Служба преподобноисповеднику Борису Ташкентскому
Ко дню преставления приснопамятного исповедника веры архимандрита Бориса (Холчева) выкладываю в «Уставные заметки» бденную службу, составленную в чаянии прославления подвижника в лике святых.
Служба преподобному Борису исповеднику
На велицей вечерне
На Господи, воззвах: стихиры, глас 4.
Подобен: Званный свыше:Егда Божественное звание, / чрез преподобнаго Нектария явленное, / прииде на тя, богомудре отче Борисе, / тогда вся мирская мудрования оставив, / Вышних взыскуя, / невозвратно Христу последовал еси; / крест священничества на рамо взем, / вкупе со священномучеником Сергием и иными, / яко верный ученик старца Московскаго Алексия, / в богослужении и окормлении паствы ревностно подвизался еси. / Темже ныне достойно со святыми наставники твоими Троицу воспеваеши присно; / Юже моли даровати спасение верою чтущим тя.
Егда Божественное рачение / найде на тя, блаженне отче Борисе, / тогда Святым Духом движимь, / Христа пред отступники исповедал еси; / заточение, изгнание и болезни многия претерпе, / бодрость духа и сострадание к ближним во всяких обстояниях сохраняя, / к полку новомученик и исповедник волею сопричтался еси; / с нимиже ныне вкупе пред Лицем Божиим предстоиши во славе / и молиши даровати Православныя веры утверждение / и душам нашим спасение.
Егда Божественное желание / достиже тя, преславне отче Борисе, / тогда затворничество во изгнании остави, / в дальней стране Азиатстей неведущим Бога проповедал еси, / от тьмы тех к свету богоразумия настави, крещением породив. / Клевету и иныя козни вражеския поправше, собор благолепен во граде Ташкенте возведе, / молитвами и поучении храмы душевныя неустанно созидаше. / Темже и венцем небесным Христос, / Емуже неленостно поработал еси, венча тя; / Егоже моли спасти и просветити души наша.
Слава, глас 6:Днесь созывает нас преподобнаго отца и исповедника торжество; / приидите убо, празднолюбцы, / светло празднуем в память его, глаголюще: / радуйся, светильниче многосветлый, / возводя ко Христу множества просвещенных тобою; / радуйся, града Ташкента и всея земли нашея похвало и удобрение, / и всех верных благоутишное пристанище и крепосте; / радуйся за Христа претерпети узы и раны сподобивыйся, / с Нимже ныне присно пребываеши в радости, / Егоже моли, отче благомудре Борисе, / избавити ны от видимых и невидимых враг / и спасти души наша.
На литии стихиры, глас 1:Силе благодати от уст твоих исходящей, / вси внимающии словесем твоим дивляхуся, / и тобою проповедаемому Христу от души вероваша: / Егоже моли, премудре отче Борисе, / спастися нам, священное твое торжество совершающим.
Божие величие богодухновенно воспе, / к познанию во Святей Троице Единаго Бога многия язычники и богоотступных сынове привел еси, / потрудитися над преображением своея души понуждая; / аще вся силы направити ко очищению сердца потщитеся, - рече, / - чада Божии возлюбленнии наречетеся. / Темже и мы, духовныя чада твоя, / яко наставника благочестия любовию воспевающе молим тя: / научи ны выну пред лицем Божиим ходити.
Слава, глас 6, самогласен:Наста, исповедниче Борисе, светлейший солнца твой праздник, в прославлении твоем; с праведным Алексием и священномучеником Сергием и всеми святыми Российския земли, в храме, идеже ты послужил еси, ликующе воспеваем тя. И ныне вкупе с ними молися ко Господу, спастися душам нашим.
На стиховне стихиры, глас 8:Смерть не присуща природе человека, / аще бо и грехом вошла еси в мир; / привременно есть велие и страшное таинство / рассечения естества на душу и тело; / не обленимся же, о братие, в делании духовном, / внидем в клеть сердечную, / испытавше себе, устремимся всею душею к Вечному; / - тако призываеши, отче, предавшихся духовному водительству твоему.
Обитель Божия - душа человеча грехми осквернися; / приложим, братие, труды во еже очистити ю: / Христос бо на сие даде нам благодать и силу; / - возгреем решимость, укрепляемии тобою, преподобне, / приуготовим ю покаянием и трезвением / предстати чисту пред Сотворшим вся.
Непостижную тайну воскресения, / яко воскрешение тела и воссоединение его с духом, / просто изъяснил еси, старче, / понуждая коегождо по совести исполнити назначение свое, / завет любве со Христом на жертвеннике сердца заключити, / путем покаяния к недостижимому на земли совершенству тещи; / дабы безпрепятственно сквозе врата смертная / достигнути чаемых Небесных обителей.
Слава, глас 4.
