Молитва над кутиею, в память умерших

[ustavschik]

Го́споди Бо́же наш, упова́ние всем призыва́ющим Тя, и позна́вшим и́мя Твое́ пресвято́е, я́же в па́мять Твое(я́)го́ почи́вш(ия)аго раб(ы́)а́ (и́мя рек), во Святе́й Це́ркви Твое́й предложе́нная се́мена благослови́. И е(я́)го́ же ра́ди сия́ принесе́на суть на ло́но Авраа́мле, и во стране́ живо́тней всели́. Ослабле́ние то(й)му́ и согреше́нием проще́ние пода́ждь. Ей, Влады́ко, е(я́)го́ челове́ческую не́мощь све́дыи, и тоя́ удо́бь паде́жное. Не вни́ди в суд с рабо́(ю)м Тво(е́ю)и́м, е́же с ве́рою к Тебе́, и наде́жею пресе́льше(й)муся. Дая́и нам твори́ти во святы́ни за́поведи Твоя́, и е́же то(я́)го́ творя́щим успе́ние, досто́йно изволе́ние подава́й. Я́ко Ты еси́ усо́пшим воскресе́ние и живо́т и поко́й, Христе́ Бо́же наш, и Тебе́ сла́ву возсыла́ем, со безнача́льным Ти Отце́м, и с Пресвяты́м, благи́м и Животворя́щим Ти Ду́хом, ны́не и при́сно и во́ веки веко́м. Ами́нь.

Источник: Панихидник. М.: издание Старообрядческой Митрополии, 1994. С. 232.