его до конца исполнивый.
Радуйся, Божия Сына верный апостоле;
радуйся, Церкве Его земный ангеле.
Радуйся, Духа Святаго вместилище;
радуйся, Духом Святым претерпевый узилища.
Радуйся, наше Богу Отцу предстояние;
радуйся, Хлеба насущнаго от Него раздаяние.
Радуйся, Христа даже до смерти послушниче;
радуйся, христиан во всем мире споспешниче.
Радуйся, даров Духа Святаго носителю;
радуйся, о церквах Божиих святый попечителю.
Радуйся, священномучениче Онуфрие, земли Хабаровския всемощный покровителю и изрядный к Богу молитвенниче.
Кондак 12Божественная благодать излияся обильно от икон твоих, новомучениче Онуфрие, слышиши бо прошения и точиши обильно исцеления. Мы же предстояще пред иконою твоею, молимтися усердно: буди нам в скорбех помощниче, в болезнех заступниче, веры утверждение, душ увеселение, да прославим и мы, грешнии, с собором новомученик и исповедник земли Русския о тебе славимаго Бога: Аллилуиа.
Икос 12Поюще непрестанно на земли Божественныя щедроты Владычни, смиренно просим тя, святый Онуфрие, яко сподобльшагося даров небесных и нетленных: в Царствии Божии предстоиши пред Лицы Святыя Троицы, предстательствуй за нас в молитвах своих к Богу, да ходатайствы твоими услышими будем и да кровьми твоими от грехов наших оправдани явимся. И ныне в покаянии склоняюще выя сердец наших, умиленно поем ти:
Радуйся, святителю чудный и медоточный;
радуйся, пастырю добрый и светлозрачный.
Радуйся, ересей и расколов врачевателю;
радуйся, болящих грехами целителю.
Радуйся, жезл правости святительския;
радуйся, меч проповеди апостольския.
Радуйся, младенцев небесное попечение;
радуйся, юных кроткое вразумление.
Радуйся, иночества велие украшение;
радуйся, супружества доброе назидание.
Радуйся, немощных в старости укрепление;
радуйся, всех верных к вечности уготовление.
Радуйся, священномучениче Онуфрие, земли Хабаровския всемощный покровителю и изрядный к Богу молитвенниче.
Кондак 13О, святый священномучениче Онуфрие, мира христианского похвало и Церкве православныя утверждение! Услыши пение сие наше похвальное и благослови ны. Вкупе же с новомученики и исповедники земли нашея, моли всемилостиваго Бога, да наставит ны в заповедех Своих, да покрыет ны от всякия скорби, зол и болезней, а наипаче от душетленных грехов, ересей и расколов свободит ны. Буди нам пастырю добрый и неусыпный, страсти наша врачующий и болезни наша исцеляющий. Мы же славяще Торжество Православия, в соборе новомученик Церкви явленное, с ними вопием Богу: Аллилуиа.
МолитваО, всеблаженный и кроткий исповедниче, святителю и новомучениче Онуфрие! Услыши сие малое моление наше, с верою и любовию тебе ныне возносимое, призри на житейския скорби наша, помози в нуждах наших и прошениих, исцели болезни наша телесныя же и душевныя! Яко истинный воин Христа Бога, побори борющия ны силы бесовския, яко светильник, Господом на свещнице поставленный, освяти путь жития нашего, яко пастырь великий и милостивый, прости нам прегрешения наша. Просим тя прилежно: умоли всемилостиваго Бога, да не разлучит ны от Себе грех ради наших и да не помянет беззаконий наших первых, но по милости Своей да предварит ны во Царствии Своем, яко Отец чада заблудшия! О, святый Онуфрие досточудне, буди нам ходатаю пред Богом верный и праведный, да ходатайством твоим внидем в радость Господа Иисуса со всеми новыми мученики и исповедники земли нашея, славящими Всесвятую Троицу всегда, ныне и присно, и во веки веков. Аминь.
Акафист священномученику Онуфрию (Гагалюку), Небесному покровителю Хабаровския земли
Творение священноинока Дамаскина
Кондак 1Избранному от младенства Христу Богу послужити достойно, / и поставленному в Церкви Его святей славити имя Святыя Троицы, / подражателю духоносного пустынного жития, / ревнителю мучеником древним усерднейшему, / святому архиерею Онуфрию, Богомудрому и Богопросвещенному, / достодолжными песньми взываем сице: / Радуйся, священномучениче Онуфрие, земли Хабаровския всемощный покровителю и изрядный к Богу молитвенниче.