Подобен: Яко добля:Взыскующих Христа окормитель и кормчий, / столп православия и веры поборник, / ты, старче богомудре Борисе, апостольски взывал еси: / ничтоже ны разлучит от любве Божия; / худшее, братие, покорим лучшему и плоть поработим духу. / Темже явися светильник Церкве, не под спудом, но на свещнице поставлен; / да прославят Бога вси видящии дела твоя.
Тропарь, глас 8:Наследниче благодати старцев оптинских и праведнаго Алексия явился еси, / гонения мужественно претерпе, преподобне отче Борисе исповедниче. / Землю Ташкентскую многими труды уплодоносил еси, / ко Христу, источнику жизни, приведя жаждущия спасения. / Егоже и ныне моли спастися нам.
Ин тропарь, глас 2:В молитвах теплый заступниче / и просящим скорый послушателю, / отче исповедниче Борисе, / приими моление наше, / и Христа Бога моли помиловати нас, / тя во святых русских прославляющих.
На утрени
По 1 стихословии седален:В духе Евангельских заповедей воспитав свою душу, от юности явился еси делателем неленостным на ниве Христовой, избранниче Божий преподобне отче Борисе, все упование на Единаго Бога возложив, благодатию тебе данною преуспел еси во учении и доброделании.
Слава и ныне, Богородичен:Радость яко родившая, плач мне подаждь, имже Божественное утешение, Владычице, в будущем дни обрести возмогу.
По 2 стихословии седален:Мужественное показал еси души твоея мудрование, / человеческое разумение оставль, / Высшей Премудрости ум, волю и чувство покорил еси; / темже вшедше в Небесная, / просвети, отче, благодарным сердцем тя восхваляющия.
Слава и ныне, Богородичен:Препояши мя силою Всечистая, яже воистинну Богу рождши плотию, Отчую Ипостасную силу.
По полиелее седален:Евангельское учение о Царствии Божии, иже внутрь души человечестей должно утвердитеся, неразумеющим ясно изьяснил еси, стрелами глагол твоих поражая ленивыя и теплохладныя; воздвигни и ны подвизатися во брани невидимой.
Слава и ныне, Богородичен:Ни слово, ни разум, ни всякая мудрость человеческая Твое не возмогут рождество разумети и воспети достойно, но страхом приклоншеся ужасаемся величию Твоему, Непорочная.
По 50 псалме стихира, глас 6:Таинственны пути Божественнаго призвания: / како разумеем сие, / глас Господень како восприимем? / Ты же услыша зов Божий, / абие оставих вся во вслед Христу идоша, / верный рабе и друже Христов, / преподобне отче Борисе исповедниче; / моли и нам стяжати мужество побороти плотския страсти / и лестныя помыслы присно побеждати, / дабы достойно приуготовити ся ко сретению со Христом.
Канон, глас 4
Песнь 1Ирмос: Колесницы фараоновы и силу его / вверже в море крепкий во бранех. / Воспоем песнь новую, яко прославися.
Даждь ми светозарную благодать, от Божественнаго свыше промышления, избежати страстей омрачения и пети усердно твоего, преподобне отче Борисе исповедниче, жития красная исправления.
Приклоншеся Христовым Божественным законом, сладостей стремления от млада отвратившеся, всякую добродетель всеблагоговейно, яко едину, исправил еси.
Всем сердцем притекл еси Христу, изначала спасительный узкий путь избравше, и пустынных отец житию поревновавше, чисте совершающе Единаго Учителя Божественныя заповеди.
Богородичен: Светлый Тя и святый храм Владыки всех, Богоотроковице, с лики безплотных воспеваю радостно, без истления Бога Слово рождшую.
Песнь 3Ирмос: Лук сильных изнеможе, / и немощствующии препоясашеся силою, / сего ради утвердися в Господе сердце мое.
Сияние святости преподобнаго Нектария, яко свет фаворский пронзи сердце твое огнем Божественным, егоже потщався не угаси, но на свещнице возвыси, даже и дальния Азиатския страны свет той достигл еси.
Вслед Христа последовал еси радующеся, носящи крест свой на раме, исповедниче прехвальный; мучителей бо не убоявся, силою Креста укрепляемь.
Землю Ташкентскую яко апостольский жребий приемши, Христа проповеданием, неустанною молитвою, собора возведением и благоустроением, светолепно украсил еси.
Богородичен: Надеждо и Предстательство Тебе поющих, яко Владычица Чистая, Пречистая Богородице Дево, едина Всепетая, моли во еже спастися нам.
Седален, глас 8:Молитвами твоими, отче преподобноисповедниче Борисе, возстави ум и волю, помраченнии страстьми, да в разум приидем и завет со Христом нелицемерным покаянием обновим.
Богородичен:Непостижимаго Бога, Сына и Слово, несказанно паче ума рождшая, моли, Заступнице наша, Богородице, согрешений дати нам прежде конца прощение, и Царствия Небеснаго достигнути.