Икос 1Ангели зряще дивную крепость новомученика удивишася, и престолу Божию предстояще с лики святых мученик Церкви вселенския, воспевают Господу песнь победную радостно. Нас же сими небесными пении привлекающе к оному прославлению и молитве, да возвеличим новаго мученика Российскаго, живот свой за веру и Отечество положшаго и веру святую православную до конца жития своего ревностно соблюдшаго. Мы же с сими ангельскими чинми воспоим прилежно таковая:
Радуйся, измлада Богом избранный;
радуйся, и в юности любовь к Богу сохранивый.
Радуйся, богословию древнему и новому прилежавый;
радуйся, наученный не токмо учители человеческими, но и Учителем небесным.
Радуйся, чрез болезнь смертную призванный к монашескому житию;
радуйся, чрез призвание сие Богом исцеленный.
Радуйся, многомощною молитвою преподобнаго Онуфрия Великого спасенный;
радуйся, сею молитвою к нераздельному служению Церкви привлеченный.
Радуйся, прилоги и козни сатанинския отразителю;
радуйся, и нас с нечистыми духи брани искусныя богомудрый научителю.
Радуйся, путь истинный к Богу в трудех своих указующий;
радуйся, и нас на сем пути богомудро испытующий.
Радуйся, священномучениче Онуфрие, земли Хабаровския всемощный покровителю и изрядный к Богу молитвенниче.
Кондак 2Видя непреложное о себе обетование Божие, епископом Церкви Христовы быти, еще в младости лет матери своей покровительство предзревый и неложно его в грядущих летех явивый, к иноческому житию родительницу свою уготовавый и пострижение ея во еже есть мантия совершивый. К сему множество пострижениц богозванных у мира лукавого исхитивый, ныне и нас к горнему званию уготовляющий молитвами своими к Богу: Аллилуиа.
Икос 2Разума Божественного усердный стяжателю, святый новомучениче Онуфрие, данный ти Господом талант зело преумноживый и богословия ревнителя себе миру, во гресех погружаемому, показавый. Словом врачуя страсти душевная же и телесная, аки премудрый искатель словеснаго жемчуга миру безумному себе явивый. Мы же, богословием твоим упасеннии и насыщеннии, аки овцы духовнии стада твоего, благодарно взываем ти таковая:
Радуйся, пастырю наш милостивый и кроткий;
радуйся, отче наш богомудрый и вселюбимый.
Радуйся, писаньми твоими слово целебное душам верных на веки вечныя оставивый;
радуйся, проповедию твоею, писмены запечатленною, мир и люди твоя освятивый.
Радуйся, брату своему кровному Андрею спасение от смерти Крестом Христа Бога предсказавый;
радуйся, и сего чрез Крест Христов к Богу обративый.
Радуйся, чрез обращение таковое письмены твоя богомудрыя брату сохранити повелевый;
радуйся, словом своим и нам чудесы велия изъявивый.
Радуйся, пламенных проповедников образе;
радуйся, мученик новых глашатаю.
Радуйся, заповеди Христовы присным и дальним изъяснивый;
радуйся, по сим заповедем во всем житии твоем пред Богом ходивый.
Радуйся, священномучениче Онуфрие, земли Хабаровския всемощный покровителю и изрядный к Богу молитвенниче.
Кондак 3Сила Божия, всегда немощная врачующе и оскудевающая восполняюще, нисхождаше на тя, пастырю и архиерею Божий, егда вся спира богоборец лукавых страну нашу погубити тщашася. Сего ради не убояся мучителей безбожных, род христианский Святой Руси умертвити хотящих. Вкупе же со инеми исповедники веры на стражу и защищение Церкви нашея притекший, в гонениих же, мучениих и злоключениих от богоборец и еретик бывших к Богу вопиял еси: Аллилуиа.
Икос 3Имея серафимскую любовь ко Господу твоему, подражателю древних и новых отец был еси. В мирстем чине Антонием наименованный, Антонию Великому в созерцании и доброделании подражал еси. В монашестем же чине Онуфрием нареченный, Афонскому пустыннику Онуфрию в нестяжании и чистей молитве возревновал еси. Богословцем устремляяся быти, святому епископу Феофану Затворнику стараньми изрядными в слове, писании и житии уподоблялся еси. Мы же, видя сии подвиги и труды твоя, с верою взываем ти таковая:
Радуйся, учителю наш, благодатию преисполненный;
радуйся, и до ныне мир сей ученьми твоими преиспещренный.
Радуйся, не токмо словом, но и житием твоим концы земли удививый;
радуйся, в темничных узех и горьких работех себе терпеливца безроптива явивый.
Радуйся, со инеми святии иерарси и богословцы мучения претерпевый;
радуйся, радость велию неотыменную сими мученьми стяжавый.
Радуйся, мучители твоя на тя распыхахуся ликом светлейшим твоим устрашивый;
радуйся, разбойницы и убийцы, ликом сим сияющим к покаянию призвавый.
Радуйся, ратоборец на нечистыя страсти себе уставивый;
радуйся, и нас в пост противу всякаго зла, яко стражей души поставивый.
Радуйся, блудники и прелюбодейцы к Богу обративый;
радуйся, и нас во гресех наших каятися неложно научивый.
Радуйся, священномучениче Онуфрие, земли Хабаровския всемощный покровителю и изрядный к Богу молитвенниче.
Кондак 4Бурю внутрь имея помышлений сумнительных, како простит и помилует Бог землю Русскую и люди Своя, веру Христову попраша и ко идолем обратишася, наипаче же иерарси и пастырие, яже чистоту правоверия оставиша и паству свою напрасно мучителем предаша. Ты же, яко пастырю добрый и рабе верный, с новомученики земли нашея воспел еси Богу: Аллилуиа.
Икос 4Слышаша и видеша скорби многи и злы паствы твоея, ревностный поборник и защититель людей твоих явился еси, ко еретики и отступники взывавый, начальники же безбожныя обличавый. Но яко адаманта Соломонова твердейший и стали Дамасковы крепчайший, призвал еси люди твоя пети тебе, взывая сице:
Радуйся, душу и тело за други твоя положивый;
радуйся, денно и нощно за враги твоя Бога моливый.
Радуйся, писаньми твоими Слово Божие изъяснивый;
радуйся, иконы твоими храмы Божия украсивый.
Радуйся, глад, нищету и болезни благодарне терпевый;
радуйся, и самыя жизни отъятие с благодарением приявый.
Радуйся, бедных и гладных небесный питателю;
радуйся, матерей и чад их от скорбей избавителю.
Радуйся, во гресех пребывающих Божий печальниче;
радуйся, чающих спасения от грехов священный заступниче.
Радуйся, миру христианскому доброе утешение;
радуйся, людем дальневосточным верное охранение.
Радуйся, священномучениче Онуфрие, земли Хабаровския всемощный покровителю и изрядный к Богу молитвенниче.
Кондак 5Богосветлое светило, миру явленное, поставлен бысть в Киеве граде во архиерея Божия во дни лютых гонений и бед, не убоявся служения сего страшнаго и преславного. Мантию восприим владычню яко хитон Христов нешвенный, омофор прияше яко пастырь овчате горохищного заблудшаго, жезл вземше, яко посох благовестия апостольскаго. Токмо седмицу едину в сане епископстем служити сподобивыйся, безбожными стражи заключенный в темницу лютую. Мы же взирающе на стояние твое неколеблемо в вере православней, вопием Богу и Спасителю нашему: Аллилуиа.
Икос 5Видевше ангели Божии пленение твое от зверонравных и удивишася, како любовию к соузникам твоим в темнице исполненный. Послужив тамо ближним твоим, раны духовныя врачуя и оскудевающия верою восполняя. Мы же зряще смирение твое и милосердие, восхваляем тя немолчно песньми таковыми:
Радуйся, страданием за Христа прославленный;
радуйся, яко и Крымский исповедниче Луко страдание возлюбивый.
Радуйся, яко пророка Божия многия словеса твоя исполнишася;
радуйся, православнии людие за сии прозрения твоя тя прославиша.
Радуйся, от скверны безбожных деяний храм Святыя Троицы молитвами твоими избавивый;
радуйся, храми мнози Святыя Руси на земли служением твоим равноангельным небесы соделавый.
Радуйся, яко убийцы твоя в темницах злобою дышуща ничтоже по слову твоему возмогоша устроити.
Радуйся, разбойника на тя с секирою пришедшаго облобызавый и во Христа Бога привлекий уверовати;
радуйся, людие мнозии благословением твоим от тяжких болезней свободивый;
радуйся, и нам богатныя чудесы исцелений по прославлении твоем даровавый.
Радуйся, наша прошения к тебе неложно исполняющий;
радуйся, наша молитвы к Богу чудесно возводящий.
Радуйся, священномучениче Онуфрие, земли Хабаровския всемощный покровителю и изрядный к Богу молитвенниче.