Песнь 4Ирмос: Сей Бог наш от Девы воплощся / и естество обожив, / Егоже воспевающе, вопием: / слава силе Твоей, Господи.
Яко соние, яко цвет, время жития течет, что всуе мятемся? - вопрошаеши отче, ко обновлению души силою покаяния призывающе.
Востаните, трезвитеся, близ при дверех Судия есть, - взывал еси, старче благомудрый, ко отвращающимся от благочестия, - да не изыдите осуждени в муку вечную.
Последующе наставлению твоему, отче, паче поста смирением потщимся изменити душу, - истинное бо смирение сетей свободно лукаваго.
Богородичен: Ни слово, ни разум, ни мудрость человеческая не возмогут Твое рождество разумети, Непорочная, но спасаемии Тобою радостно вопием: слава воплощшемуся от Тебе.
Песнь 5Ирмос: Возсияй ми, Господи, свет повелений Твоих, / яко к Тебе дух мой утренюет и поет Тя: / Ты бо еси Бог наш, / и к Тебе прибегаю, Царю мира.
Рассеянного жития моего губительное течение исправи, старче мудрый Борисе; покаяния бо и трезвения ты еси таинник и делатель на ниве Христове преизрядный.
Имея тя помощника, старче, неленностно потрудимся, братие, приуготовим ся вечности, законы Царствия Небеснаго: Богообщения, любви и чистоты - молитвою, незлобием и целомудрием в сердце утвердим.
Преподобне Борисе, отеческая похвало, не престай моляся, предстоя Троице Пребожественней, даровати разум и силу зрети и побеждати страсти душевныя, предстателя тя Божественнаго, призывающим.
Богородичен: Неизмерна глубина любве и милосердия Твоего, Мати Божия и человеческаго рода Заступница верная, не остави до конца в бездне прельщений погибающих, ко пристанищу спасительному таинств церковных направи.
Песнь 6Ирмос: Морское рыдание, Христе, Ионино / подражаяй, зову Ти: / живот мой от ада прегрешений возведи, / да во храме славы Твоея / со гласом хваления пожру Ти.
Содержим аз есмь бурею и треволнением согрешений; но сам мя, наставниче, якоже и паству маросейскую в бедственныя времена упасл еси, силою молитв твоих ко пристанищу Божественнаго покаяния возведи.
Обратися, покайся, открый сокровенная, глаголи Богу, вся ведущему, тайная твоя; да подаст ти силу победити плотския страсти, - тако заповеда творити старец богомудрый.
Егоже возлюбил еси, Егоже возжелел еси, Егоже ради гонения претерпел еси, исповедниче отче Борисе, моли ныне Христа от незаходимых глубин греха и отчаяния нас избавити.
Богородичен: Пречистая Владычице, Богородительнице, Надеждо к Тебе притекающих и Пристанище сущих в бури, Милостиваго и Создателя и Сына Твоего умилостиви молитвами Твоими.
Кондак, глас 8:Огнь святости старцев оптинских преобрази душу твою светом фаворским, / образ жизни духовныя от праведнаго Алексия восприяша, с Сергием священномучеником потрудился еси, возводя вся к Божественней высоте. / Яко злато в горниле страданий очищен, земли дальния Азиатския украшение явился еси; / темже молим тя: молитвами твоими от всяких ны бед спасай, да зовем ти: / радуйся, преподобне отче Борисе богомудре.
ИкосКако познаем тайну святости твоея, преподобне отче и исповедниче? В мире, враждующем на Христа и Церковь Святую Его, сыновом избивших пророки како мощно проповедати Христа распятаго? Глумления, насмешки, тайную вражду како терпети достойно; тишину и любовь в сердце к безумным богопротивником како сохранити? Токмо евангельски возлюбив, и разум Божественный превыше всего поставив, благоразумевающе о непостижимых тайнах промысла и неизследованней глубины милосердия Отеческаго. Темже, покланяющеся неведомому нами подвигу твоему, вопием ти сице:
Радуйся, от Бога богатно талантами одаренный; радуйся, сторицею тии умноживый.
Радуйся, оптинских светоносных отцев воспреемниче; радуйся, старца Алексия Московскаго учениче.
Радуйся, пострадати за Христа сподобивыйся; радуйся, с новомученики ныне ликовствуеши.
Радуйся, землю Ташкентскую учением Христовым напоивый; радуйся, людем во тьме седящим, свет старчества явивый.
Радуйся, завет с Богом возобновляти побуждавый; радуйся, трезвению в духовной жизни научавый.
Радуйся, молитвою со одра смертнаго возставивый; радуйся, верность Христу до конца сохранивый.
Радуйся, преподобне отче Борисе, богомудре.
Песнь 7Ирмос: Юноши три в Вавилоне, / веление мучителево на буйство преложше, / посреде пламени вопияху: / благословен еси, Господи, / Боже отец наших.