Кондак 6Проповедника избранного веры Христовы, тя величаем святый Онуфрие богопросвещенне. Не токмо словесы, но и писаньми твоими красоту истины миру явивый и торжество Православия всем показавый. По градех и весех земли нашея путь мученический прошедый и веровати нас не токмо сердцем, но и деяньми научивый. Покровителем градов богоспасаемых Елизаветграда, Криваго Рога, Харькова, Одессы, Стараго Оскола, Курска, Красноярска, Тюмени, Тобольска, а в последния дни и Хабаровскаго края явился еси, всеблаженне. Мы же видя апостольския труды твоя и болезни, взываем к Богу: Аллилуиа.
Икос 6Возсиял еси яко солнце ярчайшее в земли нашей, Онуфрие, светлостию души твоея и лика твоего неверие разоряя. К Церкви законней еретики и раскольники привлекл еси, верныя же люди в православии укрепляя. Гонения лютыя ни во что же вменил еси, путь мучений до конца одолевая. Мы же таковому дерзновению твоему дивящеся зовем немолчно:
Радуйся, к посту православному не токмо в пищи и питии, но и яко стоянию в духовней стражи от всякого зла нас подвигнувый;
радуйся, молитве ко Христу Богу не токмо усты, но и яко водительству Божиему в житии нас научивый.
Радуйся, женскую лесть яко Исаак целомудренный отразивый;
радуйся, блудную страсть яко Даниил в рове со скимнами укротивый.
Радуйся, пустыннику земли афонстей Онуфрию ревностный подражателю;
радуйся, древних мученик пламенный последователю.
Радуйся, новых свидетелей Церкви Христовы сподвижниче;
радуйся, невинных страдальцев за Церковь Христову сотаинниче.
Радуйся, светлостию лика своего безбожныя удививый;
радуйся, духовною сладостию речей своих неведущия Бога просветивый.
Радуйся, новый бессребренниче мир победивый;
радуйся, имение свое во имя Христа истощивый.
Радуйся, священномучениче Онуфрие, земли Хабаровския всемощный покровителю и изрядный к Богу молитвенниче.
Кондак 7Ходатай пред Богом за человеки явился еси во времена тяжкая, на кийждо бо день молился еси Владыце Христу, да сохранит люди Своя от губительства безбожных. Вкупе же с тобою в храмех Божиих и людие мнози молящеся и кающеся, да помилует Бог землю Русскую, вопиюще Ему: Аллилуиа.
Икос 7Новыя гонения воздвигоша демони на Церковь Русскую, избра тя Господь от земли Холмския и Санкт-Петербургския на проповедь Божия Слова, да противостанеши ересем и расколом, а наипаче безбожным мучителем народа нашего. Во иночестве и священнодействии укрепляемь, от Господа и Ангелов похваляемь, и святым Онуфрием Великим покрываем, гонителей не убоялся еси, святителю. Мы же за таковое твое величие взываем ти сице:
Радуйся, великаго Онуфрия научению свыше внимавый;
радуйся, и от его благодати в постриге иночестем почерпавый.
Радуйся, бедным и крова лишенным неленостно послуживый;
радуйся, их Тайнами Христовыми причастивый.
Радуйся, преподобного Серафима благоговейный почитателю;
радуйся, блаженныя Ксении смиренный молитвенниче.
Радуйся, во святей Херсонстей земли послуживый;
радуйся, тамо чудесы Божии восприимый.
Радуйся, матери своея сыне добрый и послушливый;
радуйся, ея от отчаяния и самогубства молитвами твоими избавивый.
Радуйся, во отчаянии сущих небесный покровителю;
радуйся, в грех самогубства углебающих скорый спасителю.
Радуйся, священномучениче Онуфрие, земли Хабаровския всемощный покровителю и изрядный к Богу молитвенниче.
Кондак 8Странно бе видети тя в рубищи, гладе и болезнех, священномучениче Онуфрие, вместо одеяний и довольств архиерейстих, и в истязаниих лютых от безбожных враг. Но радости и отрады духовныя от Господа не отлучивыйся, Сам же Господь утешаше тя, достоблаженне. Мы же, зряще о тебе таковое попечение Спасителево, с радостию воспеваем Ему: Аллилуиа.
Икос 8Весь быв любве ко Господу и святым Его исполненный, поношения и гонения не убоялся еси, но на путь исповедания веры со дерзновением восшел еси. Ненавидящии же веру православную и служителей ея днем и нощию тя стрежаху и пышуще злобой искаху, да погубят тя нагло. Мы же ужасающеся велией крепости духа твоего, поем ти таковая:
Радуйся, радостию благодатною во иночестве облагоуханный;
радуйся, сею радостию ко бранем противу супостат призванный.