Яко дерзновение имый ко Господу, исповедниче и преподобне, разрешение от уз лицемерия, тщеславия, самомнения помози обрести молитвами твоими, да сокрушенным сердцем воспоим: благословен еси, Господи, Боже отец наших.
Яже в мире мужественно поправше временная вся, бодрствовал еси в молитве, воине непобедиме отче, ныне же ликуеши с воинствы Ангельскими, воспевающе: благословен еси, Господи, Боже отец наших.
Добродетельною твоею силою, верою крепкою, терпением многим, светоносне старче, приятелище был еси Святаго Духа, славяще сице: благословен еси, Господи, Боже отец наших.
Богородичен: Яко роса найде на Тя Дух Свят, и не опали чрева Твоего, Пречистая, огнь Божества, и роди Сына - всех Бога; Емуже поем: благословен еси, Господи, Боже отец наших.
Песнь 8Ирмос: Всяческая носяй неприступною Твоею силою, Христе, / преподобныя Твоя отроки в пламени оросил еси, зовущия: / благословите вся дела Господня Господа.
Сиянием добродетелей озаривше ум, отче Борисе славне, благоугодну жертву Богови, словесное служение принесл еси, благодарно поя: благословите вся дела Господня Господа.
Скорбную и тесную шествовав стезю, высотою добродетелей уяснивше душу, Небесную достигл еси жизнь некончаемую, идеже Свет безконечный есть Христос, со ангелы поеши: благословите вся дела Господня Господа.
Буди, отче честный, заступник непобедим, избави от отчаяния и малодушия, укрепи в преданности воле Благой мольбами твоими ко Господу, поющих: благословите вся дела Господня Господа.
Богородичен: Поем Тя, величаем Тя, покланяемся Ти, Пречистая, яко Безначальныя Троицы породила еси Единаго Христа Бога, темже отверзла еси нам, сущим на земли, Небесная.
Песнь 9Ирмос: Безсеменное Рождество Твое, Богородице Чистая, / Христа Бога нашего / песньми немолчными величаем.
Виждь скорби душевныя, милосердый пастырю, совесть осквернену и стенание сердца, виждь самомнением лукавым утесненную душу, и воздвигни ю ко исправлению ходатайствы твоими ко Господу.
Славы текущия и тленныя возгнушався, богомудре, славу и жизнь наследовал еси блаженную; Христа моли сохранити верность Ему и нам, совершающим ныне всесвятую память твою.
Радости исполни сердца наша, богоблаженне отче, во еже пети и славити прославльшаго тя Христа Жизнодавца; Егоже непрестанно величаем.
Богородичен: Радуйся, Богоприятная утробо, радуйся, Престоле Господень, радуйся, Мати жизни нашея, Тя непрестанно величаем.
Светилен:Благодатию, давшеюся тебе, презре лукавство законопреступныя власти, злобное рыкание, проповедию Евангельскою возгремел еси, апостольскому всесветлому лику ревнующи, Христов избраниче Борисе, землю Ташкентскую Божественным словом возделавше, семена веры насади; приносиши плоды Ему и до ныне.
Богородичен:Радуйся, Престоле огнезрачный, радуйся, светильниче свещеносный, радуйся, горо освященная, ковчеже Жизни, святая святых превысшая.
На хвалитех стихиры, глас 5:Во всяком обстоянии, болезни и печали, / предавати себе в руце Божии заповедал еси, отче; / призывати Заступницу усердную со Ангелом хранителем / и святых, ихже любовию почитаем; / ныне же тя прославляюще в лике святых, / отче преподобне Борисе, молим: / простри руце помощи всем просящим ю.
Укрепляйте души ваша, / за скорби благодаряще Златоустаго гласом, / - и действенно познаете силу в немощи совершающуюся, / - глаголы сими и молитвою твоею крепкою / изнемогающих в терпении возставлял еси, / любовию движимь, старче.
Неизбежный путь скорбей пройдем с верою несумненною / и преданностию ко Спасителю нашему, / молитвенника тя имея светоносне старче, преподобне отче Борисе исповедниче; / ведуще, яко претерпевши Голгофу, / достигнем и светлыя некончаемыя радости Воскресения.
Преподобнии отцы оптинстии, светообразнии явистеся, / яко светила озаряющии всю подсолнечную, / ты же избранниче Божий, отче Борисе, / от света того Божественнаго яко свеча возжегся, / азиатом бо, таже и во тьме богопротивления воспитанным, / к просвещению во Христе послужил еси.
Слава: глас 8:Приидите вси вернии, / восхвалим единаго от собора новоисповедников Российския земли, / сквозе огнь гонений пронесшаго любовь Христову, / силою духа превозмогшаго немощи плоти; / пастыря мудраго и старца прозорливаго, / проповедника и богослова, / молитвенника и чудотворца; / благодаряще Всесильнаго Бога, / даровавшаго нам, якоже и в древняя времена, / сего несокрушимаго ревнителя Православия, / надежнаго защитника, крепкаго предстателя и помощника: / святаго Бориса преподобноисповедника.
Служба преподобному Борису исповеднику
На велицей вечерне
На Господи, воззвах: стихиры, глас 4.
Подобен: Званный свыше:Егда Божественное звание, / чрез преподобнаго Нектария явленное, / прииде на тя, богомудре отче Борисе, / тогда вся мирская мудрования оставив, / Вышних взыскуя, / невозвратно Христу последовал еси; / крест священничества на рамо взем, / вкупе со священномучеником Сергием и иными, / яко верный ученик старца Московскаго Алексия, / в богослужении и окормлении паствы ревностно подвизался еси. / Темже ныне достойно со святыми наставники твоими Троицу воспеваеши присно; / Юже моли даровати спасение верою чтущим тя.
Егда Божественное рачение / найде на тя, блаженне отче Борисе, / тогда Святым Духом движимь, / Христа пред отступники исповедал еси; / заточение, изгнание и болезни многия претерпе, / бодрость духа и сострадание к ближним во всяких обстояниях сохраняя, / к полку новомученик и исповедник волею сопричтался еси; / с нимиже ныне вкупе пред Лицем Божиим предстоиши во славе / и молиши даровати Православныя веры утверждение / и душам нашим спасение.
Егда Божественное желание / достиже тя, преславне отче Борисе, / тогда затворничество во изгнании остави, / в дальней стране Азиатстей неведущим Бога проповедал еси, / от тьмы тех к свету богоразумия настави, крещением породив. / Клевету и иныя козни вражеския поправше, собор благолепен во граде Ташкенте возведе, / молитвами и поучении храмы душевныя неустанно созидаше. / Темже и венцем небесным Христос, / Емуже неленостно поработал еси, венча тя; / Егоже моли спасти и просветити души наша.
Слава, глас 6:Днесь созывает нас преподобнаго отца и исповедника торжество; / приидите убо, празднолюбцы, / светло празднуем в память его, глаголюще: / радуйся, светильниче многосветлый, / возводя ко Христу множества просвещенных тобою; / радуйся, града Ташкента и всея земли нашея похвало и удобрение, / и всех верных благоутишное пристанище и крепосте; / радуйся за Христа претерпети узы и раны сподобивыйся, / с Нимже ныне присно пребываеши в радости, / Егоже моли, отче благомудре Борисе, / избавити ны от видимых и невидимых враг / и спасти души наша.
На литии стихиры, глас 1:Силе благодати от уст твоих исходящей, / вси внимающии словесем твоим дивляхуся, / и тобою проповедаемому Христу от души вероваша: / Егоже моли, премудре отче Борисе, / спастися нам, священное твое торжество совершающим.
Божие величие богодухновенно воспе, / к познанию во Святей Троице Единаго Бога многия язычники и богоотступных сынове привел еси, / потрудитися над преображением своея души понуждая; / аще вся силы направити ко очищению сердца потщитеся, - рече, / - чада Божии возлюбленнии наречетеся. / Темже и мы, духовныя чада твоя, / яко наставника благочестия любовию воспевающе молим тя: / научи ны выну пред лицем Божиим ходити.
Слава, глас 6, самогласен:Наста, исповедниче Борисе, светлейший солнца твой праздник, в прославлении твоем; с праведным Алексием и священномучеником Сергием и всеми святыми Российския земли, в храме, идеже ты послужил еси, ликующе воспеваем тя. И ныне вкупе с ними молися ко Господу, спастися душам нашим.
На стиховне стихиры, глас 8:Смерть не присуща природе человека, / аще бо и грехом вошла еси в мир; / привременно есть велие и страшное таинство / рассечения естества на душу и тело; / не обленимся же, о братие, в делании духовном, / внидем в клеть сердечную, / испытавше себе, устремимся всею душею к Вечному; / - тако призываеши, отче, предавшихся духовному водительству твоему.
Обитель Божия - душа человеча грехми осквернися; / приложим, братие, труды во еже очистити ю: / Христос бо на сие даде нам благодать и силу; / - возгреем решимость, укрепляемии тобою, преподобне, / приуготовим ю покаянием и трезвением / предстати чисту пред Сотворшим вся.
Непостижную тайну воскресения, / яко воскрешение тела и воссоединение его с духом, / просто изъяснил еси, старче, / понуждая коегождо по совести исполнити назначение свое, / завет любве со Христом на жертвеннике сердца заключити, / путем покаяния к недостижимому на земли совершенству тещи; / дабы безпрепятственно сквозе врата смертная / достигнути чаемых Небесных обителей.
Слава, глас 4.
Подобен: Яко добля:Взыскующих Христа окормитель и кормчий, / столп православия и веры поборник, / ты, старче богомудре Борисе, апостольски взывал еси: / ничтоже ны разлучит от любве Божия; / худшее, братие, покорим лучшему и плоть поработим духу. / Темже явися светильник Церкве, не под спудом, но на свещнице поставлен; / да прославят Бога вси видящии дела твоя.