Радуйся, мир, долготерпение и кротость Христову стяжавший;
радуйся, жестосердие, гнев и нечистоту силой Христовой поправший.
Радуйся, от разбойников и убийц чудесно избавленный;
радуйся, на покаяние разбойничо Господом в молитве наставленный.
Радуйся, добрейшаго служения нежели пастырскаго и архиерейскаго не познавый;
радуйся, в сем служении усердие апостольское и мученическое стяжавый.
Радуйся, с проповедию твоею во вся концы Церкве Православныя прошедый;
радуйся, драхм драгоценных мириады бесчисленныя в пути сем нашедый.
Радуйся, волю Божию непрестанно искавый и обретый;
радуйся, и нас ко исполнению воли сея неустанно зовый.
Радуйся, священномучениче Онуфрие, земли Хабаровския всемощный покровителю и изрядный к Богу молитвенниче.
Кондак 9Вся лета живота твоего Господеви моляся, богоискателю святый Онуфрие, крестоношение и злострадание приемше. Молитвою же и пощением и трудами твоими кротость и миролюбие стяжал еси, власти же Диоклетиановыя лютейши смиренно терпел еси. Мы же, видя таковое злострадание и долготерпение твое, взываем милосердому Богу: Аллилуиа.
Икос 9Вития чудный среди гонений явился еси Церкви Православней, с апостолом Павлом взывал еси: "Горе мне аще не благовествую". Словом твоим благодатным неверныя к вере привлекл еси, и безбожныя к Богу обратил еси. Мы же славяще таковыя труды твоя и болезни вопием ти:
Радуйся, иго Христово от самыя юности кротко понесый;
радуйся, бремя Христово до самыя смерти не отвергий.
Радуйся, грешных сомолитвенниче преславный;
радуйся, праведных соработниче преусердный.
Радуйся, в темницех заточенных тихая крепосте;
радуйся, на одрех болезней пребывающих светлая радосте.
Радуйся, за скорби и гонения Господа возблагодаривый;
радуйся, за раны и болезни Христа возлюбивый.
Радуйся, скорбящих молитвы скоро приемлющий;
радуйся, болящих раны и язвы быстро врачующий.
Радуйся, края нашего надежда и утешение;
радуйся, области нашея чудное прозябение.
Радуйся, священномучениче Онуфрие, земли Хабаровския всемощный покровителю и изрядный к Богу молитвенниче.
Кондак 10Спасителя Бога верный избранниче, святителю отче Онуфрие, путю спасительному паству твою научивый и противу козней бесовских возстати повелевый, изшел еси бесстрашно на крест Голгофский. Яко Спаситель твой пострадал еси даже до крове и яко Бог твой вознеслся еси от земли на небо. Мы же прославляюще прославление твое поем Христу Спасителю нашему: Аллилуиа.
Икос 10Стена нерушимая веры православныя, Онуфрие досточудне, во градех и весех земли нашея просветился еси. Служением дерзновенным подобен Павлу апостолу явился еси: люди неведующия Бога научая, верным же путь спасения указуя, писаньми твоими, богодухновенне, весь мир облистал еси. Мы же радующеся тебе зовем немолчно:
Радуйся, Елисаветграда дивная радосте;
радуйся, Криваго Рога духовная сладосте.
Радуйся, Одессы чудное украшение;
радуйся, Харькова верное укрепление.
Радуйся, Тобольска святое сияние;
радуйся, Тюмени молитвенное стояние.
Радуйся, Оскола Древняго умиление;
радуйся, Белограда и Курска увеселение.
Радуйся, Красноярска благодатное посещение;
радуйся, Кудымкара духовное озарение.
Радуйся, края Хабаровскаго мученическое прозябение;
радуйся, всего Дальняго Востока велие прославление.
Радуйся, священномучениче Онуфрие, земли Хабаровския всемощный покровителю и изрядный к Богу молитвенниче.
Кондак 11Пение ангельское слышаше, любомудре, егда еще в юности болезнь тяжкую посла ти Господь для спасения. И яко преподобному Серафиму прииде ти исцеление благодатное. Сего ради познавше святую волю Божию, да послужиши Христу и Церкве Его нераздельне до смерти, смерти же крестныя. Видяще таковое серафимское служение твое, Богу воспоим: Аллилуиа.