Тропарь, глас 8:Наследниче благодати старцев оптинских и праведнаго Алексия явился еси, / гонения мужественно претерпе, преподобне отче Борисе исповедниче. / Землю Ташкентскую многими труды уплодоносил еси, / ко Христу, источнику жизни, приведя жаждущия спасения. / Егоже и ныне моли спастися нам.
Ин тропарь, глас 2:В молитвах теплый заступниче / и просящим скорый послушателю, / отче исповедниче Борисе, / приими моление наше, / и Христа Бога моли помиловати нас, / тя во святых русских прославляющих.
На утрени
По 1 стихословии седален:В духе Евангельских заповедей воспитав свою душу, от юности явился еси делателем неленостным на ниве Христовой, избранниче Божий преподобне отче Борисе, все упование на Единаго Бога возложив, благодатию тебе данною преуспел еси во учении и доброделании.
Слава и ныне, Богородичен:Радость яко родившая, плач мне подаждь, имже Божественное утешение, Владычице, в будущем дни обрести возмогу.
По 2 стихословии седален:Мужественное показал еси души твоея мудрование, / человеческое разумение оставль, / Высшей Премудрости ум, волю и чувство покорил еси; / темже вшедше в Небесная, / просвети, отче, благодарным сердцем тя восхваляющия.
Слава и ныне, Богородичен:Препояши мя силою Всечистая, яже воистинну Богу рождши плотию, Отчую Ипостасную силу.
По полиелее седален:Евангельское учение о Царствии Божии, иже внутрь души человечестей должно утвердитеся, неразумеющим ясно изьяснил еси, стрелами глагол твоих поражая ленивыя и теплохладныя; воздвигни и ны подвизатися во брани невидимой.
Слава и ныне, Богородичен:Ни слово, ни разум, ни всякая мудрость человеческая Твое не возмогут рождество разумети и воспети достойно, но страхом приклоншеся ужасаемся величию Твоему, Непорочная.
По 50 псалме стихира, глас 6:Таинственны пути Божественнаго призвания: / како разумеем сие, / глас Господень како восприимем? / Ты же услыша зов Божий, / абие оставих вся во вслед Христу идоша, / верный рабе и друже Христов, / преподобне отче Борисе исповедниче; / моли и нам стяжати мужество побороти плотския страсти / и лестныя помыслы присно побеждати, / дабы достойно приуготовити ся ко сретению со Христом.
Канон, глас 4
Песнь 1Ирмос: Колесницы фараоновы и силу его / вверже в море крепкий во бранех. / Воспоем песнь новую, яко прославися.
Даждь ми светозарную благодать, от Божественнаго свыше промышления, избежати страстей омрачения и пети усердно твоего, преподобне отче Борисе исповедниче, жития красная исправления.
Приклоншеся Христовым Божественным законом, сладостей стремления от млада отвратившеся, всякую добродетель всеблагоговейно, яко едину, исправил еси.
Всем сердцем притекл еси Христу, изначала спасительный узкий путь избравше, и пустынных отец житию поревновавше, чисте совершающе Единаго Учителя Божественныя заповеди.
Богородичен: Светлый Тя и святый храм Владыки всех, Богоотроковице, с лики безплотных воспеваю радостно, без истления Бога Слово рождшую.
Песнь 3Ирмос: Лук сильных изнеможе, / и немощствующии препоясашеся силою, / сего ради утвердися в Господе сердце мое.
Сияние святости преподобнаго Нектария, яко свет фаворский пронзи сердце твое огнем Божественным, егоже потщався не угаси, но на свещнице возвыси, даже и дальния Азиатския страны свет той достигл еси.
Вслед Христа последовал еси радующеся, носящи крест свой на раме, исповедниче прехвальный; мучителей бо не убоявся, силою Креста укрепляемь.
Землю Ташкентскую яко апостольский жребий приемши, Христа проповеданием, неустанною молитвою, собора возведением и благоустроением, светолепно украсил еси.
Богородичен: Надеждо и Предстательство Тебе поющих, яко Владычица Чистая, Пречистая Богородице Дево, едина Всепетая, моли во еже спастися нам.
Седален, глас 8:Молитвами твоими, отче преподобноисповедниче Борисе, возстави ум и волю, помраченнии страстьми, да в разум приидем и завет со Христом нелицемерным покаянием обновим.
Богородичен:Непостижимаго Бога, Сына и Слово, несказанно паче ума рождшая, моли, Заступнице наша, Богородице, согрешений дати нам прежде конца прощение, и Царствия Небеснаго достигнути.
Песнь 4Ирмос: Сей Бог наш от Девы воплощся / и естество обожив, / Егоже воспевающе, вопием: / слава силе Твоей, Господи.