Икос 11Свещею горящею посреде мира безбожнаго поставлен быв, Онуфрие, да просветиши всяческая. Радости мирския отверглся еси, радости же Божественныя прилепился еси. Триединаго Бога возлюбил еси душею твоею, и мысльми, и всем житием твоим. Бог же, яко к возлюбленному Своему, прииде к тебе и обитель сотвори в души твоей, место вселения Своего тамо содела по словеси Своему. Мы же с любовию радостно поем тебе, преподобне:
Радуйся, Отца Небеснаго сыне возлюбленный;
радуйся, волю Его до конца исполнивый.
Радуйся, Божия Сына верный апостоле;
радуйся, Церкве Его земный ангеле.
Радуйся, Духа Святаго вместилище;
радуйся, Духом Святым претерпевый узилища.
Радуйся, наше Богу Отцу предстояние;
радуйся, Хлеба насущнаго от Него раздаяние.
Радуйся, Христа даже до смерти послушниче;
радуйся, христиан во всем мире споспешниче.
Радуйся, даров Духа Святаго носителю;
радуйся, о церквах Божиих святый попечителю.
Радуйся, священномучениче Онуфрие, земли Хабаровския всемощный покровителю и изрядный к Богу молитвенниче.
Кондак 12Божественная благодать излияся обильно от икон твоих, новомучениче Онуфрие, слышиши бо прошения и точиши обильно исцеления. Мы же предстояще пред иконою твоею, молимтися усердно: буди нам в скорбех помощниче, в болезнех заступниче, веры утверждение, душ увеселение, да прославим и мы, грешнии, с собором новомученик и исповедник земли Русския о тебе славимаго Бога: Аллилуиа.
Икос 12Поюще непрестанно на земли Божественныя щедроты Владычни, смиренно просим тя, святый Онуфрие, яко сподобльшагося даров небесных и нетленных: в Царствии Божии предстоиши пред Лицы Святыя Троицы, предстательствуй за нас в молитвах своих к Богу, да ходатайствы твоими услышими будем и да кровьми твоими от грехов наших оправдани явимся. И ныне в покаянии склоняюще выя сердец наших, умиленно поем ти:
Радуйся, святителю чудный и медоточный;
радуйся, пастырю добрый и светлозрачный.
Радуйся, ересей и расколов врачевателю;
радуйся, болящих грехами целителю.
Радуйся, жезл правости святительския;
радуйся, меч проповеди апостольския.
Радуйся, младенцев небесное попечение;
радуйся, юных кроткое вразумление.
Радуйся, иночества велие украшение;
радуйся, супружества доброе назидание.
Радуйся, немощных в старости укрепление;
радуйся, всех верных к вечности уготовление.
Радуйся, священномучениче Онуфрие, земли Хабаровския всемощный покровителю и изрядный к Богу молитвенниче.
Кондак 13О, святый священномучениче Онуфрие, мира христианского похвало и Церкве православныя утверждение! Услыши пение сие наше похвальное и благослови ны. Вкупе же с новомученики и исповедники земли нашея, моли всемилостиваго Бога, да наставит ны в заповедех Своих, да покрыет ны от всякия скорби, зол и болезней, а наипаче от душетленных грехов, ересей и расколов свободит ны. Буди нам пастырю добрый и неусыпный, страсти наша врачующий и болезни наша исцеляющий. Мы же славяще Торжество Православия, в соборе новомученик Церкви явленное, с ними вопием Богу: Аллилуиа.
МолитваО, всеблаженный и кроткий исповедниче, святителю и новомучениче Онуфрие! Услыши сие малое моление наше, с верою и любовию тебе ныне возносимое, призри на житейския скорби наша, помози в нуждах наших и прошениих, исцели болезни наша телесныя же и душевныя! Яко истинный воин Христа Бога, побори борющия ны силы бесовския, яко светильник, Господом на свещнице поставленный, освяти путь жития нашего, яко пастырь великий и милостивый, прости нам прегрешения наша. Просим тя прилежно: умоли всемилостиваго Бога, да не разлучит ны от Себе грех ради наших и да не помянет беззаконий наших первых, но по милости Своей да предварит ны во Царствии Своем, яко Отец чада заблудшия! О, святый Онуфрие досточудне, буди нам ходатаю пред Богом верный и праведный, да ходатайством твоим внидем в радость Господа Иисуса со всеми новыми мученики и исповедники земли нашея, славящими Всесвятую Троицу всегда, ныне и присно, и во веки веков. Аминь.