Яко соние, яко цвет, время жития течет, что всуе мятемся? - вопрошаеши отче, ко обновлению души силою покаяния призывающе.
Востаните, трезвитеся, близ при дверех Судия есть, - взывал еси, старче благомудрый, ко отвращающимся от благочестия, - да не изыдите осуждени в муку вечную.
Последующе наставлению твоему, отче, паче поста смирением потщимся изменити душу, - истинное бо смирение сетей свободно лукаваго.
Богородичен: Ни слово, ни разум, ни мудрость человеческая не возмогут Твое рождество разумети, Непорочная, но спасаемии Тобою радостно вопием: слава воплощшемуся от Тебе.
Песнь 5Ирмос: Возсияй ми, Господи, свет повелений Твоих, / яко к Тебе дух мой утренюет и поет Тя: / Ты бо еси Бог наш, / и к Тебе прибегаю, Царю мира.
Рассеянного жития моего губительное течение исправи, старче мудрый Борисе; покаяния бо и трезвения ты еси таинник и делатель на ниве Христове преизрядный.
Имея тя помощника, старче, неленностно потрудимся, братие, приуготовим ся вечности, законы Царствия Небеснаго: Богообщения, любви и чистоты - молитвою, незлобием и целомудрием в сердце утвердим.
Преподобне Борисе, отеческая похвало, не престай моляся, предстоя Троице Пребожественней, даровати разум и силу зрети и побеждати страсти душевныя, предстателя тя Божественнаго, призывающим.
Богородичен: Неизмерна глубина любве и милосердия Твоего, Мати Божия и человеческаго рода Заступница верная, не остави до конца в бездне прельщений погибающих, ко пристанищу спасительному таинств церковных направи.
Песнь 6Ирмос: Морское рыдание, Христе, Ионино / подражаяй, зову Ти: / живот мой от ада прегрешений возведи, / да во храме славы Твоея / со гласом хваления пожру Ти.
Содержим аз есмь бурею и треволнением согрешений; но сам мя, наставниче, якоже и паству маросейскую в бедственныя времена упасл еси, силою молитв твоих ко пристанищу Божественнаго покаяния возведи.
Обратися, покайся, открый сокровенная, глаголи Богу, вся ведущему, тайная твоя; да подаст ти силу победити плотския страсти, - тако заповеда творити старец богомудрый.
Егоже возлюбил еси, Егоже возжелел еси, Егоже ради гонения претерпел еси, исповедниче отче Борисе, моли ныне Христа от незаходимых глубин греха и отчаяния нас избавити.
Богородичен: Пречистая Владычице, Богородительнице, Надеждо к Тебе притекающих и Пристанище сущих в бури, Милостиваго и Создателя и Сына Твоего умилостиви молитвами Твоими.
Кондак, глас 8:Огнь святости старцев оптинских преобрази душу твою светом фаворским, / образ жизни духовныя от праведнаго Алексия восприяша, с Сергием священномучеником потрудился еси, возводя вся к Божественней высоте. / Яко злато в горниле страданий очищен, земли дальния Азиатския украшение явился еси; / темже молим тя: молитвами твоими от всяких ны бед спасай, да зовем ти: / радуйся, преподобне отче Борисе богомудре.
ИкосКако познаем тайну святости твоея, преподобне отче и исповедниче? В мире, враждующем на Христа и Церковь Святую Его, сыновом избивших пророки како мощно проповедати Христа распятаго? Глумления, насмешки, тайную вражду како терпети достойно; тишину и любовь в сердце к безумным богопротивником како сохранити? Токмо евангельски возлюбив, и разум Божественный превыше всего поставив, благоразумевающе о непостижимых тайнах промысла и неизследованней глубины милосердия Отеческаго. Темже, покланяющеся неведомому нами подвигу твоему, вопием ти сице:
Радуйся, от Бога богатно талантами одаренный; радуйся, сторицею тии умноживый.
Радуйся, оптинских светоносных отцев воспреемниче; радуйся, старца Алексия Московскаго учениче.
Радуйся, пострадати за Христа сподобивыйся; радуйся, с новомученики ныне ликовствуеши.
Радуйся, землю Ташкентскую учением Христовым напоивый; радуйся, людем во тьме седящим, свет старчества явивый.
Радуйся, завет с Богом возобновляти побуждавый; радуйся, трезвению в духовной жизни научавый.
Радуйся, молитвою со одра смертнаго возставивый; радуйся, верность Христу до конца сохранивый.
Радуйся, преподобне отче Борисе, богомудре.
Песнь 7Ирмос: Юноши три в Вавилоне, / веление мучителево на буйство преложше, / посреде пламени вопияху: / благословен еси, Господи, / Боже отец наших.
Яко дерзновение имый ко Господу, исповедниче и преподобне, разрешение от уз лицемерия, тщеславия, самомнения помози обрести молитвами твоими, да сокрушенным сердцем воспоим: благословен еси, Господи, Боже отец наших.
Яже в мире мужественно поправше временная вся, бодрствовал еси в молитве, воине непобедиме отче, ныне же ликуеши с воинствы Ангельскими, воспевающе: благословен еси, Господи, Боже отец наших.
Добродетельною твоею силою, верою крепкою, терпением многим, светоносне старче, приятелище был еси Святаго Духа, славяще сице: благословен еси, Господи, Боже отец наших.
Богородичен: Яко роса найде на Тя Дух Свят, и не опали чрева Твоего, Пречистая, огнь Божества, и роди Сына - всех Бога; Емуже поем: благословен еси, Господи, Боже отец наших.
Песнь 8Ирмос: Всяческая носяй неприступною Твоею силою, Христе, / преподобныя Твоя отроки в пламени оросил еси, зовущия: / благословите вся дела Господня Господа.
Сиянием добродетелей озаривше ум, отче Борисе славне, благоугодну жертву Богови, словесное служение принесл еси, благодарно поя: благословите вся дела Господня Господа.
Скорбную и тесную шествовав стезю, высотою добродетелей уяснивше душу, Небесную достигл еси жизнь некончаемую, идеже Свет безконечный есть Христос, со ангелы поеши: благословите вся дела Господня Господа.
Буди, отче честный, заступник непобедим, избави от отчаяния и малодушия, укрепи в преданности воле Благой мольбами твоими ко Господу, поющих: благословите вся дела Господня Господа.
Богородичен: Поем Тя, величаем Тя, покланяемся Ти, Пречистая, яко Безначальныя Троицы породила еси Единаго Христа Бога, темже отверзла еси нам, сущим на земли, Небесная.
Песнь 9Ирмос: Безсеменное Рождество Твое, Богородице Чистая, / Христа Бога нашего / песньми немолчными величаем.
Виждь скорби душевныя, милосердый пастырю, совесть осквернену и стенание сердца, виждь самомнением лукавым утесненную душу, и воздвигни ю ко исправлению ходатайствы твоими ко Господу.
Славы текущия и тленныя возгнушався, богомудре, славу и жизнь наследовал еси блаженную; Христа моли сохранити верность Ему и нам, совершающим ныне всесвятую память твою.
Радости исполни сердца наша, богоблаженне отче, во еже пети и славити прославльшаго тя Христа Жизнодавца; Егоже непрестанно величаем.
Богородичен: Радуйся, Богоприятная утробо, радуйся, Престоле Господень, радуйся, Мати жизни нашея, Тя непрестанно величаем.
Светилен:Благодатию, давшеюся тебе, презре лукавство законопреступныя власти, злобное рыкание, проповедию Евангельскою возгремел еси, апостольскому всесветлому лику ревнующи, Христов избраниче Борисе, землю Ташкентскую Божественным словом возделавше, семена веры насади; приносиши плоды Ему и до ныне.
Богородичен:Радуйся, Престоле огнезрачный, радуйся, светильниче свещеносный, радуйся, горо освященная, ковчеже Жизни, святая святых превысшая.
На хвалитех стихиры, глас 5:Во всяком обстоянии, болезни и печали, / предавати себе в руце Божии заповедал еси, отче; / призывати Заступницу усердную со Ангелом хранителем / и святых, ихже любовию почитаем; / ныне же тя прославляюще в лике святых, / отче преподобне Борисе, молим: / простри руце помощи всем просящим ю.
Укрепляйте души ваша, / за скорби благодаряще Златоустаго гласом, / - и действенно познаете силу в немощи совершающуюся, / - глаголы сими и молитвою твоею крепкою / изнемогающих в терпении возставлял еси, / любовию движимь, старче.
Неизбежный путь скорбей пройдем с верою несумненною / и преданностию ко Спасителю нашему, / молитвенника тя имея светоносне старче, преподобне отче Борисе исповедниче; / ведуще, яко претерпевши Голгофу, / достигнем и светлыя некончаемыя радости Воскресения.
Преподобнии отцы оптинстии, светообразнии явистеся, / яко светила озаряющии всю подсолнечную, / ты же избранниче Божий, отче Борисе, / от света того Божественнаго яко свеча возжегся, / азиатом бо, таже и во тьме богопротивления воспитанным, / к просвещению во Христе послужил еси.
Слава: глас 8:Приидите вси вернии, / восхвалим единаго от собора новоисповедников Российския земли, / сквозе огнь гонений пронесшаго любовь Христову, / силою духа превозмогшаго немощи плоти; / пастыря мудраго и старца прозорливаго, / проповедника и богослова, / молитвенника и чудотворца; / благодаряще Всесильнаго Бога, / даровавшаго нам, якоже и в древняя времена, / сего несокрушимаго ревнителя Православия, / надежнаго защитника, крепкаго предстателя и помощника: / святаго Бориса преподобноисповедника.